影片
以上资料只供参考，请与餐厅确认详情
以前一直好钟意食桥底辣蟹知道佢再开番 梗系要即刻book黎开餐啦咁啱见到佢有个晚市套餐4位用$1180已包埋招牌炒辣蟹仲要有圣子皇食 即刻就决定要呢个餐因为朋友迟到 我地等待期间仲送上鸡脚俾我地前菜享用首先上左个足料花胶杞子炖鸡汤先 好钟意佢用个铁碗上汤KEEP住热辣辣 慢慢饮都唔怕咁快冻正呀, 招牌炒辣蟹上啦我地只系拣左最小辣, 辣度啱哂我地几个女仔啖啖肉热辣辣 非常新鲜 肉汁鲜嫩好耐无食过咁正既肉蟹啦呢个套餐非常抵食我地再拣左蒜蓉粉丝蒸圣子皇比我地想像中大只 一人一只好美味柚子脆香骨同霸王鸡都水准一流食哂呢几味都已经好饱差D唔记得左仲有清蒸海沙巴班仔师傅蒸得刚刚好 一起肉就离骨仲有个炒菜同埋干炒牛河牛河比正常一般多好多牛非常抵食饱到震最紧要系仲有红豆沙送非常完美的一餐 同几个好朋友一齐吹下水食下饭有美食 有正蟹 笑到声都沙埋
继续阅读
突然之间好想食避风塘炒蟹，锅气小菜类，记得同事讲过铜锣湾有间食炒蟹唔错，今晚一于相约好友去试试先！一打开餐牌，选择非常之多，有多款套餐之外，仲有好多孖宝优惠！经过商讨后，决定叫四人套餐，$1180 有八款𩠌菜，抵食到呢！招牌炒辣蟹离远已经闻到香喷喷，辣蟹好大只，肉质非常新鲜，用辣椒蒜蓉炒够哂惹味，提提大家可选辣度！蒜蓉粉丝蛏子皇蛏子大大只，质地够爽口弹牙，清洗得好干净，最重要系冇沙，抵赞！花胶杞子炖鸡汤呢碗炖汤真系非常足料，大大件花胶，鸡味非常浓郁，骨胶原丰富，超美颜！清蒸海沙巴斑仔鱼非常新鲜，蒸得刚刚好，一啲都唔过火，鱼质地好嫩滑，够鲜味！干炒牛河炒得超有水准，够哂镬气，唔会太油，而且牛肉大大件，又够腍，好好味😋总结：呢间中菜嘅出品相当唔错，价钱又平，喺铜锣湾揾到呢个质素真系非常之抵食！
继续阅读
好钟意呢间中菜系因为佢食物选择好多（可能有接近过百款菜式）👏🏻好好食🤤而且佢虽然系游客好钟意嘅餐厅，但佢又唔会㓥水鱼咁㓥，啲嘢卖得好抵🤘🏻🦪姜葱生蚝煲：$188有十一只大蚝，全部肥美肉嫩胀卜卜😍成煲嘢超级惹味，好食到不能言语，钟意蚝嘅朋友必叫😻🍲蔬菜海鲜煲：足料，超多蔬菜，超多粉丝，仲有大量嘅鱿鱼花枝同埋虾🤤🍲猪润啫啫鸡煲：啫啫鸡煲其实间间都差唔多味道，但系佢哋呢个重点系够多猪润😋我从来都觉得啫啫鸡煲嘅重点系猪润😛🍜蟹肉汤伊面：卖$50，劲大碗，讲笑咁讲，净系嚟叫呢碗都饱，蟹肉份量都唔少😋❤️前菜仲送咗碟鸡脚，唔系煲汤净低𠮶啲而系沙姜鸡脚，好好食！埋单两个人唔洗500蚊就可以落楼，食咗好多海鲜，接近系三人份量嘅𩠌菜，真系抵食嘅中菜馆！同埋提一提佢系桥底辣蟹嘅分店，老字号保证😉
继续阅读
呢间餐厅最啱就系叫多啲朋友一齐嚟食，叫多啲唔同种类嘅𩠌一齐share，个人觉得最好食嘅系避风塘炒蟹同埋豉汁蒸蛏子，蛏子好鲜甜又大只，炒蟹都算几新鲜，不过唔知系咪个师傅冇将啲壳再敲碎啲，用𠮶个钳嚟剥只蟹啲壳都有啲难搞，因为个壳好硬。最唔值得要嘅应该系豉汁蒸鳝，啲肉有少少莓，唔太新鲜，酱汁亦有少少咸。炒蚬同埋花螺就中规中矩啦，都叫新鲜嘅，间唔中有一两只有沙。但呢度嘅海鲜来讲唔算太贵，又OK新鲜，可以再嚟食。
继续阅读
今日和家人来铜锣湾骆克道金禧大厦的达顺辣蟹火锅晚饭😋一坐低侍应就来碟香脆花生🥰🥰（啱晒，本menu好似本书咁厚，可以一路食一路拣🥰🥰）蒜子火腩大鳝煲～鳝好新鲜味道又香浓👍份量又足潮式煎蚝饼～卖相吸引😘煎到脆边脆面完全冇腥味✌️再点啲鱼露食更有风味椒盐九肚鱼～香脆惹味，外脆内滑👍蒜茸粉丝蒸圣子~圣子超鲜甜弹牙😋😋沙爹粉丝金菇肥牛煲～劲大煲😂粉丝吸收左沙爹肥牛的美味，非常美味、回味京都肉排～其实系炸过的一字骨，酸酸甜甜好开胃🥰最后仲有糖水送👍👍
继续阅读