影片
老友推介一于去试 又见网上有推介 但就真系麻麻地 叫左个牛3宝河 有牛腩 牛筋 牛肚 唔知系咪我唔好彩 牛腩就真系碎湿湿 用料唔靓 一般茶餐厅既牛腩咁上下 牛筋我觉得太腍 牛肚就正常 河粉都正常唔会碎湿湿 45蚊无野饮 话平唔平话贵唔贵 位置系街市入面有几个位可以坐底食 街坊就应该外卖多
继续阅读
心血来潮想食达哥牛腩今次拣牛腩饭食食完真系一试难忘牛腩肥瘦适中唔会好瘦亦带有少少肥香每旧牛腩都有好浓嘅味道连埋啲腩汁真系觉得超好食！牛腩大概十件八件萝卜就有三大旧旧旧都大件，唔系薄切👍👍美中不足嘅地方系萝卜咸咗少少本人平时极少食牛腩饭经过今次应该会成日食
继续阅读
呢间良心小店，除咗价钱非常合理之外，每种食物都用心掣作。虽然环境系街市，但卫生环境相当唔错。牛腩够「林」够入味之外，萝卜又系好「林」好入味同好甜！云吞超好食，之后问吓老板娘先知，原来系用大地鱼做！要烧D大地鱼再礳成粉，先用嚟包云吞.......一啲都唔系「hea」做。 D咖哩又好好昧，够香够浓！除咗食物之外，杯奶茶非常有惊喜！茶味好香好浓，但仍然好滑。茶味同奶味balance啱啱好！总之每种食物都用❤️做！
继续阅读
喺我屋企附近有条新嘅屋村叫做欣田邨，欣田村入面有个欣田街市，街市入面有一档牛腩粉面就系达哥！系佢开张头几日我贪得意帮衬左第一碗牛腩面之后就欲罢不能，首先佢价钱不贵$35一碗大大碗，有牛腩猪手猪肠云吞等等，全部都好正😋😋😋而我最钟意就系佢嘅牛腩，佢哋牛腩系一格肥一格瘦一格系根好似牛坑腩咁，但系我觉得仲好食过牛坑腩，我问达哥呢个系乜嘢部位，达哥话系近牛脾位置嘅腩，呢个位置嘅牛腩有弹性但系又够林身，层次分明而且肉质鲜美，因为牛坑腩有时好瘦同埋柴，比较起来我觉得佢仲好食过牛坑腩好多，咁当然系因为大哥佢精心嘅烹调，咁先至可以令到佢嘅牛腩咁出色，我可以话系出面食过咁多间$35绝对食唔到，呢度嘅牛腩嘅质素出面闲闲地真系要食$50-60都未必有佢整得咁好。😝因为食到隐世高手嘅厨艺，我就多口同达哥倾多几句，原来佢之前响九龙城坤记牛腩做过，坤记我都食过我觉得达哥嘅牛腩仲好食过坤记㖞，而且坤记嘅价钱仲贵呢度一截，都系果句啦，如果朋友你唔嫌远嘅话我十个推介去欣田街市入面食返碗达哥嘅牛腩粉，绝对物超所值。👍👍😋同埋得知达哥系退休人士，佢退而不休心中仲有果团火，佢想将最好食嘅粉面带比大家，喺佢身上我见到咩系坚持✊我由佢第一日开张帮衬到而家，因为我搬咗出太子住嘅关系而家少咗帮衬，间中返屯门先至食一两次，讲真达哥嘅手势真系冇得顶，尤其是系佢嘅牛腩，真系保持到水准呀！有机会我真系想去拍片一口气吃几碗！———————————————————店名：达哥牛腩粉面 环境🏝：7/10服务💁🏼♀️：8.5/10 价钱💰：8.5/10食物质素🍝：8.5/10 整体🙆🏻♂️：8.3/10 地址:屯门欣田邨街市地下D11号舖
继续阅读
忍唔住.. 写我第一个食评。简单晚餐. 俾我行行吓入到欣田街市 见到全个街市食店都差唔多已经关门. 得返佢一间 《达哥牛腩》仲开梗. 就即管试试佢哋嘅招牌牛爽腩面...见老板好有心机排到啲牛腩好靓. 个面一嚟到. 忍唔住相机食先. 🌟一咬落去D牛腩好爽口. 肥瘦适中. 食落去有油脂嘅香 但一啲都唔觉得肥腻. 同我以前食过𠮶啲牛腩真系冇得比！😋再饮啖汤. 成个汤底满满系香浓牛味嘅清甜. 说真的. 我真系从来未试过可以食碗面成碗汤饮晒. 👍🏻🌟朋友点左云吞面（唔记得影相😛）. 个云吞大大粒好饱满. 虾肉新鲜又弹牙. 我都忍唔住偷食咗佢一粒 😂细问之下原来老板已经有几十年做粉面档经验. 佢哋每日会将十几斤牛骨去熬制粉面个汤底. 一啲味精都冇加 （其实几十蚊街坊价就食到咁嘅质素. 真系值回票价）而个云吞系老板娘每一日新鲜包. 所有用料都系拣最新鲜嘅比食客. 值得一赞👍🏻有感而发。。。其实我真系好佩服依类小店. 租金咁贵. 但佢哋都坚持要将最好嘅食物质素俾客人. 呢份诚意同人情味真系好难能可贵！ 👍🏻👍🏻可惜往往比啲大型连锁餐厅垄断. 而𠮶啲味道只系copy and paste. 无半点特色... 希望大家多啲支持一啲用心经营嘅良心小店啦. 💪🏻
继续阅读