影片
食家推介
招牌菜
因为住附近所以成日都系葵广揾食，其实都帮衬左好耐，我谂由2018年左右开始，但今日真系忍唔住负评佢食左咁耐，质素系不停下降，今日嗌左个麻辣烫，汤系唔辣得个咸字，薯粉浆到一个地步，好似麻薯咁，痴埋哂一Pat分都分唔开，咬系可以做到拉丝效果系咩玩法？最过分系我嗌得个三个𩠌，可以错两个，娃娃菜猪红芝心丸，得个菜岩，打开个下真系x左出声，因为都唔系第一次比错𩠌，之前我嗌得多𩠌，比错一个𩠌都算，三个错两个真系太过份结果成碗嘢食左3份1就掉左，希望老板娘会睇到呢个comment好好改善
继续阅读
葵广实在有太～～～多野食！对于唔系成日去葵广既小弟黎讲真系眼花撩乱😂所以事前都开左openrice黎睇～见到呢间食麻辣烫既几吸引，呢几日天气咁冻食d辣野就啱哂喇～重点系唔贵😂😂所以好快就决定左食呢间😋不过可能佢搬左，openrice上面个地址唔啱既～依家位置系2/F😆咁多𩠌拣真系要花d时候谂食咩😂今次小弟就拣左麻辣烫：麻辣鱼蛋、生根、豆卜、午餐肉同埋组薯粉😋虽然佢系叫麻辣烫，但系汤底就唔算有麻既感觉同埋有d偏咸，不过食完都无话好口渴👍🏻每款𩠌大概有4件～份量都算多！生根同豆卜索哂d汤好正😍😍麻辣鱼蛋系用陈皮鱼蛋🤩不过因为本身汤底系辣所以食唔出佢个麻辣味😆红薯粉食呢麻辣烫就最啱喇😍d红薯粉好滑～好想快d再试埋其他𩠌😂$30唔使食到一餐咁丰富又够饱既，ok啦👍🏻👍🏻
继续阅读
今天初尝葵广嘅呢间麻辣烫舖头好细有d难揾 有立食的枱之前系葵广都食过另一间 辣妹嘅汤底略胜一筹😋辣度可分为4种 汤底浓厚 应该有加到肉汤 并非一般嘅清水沟辣同调味料。个汤饮完无乜味精味🤓麻度可以稍微增加，但辣度好足够。芫荽同葱系绝配(本人超钟意，当然如果唔食嘅话落单个阵可以圈低走咗佢)今次叫了5个𩠌👉🏻鱼皮饺 贡丸 萝卜 豆肠 豆腐串个人推介豆肠！出面好少见嘅一个食材老板娘俾咗好多 起码有6-7旧 食落爽口又弹 吸哂d汤🥰🤪不推介萝卜 虽然入味 但又少少渣 而且只有2小旧🌝总括黎讲，好食！下次会试下酸辣粉
继续阅读
葵广食辣既选择都几多，由连锁店去到小店都有。呢一间中规中矩，佢舖头细细，旁边摆左一张台，可以俾人立食， 可惜无得坐，食食下会嫌冷气唔够。 好在食物都多选择，而且价格较便宜，一次可以食到多款食物。钟意食辣既我拣左娃娃菜，金菇，鸡肶菇，猪红，辣鱼蛋同豆腐串。埋单都只系$28。 平时食开谭仔三小既我，拣左小辣，辣度对我黎讲岩岩好。不过汤底偏咸，食完都几口渴，需要喝水解渴，代表汤底有一定味精。我会推介食豆腐串，因为佢够索味，而且索左汤都好有咬口，认真唔错。而娃娃菜，金菇都系麻辣烫既最佳选择。猪红就一般，本身味道较淡亦都唔太入味，鱼蛋系陈皮鱼蛋，可惜较软身，应该系煮得耐左，而鸡肶菇我食哂成碗都见唔到，唔知点解失踪了。。。总括黎讲值得再食，不过就要识得拣岩材料，同埋买定野饮就会食得舒服d。
继续阅读
今日去左葵涌广场试下尼间麻辣烫，之前因为赶时间所以冇食到，今次终于可以试下啦！佢有自选麻辣烫同重庆酸辣粉选择，今次点左自选麻辣烫，叫左莲藕片、炸腐竹、萝卜、金菇、响铃、娃娃菜同薯粉，要左小辣。未食嘅时候就已经闻到好香嘅麻辣汤味，佢个汤底好够味，够辣，而且每样𩠌都吸收晒麻辣汤嘅精华。佢嘅萝卜好甜但系有渣。另外，每样𩠌嘅价钱都系好平，而且𩠌嘅种类都多，值得一试。个人谂为莲藕片、娃娃菜、同薯粉都系必叫。
继续阅读