達濠仔地道潮汕美食

见到达濠仔开分店，真系解决咗我一大心愿！平时帮衬西环总店，唔太就脚，而且次次都要排队，迟少少去仲有机会卖哂啲心水𩠌。去开铜锣湾心思思即刻去会一会佢。平日晚市时间杀到，吓亲！竟然唔使排队，直入有位。环境同西环差唔多，但就坐得阔落啲，干净企理。今次叫咗三𩠌米线，拣咗蝴蝶腩、猪黄喉同蚝仔。个汤底keep到一贯嘅鲜甜，成个汤饮哂。𩠌嘅分量足，猪黄喉处理得好好，爽口唔韧，完全冇异味；蝴蝶腩又系咁入味，正！蚝仔都系大大粒，饱满鲜甜。唯一可以再好啲系个米线，煮得有啲过淋，有啲碎。整体来讲，食物水准同总店睇齐，以后唔使特登过西环都可以食到呢碗高质潮汕美食，大满足！…查看更多

喺铜锣湾揾食又点少得去登龙街？见达濠仔由西营盘开到过嚟铜锣湾梗系要试下佢。店内环境简洁干净，装修朴实无花巧。其中一个Menu有晒相，相信都系佢哋嘅招牌菜。一于就试下先，今次就简左：🍜 招牌达濠仔米线 - 汤底：应该系用咗老火煲嘅骨汤，好想知有咩配料，因为入口清甜带鲜- 米线：唔松散，夹上嚟唔易断，无发涨到淋哂- 配料：牛筋丸／牛杂／鱼丸／鱼饺，丸类弹牙有嚼劲，成碗大大碗，份量扎实🦪 特式潮汕蚝仔粥 - 蚝仔：粒粒大大粒又饱满，无腥味，鲜甜 Juicy，成碗都冇死蚝- 粥底：介乎稠与流之间，无烂到似糊仔，劲鲜甜，又有咸香- 配料：食到仲有虾米，猪肉，仲发现到有咸鱼，真系落足料去煮🌯 特式潮汕肠粉 - 粉皮：薄身带微烟韧，但又唔系成饼野- 馅料：加咗蛋同生菜，配埋甜豉油，估唔到有几特别 同场加映：佢哋嘅辣椒酱🌶️，辣得来又够香，后劲十足，食得好过瘾。唔食得辣嘅朋友一次过真系唔好加咁多铜锣湾登龙街，人来人往，冇人会特别留意d小店。但其实佢地一直去好努力，坐低食完一碗米线、一碗粥、一条肠粉，会发现到佢地用心制作嘅惊喜，份量足价钱实惠上菜快够鲜味。📝达濠仔 📍地址：铜锣湾登龙街31–35号玉山大厦地下A舖 …查看更多

12点喺铜锣湾食个快午餐，就拣左呢间。未够十二点半，都已经有八，九成客人，12点半就已经要排晒队。。。闻说呢间潮州嘢喺西环好出名，啱啱起铜锣湾呢条食街开咗新分店。佢出名猪杂，但我本身对内脏兴趣不大，拣咗非内臓嘅三𩠌，牛筋，牛丸同蚝仔河，另外加一碟潮州肠粉同杯冻奶茶。唔使5分钟就有得食，佢兜粉嘅分量都唔少，蚝仔都几大只，有成两个1蚊银咁大，牛筋腍得来有啲咬口，又入味，牛丸弹牙又juicy。食潮州粉面最钟意就系佢啲葱芹，捞埋河粉一齐食，又香又多口感。食潮州野点可以唔点辣椒油（佢台面有好多酱料，菜甫，辣椒酱，辣椒油，麻油，胡椒粉）。佢樽辣椒油都几辣吓，但无乜香味。无耐就黎左个肠粉，个肠粉皮好薄，清楚睇到包住左菜同蛋，食落啲肠粉有少粉烟韧嘅，啲豉油唔会太咸。我食左9个字到，就因为太多人而要搭台，之后就好快走左。…查看更多

除左去西环食到达濠仔地道潮汕美食 @tathojai.hk， 而家喺铜锣湾都食到啦！今次嗌左 ✨四拼米线 （有猪膶、蝴蝶腩、汕头牛筋丸、牛腩）$62一次过嗌晒钟意食嘅𩠌，劲足料，猪膶爽口；蝴蝶腩嫩滑与爽脆，肉味香浓；自家制汕头牛筋丸牛味浓又有嚼头；牛腩肥瘦适中，唔干唔柴。👍🏻满意～ ✨安格斯牛颈脊加墨丸米线 $100牛颈脊有惊喜～口感鲜嫩、肉味浓郁，仲系半熟上枱。加埋有墨鱼粒粒嘅墨鱼丸，弹牙爽脆，性价比高！两碗都有大量芹菜好香啊～✨特式潮汕肠粉加蚝仔 $48肠粉皮好烟韧有弹性，入面有蛋、冬菇、生菜，加埋粒粒饱满嘅蚝仔，蘸埋豉油同辣酱系劲夹冇得顶👍🏻黎到必食！🫰🏻店舖仲有好多食物可选择，下次想食埋蚝仔粥同猪杂粉啊～…查看更多

达濠仔本店在西营盘，一直没尝过，这天到它开张不久的铜锣湾分店，试试它的胡椒汤。点了3𩠌（鱼蛋、牛筋和鲜牛肉），$52。上枱时汤够热，第一印象良好。先来啖汤，汤底浓而带甜，除了猪杂和猪骨、其他配料的甜味之外，似乎加了糖。胡椒味不呛喉，初时不觉辣，喝到尾就愈喝愈辣。相比之下，潮州人的汤底重胡椒香，入口更辛辣，猪杂的甜味会在胡椒的刺激之后出现。𩠌方面，牛肉薄而大片，腌过所以带甜的底味，嫩滑而不会过份松肉。牛筋3至4条，大条而完整，非常软腍而调味相对轻手。这两个𩠌是达濠仔较佳，因为潮州人的鲜牛肉有时会带咬不开的筋，而潮州人的牛筋也大条完整、软腍入味，不过不大喜欢那卤水汁的味道，所以入味反而成了缺点。鱼蛋2粒，通常潮州白鱼蛋从一大饼鱼蛋而出，会有平面（黏著其他鱼蛋的部分）和尖角位（鱼蛋饼的底和面），达濠仔的鱼蛋则呈球形，中间混合了些灰黑的碎屑（鱼皮？）。鱼蛋爽口弹牙，鱼味自然而淡淡的，不错。配料有芽菜和唐芹，因为要净𩠌，加送了几条生菜。同行的友人点了牛筋、牛腩和牛丸。牛腩是牛肋条，炆得软腍。牛丸也爽弹，不过未算特别。达濠仔的面都会加上招牌葱油（据说煮了3小时），所以多了一份香气。炸鱼皮$20，没大小之分。喜欢炸鱼皮用了薄粉浆，这点和潮州人一样，不过一碗炸鱼皮中混合了很多细碎的鱼皮，未够完整大块。吃潮州粉面，另一个必试的肯定是餐厅提供的辣椒油。带籽的暗红色辣椒油是潮州人完胜（潮州人的辣椒油有炸过的干葱，香得多）。不过除了辣椒油，达濠仔枱面还有像菜莆黄色的辣椒酱，比它的辣椒油香，加一点把胡椒汤的灵魂都吊出来了。整体而言，个人偏好潮州人的味道；但若是想止潮州粉面瘾，达濠仔星期日也营业，汤浓而不油腻，而且喝光了也不觉口渴，环境又光鲜，冷气足，以后到铜锣湾有多个选择了呢。…查看更多