通達食店

营业中

休息中

通達真係好多年冇嚟過，從前久不久會去，但漸漸地油麻地真的很多選擇，就將他忘記了⋯⋯今天到油麻地地鐵站，突然滂沱大雨，大雨到有傘都會濕，於是決定走進通達醫醫肚，反正有點肚餓。一進入店，被這兩張狗狗沙龍相吸引著，相信這兩隻約瑟狗是店主的愛犬吧！那笑容真的很甜美⋯⋯拿起張點餐紙看看，之後再拿起那本餐牌再看看，但很快就放低，因為餐牌實在立痴痴，所以都是決定是但求其吃⋯⋯生菜魚肉湯$35~先講魚肉切粒粒樣子真有趣，打破傳統，切粒粒，像是給小朋友吃！老實說，筆者是一個老派人，還是懷念童年時看著那些大叔，拿著一把小刀，一團團的片著一大碟魚肉膠，功架十足，魚肉團團肉片落那一大盆上湯，現在看見粉粒魚肉，從前魚肉湯的形象已不再⋯⋯桌上可以自行落胡椒、麻油。味道中規中矩，未見驚喜。牛腩撈麵$48~麵煮得太腍，反觀牛腩又未夠腍，三樣當中，牛筋比較吸引。支裝豆漿$12整體來說很久沒有到訪，食物和從前相比，已有一些距離。

## 食評：旺角的快快脆脆晚餐放工後，我同老婆去旺角食晚餐，佢選擇咗以前試過覺得好味嘅魚蛋店。今次叫咗小吃拼盤同埋車仔麵。### 食物評價**車仔麵**：我選擇咗沙嗲味湯底，配豬大腸同墨魚丸。雖然沙嗲湯底偏淡，但墨魚丸同豬大腸都好味，所以值得一試。**小吃拼盤**：有腸粉、魚蛋同燒賣。因為之前試過佢嘅辣味咖喱魚蛋偏辣，今次選擇唔辣嘅。魚蛋有一點雪藏味，如果唔用辣醬掩蓋，味道有啲差。而燒賣亦有雪藏同凍肉嘅味道，味道差距明顯。腸粉質素還好，配搭甜醬、麻醬同豉油，味道都幾好。### 總結整體來講，性價比唔錯，兩個人$70多元就能食飽，雖然有啲小缺點，但整體滿意，值得再來！

之前都有經過多次, 但每次見都好多人☺️都有d好奇😜🤔敢多人係咪好好食呢🤪今日唔夠時間試車仔麵, 叫左4條腸粉加咖喱魚蛋同一枝豆腐😂😘😍, 本身想飲少少, 想要杯装豆漿, 但得熱, 我又怕不夠時間😄, 都係要枝裝凍, 再之後送來腸粉加咖喱魚蛋, 賣相好靚仔, 拮舊腸粉食先😆, 好滑好滑👍👍加埋d醬汁同芝麻, 食落好香好香😀, 真係有驚喜, 再之後食咖喱魚蛋, 唔算好辣, 食落好香, d醬汁剛剛好, 唔會好咸好結身, 連d魚蛋都幾好食, 唔會好硬好實, 都好軟身👍👍, 二個都有驚喜, 就算係豆漿, 雖然係取貨返來, 但唔甜有豆味, 店員同疑似老細的收銀員態度好好, 有禮貌, 唔會大鼻好招積好串🤣🤣, 等我下次來試下佢d車仔麵先😍😘

去完花墟買嘢，走去花園街逛一逛，好多店舖都唔同哂. 行到通達門口已經2點，有啲肚餓，雖然經過通達好多次，今次是第一次入去食嘢. 叫了燒賣（$13）及韭菜餃麵（$49）. 燒賣的質感有啲似小時候食的燒賣，但係燒賣嘅靈魂（豉油）完全不合格😮‍💨，攪到粒燒賣好一般. 韭菜餃麵有四粒韭菜餃，西生菜及烏冬，湯底落了麻油，都幾香，而韭菜餃就普普通通.見好多食客叫油渣麵及腸粉，下次要試一試.

今日去到花園街嘅通達。平時經過油麻地嗰間都未試過。 店內好多上年紀嘅公公婆婆。我都係點油渣麵。咁一定係比較傳統嘅味道。 點了單3分鐘就出場 先試一個湯底 他的辣菜譜是比較辣那種 我都係勉強可以食得到 一口粉有湯加菜譜。湯底清味好香濃。雖然配火腿有點怪。 但是鹹鹹地又幾夾 再試他的豬油渣。份量也很多。 是比坊間的大條。 不是脆那種。 而是吸了湯那一種。 另外10分讚的是那些冬菇。 大大片。 好腍吸晒湯嘅精華。這間下次也會再試。 傳統的油渣麵也算大碗好吃

間中想念的味道❤️大家嘅心目中有冇啲嘢食，一段時間冇食就會掛住呢😋呢間由學生時代就開始幫襯嘅小食店，我最愛就係佢嘅油渣麵。雖然好多人都係幫襯佢門口嘅魚蛋燒賣，但我最念念不忘嘅都係佢嘅豬油渣。久不久嚟到油麻地就會心思思想食🤭雖然佢唔係最好食，而且今次嘅豬油渣炸得有啲燶有啲苦澀味，但食完成碗都會非常滿足。有啲嘢食喺心目中始終有一定嘅地位，間中就會想念🐷🤑性價比：8/10🤤色香味：7/10🐖邪惡度：8/10🤗推薦度：7/10

通達食店開店悠久～！經開旺角、油麻地附近的話…都會過黎買1、2串魚蛋食下😂😂買完就企係門口食😂.佢既辣汁同其他鋪頭唔一樣..係佢哋獨有既味道咁！！當然都可以自己加豉油、甜醬嗰啲～.魚蛋雖然唔係陳皮魚蛋..😌😌但佢既口感QQ的..唔會太軟～都唔錯～！！.魚蛋$13-6粒！！燒賣$13-5粒！！雖然係呢區可能唔係特別平～！呢啲小店環境都唔會特別好。但有陣時食嘅…就係一種情懷🙂‍↕️🙂‍↕️🙂‍↕️

呢間真係好有地道風味嘅一間食肆嚟嘅！不過係呢度只收現金㗎，所以記住唔好唔記得帶錢出嚟，唔然就會好唔方便啦；第二樣就係服務態度方面，只能話麻麻哋，唔會好到邊，但都唔算太差嘅。再同大家講下佢哋嘅出品啦，佢哋嘅魚丸同燒賣都係 13 蚊一份。嗰個辣魚丸真係超級正！味道好濃郁，咬落去彈牙得嚟，又充滿嗰種香辣嘅味道，食落去真係好過癮。至於燒賣呢，我自己就覺得普通啦，冇咩好突出嘅地方，就普普通通嘅味道，唔算好驚喜，但都好食嘅。

幼面加咗魚蛋嘅話，個湯會有啲辣辣哋，但呢個辣好過癮，同湯嘅鮮味配合得一絕。魚蛋每粒都好彈牙，咬落去卜卜聲，真係好正！我最鐘意嘅仲係嗰個幼面，條條面都掛滿咗湯汁，入口軟綿又有咬口，一啖面再嚟啖湯，哇，真係好好食，食完好滿足，一試就愛上！我每次去食都要追加一份面，真係食唔夠！

通達食店有兩間分店，本身去到旺角分店，但竟然摸門釘，唯有轉移陣地去到油麻地嘅通達食店啦！不過，油麻地分店除咗無炸魚餅之外，呢度嘅油渣麵絕對係比旺角分店差少少，但今日真係好想食油渣麵，所以照殺啦！油麻地通達食店嘅油渣麵雖然麻麻，但呢度嘅咖喱魚蛋一向都好出色，每次嚟到油麻地地鐵站，都會心思思想督返串通達嘅咖喱魚蛋。不過，以前嘅辣汁好似濃啲惹味啲，辣到要去對面買杯珍珠奶茶飲；但今日感覺完全唔入味，非常失望。唔知由幾時開始，通達食店變成炸豬油渣。雖然大部份人都鍾意食炸過嘅豬油渣，貪佢口感脆卜卜，但我就係鍾意以前Q彈嘅版本。但講到底，呢碗油渣麵最吸引我嘅反而係佢嘅辣菜甫，好惹味架！其他配料仲有火腿同冬菇絲，至於麵底就係上海粗麵，但我始終覺得旺角分店係好食啲！

油麻地呢間通達食店係學生年代已經有幫襯，不過佢既魚蛋好似好多人推薦，就再試真啲佢先😌🐷食後感：辣魚蛋又唔係好辣🌶️，旺角最好食既魚蛋？我覺得有其他選擇😅我都係鍾意幫襯佢既豬油渣麵多啲🐽🤑性價比：8/10🤤色香味：7/10🐖邪惡度：4/10🤗推薦度：6.5/10

凡事在香港長大的老香港，必定最熟悉油尖旺的掃街熱點。往日的街邊檔消失了，剩下來還有這間街邊小食小店。我每次到旺角油麻地都必定想起他，今次來吃一番回憶的小食。腸粉是必須吃的，當中醬料還必須要加花生醬、甜醬和豉油；另外辣魚蛋是必須吃的，他的辣味不是咖喱的辣，而是地道的辣，所以千萬別錯過；最後當然要來過燒賣。這三寶是必備的，但是吃完後，已經不能再吃其他如魚肉生菜等小吃。終極就必須要加$9喝過香港人最喜歡的凍檸檬茶或凍奶茶或凍鴛鴦。

就在油麻地地铁站A2出口，很多人排队、推荐辣鱼蛋真的很好吃，价格适中里面还有位置坐，鱼蛋只接受现金💰支付，辣鱼蛋越吃越过瘾，听说云吞也好吃、下次去试一下，面食的话我觉得没什么惊艳

我勁鍾意食呢度魚蛋同燒賣仲有粢飯啊但係嚟咗預咗 門口姐姐 有啲惡睇清楚先點餐 唔好耽誤佢時間如果俾我揀，我會去旺角花園街嗰間我覺得比較好食 雖然原料一樣但係嗰邊可能冇咁多人 呢度始終比較近地鐵站有幾款推介的食物和不推介的食物推介魚蛋，佢嘅辣好正燒賣都唔錯 但有時都會中伏煮得唔夠耐 可能太多人推介粢飯 越嚟越少，做得好食嘅粢飯所以會好珍惜唔係太建議食碗仔翅 我覺得味道麻麻哋車仔麵不過不失 但係我好少會食所以最後都係食返咖喱魚蛋啦其他嘢唔好亂咁試飲品都係麻麻哋 茶餐廳好飲啲

腸粉要求走甜醬，都係仍然落咗甜醬俾你； 凍檸茶少冰變咗走冰。 食物質素差咗, 難食咗。職員只掛住同你計數夠唔夠最低消費？ 唔夠最低消費喎，叫多樣啦。 都唔知點解仲係咁多人會去食㗎🤦‍♀️🤬