逸逸居 (嘉湖海逸酒店)

营业中

休息中

大年初二，買簡單的外賣晚餐。平日外賣有特價小菜外賣，現在新春沒有特賣，但外賣仍有八折。上湯波士頓龍蝦伊麵$288這龍蝦伊麵分量十足，真的有原隻龍蝦！龍蝦雖然係波士頓，大大隻，啖啖肉，肉質彈牙又入味，幾鮮美。加上伊麵索哂上湯，十分滑溜，又沒有油味，入滿滿上湯滋味，真滿足！拔絲鮮菠蘿咕嚕肉$108這咕嚕肉十分脆香，而且啖啖肉，肥瘦剛剛好，唔會一口肥膏，加上炸皮不厚，醬汁酸酸甜甜的，加埋鮮菠蘿，好吃。這一天的晚餐味道不錯。

今日想食中午茶，但係ttown既茶樓又好多人等位，於是就黎左銀座既呢間茶樓試試，中午一點黎到，佢完全唔洗排隊就入得。其實佢張枱上面都有一啲污漬唔係太乾淨，不過都唔理喇叫咗嘢食先🤔雙拼燒肉燒鵝米線一黎到見到係脾位都幾開心，點知食落去d皮都幾幾厚下，冇咩香味🥲。而個燒肉就唔錯，皮脆肉嫩。😀脆燒鱔小食個汁都幾濃味， 其實同鰻魚嘅口感真係好相似😂 質素還好啦！小籠包唉，呢個小籠包，一睇樣就已經知出事。個皮成個菜肉包咁厚，咬落去又係得肉冇汁，根本稱唔上係小籠包😑千奇唔好叫呢樣！蟹籽燒賣佢嘅外貌都好一般，不過咬落去味道又唔錯，有得就咁單叫2粒，可以過下口癮😁菜苗鮮蝦餃成餐呢個最滿意，皮薄餡都好新鮮， 菜同蝦嘅比例均勻，可以一試！總結而言， 飲茶嘅話其實天水圍都有好多選擇，呢一間真係算水平比較偏低嘅一間， 其實之前試過佢嘅晚市小菜係唔錯，而且仲會送糖水🤔 但睇嚟佢嘅點心質素比較欠奉。

一開始發現成粒飯痴在茶杯上，餐具根本未洗乾淨。  請部長更換一套，他一言不發拿走餐具，十分沒禮貌。蘿蔔絲酥餅手工很差，一夾就散，味道又怪。無論如何，永遠永遠不會再幫襯！

小菜菜式不錯 食物素質還好 適合一家大細黎食 但職員人數唔算多 黎食晚飯既話 要等比較長時間好想試佢地既冬瓜盅 可惜數量得好少 無得試岩哂一家大細黎食團圓飯 慢慢坐低食飯傾計！

見佢openrice 無咩好評 要幫佢平反下先!首先係因為比佢可以坐6人一枱呢個賣點吸引左而黎左呢度既!佢前身係客家好棧,換左新面目後第一次黎食!原本見無咩評價都不抱期望!點知又幾有驚喜wor!首先要讚下呢度d呀姐服務態度細心有禮!門外已同我地有講有笑,點菜又細心提醒我地唔好搞錯兩款既龍蝦伊麵。我地6人點左一個波龍上湯伊麵,冬瓜盅,紅燒豆腐同福建炒飯。4樣味道都好好味特別係前3者!波龍彈牙又又夠大 夠我地6人分 冬瓜盅新鮮整 入面帶子同蝦都好鮮甜! 個湯好好飲,豆腐亦一點不油 外脆內嫩!埋單都係130一位 新裝修完好光猛同新淨 坐得非常舒服呀!已約朋友下次6人黎飲茶了😋😋😋

復活節假嘅第一日，諗住返呀豬媽屋企食飯，點知佢地提議出街食，因為早兩日食過，極力推薦咕嚕肉，話要帶豬一齊食多次😆好啦好啦～陪下你地🤭呢間逸逸居環境唔錯，坐得幾舒適，樓底高，夠光猛，餐具都乾淨，冷氣充足。菜式多，唔算貴豬大哥負責order今晚嘅菜，4餸一湯加，有：花膠豆腐海鮮煲，有蝦仁、帶子、珊瑚蚌、冬菇、花膠同炸豆腐，煲底墊上小棠菜，菜仍然保持鮮嫰，證明火喉控制岩岩好。豆腐炸得夠脆，裏面好滑身；花膠滑嘟嘟，彈牙無腥味，整個菜式味道唔會鹹。燒鵝（例牌），份量幾多，皮咬落去都有d油香，但唔算好脆，一上枱隻燒鵝唔夠熱辣辣，肉質都算鮮嫰。拔絲鮮菠蘿咕嚕肉，呢個係成家人最推薦嘅菜式，簡直係衝住佢而黎😂賣相唔錯喔，有青椒、紅椒、菠蘿，色彩繽紛，夾起咕嚕肉真係可以拉出絲。放入口非常香脆，而咬落去肉質軟腍，做到外脆內軟。而每一件都沾上醬汁，醬汁嘅酸甜度調較恰到好處，所以唔會太漏，送飯一流。蝦醬通菜牛肉，豬本身都唔太喜歡蝦醬，覺得太鹹了，但牛肉炒得幾腍嘅，冇過火。（只試左少少，未能再評價）湯係沙參玉竹煲龍骨湯，料子好多，望落非常足料，可惜飲落真係失望，只飲到胡椒粉味。雖然沙參玉竹味道清而淡，但諗住有龍骨

OK啦，過年就貴的，好食就得，服務就無勿要求，全部阿嬸待應，講勿都大大聱好似街市都幾嘈，我就話過佢講野细聲的。呢間野全部同行二維碼都唔用得，求其比張你寫，你明啦

去到接待處，淨係講左句我地幾位，個呀姐態度勁差，西曬面咁😡😡咩事呀家陣！！本身點心上得好慢，理解可能廚房都好忙，所以叫左個炒鳥冬，好耐無上都無催，過左半個鍾問職員係咪漏單，真係漏左單😡😡😡😡😡咁既服務，正宗俾錢買難受！！！！！真係無下次😡😡😡

之前幫襯過一次 覺得性價比高 再次幫襯 見不斷見到 有人走埋去就有座位 自己攞張排位飛 隔離左右都成堆人等位 半粒鐘都係無動靜 但就不斷見有人埋單走人 又有人入去就有位 櫃位度等左成粒鐘無動靜咩操作 會員制？ 去樓上都係咁多人排隊 但等五分鐘都唔使以後唔會再幫襯

落單$55 點心拼盤$9.8 蝦餃 兩籠$17 下午茶蒜蓉春卷$24.8 燒鴨河$52 星洲炒米星洲炒米就無黎到$17蒜香春卷 好好食$9.8 蝦餃係正常嘅 只係胡椒粉多左少少$24.8燒鴨河 燒鴨幾好 河同個湯都非常一般$55 點心拼盤 入邊兩隻蝦餃係臭嘅 燒賣有少少「鞋」 蜂巢糕唔錯 叉燒包比較甜3個人食total $1582人限聚下 我地3個人 reception 姐姐都安排得好好 可以安排到坐隔離台。睇價錢食野囉 新酒樓可以俾多少少嘅進步空間

星期一飲下午茶，兩個人$157，飲水仙。原本個位係客家好棧，宜家變做逸逸居。下午茶時間都好多人等位，好旺。等左20分鐘就入座。可惜燒味粉麵無得雙拼，係有些不足。點左燒肉好脆好味~點心紙有三張。兩個人叫左七樣，加埋燒肉米線無影，係有d多不過都食曬！蝦餃燒賣各$9.8一份兩粒，所有野都不過不失，另外多左卡位間隔，多左空間暢所欲言，呢個價錢坐得舒服，都值！