車仔麵之家

营业中

休息中

車仔麵是香港獨有的特色美食，如果真的要比較，在本質上有點似日本的關東煮；兩者都是平民美食，兼用了一個味道極度濃郁的湯底熬煮。當然，這兩種庶民美食的用料選材各有不同，但都是以平價食材為主，港式車仔麵甚至用了不少下欄食材。雖然只是下欄粉麵，筆者相信大部份香港人一定食過車仔麵。「車仔麵之家」在多本雜誌的飲食專欄必定是三甲之列，更多數是首選，但位置不太方便，所以一直未有到來一試。今日午飯時段路經灣仔，時間有點充裕，專程一探究竟。舖位實在太細，除了一個小小的廚房，剩下的空間僅可容納六、七個人排隊買麵，人多時候甚至要排到出去行人路，店內根本放不下任何枱櫈，所以只能靠牆裝嵌了一張長而淺的枱几。一方面客人可以放低麵碗進食；另一方面，枱几下層又可以暫時擺放客人食完的麵碗，節省店員不停收拾碗筷的時間，一舉兩得。霸佔不到位置的食客就只可以外賣，或者站在鋪頭側邊的横巷拿著湯碗站立進食了 ⋯⋯ 但事實上，無論在室內或者在室外進食，都是「立食」。這種設定在開舖以來一直維持到現在，估唔到近年從日本侵襲到港的「立食」潮流，香港早在多年前就已經存在了。餐牌就簡單地貼在牆上，價錢改了又改、加了又加，每次改動只是簡單貼張紙

是次order ：酸齋、豬腸、豬皮 幼麵一打開兜麵，香味已立即傳出來。豬腸真係勁香，又彈牙。豬皮很爽口。酸齋：皮很香口。還夠脆口(雖然被湯浸過，林了少許)幼麵：其實三個餸已經太棒，已經食不出哪兒有不好的地方了！一定要再Encore！

好味的車仔麵，我只會想起大角嘴及這裡，可惜這兒星期日休息，只有趁星期六偶然早收工前來。今日剛好早收工，便立刻趕過來，時間剛剛好，午餐時間到。別看這裡舖仔細細，可各人的分工卻異常清䀿。淥粉麵的和執碼的分別由不同人負責；更能提高效率，省時快捷。豬紅 ～ 口感滑溜，煙煙韌韌。冬菇 ～ 這裡的名物之一，炆得很入味，切到一口大細，方便美味！墨魚丸 ～ 有墨魚味，而且不會過粉。油麵 ～ 每次來差不多都是要油麵，這裡的比平時食開的較為幼身，這樣更能吸收湯汁的滋味，淥麵的時間控制得唔錯，軟硬適中！不懂叫什麼食物，不用怕，門外有很詳細的介紹，看完自會找到心中所好在店內完全感覺不到油煙味，原來有三個抽風機在運作中，實在有夠細心。事後從朋友處得知，最近在灣仔春園街開了分店，地方比舊店大，而且還有坐位，下次可要去試試啦。

同事們帶飯，唯有自己一個出外用膳～心血來潮想食車仔麵，於是到車仔麵之家立食午餐。人龍無間斷，不過等待時間亦不算太久。阿姐熟練地三扒兩撥已經弄好一碗麵！店內堂食位置有限，很多食客不介意在店外的巷子捧住碗進食，雖然天氣炎熱，不過我覺得別有一番風味。甜酸齋、牛腩、咖哩魷魚河粉 - 甜酸齋酸度適中，索湯度不錯，外脆內軟。牛腩煮得稔身不黏牙，魷魚爽口有嚼勁。河粉不算太滑身～但沙嗲汁香濃又辣辣的，頗為惹味開胃！

賴生今日要去灣仔Training, 屈小姐就已經係尋晚幫賴生諗定食咩啦，就係車仔麵之家啦! 屈小姐就推介左粗麵/酸齋/蘿蔔/咖哩魷魚/豬腸，佢亦好細心咁講定間野冇得坐，只可以企係度食! 賴生呢d粗人，一個人企係度毒食有咩所謂呢!由於Training早左放，去到既時間仲係12點15左右，但舖面已經爆左(其實得4-5個企位)，而且已經有條小人龍排隊，咁賴生買完就企左係後巷食我就叫左碗咖哩魷魚，豬腸，蘿蔔酸齋大粗麵加辣(盛惠$46)……湯底 : 濃而不油，同粗麵好夾 (5星)辣: 如果食到小辣既朋友，極建議加，佢個辣好香沙嗲味而只有微辣，好正! 唔會辣到搶晒味! (5星)粗麵 : 好好食，冇梘水味，而且煮得岩岩好，唔會淋得濟 (5星)酸齋 : 賴生食左2x年酸齋，呢度真係最好食果間! 酸得黎，外面係微脆嫁! 口感好正!! 超水準之作!本來減緊肥既賴生都覺得食完肥都值!(5星)豬腸 : 洗得好乾淨，可以好放心食，而且都淋同入味(4星)蘿蔔 : 甜得黎冇渣，唔錯! (4星)咖哩魷魚 : 好厚肉，好有咬口，但略微唔夠咖哩味(4星)食完之後，我覺得點解屈小姐唔係我身邊陪我一齊食，好好味呀! 下次一定

新分店一試聽講在春園街開咗間新分店，立即走了去試下。可能新開張唔太多人，很容易就找到位坐。舖頭唔大但都幾企理。味道同舊舖比較：-1. 湯底 ： 依然做到好鮮甜，100分！2. 雞翼 ： 依然都係咁好味！3. 豬腸 ： 比較酒味濃些，但我Like4. 油麵 ： 質感都係咁正！5. 酸齋：呢個要改良一下，因表皮味道不夠酸，不夠惹味，內皮不夠入味，可以改善一下。下次會再去，試下新店的新小食。

香港立食店有幾多間?而立食車仔麵嘅你又見過未?灣仔呢間車仔麵店食晏時間一定排滿人，細細間縮埋一角唔講唔知原來好出名其實我覺得餐牌啲字可以大隻啲車仔麵，上面果碗係魷魚，豬大腸，酸齋油麵加沙爹醬。啲餸就普普通通啦，酸齋分開裝，唔會浸到冧哂，味道酸甜適中幾好味落左沙爹醬嘅湯底比冇落嘅差天共地有落嘅香香辣辣，夠哂惹味冇落沙爹嘅就清湯囉，冇評價下面果碗係豬紅，蘿蔔，雞翼油麵。中規中矩，價格亦較高冇傳聞中咁神

食晏時間嚟食差唔多次次都要排四五個字，而又次次都係叫細米粉、魷魚、雞翼、粉腸、酸齋，加辣，真係好好味，排咁耐都值得！其他地方嘅魷魚我唔鐘意食㗎，因為覺得有朕唔知係咪鹼水味嘅味，但車仔麵之家嘅冇，而且好爽，咖哩又好入味👍🏻不過外賣拎返金鐘office食，啲湯已經乾咗少少... 下次叫多湯先

由於灣仔區的確難搵車位，都係買外賣係車食啦！不過值得一試，真係不錯吾知由幾時開始，油麵就是車仔麵的老友，而加沙爹醬也是常識！呢個天作之會也要靠後天努力的！湯底清但又夠味，加埋沙爹辣汁好味。大腸夠爽口，又冇臭味。鮮魷魚爽又入味。酸甜齋就麻麻地了，略嫌煮得不夠，很硬，但酸酸甜甜很開胃。白蘿蔔，清甜！朱洪，夠實淨，咬落去滑、香雞亦也入味

未到12:30, 車仔麵之家店外已排了人龍。它的店舖面積少，只供企位，但見食客食得津津有味~ 跟同事點了外賣就去了就近PP 3期室外雅座嘆！今次點了四餸 - 魷魚，魚旦，蘿蔔，時菜，同車仔麵必配秘製辣汁！ 四個餸君各有精彩！咖哩魷魚絕對係必選，濃濃咖哩味滲入爽口魷魚，正！ 魚旦更是爽口彈牙，店舖毫不吝嗇，一客有5粒魚旦！ 車仔麵檔食蘿蔔便見真功夫，蘿蔔夠甜，無渣，入哂味！ 仲有就係秘製辣汁，有點xo，沙爹，豆豉香辣味，絕對係整碗麵靈魂。。。如果唔慣企位，可以跟我一樣到就近PP室外雅座或公園食，別有風味

以前在灣仔返工，中午好多時都會到呢間車仔麵幫襯，雖然無位坐要企响度食，但真係好好味企都值得。年前轉到鰂魚涌返工，已好耐無幫襯了。最近聽到呢間車仔麵轉咗手，唉！香港又少一間有誠意的車仔麵店。昨天到灣仔做嘢，專程去新店八下。人龍依舊，筆餸個阿姐都係嗰兩個。今次叫了油麵，大腸、咖哩魷魚、雞翼和甜酸齋，加大辣。湯底濃郁好夠味，咖哩辣醬夠惹味好正，大腸新鮮夠腍乾淨，係我的至愛！咖哩魷魚爽口入味，雞翼唔同以前，依家係豉油王汁都幾好味，酸齋甜酸汁好正！原本幾驚食唔番舊時嗰種味道！好彩食物保持到水準，依舊好味正斗👍

this place should be famous for Che jai meen.HK speciality.You order from the woman, tell her which type of noodle you want first (thin egg noodles, thick egg noodles, vermicelli noodles, flat rice noodles, oil noodles etc). After a while they ask you what ingredients do you want. I like having the squid and cuttlefish ball and some vegetables.Then, they pour in the soup base.Tell them if you want spicy, a little or a lot!You stand to eat or you can ask for takeaway I used to love the soup base

今日LUNCH TIME無帶飯, 又唔想再食連鎖店個D野食, 所以就行遠少少食車仔面之家~1點去到已經多人到不得了=_= 不過都無辦法啦~去到門口又要大叫"米粉唔該" (有時都驚D姐姐會聽錯),今次揀左魷魚鬚, 魚蛋, 雞翼, 加辣!魷魚鬚口感超爽雖然就咁食無乜味, 但係夠爽口~魚蛋唔係好大粒又唔係軟LUM LUM個D, 好煙刃~雞翼係滷水版, 好入味, 而且大大隻夠哂食~重點就係個辣汁!!!! 真係好正!!! 刺激成個口腔DDD佢唔係好貴, 但係份量足夠, 不過如果係自認大食嘅, 可以加底要多個面~咁就會再飽D~

細個住灣仔既我，最常幫襯既車仔麵只此一間，食過呢間應該返唔到轉頭，好多時朋友話帶我去食好出名既車仔麵，食完我都失望，因為真心比唔上我食開既呢間“車仔麵之家”。唔講你唔知第一代出品係喺1970年代，歷史悠久做到而家啊（勁）! 雖然店仔細冇位坐，但依然好多人幫襯，食晏時間唔洗講排到乜咁啦！就算我呢日office hour 4點幾去到都有唔少人幫襯。最推介係咖哩尤魚，不過今日賣哂，下次請早，佢地既尤魚有乜咁好食，就係用咖哩將尤魚由生炒到熟，唔係求其6熟佢加啲汁俾你食囉，爽脆彈牙，正到爆，其次要提嘅係佢果pat秘制辣醬，出面我真係未食過咁香咁特別既味道，我點講都冇用，幾十蚊買碗試過你就知。今次雖然食唔到咖哩尤魚，但其他必食既有魚蛋，超彈牙，大腸好乾淨唔怕食到屎，好香好好味，仲有係酸齋或油齋，浸湯點辣醬，攞你命，我自己就食上癮，勾魂車仔麵唔係浪得虛名㗎 （笑）。

工作的日子，吃車仔麵往往是一個最能省錢的選擇。對車仔麵的要求不會很高，但在午飯時間，能吸引著一條長長的人龍，延伸後巷的車仔麵，倒是第一次見識，這天就來到這間毫不起眼，在街道角落的車仔麵之家。在十二點半的時間，從公司走到了近金鐘的這小店，店子的面積不大，只有大約可供4-5人企著用膳的地方，另一邊則是供食客排隊的空間。門外已有10多人在輪候。當中為數不少的都是附近工作的人們，大部分都是買外賣的。店子的效率也很快，不消10分鐘就已經能買到吃了。與其他車仔麵檔一樣，都是要先下麵底，然後再揀選餸菜的。但是這兒有的是效率。餸菜牌在店子的左方，當看見它時，店員已經急不及待地問道要下什麼的麵底。有著粗麵，米粉和油麵等，還有著大中小份量的選擇(大-14元，中-11元，正常-7元)，而餸方面，介乎6-8元一款。最後，我選擇了酸齋，豬腸，咖哩魷魚和豬皮油麵 (35元)。立食的空間不大，而且高度還不太適合個子較高的人們。但食物上則有驚喜:-酸齋，在別的店子會是軟淋淋的，而在這兒的則是脆脆的，即使沒有分開上，浸在湯中也很香脆。淡淡的酸味令胃口來得很好。咖哩魷魚，真的如門外的雜誌介紹般，經過生炒的工序後，才放進咖