車厘哥夫餅店

营业中

休息中

之前向搵食評時，發現左ＣＡＴＨＩＥ　同　Ｃ＿Ａ既口味同自己好相似，見佢地大力推薦個包，今日終於試左，真係好好味呀！！仲好多合桃ＴＩＭ～～不過，今日就試唔到金華既十字包，去到已經賣晒，希望下次有機會試下啦！！

今朝o係車厘哥夫買左個細提子麥包做早餐. 個包都幾鬆軟, 但係得好少好少提子! 呢個包要成$3.5一個, 取價同美心一樣, 但係就細個d又少提子d, 以同區麵包舖黎講標價都算狼死! 下次寧願買美心.

$8一兜都幾抵食呀!都幾多西米, 甜度適中, 不過食完都好溜~

近來常常食它們的十字飽,真是非常好吃，合桃飽亦不錯。

用左$5.5 買左條提子丹麥條. 以旺角街坊麵包舖作標準, 呢個價格都算略貴.雖然佢話自己係丹麥條, 但係其實口感係介乎於丹麥條同麵包中間(我前幾日先講過話自己最憎丹麥條,而家唔會咁快自打咀巴...)個包唔係好甜, 有我小學時o係屋企附近麵包舖買返學校做早餐食o既o個種感覺...o個陣時成日都揹住個成10磅重o既書包, 用$2買左個提子條後就fing住個麵包舖o既膠袋返學. 返到學校通常都係7:30左右,食完個包就o岩o岩好排隊聽早會..好懷念呀...分數係俾佢帶俾我o既回憶...

olivian話哩度既車輪包最好食當然要去食啦,嘩!真係好食呀,好香軟,好有牛油香味$8一碌幾抵食呀!

好開心呀, 今日終於試左哩個包啦!!!!我真係好感動, 可能我要求低, 我真係覺得好好好好食!有好多好多好多合桃, 真係好鬆化~~~~~~~~~~而且又"dry"身, 証明係健康之選!><! 讚!讚!讚!如果大個d就好lu~~~~~~~

同D同學傾開,發現車里哥夫在不少屋村也有分店,買早餐幾方便.不過大家都同意車里哥夫的麵包唔好食,質地味道都唔掂.唔知係唔係屋村分店的師父差D呢.試過新疆合桃包,真係同一般包包唔同,幾特別.可能因為幾熱氣,食完喉嚨唔舒服.曲奇方面,我都係最鐘意朱古力曲奇,鬆脆又唔漏.

呢度有兩種食品係由細食到大的，一當然是當店名物鳥結糖，另一是朱古力曲奇。鳥結糖而家有好似有幾種味道，但最喜歡吃的始終是原味，牛奶味濃郁，如果果仁又夠鬆脆咁就正。呢味野又一定要趁新鮮食，如果不是受潮後會腍晒，無口感之餘又唔好食；眾多曲奇味道，比較鍾意朱古力曲奇，有層朱古力在面頭，曲奇牛油味香濃，到而家都間唔中有買來吃。如果一路睇波一路食，至少要買兩包至夠食。車厘哥夫以前係西餐廳的名牌，比波士頓及樂意更早。不過現在的車厘哥夫已經同那時沒有關係，只是買左個名吧了。

佢d cookie致好食，雖然唔平要50蚊一磅，另外車輪包係其他麵包舖未必買到，就算有都無佢咁好食。

哈哈~cathie,我都食過哩間既十字包呀我都覺得4.5一個真係唔算平,但都幾大個下, 我覺得都ok~幾鬆化, 不過我個人鍾意硬身果d~見都你食評, 等我又try下個新疆合桃包先^^

車厘哥夫o係好耐以前係一間幾出名o既俄式餐廳黎嫁, 不過後尾間餐廳執左, 化身為一間好平民化o既麵包店.佢o既車輪包,排包同曲奇都好出名,不過我都未試過!哈哈! 我食過佢個十字包, $4.5一個, 較一眾茶餐廳還要貴, 比較軟身, 幾燶, 都幾好味! 我仲食過一個名為"新疆合桃包", 個外觀似用烤爐烤熟, 食落幾鹹幾惹味!真係有d似o係大陸一元一個o既烤大餅,不過就鬆d, 鹹d, 同埋香口d(因為有合桃).如果有咖喱, 用佢黎yam咖喱汁食就正! 係個人推介!