影片
以上资料只供参考，请与餐厅确认详情
招牌菜
上个星期日食过! 冇留下楼主讲过咁差， 如果要食山珍海味， 呢间就唔啱你哋 我想食 怀旧嘅味道 而家真系好小食到， 佢嘅味道 南乳味好重但系又唔觉得好咸， 起码唔会 食完系咁饮水， 最钟意食佢嘅腩肉有啲肥肉好食啲， 猪肉汁都好香，冬菇都好大只 门鳝干都好食 但系好多骨 食要小心啲， 我哋叫咗一个大盆 十个人都食唔晒， 份量都好多 挂住食唔记得影相! 整体都唔差👍， 我个人喜好 唔系好钟意食𠮶啲 新式嘅盆菜😅 有龙虾 帝王蟹𠮶啲 𠮶啲味精好重 食完系咁饮水🤣🤣🤣
继续阅读
未试过咁难食既盆菜，简直不知所谓又贵又难食（屋企人订的）咁既价钱大把选择成煲野无鲍鱼，无瑶柱，无花胶，无鹅掌，无海参，无蚝豉发菜，猪手都无最贵材料得鸡同虾，12人份量卖$1400，咁既价钱大把选择，而且至少都应该有鲍鱼贵都算啦，最惨系连d鸡都鞋，虾又唔新鲜「梅」，d腩肉又炆到梅梅烂烂咁⋯低下一大堆白萝卜⋯好彩当日订左两个盆菜，另一个有齐鲍鱼、花胶、海参、鹅掌、蚝豉、猪手、卤水鹅，鸡、虾⋯8人份量都只系$1080⋯⋯最怕货比货
继续阅读
小编唔系第一次食盘菜，食过其他盆菜，味道都唔会咁差，当时我仲未成为食评家，今年年头食过旺角某间餐厅盘菜！味道好好食！今次有人请我入元朗国，间有几出名。以为有几高质，真系比埋晒d咁既野比客人！最基本鸡，我唔系话要咩走地鸡、嘉美鸡、最低限度起码要放得落口咬得到！鸡肉孩过擦子胶。咬唔到，真系俾啲咁嘅客人，唔好啦！啲腐竹又冇味，好似求其咁碌两碌就上碟咁，真系令人唔想食！萝卜又苦！虾又一啲都唔新鲜，我去宜家家私买d虾好过佢！上次食𠮶间盆菜新鲜过佢！人哋又干瑶柱，又有西兰花，咁大个盆菜，整到咁，执咗都唔可惜！唔明啲人成日话呢间有几好食！完全唔见得！市区啲盆菜仲好食过佢！直头可以比零分
继续阅读
好味指数😋😋回头指数⭐️⭐️开心指数🤗🤗新年最啱大伙儿食嘅梗系盘菜啦... 今次试咗元朗国嘅辉记盘菜！大盘菜（12人 / $1,698)呢个盘菜有10种食物：1）贵妃鸡（1只）2）8头鲍鱼（12只）3）豉油皇大虾 4）家乡炆扣肉 5）蚝炆豆卜 6）酱汁猪皮 7）蚝油支竹 8）美味鱼旦 9）蚝油花菇 10）清甜萝卜盘菜打开时劲开心，真系好大盘，见到鲍鱼、虾、花菇都几大只，好足料！可惜有只鸡原来系劲中伏😖😋好味推界😋No.1: 家乡炆扣肉，呢个真系超级好食，扣肉一层肥肉一层肉咁，好淋个汁好味又入味，全部人都大赞👍🏼No.2:酱汁猪皮，又系因为个汁，入味到爆灯，一咬落去猪皮少少爽又有汁飞出嚟，正呀😋🤢中伏之作🤢No.1: 贵妃鸡真系超中伏，因为冇咩味之余，只鸡系嚡到不能，接近咬唔开嘅程度，真系牙力大考验，完全难食到不能接受嘅地步😖No.2: 清甜萝卜系一D都唔入味，又唔清甜，有D硬仲要有根，好失望！😞整体上只有尚可程度，性价比唔高，咁样嘅价钱可以有更好选择....其实佢嘅汁系几好味，所有用汁整嘅都几出色，不过佢唔会俾多D汁你（因为有D盘菜系跟多支汁），我哋问佢，佢系话唔使再俾，但其实去到中段都未到就唔够汁，落水就淡咗好多！
继续阅读
农历新年时间，仍然住喺大埔围头啲长辈级屋企人就叫咗盆菜到会嚟食，虽然年年都会系咁样做，但系都唔会觉闷，因为都总有意义嘅。之所以要食盆菜就系因为方便大家一班人围住嚟食，家阵的盆菜乜嘢奇形怪状嘅食物都有，用古灵精怪嚟形容就系最贴切不过但系我哋呢啲传统嘅盆菜就系有传统嘅食材，支竹、萝卜、猪皮、生菜、芋头、冬菇、鱼旦、发菜、蚝豉、腩肉、鸡、虾、呢啲食材都系缺一不可 ; 味道好唔好食系其次，最重要就系够好意头。盆菜好简单，但系制作就复杂而且最紧要系用心去做，呢一间嘅盆菜就做得唔错，因为啲腩肉同芋头都好入味，猪皮又够淋又入味。好食。
继续阅读