影片
以上资料只供参考，请与餐厅确认详情
相关文章
2270 浏览
复活节假期老公多请了一天假期, 难得星期五可以一家三囗到铜锣湾食午餐。可惜没有时间预先计划, 唯有随意在openrice上找间韩国烤肉店。其中有间「达人烧肉」的评语不错, walkin 上去都不用等位, 莫非大部香港人都仍然放假中? 门口没有令人难忘的布置, 也找不到餐厅名字, 只有餐牌及挂上不少食客照片的铁丝纲。这里一贯新派韩国烤肉店的装潢, 圆形的烤肉枱, 伸缩抽油烟机, 及圆铁罐(空心设计供客人摆放私人物品)。另外, 新派韩国烤肉店主攻年轻人市场, 店内当然有个特大投影机不停播放k-pop。餐厅充满工业风, 没有太多的布置, 简约正是新派韩国烤肉店的特色吧!布置中竟然惊见这张五花腩照片上用花朵砌成的心, 又奇怪又老土的布置。午餐有十款熟食, 每款午餐只不过四、五十元又包汽水, 真抵食! 很难相信铜锣湾有这么抵食的韩国午餐。到韩国烤肉店当然要亲手烤肉, 这里有两款烤肉午餐: $200的2人猪肉餐 及$250 的2人牛肉餐。包汽水、包加一服务费的二百多元的烤肉午餐真抵食！！传统的韩国烤肉店有七、八碟的小食, 可是新派的烤肉店是不会出现, 换来的是这三小碟。泡菜是必有, 但每次笔者都退回。另外两款是煎鱼肉片及鱿鱼。鱼肉片够薄身, 表面香口, 肉质爽口。鱿鱼口感烟韧, 味道带微辣, 十分惹味。两款皆是开胃惹味的小食。店员随后再送上沙律、芽菜及用来包肉吃的生菜。新派韩国烤肉店的特点必定是这个特制烤炉, 有三个凹位用来加入蛋浆做成炉边蛋, 又可加入泡菜做成炉边泡菜蛋, 另外粟米芝士。客人要一眼关七, 又要烤肉, 又要留意这三个炉边蛋, 一不留神便把食物弄翻。烤炉火力不平均, 因此炉边蛋每个位置的熟透情况都不太一样, 卖相及味道大打折扣。四人圆枱但枱上放满食物, 真丰富! 新派韩国烤肉店的服务不及传统烤肉店那么细心, 店员比较年青但服务就真系麻麻。叫了多声才勉强有些反应, 太早未瞓醒?$250 的 2人餐有两款牛肉, 这份《特级牛肋排肉》粉红色的肉色, 油脂分布平均, 想像不到会有这个质素。另外牛肋排肉摆放有心思, 卖相加分不少。经烧烤后, 牛肉的油脂溶化令表面多份光泽外, 咬下去这份油脂感特别惹味。牛肋排肉的肉质松软而且肉味重, 最重要无根无渣。另外不经腌制的牛肋排肉更加让笔者品尝到牛肉的原味, 不错的选择。套餐内另外一款牛肉就是这个《LA牛仔骨肉》。肉的色泽呈深红色, 油脂分布明显, 牛仔骨肉有厚度, 卖相对辨。份量又多真抵食!这个牛仔骨肉牛肉味比较重, 而且肉质比较烟韧有咬感。《韩式韩酱汤饭》汤及饭分开上, 饭只有一小碗但汤有一大碗, 比例不成正比。汤的味道微辣, 就是韩式酱的独有味道。越食越辣, 但这个辣只停留在口腔, 因此多食都能够抵受得住。汤内有不少材料, 豆腐、金菇及牛肉。今个午餐实在太抵食!
继续阅读
特级牛颈肉 Prime beef chuck flap tail •达人护心肉 Dalin special skirt meat •红酒五花腩肉 Wine grilled pork belly •秘制牛五花肉 Thin sliced fresh beef belly •香肠 Sausages $520虽然冇饭冇汤 睇落好似好少野食但其实绝对够三个人食🙈而且炉边蛋好好味 芝士加粟米劲甜劲香😭最紧要系生菜无限添加 食左好多菜😂😂因为好似好健康咁 又大减油腻感😍咁多种肉最好味都系护心肉～红酒五花腩肉就系用锡纸包住个个 红酒味比想像中重🍷香肠唔好以为好简单 烧几下就爆芝士🧀!!
继续阅读
其实一早已决定嚟呢度食LUNCH，但去到楼下又想睇其他楼层食咩，点知接咗一张传单后就好似有个千手观音响你面前咁，其他人嘅传单都队晒比你，上到去更加觉得生意好难做，因为全场得两枱客咁大把，唔怪得楼下咁进取啦！ lunch menu都好多选择，最终叫咗个2人年糕㶽($145)，前菜随即奉上～ 泡菜－唔算太辣但爽脆，鱿鱼丝－甜甜地，就系鱿鱼丝咁啰，豆腐皮－都系甜甜哋无咩特别。食食吓前菜醒起好似有汽水送架，问吓店员姐姐，佢先话系呀，有可乐同ZERO两种。可能系送嘅所以选择少D呱！ 虽然得两枱客，但都等咗成20分钟主菜先到，原来好鬼大锅，呢个应该叫做部队年糕锅，因为D材料其实都差唔多。 面－够烟UN，好弹牙大量年糕－都几烟UN，OK菜肉饺子－有成5粒,可能一路煮住，太过稔，菜肉都煮到无晒质感咁肠仔－一般脆皮肠咁鸡蛋一只半另外都有足够蔬菜，可以减少油腻感，包括有红萝卜，翠玉瓜，大葱，洋葱，京葱食食吓，店员队多碗紫菜饭过嚟，真系当堂眼都突埋！虽然我都好食得吓，但呢个SET真系两个男人都未必食得晒！ 紫菜饭嘅紫菜好脆带点点咸味，再加埋芝麻同生鸡蛋，无得顶呀！赶住返工，竭尽所能都未能食晒成盘年糕，下次都系拣个冷面算啦，或者问吓可唔可以3个人食呢个set呢！ 午市免加一又唔驶等位，都确系一个不错嘅选择嘅！
继续阅读
星期日太迟起身，出到铜锣湾已经2:30pm, 好多餐厅3点落场，好彩比我地search到达人烤肉周末嘅呢个时间竟然仲有lunch set，一向听闻呢间烤肉店品质唔错，lunch set 好似serve到4-5点添。2:30pm左右到，里面个场好大，得2-3客食紧。因为无乜人嘅关系，个场好静，抽风又好，所以食得好舒服。虽然我地一早已经锁定烤肉套餐，但系当然要八吓个餐牌啦！除左烤肉set，个 menu 仲有其他午市套餐拣，估唔到假日都有午市套餐，价钱仲要几抵，我地想要嘅pork set烧烤套餐都只系$200！韩式泡菜汤饭、石头锅饭、大酱汤饭、韩式冷面等连汽水都系50几蚊就有交易喇，仲要唔使加一，实在太抵喇！我地个猪肉烤肉套餐包五花腩肉、秘制猪肩肉、韩式冷面或韩式大酱汤饭、两罐汽水。其实仲有牛肉烤肉套餐，但系好似睇食评大家都钟意猪肉多，所以念都无念就叫左猪肉烤肉set。首先黎左前菜、汽水同埋个烤炉。前菜有鱼饼、泡菜同埋芽菜。汽水得两款选择，7up或者可乐。炉边竟然仲有蛋浆, 泡菜蛋浆,同埋芝士粟米!!午市特价套餐竟然都有，真系喜出望外，最钟意就系炉边蛋架喇！之后就黎埋主菜猪肉，份量一啲都唔孤寒，一块好大好厚嘅猪肩肉加埋已经切好嘅五花腩肉，再加两片菇，如果两个女仔食真系未必食得哂。我地真系太肚饿喇，所以即刻烧番几旧食，肉质唔错，食落猪肩肉同埋五花腩肉都好味，真系唔错！之后黎埋个韩式大酱汤饭，同时黎埋一碗腌制左嘅葱，汤饭都好好食，我地好快已经清哂。我地其实最后先知原来加一服务费都唔使收，无乜服务都可以理解嘅，成餐都系总共$200两位，假日午市套餐真系抵食，下次一定再去过！
继续阅读
呢间 bbq 7080 都饭堂咁滞, 每次想食韩烧时都会去, 因为韩烧餐厅的质素, 价钱都分别几大, 不喜欢进店给人抢著的感觉.今日去铜锣湾逛街才知道这儿都有分店. 跟尖沙咀店一样, 都是一个个圆筒形的台, 不同的是这儿的抽风位没有伸缩装置, 而且有石英灯在顶, 影相靓好多.友人给我发板, 那就点套餐吧. 因为想吃牛仔骨, 所以点了贵100蚊的顶级套餐. 炉边有的是鸡蛋, 泡菜鸡蛋, 芝士粟米等等. 要等到中段熟咗先食得. 泡菜鸡蛋味道较怪, 鸡蛋则软软的十分好吃. 还可以把肉和鸡蛋, 芝士粟米等, 包在生菜加烧肉一起吃呢.顶级套餐, $620霜降牛肉名字漂亮, 油花不算多, 但吃下去不会干, 软软的劲 juicy.竹筒五花腩肉店员一来到便把猪肉从竹筒拿了出来放上铁板煎. 厚厚的五花肉肥瘦相间, 颜色粉红. 其实在街市都难找到这么漂亮的五花肉了. 四边煎香后,店员走来把猪肉切成一片片薄片再烧. 薄片的五花腩, 油份己经迫了出来, 吃到的是爽脆, 不会一口都是油. 本身油脂己经足够甘香, 没有需要额外调味料, 吃烧肉都是五花腩最好.秘制特级牛仔骨友人竟然忘了如何弄这个牛仔骨, 就是把它如棉被般碌出来就好了. 摊开后牛肉还长过烧板, 要快快剪开. 生肉时见颜色不佳, 曾担心有问题. 进食时味道几好, 应该是腌料涂得不好所以颜色怪怪的.秘制牛舌看著牛舌在铁板上由红色变成血红色再变成咖啡色, 有点惊吓, 但却知道会更好吃, 见著肉汁全锁在里面没流出来. 烧好后, 油花把牛舌弄得闪令令的, 牛味十足. 香肠(2条)司华力肠烧了表面再切开一块块, 无祈望下都不错. 切片后的肠仔好脆口, 又有少少厚度咬下咬下, 都系送韩国酒一流! 这餐又够饱又够暖, 吃饱后个身都唔大味.
继续阅读