輕鬆飲 (已結業)

六月廿九日(日)有時賣晒，有時太多人排隊，以致好耐都未試過尼度招牌波霸奶茶，今日終於一嚐~波霸奶茶大大粒珍珠，配合埋口味較甜較重奶味奶茶，正是輕鬆飲的波霸奶茶，這裡的奶茶調教得不俗，珍珠亦都係我鐘意口味，唔太硬，做飲品正好，但都係鐘意細珠多D~最大問題始終是人太多，等太耐，始終覺得外覺店服務之一是減小客人等候時間，有時看到收銀個包裝飲品只得一人這樽頸位導攷等候時間更長，實在極無奈~ 飲品出滿一枱但顧著收錢的情況屢見不鮮~

天氣實在太熱... 所以再黎幫襯輕鬆飲揀左苿香奶茶, 以上次既經驗, 少糖都幾甜下.. 所以今次嗌左微糖少冰 但係今次又覺得好似唔係好夠甜, 可能都係要嗌返少糖少冰其實都有唔少冰.. 下次真係要嗌走冰喇苿香奶茶有陣陣苿莉香味, 都 ok不過太淡喇真係! 再次覺得呢度麻麻地.p.s. 上次黎d 飲管係獨立包裝的﹐今次沒有了..

九月十一日(星期四)放學跟同學仔買泥飲,我地點左:招牌波霸奶茶&招牌珍珠奶茶(各$10) 個時間都幾多人下,等左5-10分鐘終於有得飲>>我飲珍珠奶茶,珍珠較細粒,份量頗多;茶味尚可同學仔話佢個杯啲珍珠唔多彈牙飲完好有飽肚feelp.s.仲派左張印花卡,買兩杯有一個印,儲滿十個就可以免費換一杯,但限定左係$20以下,不過都唔錯牙

尋日師傅咁啱行開呢頭, 經過呢間食店, 咁啱見到唔係好多人, 就行埋去排隊買番杯黎飲下順便睇下有冇走到樣都好!行到埋去, 即刻柯打杯少冰少甜嘅波霸奶茶, 等左一陣就有得飲! 波霸奶茶味道可以, 但師傅覺得好似走左樣, 奶茶依舊好滑, 但茶味真係唔夠, 變左好似飲奶水咁, 而珍珠嘅份量都幾多, 咬口唔差, 尚好! 總括黎講呢個波霸真真跌緊, 有走下坡嘅趨勢, 十蚊一杯仍然冇加價, 不過就好似冇咁抵飲喇! 師傅希望下次再黎嘅時候能夠有所改善啦, 笑臉真係比唔到住, 希望下次會好d啦!

某日下午同娘子雅雅買完書之後行過...一向都有留意食評既我...就拉埋娘子一齊去買野飲...娘子冇叫少糖少冰..結果...甜到佢傻左我叫左少甜少冰..但一樣覺得好甜...唯一好的是...夠大杯...夠凍...不過要排好耐...坦白而言..不太值..不過整體上還是要給笑面啦因為不過不失啦!下次試第2樣睇下有冇改善先得....

買得絕不輕鬆, 買時已有10幾人在排隊, 而這間店鋪的收銀, 泡調飲品的都只得一個人在做, 所以都等了很久才買到.我就要咗700cc 的焦糖奶茶$12 + 布丁$4可以選擇糖量: 全糖,半糖,微糖,無糖和冰量:正常冰,少冰,去冰我就選了少冰和全糖,當我一飲下去, 就覺得很甜, 不過甜得來好好飲,我好喜歡,焦糖香甜味滿分,奶味足,布丁滑溜,而且份量不少,yummy.平時在旺角都有幾間賣台式飲品,不過就沒有這間般多人龍,可能因為這間的飲品又大杯,有700cc幾抵飲, 而且又可以隨你喜歡選擇糖量和冰量, 調配合意的口味。雖然要排長龍,但好飲,又不貴,會再飲.

想試好耐 , 終於同左朋友去試啦 ~叫左波霸奶茶 , 粒波霸同平時出面果啲珍珠1樣size .而珍珠奶茶既珍珠就細粒啲..啲奶茶幾好味 ~ 岩我胃口 哈 十蚊杯都平既~響台灣飲好似都30NT 1杯, 好似仲大杯啲 ..P.S. 隔壁舖果個章魚丸爐下面有好多隻小強 , 應該有十幾廿隻

Went n bought a drink after watching a movie with gf ytd night, the queue is still very long when we got there. We ordered a "wu tao" pearl tea and a grape drink all is less sugar n ice. The wu tao drink has a very smooth and rich wu tao taste, i like it a lot, and the peal is very soft and chewy whereas other place is only big but its hard in the middle. The size of the drinks are very big and was so full after drinking it. The grape juice is very nice too but its too sweet for my gf la, and at

個日去同朋友仔食飯係旺角行行下 本來都唔知呢間店係邊但見到有人排隊一望個招牌 原來係輕鬆飲想試好耐啦好彩條人龍唔係好長派左10分鐘左右就到我要左珍珠奶茶($10)可能自己期望太高覺得d奶茶唔夠茶味 太多奶D珍珠都麻麻..咬口一般下次試下波霸可能好D

08.08.23 (六) 邊食住咖哩雞肉薄餅邊排隊等買700CC飲，揀了檸檬多多綠茶($10)前後等了十五分鐘左右﹔幸好昨天有鸚鵡哥來港一趟氣溫稍微下降，若晏晝三十幾度仲曬住個頭黎排隊等就真係咪搞我嘞。檸檬多多味道清新唔太酸幾醒神﹔下次想要試個波霸奶茶，唔知要等邊位亞哥黎吹吹先買到呢

經常行過呢度 都唔明點解咁多人排隊即係過幾條街"台式"都係賣同樣既飲品 人地仲賣埋小食點解人地唔洗排隊 呢度要排到傻呢而且"台式"做左咁多年生意 客流都一向唔少今日終於知道原因了購買同取貨 係分開 但由同一人負責 購買過程需要入電腦出單 都係同一個人做而此人身後有二人負責料理飲品 此二人集中製作 全店共三人然而 製作過程快而效率高 理應飲品應該會很快送到你手上但點解買既過程要等咁耐 拿飲品既過程又要等咁耐呢問題就在於門面的哥仔要分身做齊幾個步驟 應接不暇呢位哥仔一日唔知要重覆講幾多句野 做幾多次同樣既事但佢一直都好有禮貌咁問顧客要唔要冰, 少唔少甜 係度飲定拎走不斷重覆重覆 佢既態度係值得一讚既不過我都係覺得 一個員工 要做咁多個步驟 又要講咁多野 真係辛苦佢了總係覺得 製作果兩位人兄 應該負責分發埋飲品果個STEP咁樣會唔洗見到個COUNTER果度 放曬一大堆飲品 但又分發唔切比食客囉講返味道 由於老婆仔之前飲過一次所以佢識得叫少甜少冰既波霸奶茶茶係幾滑 珍珠都靚過"台式"果D 又大杯的確一喝翻尋味

美食之旅第三站，唔食住飲杯o野先o黎到已經見到有十幾人排緊隊，排o左十分鐘終於到我，叫o左杯招牌波霸奶茶，店員有禮貌主動問我要唔要少甜少冰再等多五分鐘左右有得飲啦，都幾大杯，少甜對於我o黎講o岩o岩好，珍珠煙煙韌韌幾有咬口，飲到尾都唔算好淡10蚊o黎講算幾好，如果唔駛排咁耐隊會更好，因為排隊o既地方對住檔小食檔，都幾煙

見openrice甘多人講..決定去試下...一去到勁多人..只係得1 杯珍珠奶都等左4-5個字.. = =一拎上手,用左d力, 已經支個好多奶茶出黎..真係估唔到佢個杯甘薄同腍...全程都拎得好小心 = =不過..杯野真係好大杯...超級抵飲....飲完飽左成日...味道就ok la...都有d 驚喜...10 蚊雞都幾香奶茶味..

次次經過都排曬長龍 仲以為真係咁好飲叫左招牌波霸奶茶 等左差唔多成半粒鐘 第一次飲唔識嗌小糖 真係好甜可能因為台式既關係掛 都係無乜茶味波霸我就真係食唔出同普通珍珠有咩分別啦不過佢勝在夠抵 十蚊就七百ml真係幾吸引 如果唔使排隊我會再去試既 不過一定要記得嗌小甜囉

次次都見到條龍咁長, 等得黎都喝死左la!但係, 既然我最愛O既Happy Lemon 無左 (o系呢條街果間), 即管試o下呢間!我地叫左珍珠奶茶, 都ok, 唯一特別係 "大" , 都係Happy Lemone 好飲d第2日行完家樂又再去試, 想試o下係咪第樣野會唔會好飲 d ! 今次試左朱古力珍珠奶茶, 呢樣直頭係差, 飲左細半杯就掉左, 完全係一杯唔好飲o既普通朱古力奶, 一 d 奶茶味都無, 好似平時茶餐廳沖出黎果 d 無分別!下次再試第2樣, 佢d 選擇又真係幾多o既!!