軒尼詩冰廳 (柯布連道)

营业中

休息中

話說去到灣仔食晚餐，唔知食咩，見到呢間餐廳裝修咁靚，就入咗去試吓，然後點咗個黑椒牛柳配薯菜，呢個餐跟個多士，好抵食。個牛柳熟度啱啱好，黑椒汁配落唔錯，好有牛味 好味！價錢都唔太貴，相比起花園餐廳椰林閣嗰啲我寧願揀喺度食 ！個環境坐落好舒服 服務員服務態度好好 ！而且出餐嗰度有個小窗口看到做廚房嘅員工都有帶手套感覺幾整潔同衛生！但杯凍檸茶甜咗啲 嘢飲方面有待改善。另外，留意到餐牌都有好多唔同嘅特色嘢，例如小菜、鐵板餐，都好似好吸引。如果再經過灣仔，我會揀返呢間食。值得一試！

好耐之前已食過，之前話老闆啲裝修好舊，老闆話:5會裝修，果然係，等左甘耐，終於開張。期待新野！好幾天lunch都等位，等第一日太多人等唔切，第二日等左都一段時間.都係食唔到，太多人，無辦法，第三天未攞飛都知唔洗等，唉，第四日終於早啲落去攞飛先，好在老闆親切亦認得我地，都唔算太耐，終於可以食。同之前真的不同，裝修好舒服，令人很想坐下去，顏色好配，食物雖然同之前不同，但真的值得讚👍🏻👍🏻見到撈起好有意思叫左試下，其實係雞翼撈公仔麵，不過名取得好👍🏻有睇頭，而且雖然簡簡單單但嗰汁好好味😋😋

雖然有食客給予負評，但本人認為咖喱飯牛肉飯非常有水準，滿滿而濃烈的咖哩香味，帶點辛辣，加上質素不俗的牛肉，整個飯已經無懈可擊~! 希望餐廳可以盡快改善飲品的甜度以及擺放餐具的"暗格"，實在是凌亂不堪.......六國大封相，視覺凌亂會令人有錯覺，覺得餐具不乾洗 !

新裝修。其實有同事去過已經同我講裝修後食物質素完全冇進步，反而仲衰過以前。但係新屎坑三日香，我都係盲舂舂去咗試，依家好後悔。其實個餐牌都好吸引，三個都會想食，最後我哋兩個都揀咗3號餐。其實賣相唔錯，但係食落就知道伏。底層全部都係白飯，冇炒底，啲豬扒谷到好乾好硬，但係又細塊，變咗豬扒薯片咁樣。。。。最可憐係凍奶茶， 唔知點解叫小冰，但係落多咗10倍糖水，真係超級超級超級甜，好似成杯都係糖水咁，個侍應哥哥已經好好，我叫咗佢比杯熱茶我，我本身諗住兩溝會冇咁甜，但係都係攪唔掂真係甜到糖尿，所以最後淨係飲杯熱茶就算。同事杯熱奶茶正常，因為係自己落糖嘅。