影片
更多
2017-03-26
2538 浏览
因為自前年一位朋友遠行去，所以我地一班朋友就落實個個月都一聚。而每個月去邊度食係好頭痛，但絶對係真普選！大家一人一票選出來的。但今次揀左「達人廚房」，卻是真欽點！因朋友與店方負責人相熟，所以今晚飯聚食乜，全由大廚及朋友安排！餐廳位於曹公街街市內，位置雖好不就腳，但餐廳用上舊日舊啓德機場，航機降落的情景作牆畫，令昔日香港的好時光仿如重新擁有！一行十人十道菜，十全十美！打頭陣是小食「網絲素菜卷」。以豬網油包著蔬菜經猛火油炸。小食上枱後芳香四溢，菜卷炸得鬆脆無油腍，但入口後酥脆外皮跌到成枱都係 (笑) ！隨後再來第二道小食「香草焗軟芝士配香脆包粒亅，雖未向大廚請教芝士的種類，但因自己係超級芝士控，所以呢道菜，個人認為真係無得輸！好失禮地，我連盛載芝士的酥化外皮都食埋！後有以餐廳招牌為名的「達人豬腩饅頭」，外觀一望感覺似「麵包夾金錢雞」，點知入口後真係喎！腩肉肥瘦得宜，但在外的饅頭卻可把腩肉的油脂中和！很冶味的一道菜。再來「墨西哥泡菜雞肉薄餅」。薄餅外皮烤得極香脆、雞肉嫩滑，但要緊記連同伴著薄餅，經淹製的蕃茄碎粒一同吃！雞肉薄餅加濃蕃茄的味道還在，「青瓜火鴨絲沙律亅及餐湯「匈牙利牛肉湯亅己上抬
但今次揀左「達人廚房」，卻是真欽點！因朋友與店方負責人相熟，所以今晚飯聚食乜，全由大廚及朋友安排！餐廳位於曹公街街市內，位置雖好不就腳，但餐廳用上舊日舊啓德機場，航機降落的情景作牆畫，令昔日香港的好時光仿如重新擁有！
一行十人十道菜，十全十美！打頭陣是小食「網絲素菜卷」。以豬網油包著蔬菜經猛火油炸。小食上枱後芳香四溢，菜卷炸得鬆脆無油腍，但入口後酥脆外皮跌到成枱都係 (笑) ！
隨後再來第二道小食「香草焗軟芝士配香脆包粒亅，雖未向大廚請教芝士的種類，但因自己係超級芝士控，所以呢道菜，個人認為真係無得輸！好失禮地，我連盛載芝士的酥化外皮都食埋！
後有以餐廳招牌為名的「達人豬腩饅頭」，外觀一望感覺似「麵包夾金錢雞」，點知入口後真係喎！腩肉肥瘦得宜，但在外的饅頭卻可把腩肉的油脂中和！很冶味的一道菜。再來「墨西哥泡菜雞肉薄餅」。薄餅外皮烤得極香脆、雞肉嫩滑，但要緊記連同伴著薄餅，經淹製的蕃茄碎粒一同吃！
雞肉薄餅加濃蕃茄的味道還在，「青瓜火鴨絲沙律亅及餐湯「匈牙利牛肉湯亅己上抬了，雖然上菜的次序好似…….！但餐湯散發住撲鼻茄香牛味！即是好好味~！「泰式焗比目魚」係當晚比較失色的一道菜！味道和魚有點錯配。但隨後的「香煎法國鴨胸配紅洒繪韓國黃金梨」卻即時拉番我入局！鴨肉香嫩滑腍，油脂頗豐膄，但這度菜的精髓卻是黄金梨！有著中和鴨胸的油份。
著實我是衝著斧頭扒而來的！「美國安格斯斧頭扒」上枱時，一眾三叔、iPhone 6、7已經急不及待要食先！一向執輸的我，唯有以壓軸登場作安慰吧！還手執斧頭作狀「劈友」！但等足一晚的牛扒卻令我有點失望！！大廚烹調火侯到位，肉色帶淡粉紅入口有嚼勁，但無牛味……………。友人卻吃得律律有味！因他手執斧頭「成條址」！重教精我地：「食斧頭扒梗係落手” 乸” ，重用刀义咁施文做乜」！呢舖真係師傅明白了！
最後有甜品「伯爵茶奶凍」濃旭茶香，绝非一般甜品店可比，水準絶可與酒店的甜品比拼！$400有卻找可換來開心而滿足的一晚，行遠D都值得。
张贴
