送行提燈 (已結業)

位於銅鑼灣鬧市，崇光百貨背面旁的舊樓上。一點也不起眼，仰望可看到一些紅燈籠🏮，有點鬼異。店內的裝潢設計風格頗特別，店員告知牆上的圖案全是店主們所畫的。送來提燈的主題正是希望客人前來探索。這裡的食物名稱也花了心思的。我們點了燈無蕎麥$68（1或2個麵底也是$68）熱蕎麥麵拌上蛋黃、wasabi及蔥吃，味道不錯。而店員推介凍蕎麥麵的食法像吃沾麵，不錯。另外，我們點了用竹炭粉做的天婦羅南瓜$22、秋葵$14、雞粒$25及雞蛋$18。雖然不太像一天婦羅，但味道很好！但要注意的是，需要點耐性等待食物喔～

近年好興樓上食店，銅鑼灣美食處處，樣式多不勝數。最近發現位於崇光後街我舊樓樓上鋪，開了一間主題餐廳，以鬼怪精靈為題，既詭秘又充滿日本文化式彩。鋪足餐廳已被它特別的裝潢吸引著，了解後知道店主很有心思和藝術細胞，所有精細既壁畫都是人手一筆一筆畫出來的。配合日本背景音樂，很有獨特氣氛！各式面具可給食客取來玩一玩和拍照。眼看其他食客朋友們興奮得不停把玩拍照，真的很有趣。點了冷熱蕎麥面，配合日本溫泉蛋和配料，口感很不錯！可免費追加麵底一次，之後自費追加，彈牙可口。各種小吃為配合主題，用上竹炭令食物加上神秘感），非常有創意。海蝦天婦羅，一流！整晚的壓軸莫過於這個自家製的芝麻蛋糕！配上芝麻蓉和芝麻醬，真的好味到難以言語！非常值得讚嘆的一道甜品！ 不會太甜但又陣陣香濃的芝麻味，從沒嚐過這麼出色！ 幅幅畫作都美極了。不少朋友們帶上蛨帽子衣著悉心打扮來影相留念。

是神推鬼擁還是鬼怪的幻術，這晚在cwb鬧市看到一排右怪的紅燈籠，一直吸引著我的眼球！腳又不由自主地走進一條狹窄舊舊的樓梯！一步一步，膽戰心驚...哈哈，好似講緊鬼故，但其實係黎到呢間日本鬼怪為主題的餐廳！一幅又一幅手繪得十分細緻的日本鬼怪，竟然在香港搵到，手機要留返d電打卡呀！食物方面當然必點主打的冷蕎麥面！好似沾面好食，好似去左日本屋台咁！d炸物都係新鮮炸起架！真心欣賞年青人既畫作同創意，坐得幾舒服，下次有機會都會去撞下鬼！

呢間餐廳新開，位置sogo後面既一橦唐樓樓上，都幾隱蔽要留心睇路牌先搵到！好有style的餐廳，啲畫是自己畫講完環境，就講食物方面，選擇唔算多，而且都等幾耐下但都好味，會飽肚的！🔶白桃梳打 $35 + 巨峰提子梳打 $38我中意白桃多啲，好桃味清甜可口！🔶五體面餃子 $45意思即係當中配左五款醬汁（柚子、鰻魚、蛋黃、胡麻、燒汁）啲紫菜令餃子更香，餃子炸到外脆內軟，幾好味！🔶炸義鳥 $42 （雞軟骨x2，雞皮x2）佢有兩條係炸雞皮，唔食雞皮的人要留心！我覺得都可以接受，係香脆可口，不過咸左少少🔶燈無蕎麥 $68食法好特別，店員教我地將蛋個碟倒晒落去啲冷麵醬汁入面，然後啲麵浸晒落去啲冷麵醬食，會令麵更滑更香！🔶笑般若 $48（即是新鮮檸檬蛋糕）味道好清新，酸酸甜甜，好開胃！👍🏻總結，休閒黎傾計影相打卡絕對一流！但趕時間的話就要考慮一下。

此店設在銅鑼灣唐樓二樓， 因為入口處隱蔽，所以並不易找。沿著樓梯上二樓以看到手繪poster， 打開餐廳門口內裏掛滿紅燈籠！牆上還有著 很多手繪的鬼怪人物， 唔講還以為自己去了日本某些居酒屋。 氣氛好特別， 未食嘢已給你一個很好的視覺體驗。炸物及蕎麥麵都還可以， 飲品餐牌比較單調。

WOAH! That's incredible time to meet up with the theme of such Phantom and Monsters Izakaya!!-有朋友介紹叫我試下呢間新開左只有半個月既特色主題既居酒屋,以日本鬼怪傳說引入,可以見到牆上噴左好多妖怪graffiti,係樓下已經望到上面走廊掛住左1排紅色燈籠,真係好有feel!!上到去氣氛係好有一種不可思議既感覺,服務亦都好滿意,2位店員靚女之餘仲要勁細心同你逐樣講解每1款野食!係有愛既👇📌燈無蕎麥 (二麵底) - $68 (無料追加!)👉呢個係主打推介既, 有凍熱之分,凍食就係以沾麵形式,首先會有將蛋黃,生蔥,蘿蔔絲,仲有wasabi(份量自己控制)同碗湯底撈埋1齊,跟手慢慢夾d麵1主1主麵咁沾落湯到!麵質要大讚!湯底好香!熱食既話會係以湯麵呈上,下次可以試下!二麵底姐係2個麵加埋!而家可能做緊promotion可以話係免費由1個麵upgrade比你!仲可以+少少錢比你轉到4麵底同6麵底!📌咖哩謎の一目小僧 - $108👉想試埋另一主題,以竹炭粉整到表面好黑咪蚊既咖喱賣相已經夠特別!仲要係呢個氣

今次黎到銅鑼灣既日式樓上cafe 地方比較隱蔽 但上到去真係別有一番風味～ 天花板掛住左好多既紅燈 牆上有好多自己畫既妖怪 好似進入左第二個世界咁😍Cafe主打蕎麥麵 我地叫左兩個兩底凍既蕎麥面 份量岩岩好 好彩叫左兩底一底應該完全唔夠食🙈 蕎麥麵個汁有配生蛋 可能本身唔係話成日食蕎麥麵 今次係第一次配蛋汁食 估唔到又幾好食 咁熱既天氣食左涼涼地蕎麥面真係好爽!小食我地叫左個五式餃子同雞軟骨 餃子黎講都煎得幾唔錯 而且可以試雲哂佢五隻味道 個雞軟骨都燒得幾入味 調味料都幾足幾好食！

今日比我無意之中發現左一間好特色的樓上餐廳👺，佢係喺人來人往的駱克道唐二樓上面，仲有露台位置，好正啊😍佢哋有好多鬼怪👺公仔手繪壁畫，好型好可愛喔，店員話全部都是人手畫的👍🏻👍🏻👍🏻露台外面和店內都掛了很多燈籠🏮，氣氛有點詭異但又十分吸引客人，還有木製的桌椅營做出仿古的建築感覺，帶有日本風格，很難想像在鬧市有這樣特色的餐廳🍴「送行提燈」就是這餐廳的名字，主打蕎麥麵，店員詳細介紹他們的食物和如何選擇，十分細心，看來專心做一樣東西的餐廳應該是有自己的想法，我當然不會錯過🤔叫了兩款不同蕎麥麵試試，與其說是兩款，應該說是一冷一熱，先説熱的是已經將麵底放進湯中，上面加上少許紫菜，湯的顏色比另一款凍食的淺少許，配上蛋黃、蘿蔔和山葵，建議全部放進湯內攪勻，入口味道很有層次感，也帶少許刺鼻開胃的效果，麵質硬中帶軟，沒有太大的飽肚感😋另一款凍食，其實就像沾麵一樣吃法，只不過之前也一樣是將所有配料放入攪勻，湯的味道更濃郁，把適量麵底放進再沾起湯汁進食，凍凍的感覺又是另一種滋味😋試了兩款小食，五体面（餃子）🥟，一份五隻不同醬汁味道，吃得出的大概是蛋黃、胡麻、燒汁，其他一時已記不起了；另一款竹炭雞粒，黑色外層的

有晚放工同事帶左我黎呢間好有特色既樓上日式小店，一齊食下野兼傾下公司入面啲八掛野呢度係以日本既鬼怪做主題，店内四處都係鬼怪既蹤影，而天花就掛滿紅色既和風燈籠！除左室内空間，仲有室外添！！！室外其实仲好feel，不過怕熱既同事話都係坐室內嘆下冷氣好d原來店內既插畫全由店長同店員自己畫架，佢地仲話遲啲會仲多鬼怪會出場呢度主打係食蕎麥麵，除此之外仲有一啲小食供應呢度連呢菜色名都改有鬼怪既元素架，睇得出店家放左唔少心思小食我地試左個燒年糕同玉子年糕燒得外脆內軟，表面既燒汁加上紫菜絲同蛋黃醬，味道有d似章魚燒；而玉子整得都幾滑，甜甜地熱辣辣，沾上蛋黃醬一齊食就係日式既味道而蕎麥麵（冷）我地就每人order左一份，可以免費追加一份蕎麥麵，呢日店員幫我地將兩份麵擺埋一齋根據meun上既教學，將蛋黃、蘿蔔蓉、芥末同蔥花搞均倒入醬汁後，就可以沾上蕎麥麵一齊食蕎麥麵唔會淋patpat，食落清清地，食完都唔會有罪惡感xppp-另外加配左個南瓜天婦羅，竹炭粉漿貼薄而脆，加上軟綿綿既香甜南瓜好好食最後見到佢地有兩款cheesecake ，同為甜品控既我地order晒兩款兩款cheesecake分別係芝麻味同檸檬

早排見到依度有被介紹過 今次行完山黎到銅鑼灣 就黎左依度試下 如果本身係日本妖怪愛好者 依間應該可以滿足下心水 依間係樓上鋪 差啲走過龍搵唔到樓梯上呢 一到門口 就見到畫左妖怪圖案既門口呢 一定唔會走錯 門鈴都好特別 係用鈴鐺既 超特別入到去 係一個好有日本格調既擺設 牆身畫左好多唔同既日本妖怪 據店員講 壁畫仲陸續有黎 店舖有室內同室外露台位置 連露台位置都有壁畫架野食方面 因為係試業階段 所以食物選擇唔多 我地叫左喬麥麵 仲加點左啲小食 4月份期間仲有特別推廣 追加2個麵底仲係免費 結果叫到成枱野食 追加左2款竹炭食物-甜薯同雞粒 竹炭本身冇乜味 但勝在健康 食物煮得好好味 最特別係餃子 每粒都唔同餡 十分特別價錢方面 算係合理同抵食 一個喬麥麵都係$58左右 追加一款食物都唔算好貴 以銅鑼灣同係主題餐廳黎講都叫抵食服務方面 真心值得一讚 當日兩位美女店員會好細心咁介紹食物 佢地既食法 又會幫你擺好個位以便影相 真心好少有仲有最值得提示係 連廁所都有壁畫 記得唔好走寶呀期待下次黎會加多啲壁畫同野食

起駱克道行過想搵新嘢食，抬頭見到好多紅燈籠，膽粗粗行上去睇下。左望右望起個鎖匙店旁邊發現有個小樓梯，行上兩層就見到有紅色左嘅一個門面，仲有隻鬼怪紅燈籠畫左係度一入到去全間店都油左黑色，有好多日式嘅鬼怪畫左起牆上邊店員招呼坐低，交低Menu話依一間係蕎麥面店，除咗一般嘅冷麵蕎麥面同埋湯蕎麥面之外，仲有配合左竹炭炸成嘅天婦羅蕎麥面竹炭天婦羅雖然黑瞇擝但係又幾香脆，裏便包住嘅蔬菜都好香甜。友人始終鍾意食飯，就點左個一目小僧，咖喱汁內有竹炭同埋海苔，雖然黑蚊蚊但係又好鮮味。店員推介話佢哋嘅小食做得都唔錯咁就叫咗個五体面，佢係五隻肉餃子上面有五款調味醬汁，各有不同都幾好食。另外點左難義鳥，其實係全消雞皮同埋雞軟骨，雞皮燒得乾身香脆，下次happy hour 可以再嚟呢杯天九係加咗酸梅嘅特飲，甜甜酸酸味道調校得幾好

店內用日本妖怪做主題，牆上的壁畫、面具等佈置都很用心，可惜食物製作時間及質素實在太令人大失所望！.我點的是九千坊蕎麥麵set (冷)，等左足足一個鐘先有得食，當時店內只有兩三枱客，人數絕對不多於8個，但食物製作時間嚴重超出預期，冷麵汁、配料、蕎麥麵先上，天婦羅要遲上，等了又等，足足成粒鐘😡 我的蕎麥麵set才完整上枱，朋友已經一早食完，我先開始有得食，麵質偏冧，冷麵汁不夠冰凍，蔬菜類天婦羅尚可，但蝦天婦羅的炸皮冧晒，只有外表的一間店，嬲到要寫人生第一個食評，永久BLACKLIST呢間店！