轉角‧見

营业中

休息中

呢間burger喺荃灣都好出名～抵食味道又唔差！煙肉漢堡🍔 $60（加購正價飲品送薯條或沙律） 好豐富😍有一大塊肉、煙肉、蕃薯、炒洋蔥同菜。size都好大！配埋煙肉，食落調味啱啱好，味道好有層次😋不過麵包有啲硬同乾🥲牛肉餅好厚，牛味都ok而且有肉汁😍略嫌口感有啲太實淨～但整體性價比好高！4/5😋蒜香牛油雞翼✨ $38有四隻，價錢算中等～蒜蓉味好香好重，食落好脆口，雞翼入面好嫩滑😍不過有啲太油，一咬落去會有啲油滲出嚟🥲3.2/5😋蜜椒薯條🍟 $38薯條份量都好多～其實就係蜜糖加黑椒嘅味道！蜜糖包裹住薯條，但入面仍然好脆！所以就知本身啲薯條真係炸得好脆！食落有啲似甜椒嘅味道🤣第一啖有啲新奇，係少少上癮嘅味道！不過最後食落會好膩，最好多啲人share 先好叫!3.6/5😋Oreo 奶昔🥤 $38價錢絕對唔係話好平但好飲！感覺比以前稀咗，如果好似以前咁渴撻撻返少少會再好飲啲！不過佢即使比較稀，但味道都唔會話好淡，同時亦都唔會太甜！oreo 味都好重～希望個口感可以改善返！3.8/5😋總括嚟講兩個人食咗兩個burger，叫咗兩杯嘢飲，兩份小食，俾錢除翻開都係$140左右一個人，真係超抵食！味道雖

假日再次出動覓食，呢間burger店都真係收到好埋。舖頭都係門口排隊等位，下午時段唔算多人。食物係即嗌即整，大概等咗半個鐘就可以開食喇～型男漢堡 $64型男漢堡份量十足，配料都有成七種，一啖咬落去口感好豐富。漢堡牛扒唔會煎到乾曬，食落係好多肉汁。整體味道都好夾，如果雞蛋再流心啲會更加好。餐牌上嘅漢堡加正價飲品都會送薯條或沙律，薯條都炸到脆脆嘅。芝士磨菇漢堡 $58整個漢堡醬嘅份量剛剛好，唔會令到個包濕曬。漢堡牛扒都係一樣咁juicy，但蘑菇味道就唔太出。值得一提嘅係洋蔥，食落爽口同埋味道甜甜地，感覺都可以解油膩。特濃花生奶昔 $38呢款奶昔口味比較少見，眼見到在場好多人都嗌咗，就決定試試佢。一飲就覺得花生味道非常濃郁，仲會吸到好多花生粒。由於味道都偏甜，飲到最尾有啲膩，但都推薦俾有興趣嘅你。鮮奶抹茶 $28呢杯Latte嘅抹茶味都係偏濃，飲落反而冇乜甜味。拉花好靚，睇得出有用心。

之前喺荃灣讀書嘅時候 都成日嚟呢間小店食佢哋嘅漢堡包🍔必食佢哋個經典牛堡！呢到嘅漢堡牛扒 係用咗新鮮牛肉嚟整 所以食落嫩滑多汁 牛味仲好濃郁 加埋啲蕃茄、芝士、酸青瓜、炒洋蔥同沙律菜 真係好惹味

以前喺荃灣返學嘅時候 都成日嚟呢間荃灣小店度食漢堡包🍔嗰日就同媽咪嚟咗食型男漢堡真係超足料！有一塊勁厚嘅漢堡扒 仲有煙肉，太陽蛋，芝士，蕃茄，沙律菜同紅菜頭 麵包烘都好脆 再加埋入面嘅流心蛋漿同漢堡扒 食落去更加Juicy!!!

.📍轉角．見📍 #饅頭去荃灣 #饅頭食西餐 #饅頭與cafe培養感情系列 #饅頭食麵包------------------------------1️⃣經典雞堡 ($50)今次嘅包底烘得唔錯，乾度適中又保留到鬆軟口感同麵香🍞。但內餡相對就有啲失望，雞扒味道上其實冇問題，醃得入味，煎完之後肉質不嚡不韌，仲有少量肉汁；唯一嘅缺點係size偏細，蔬菜雖然fresh但份量唔夠多，食完之後係會唔夠飽😢。◾包體：3.8/5◾內在餡料：3.3/5◾評分：7.1/10------------------------------2️⃣奧利奧奶昔 ($38)呢到嘅奶昔一向都好出名，冰感十足❄，香滑濃郁，非常適合喺夏天飲。不過今次嘅Oreo就唔算好突出，奶味比例較重，而且我覺得佢哋將Oreo餅乾磨得太細碎，個人比較鐘意crunchy嘅口感，下次都係嗌翻花生奶昔。◾評分：7.0/10------------------------------3️⃣薯條 (跟餐)今次嘅薯條感覺上冇之前嘅咁出色，外層脆硬口感較明顯，但勝在仲保留到薯仔香味🙈，唔會好油膩。◾評分：7.4/10--------------------------

呢間舖頭雖然座落喺荃灣一個唔太起眼嘅商場仔，但係都有唔少捧場客😚星期六日最好早啲嚟，唔係就要等位架喇～因為座位唔算好多咋🤔呢度主打burger，亦有all day breakfast, fish and chips嗰啲啦～我就最支持佢嘅burger😽芝士蘑菇漢堡 ($58)咬落都好有肉汁，而且牛味濃，最鍾意佢蔬菜都好多，啖啖都好清爽，平衡返個油膩感😋另一個都係同一個burger，不過加咗$10轉做素肉，佢嘅口感係極度似漢堡肉！不過當然肉味都係爭啲，但都係唔食/唔食得牛人士嘅好選擇👍🏻單點飲品會送薯條或沙律，我哋都係叫薯條～係偏粗嘅薯條，正正常常～我就叫咗杯特濃花生奶昔 ($38)🥜呢杯飲咗咁多次都仲係覺得好好味，佢唔會好杰，反而入口有奶香，同埋超濃花生味，好好飲👍🏻另一杯就叫咗奧利奧奶昔 ($38)，呢杯都係飲過嘅同類飲品最濃嘅一杯，有曲奇粒粒添～漢堡好食～不過我覺得佢飲品更為出色，真係好值得去飲吓佢啲奶昔😌

對上一次食都5-6 年前， 估唔到佢仲存在😝😝因為對上一次食都唔係特別覺得好食。😅今次舊地重遊， 唔知佢有無進步左？型男漢堡 $64好豐富好厚嘅一個漢堡📏中間有紅菜頭，但 無草青味👍🏽不過都因為太多餡多料，令到個包好濕💦， 軟淋淋咁雖然個包有烘過， 但都唔係好脆，包中間唔係咁鬆軟牛肉漢堡雖然有肉味，有肉汁， 但唔算特別出色。整體來講，個漢堡好一般加原價$38配抺茶奶昔，抺茶味夠， 唔係好甜， 也有奶🥛味漢堡加購原價飲品，可配沙律/薯條，揀左沙律🥗， 沙律菜清新鮮蒜香藍鱈魚意粉🍝$60意粉有啲驚喜意粉🍝係用幼細個隻意粉，煮到恰到好處，口感偏硬身個隻，炒得好夠香。鱈魚🐟就好嚡， 無雪味，無腥味。蜜椒薯條🍟$38當中嘅蜜唔係蜜糖🍯， 應該係糖漿，係陣死甜味而且「蜜」比例太高，黑胡椒比例太少，唔係咁食到咸味， 後期直情要問店員拎黑胡椒嚟平衡返陣甜味。不過係炸得夠香脆👍🏽整體來講， 環境唔係太舒服， 食物水準又唔係咁高， 唔洗等位都可以試下

「型男漢堡」裡面嘅肉扒及配料，媲美出面其他好食嘅漢堡店，所以都唔使多講了！反而要提嘅係，佢嘅親民價，喺出面同級食材及味道，一定唔只呢個價錢！「特濃花生奶昔」原本有啲猶豫，心怕奶昔會唔會好(杰)又甜唔解渴，但結果出奇地好飲！奶濃度及甜度適中，花生味真係好足，再加上粒粒花生碎，極有口感，而且呢個組合好特別，$38值得試吓。「薄荷朱古力咖啡」飲得出係用新鮮薄荷葉打汁，真材實料好清新，但如果咖啡/朱古力比例再多噃啲就更完美了。

其實已經食過呢間荃灣小店「轉角·見」 好幾次，今次終於要介紹下～ $50-70有一個大漢堡，都幾抵食；而薯條/沙律可以當小食另加或者叫正價飲品送～ 除咗漢堡，仲有意粉同all day breakfast😌•🥢 型男漢堡 $64呢個漢堡應該係招牌菜，見到好多人都叫咗！麵包用咗芝麻包，焗到微脆，而且好足料！除咗基本嘅漢堡扒、沙律菜、芝士同蕃茄，仲有煙肉、紅菜頭同流心蛋😋 漢堡扒加埋流心蛋係加倍嘅juicy🤤 雖然唔似其他漢堡店會強調用咗某一種牛肉整，但呢個價錢食到咁豐富嘅burger係幾抵食！•🥢 沙嗲雞堡 $52沙嗲雞堡好少見，而且仲要係原塊長型雞扒！沙嗲嘅花生味好濃，仲食到啲花生粒粒，好彩有蕃茄同沙律菜嘅fresh，令到個沙嗲無咁膩，都幾夾～•🥢 特濃花生奶昔 $38呢個奶昔嘅花生味超級濃厚，而且都幾滑，唔會太竭，飲落好滿足😍 杯奶昔幾大杯，而且正價飲品送細薯條/沙律，所以都值得叫！•🥢 拿鐵咖啡 $28咖啡味幾濃，但比飲開嘅拿鐵偏苦，個人不太喜歡🙊

呢間小店位於荃昌中心入面，價錢夠哂貼地💛今次order呢兩款嘅漢堡包🍔都超厚身又爆多料，要壓扁先放到入口，啖啖肉好滋味🤤加上粗切連薯皮嘅薯條🍟熱辣辣，脆卜卜😍♡ 型男漢堡 $64配料有漢堡牛扒、紅菜頭、蕃茄、芝士、煙肉、流心蛋同沙律菜漢堡扒肉質都算嫩滑，無筋但未去到好juicy個種，不過勝在夠哂厚身，啖啖肉～當中煎到酥脆煙肉🥓亦唔會太鹹，啖啖油脂香😋食落增添口感～加上一咬即爆嘅流心蛋🍳同半溶芝士一齊食，超juicy又滿足🤤♡ 芝士蘑菇漢堡 $58配料有漢堡牛扒、蕃茄、芝士、蘑菇、炒洋蔥同沙律菜雖然唔係夾著大蘑菇，不過炒香咗蘑菇掛著少少汁，一齊食都幾juicy😋當中比較特別嘅係炒洋蔥🧅洋蔥炒到焦香帶甜味色，幫個包加唔少分🤓

Rocky Burger $60煙肉漢堡包括漢堡牛扒🥩、蕃茄🍅、芝士🧀、美國煙肉🥓、炒洋蔥🧅同沙律菜🥬 配料豐富得黎又有肉香 啱哂鐘意煙肉既朋友😋Rocky burger was composed of Grilled Meat Patty, Tomato Slices, Cheddar Cheese, American Bacon, Onion and Mesciun greens, it was meaty & flavourful🍔評分: 8/10🌟Alpine Burger $58芝士磨菇漠堡賣相唔錯✨ 厚身漢堡牛扒煎得好香口 加埋蕃茄、芝士、磨菇、炒洋蔥、沙律菜平衡返個油膩感 以呢個價錢真係好抵食🤤Grilled meat patty was super meaty & thick, with a hints of freshness from the Onion, Mushrooms, Tomato Slices, Cheddar Cheese and Mesclun Greens were not heavy yet🥰 Highly recommended for th

尋日就去左食荃灣隱世美食轉角見，見係年初四舖頭都開返，諗住食下好嘢。雖然冇人等位，但個場都係滿嘅，環境麻麻地，燈光有啲暗。叫咗煙肉漢堡同芝士蘑菇漢堡，味道幾好，感覺到係即叫即整。煙肉漢堡都重料，比唔少煙肉，抵讚嘅，一路都幾中意食粗薯條，哩到嘅粗薯條都幾好食。不過飲品味道麻麻地，嗌咗花生奶昔同Oreo奶昔，冇想像中咁好，可能食評寫得佢太好，我期望又太高，朋友話似金拱門雪糕融咗。個場都幾忙，唔知平時係咪都一個人返，今日得一個小店員，又要執枱比人入又要搬枱出去個啲，所以我舉手落單個陣都等左陣但可以諒解。

煙肉漢堡 （$60），漢堡肉有肉汁，但味道就中規中矩，反而兩大片煙肉仲吸引。芝士磨菇漢堡（$58），磨菇份量比較少。漢堡加配正價飲品會附送薯條/沙律，薯條表面撲咗粉，所以食落口感較脆卜卜。飲品要咗朱古力奶昔（$38）及特濃花生奶昔（$38），兩杯都十分出色，推薦。花生那杯真的是極濃花生醬味，還有少許花生碎。朱古力那杯同樣濃郁，亦有朱古力碎（係我鐘意嘅微苦那種，估計是72~76% dark chocolate）。

轉角見經典牛堡煙肉漢堡特濃花生奶昔價錢💲: $58/ $60/$38好味程度😋: 4/5服務🍴: 3.5/5環境🗾: 3.2/5性價比🥢: 4.4/5回頭率😚: 3.7/5-來到荃灣隱世小店推介，今次係漢堡包🍔 係荃昌中心入面的呢間小店冇咩環境，不過都見幾多人食過，而當日平日午市去都有幾枱客人。呢到的漢堡包價錢好抵食，絕對係平民之選。-✅經典牛堡。中意佢地的包係有芝麻的包，因為會香好多😚😚烘過的包，加番茄、生菜、酸青瓜同芝士，係個經典的配搭😋 令到個包生色的係有炒洋蔥，焦香帶甜味🤩 漢堡扒正常厚度，冇筋，juicy但未至於漏汁個啲🤫 我覺得係個正常的包但贏在性價比。-✅煙肉漢堡。同經典個個一樣。不過多左美國煙肉同無左酸瓜，所以個人更愛呢個🤪 煙肉唔會煎得過硬，食落仍然易咬，同埋呢隻煙肉唔太鹹😗食到油脂香，仲有2大片！半溶的芝士，一啖咬落去好正。-✅細薯條。粗切連薯皮的薯條，熱辣辣，一定無得輸🥰-✅✅特濃花生奶昔。最愛！❤️❤️唔係好同five guys，呢個比較奶味重，似奶醬多D！不過一樣好creamy，帶啲花生粒。好中意佢似skippy咁，花生🥜味濃得來亦同個奶味好balance🥰飲完好

上網搵睇下邊間鋪可以帶埋狗狗一齊食野就搵到呢間鋪💛當日去室內就滿人反而室外就得一枱客，可能因為室外環境唔係咁好，似係坐走廊食野咁，但當日我帶左狗狗出去就坐室外！餐廳係無狗狗食物嘅，所以要自己帶定啦轉角特選早餐$79-即叫即整，蒜蓉包好脆，番茄好新鮮，煙肉煎得啱啱好唔會太鹹，整體好食😋煙肉漢堡$60- 勁厚嘅包😍漢堡牛扒好Juice😋薯條炸到好香脆，唔錯嘅😋Flat white$28 - 飲落味道淡左少少，正正常常唔會難飲，但又唔算好好飲整體黎講好性價比👍🏻👍🏻