影片
18 号阿爸生日我唔得闲呢，所以大家提早同食生日饭。阿爸阿妈都系钟意食中菜，西餐机乎唔食咁济，去酒楼最稳阵。本来我想攞一围成班亲戚一齐食，谁知两老又厌麻烦又厌要洗钱，我请客之麻，随您地喜欢啦。蜜汁叉烧，系阿爸既致爱，今日特别好食㖞，开心到不得了啦。质地腍中带赵口，软硬适中，肉汁轻渗，不干不鞋。比起以前质数有改善，好食左好多，满意满意。翡翠云耳桂花蚌，暗哑灰色桂花桂边皮，脆口但好韧呢，都有少少海鲜味道。翠玉瓜爽而多汁，混埋云耳桂花蚌一齐食都唔错。成张 menu 睇黎睇去都唔知食咩好，硬系好似无选择，唯有是但啦。菠萝咕噜黑豚肉，太过份喇！点可以煮得那么好味？谂住简单一道小炒，谁知意料之外惊喜万分，推介！镬气十足，热力迫人，飘住烟送上。尝一口，甜酸度出众而刚刚好，非常醒胃醒神，越食越想食﹗最利害系可以炸到豚肉外脆内嫩，表面金黄松脆，包甜美肉汁。啖啖肉劲爽口，好好味呀 ﹗黄金豆腐扒小棠菜，唔够热㖞，毫无镬气，彷如捞出黎一样，微暖到个汁都差不多凝结到一劈劈。卖相不错，摆位有条理，豆腐外皮香口，里面滑滑，但最敝系外暖内冻呢，灼小棠菜都系冻既。我真系对斋完全无兴趣，无肉食既，会唔会好淡口架？不出我所料，味道靠晒个蚝油芡。今日预祝阿爸生日饭，您地钟意食咩就叫啦﹗云耳藕片炒猪颈肉，香口有趣又别出心裁，估不到的配搭，味道并得可口无比！脆脆藕片夹住爽弹猪劲肉，味浓微辣，香口惹味，油润但不肥腻，好食好食，唯一扣分系镬气欠棒啰。清蒸青斑仔，游水生猛海鱼即叫即㓥够新鲜，新鲜出炉热腾腾送到，香喷喷又出晒烟，鲜鱼味夹杂豉油香味正浓，食欲大增，急不及待要起动喇！一黎先处理掉脸珠登先，结实弹牙又滑滑，继而鱼肚棉滑微黏又带油，再黎鱼身味浓有嚼劲，好味道！最后连鱼头、鱼尾、鱼鳍都啜得干干净净，一丝肉都无得留低！终于有味𩠌系滚热辣架喇，开心晒！鸡鲍翅，真材实料满到泻都只系几十蚊乍㖞，梗系试啦！屋企人无兴趣无紧要，我自己食。汤汁浓浓鸡肉味，甜美可口。翅针一排排赵到索索声好过瘾，一梳梳翅针带汤力超强，每一口都水润多汁，好美味呢！饮到一漏不漏，每半汤渣都无得留低添。蜜汁叉烧、翡翠云耳桂花蚌、菠萝咕噜黑豚肉、黄金豆腐扒小棠菜、云耳藕片炒猪颈肉、清蒸青斑仔、鸡鲍翅！比预期好食，心满意足。
继续阅读
谂住就老妈子(住大埔)咁咪附近饮茶，话说果日平日冇乜人，下午茶时间都坐有半埸，谂间野都唔会差得去边，咁叫左D例牌野(老妈子喜欢食果D)但好失望小龙包又实又硬又冇乜汁，奶皇包第一笼上枱时蒸爆列果D表层，咁好正常叫人换过一笼，点知果姐话再蒸过都系咁架啦咁我即话冇紧要啦，你同我取消我依家唔食呢样啦，果阿姐黑晒面咁攞走，又唔知佢会蒸过笼吖定取消！到后来D野齐晒最尾过左半小时有多都谂住佢会同我取消，佢又有上返，点知食落口果下真的想吐了！果D包好似有阵胶味！烧卖又似面粉底咁，冇乜肉味，虾又生生地未熟咁款！煎饺子似D机器整咁，又实又冇汁！唯一食得只有茄子，唉……有人请都唔想食！
继续阅读
今日同事升职饮茶庆祝，难得各同事及老板都得闲一齐去大埔迎喜饮茶。由于预先定位，无须等枱。点了好多点心、炒饭、糕点及半只烧鹅。首先烧鹅有小小怪味，鹅肉梅梅地，萝卜糕直头有酸味。鲍汁鸡脚唔入味，水晶包硬到赵唔到。总之一个字差。希望迎喜以后有改善啦～ 由于太突然所以无影相。
继续阅读
小BB被长辈带走了，二人于早上的生活就不会忙过一团乱，可以更早出门口，充分地利用早上凡好时光。然而，一大清早饮茶是老一辈香港人的喜好，偶尔，我们也会陪陪长辈，一大清早起床，吃过所谓的一盅两件才返工。我们一早未到七点已到达大埔的迎囍，一众的茶客也默默的守在酒楼的门口，当酒楼内的侍应准备好，一开门，就好似放马闸开跑的一般，一班长者及早茶客，冲入去霸位。我们也不理三七二十一，一开门就冲入，可是不够长者们快，弄得我们只好搭台。然而，太太的爸来电，原来他已丰我们一步，霸了一张细台，正在洗茶杯的我们，也就收搭自己的一套杯碟，过档。(张点心卡点算，不用理，所有台已预好哂茶同点心卡，没有用过，就下一位来搭台的人用。)早上饮茶，可是说是多个饮茶时段中最抵食的一个时段。一个早晨孖宝，一壶茶。已足够让茶客嗽晒份报纸才走。早上，好多时都会吃上肠粉，是日有太太的罗汉斋肠，我同外父分享的叉烧并金钩肠。罗汉斋肠，明显是纯蔬的一个肠粉，皮滑而烟韧，做得十分之好，内里的蔬菜已蒸得十分之腍，却又不缺爽爽口的口感，不错。 叉烧并金钩肠，金钩，是一只香菜的叶，食入口十分之香，而味道更胜过叉烧。一啖肉，一啖香菜，这肠粉的味道，也可是特别。 蚝王鸭掌，早上的是一只鸭掌再以腐竹铺底，有蚝油自然味道浓，只是鸭脚太少，汁亦不多，早上的特价点心，好多时都是细一个码。 我要早上班，快食也要快走，一个大大只的糯米鸡就既饱肚又食得快，而且也来得快。馅料同份量称得上是十足，不过包糯米鸡的叶，就是悭功夫的一层及一片，所以应有的业香味就欠奉。食落够软够绵，味道够浓香，肉碎，鸡亦，火腿充满在内馅，一客只$15，非常抵食。 饱满的早上，充满正能量地，开始我的工作天。
继续阅读
今日Mummy生日，一家人晨咁早去左楼下间迎喜饮茶，九点松 d上到去居然要揾位。 话时话都好耐冇试过揾位饮茶lu~好彩唔洗点等，但系我地走果阵就好多人啦! 建议大家weekend最好九时前好去啦。 呢间野都算几出名，d点心份量都唔细。我地一家4口叫左10碟野，最后都食唔晒呢! 叉烧酥---好甘香, 内里叉烧当然好味奶皇包---d奶皇好稀好淡, 个包又爆了口?食不出似奶皇,真是好差灌汤饺---都有好大只虾,有菇有猪肉&几条瑶柱, 都ok啦豉汁蒸凤爪---都好入味, 不会好散, 不过都是用花椒八角煮的凤瓜好食啲烧卖皇---不会太多肥猪肉, 都几爽都好好食鲜虾肠 --- 唔差ge，粉皮唔会话好淋，而且唔会特别贵，但冇咩特别! 鲜竹卷 --- 完全喜出望外 ，d料又系靓野，每次必食招牌马拉糕 --- 初头见佢细细旧有d失望，不过食落确又真系几「对板」。牛柏叶 --- 唔韧唔重味精，ok ge依间点心ge精粹够「香」料又够「足」，值得一试
继续阅读