影片
以上资料只供参考，请与餐厅确认详情
唔错，性价比高嘅火锅选择。$148就食到和牛，牛肉好味，每位有两碟牛肉再加任食火锅料，虽然牛肉唔系好多，但可以食吓丸子都唔错。真心推介牛丸同宽粉其实lunch 嚟讲真系好满足。不过60分钟有少少赶。。。
继续阅读
今日见新开火锅店，又唔洗排队，满心期待，如其名入去吃到饱，点知，失望到一个点🥲公道讲环境宽敞，但木质椅唔算坐得舒服。饮品多选题，但挽救唔到非一般既服务同食材嘅差。🤦🏻♀️服务方面唔关店员质素事，系佢规条诸多限制，每次只可选8款食物，每隔4分钟先可再叫。要多张湿纸巾要多收$2。我叫咗E餐，御选，$308/位我选咗香浓白汤，话浓厚汤头，满满骨胶原，但嚟到汤底无乜味，好稀，无感受过胶质，货不对板🙃牛小排、安格斯肥牛、牛五花，份量少，肉雪得有D硬，牛既质素一般。海鲜方面，虾无鲜味，青口、蚬、鱿鱼差到一个点，有沙唔弹牙，海鲜绝不能称得上合格。🤦🏻♀️蔬菜类正常，鱼滑、虾滑一般。丸类好一般，猪肉丸尤其难吃，一大阵雪藏味。鸭血正常。甜品好失望，😣无雪糕之余，雪耳糖水好稀，我最爱既芋圆好粉唔Q弹，得豆腐花、啫喱正常D。总括来说系一次差既体验，可能如其名吃到饱，一肚气同裹腹的饱，无食物质素可言，唉！☹️
继续阅读
喺OpenRice搜寻康城有啲咩好食 咁啱见到有间台式火锅 谂住去试吓 去到大约6:30左右 见到入边冇乜人 心谂真系着数 唔使等位😌点知原来唔使等位系有原因🫠见佢澳洲和牛𠮶个set 啲牛肉好似好靓 咁就直接食呢个餐 点知 啲牛肉好似雪左成个世纪咁 而且仲会有啲系有黑色边嘅 个品质完全唔似系和牛品质 每一碟嘅份量都好少 而且佢100分钟限时 但系每次落单只能够选择八样嘢 下一次落单要等4分钟 所以其实根本唔能够食到好多 外面自助区嘅选择唔多 仲要试过几次啲菜冇晒都冇人补🫨环境卫生都系麻麻 有乌蝇亦都有蚊 饮品选择唔多 仲要好多系纸包饮品🧐埋单唔知点解有discount 两个人食咗$590 连埋+1 但系咁嘅质素同埋环境 真系冇下次😅
继续阅读
餐厅提供6款100分钟放题供食客选择。今次食左C套餐。同大多餐厅一样，食客要用手机点餐。有趣的系，系统set左每次只能order 8项食物，而且每次order要相隔3分钟。虽然有限制，但要赞下佢哋嘅上菜速度好快。头几转order 有刻意留意吓时间，大约一分钟就上齐。而且，店员亦做到频频收碟，令食客有舒适的枱面空间食嘢！👍🏻👍🏻👍🏻至于食物，总括不过不失。💁🏻♀🥬🥩🍤 🙅🏻♀⚪️🔘蔬菜肉类滑都好食，但丸类就好一般。猪肉丸、鱼旦都几难食。饮品就有好多选择。甜品可惜无雪糕，只有雪柜任拎的糕、mobile order 的红豆芋圆仙草和豆腐花 (当日sold out)。试左仙草，唔甜，比较一般，因为份量细，所以食下无妨😃
继续阅读
今日入咗康城探朋友，朋友知我钟意打边炉，带我去咗间新放题火锅，见佢个lunch价钱都好平吓㖞，玩到$58 自助区任食任饮 😂 即刻入去试1试，环境都几舒服，麻辣汤 中规中矩，唔太辣，问咗staff可唔可以加辣，佢话冇得加辣🥺不过汤底配料都几足料，鸭血好味😋好滑，所以我同朋友都追住食，出面配菜都大众化，可惜冇蟹柳 豆腐 沙拉丸，肉嘅质数都唔错，都唔会话纸咁薄，饮品都几多选择，上汤底会比埋1壶高汤你可以自己加汤，staff都会主动帮我哋换汤壶，服务都唔错👍🏻 甜品出奇地冇雪糕😨，不过就有芋圆红豆凉粉 豆腐花，桂花糕，椰汁糕，椰汁糕拨打好有椰香味，我同朋友每人都食咗3件 😁 埋单都只系2百零蚊，真心抵！可以再嚟 ～ 😌
继续阅读