越風味地道越南料理

营业中

休息中

好耐冇食過越南菜啦，所以今日同朋友出開旺角行街，就係Openrice搵到呢間越南餐廳～餐廳位於砵蘭街，如果係油麻地站A1出口，大約行3分鐘就到餐廳啦，餐廳裝修主要以綠色為主，牆上掛有越南風嘅畫，一坐低老闆會主動向客人介紹食物，好Nice⭐️最後我同朋友就order左👇下龍灣墨魚餅 $68一碟有三塊，會配上一個酸辣汁，墨魚餅入面好多墨魚，口感非常彈牙，而且炸得好香脆，好食，值得推薦👍越式蒜蓉包 $28有4片厚身嘅法包🥖，加埋牛油及蒜蓉，焗到好香又好脆！香茅豬扒撈檬 $58一上到枱，就已經聞到好香香茅豬扒味，豬排切開有五大塊，睇得出係即叫即整，炸到金黃色，咬落重好Juicy好脆🐷，檬粉配合埋酸酸甜甜嘅檬汁一流👍順化豬手湯檬 $82好多料！有豬手、牛展、扎肉、生牛肉，一碗入面又有豬🐷又有牛🐮，呢碗湯檬抵食呀🤣會配埋青檸、辣椒粒、香葉，比客人自己調味，個湯主要用牛骨熬製，好重牛味，味道鮮甜👍鮮榨牛油果沙冰 $25有淡淡牛油果味，又有椰子味，感覺好Fresh，好飲👍整體嚟講，餐廳員工好有禮貌，好友善，食物CP值高，中意食越南菜嘅你值得一試～

今日既下午茶選擇左食越南野，越風味令我對越南特色食品又增添左一點認識！今日知道左咩係”Banh Da”粉同牙車快 ！😝1.蕃茄蟹肉香茅豬扒湯”Banh Da”粉 $82”Banh Da”粉係粗平面既麵，麵質彈牙！蕃茄湯非常鮮甜濃郁！越南特色肉丸惹味！本來係燒肉但無貨，所以改做香茅豬扒！豬扒肉質嫩、易咬，亦夠入味！👍🏻👍🏻2.牙車快 $68原來即係雞肉椰菜沙律，椰菜夠爽脆，配合花生麻醬，好味😋3.牛油果軟殼蟹米紙卷 $68清淡健康，但飽肚！4.自家煲香茅檸檬薑茶 +$16滋潤養生😀

同朋友出街出左成日，打算搵間餐廳食，大家又無咩意見食咩好，咁岩行過見到呢間食越南粉，望落價錢都合理，就入去試下喇😌越風味珍寶火車頭湯河 $88因為樣樣都想食下，火車頭就最岩我☺️有生牛肉、牛展、牛筋、牛丸、牛腩、札肉、蘿蔔，夠晒豐富😚湯底係牛骨湯熬製而成，清甜而不油膩香茅雞翼牛骨湯檬 $62雞翼用香茅醃過，幾夠入味，而且炸到外脆肉嫰，幾惹味☺️湯檬份量好多，食到好飽😁芒果軟殼蟹米紙卷 $68越式米紙卷係越南獨有嘅小食，第一次食有芒果同軟殼蟹嘅米紙卷，咬落入面有少少香脆嘅口感，仲有芒果嘅酸甜味道，令人食慾大增😋加埋檬粉、生菜、青瓜嘅口感真係好豐富青檸梳打 $16椰汁珍多冰 $16

今日同朋友行完旺角，忽然想食下越南菜，又剛巧見到呢間餐廳，就入去吃晚餐。裝修以非常清新的綠色為主，望落幾靚。只見餐牌都好多款式選擇。A01 越風味珍寶火車頭湯河（2位用）$118: 火車頭湯河真係好豐富好多材料，有生熟牛肉片，扎肉，蘿蔔，牛腩，牛丸，真的非常豐富，牛骨湯好重牛味，非常好飲。因為我們選了是2位用的，真的非常大碗非常抵食！牛肉片夠滑，牛丸又彈牙！蘿蔔鮮甜。下龍灣墨魚餅（$68）：真心推介！墨魚餅非常彈牙！個口感好好，唔會食到好多粉咁。炸得香脆又好食，幾正。蒜蓉牛油軟殼蟹（$88）：軟殼蟹炸得好香好脆，份量都多，都幾好食。雖然佢蒜蓉牛油味唔算好出，但炸軟殼蟹本身都已經係幾吸引幾好食。整體來說性價比都高，不錯。

最近朋友搵到呢間新開張冇耐嘅越南餐廳🇻🇳裝修望吓都好乾淨企理，於是就入去試吓～入到去覺得樓面員工服務態度好， 會主動過黎介紹招牌菜式，於是就跟咗佢哋嘅推介叫咗幾樣嘢食😆越式雞扒牛骨湯撈檬 $58湯頭主要係用牛骨熬製，味道健康得來又鮮甜👍🏻要讚一讚個雞扒真係好嫩口，可見師傅控制火侯嘅功力。香茅豬扒撈檬 $58撈檬正正常常，配合埋酸甜汁都好開胃。而香茅豬扒即叫即整，咬落口好Juicy；同埋廚師拍鬆左豬扒啲筋，食落口相對軟身😍平時食豬扒都幾怕會食落口會硬同難咬，而今次而間餐廳既豬扒令我覺得幾出色幾有驚喜！手打蝦餅 $62聽樓面員工介紹，小食係越南師傅手工整，蝦餅外皮炸得酥脆，十分之夾個酸甜醬汁👍推薦呢款小食飲品方面就叫咗新鮮椰青 $38 & 凍自家製椰汁珍多冰，因為係自家製，所以唔可以嗌少甜/走甜。但飲落覺得甜度適中，好重椰香味，整體正常☺️總括嚟講覺得餐廳員工招呼周到，環境亦都光猛企理食物質素同性價比都高，兩個人叫左咁多嘢食埋單最後都只係二百幾蚊～值得一試😏！

近排都喺旺角返工，每當食晏嘅時候都會同同事幫襯呢間越南餐廳，因為無論價錢同食物嘅質素都非常之好，好值得喺度推介一下。越風味地道越南料理，餐廳位置喺旺角砵蘭街108號地舖，餐廳地方都算大，而且裝修得好整潔，加上座位嘅空間感好足夠，喺度食嘢都幾舒適。自製春卷22元，正宗越南風味，外面炸到金黃色又酥脆，入口爽脆，春卷嘅材料都幾豐富，有啲肉絲，甘筍，粉絲，冬菇，食落去又爽又香真係好好味。手打墨魚餅。36元，墨魚餅熱辣辣食落去墨魚味香濃。口感好爽滑彈牙，食得出食材係好新鮮，味道又香又有口感。越風味香茅豬22元，豬扒嘅size都好大件，揸到外面金黃色，但係入邊仲保留到肉汁食落去好Juice，加上豬扒嘅肉質好軟腍，味道又香又好食$22有咁大塊豬扒，真係好抵，性價比好高。牛油軟殼蟹，軟殼蟹炸到好香脆，咬落去卜卜聲，入邊嘅軟殼蟹味都好鮮甜，完全唔使其他調味，淨係食蟹嘅鮮味。呢個真係必食嘅推介。珍寶火車頭 兩位用$118，生牛肉浸落啲湯度一陣就啱啱好，入口牛肉肉質好嫩滑，味道好香牛肉味，加上其他嘅配料都好豐富有扎肉，牛丸，蘿蔔，湯底味道清甜，河粉都做得好幼滑，口感又香又滑真係好好味。最後一定要點返杯越式咖

同朋友試試旺角新開既越南餐廳🤭-餐廳裝潢以綠色為主調 感覺清新、乾淨 牆上仲有d越南主題既油畫 🖼️🍴烤牛肉撈檬 $62一上枱就聞到好香既烤牛肉味道 再加上酸辣酸辣既撈檬 即刻胃口大開😋而撈檬既份量都算大 2個人叫埋其他小食share 好满足同飽肚👍🏻🍴芒果軟殼蟹紙卷 $68有4舊 每個都大大舊 好足餡 有炸到好酥脆既軟殼蟹 同鮮甜既芒果🥭 仲有好多青瓜等 連埋煙靭既米紙食 好夾👍🏻😆🍴越風味小食拼盤 $98小食拼盤有春卷、蒸粉包、蝦餅、墨魚餅、扎肉 每款都有2-3件 好豐富 仲分別有春卷汁同普通既酸辣汁配 春卷汁就比較淡味 個人最中意食佢個扎肉 好爽脆 無咩胡椒味❤️另外佢既蝦餅同墨魚餅都好彈牙😋👍🏻🥤自家煲椰汁芒果西米露 $38🥤自家煲椰汁三色冰 $36餐廳全部既特飲及港式飲品都係半價 有d仲要係自家製 好抵🫡👍🏻📍越風味地道越南料理 @旺角砵蘭街108號地舖

旺角砵蘭街近排開咗間新嘅越南餐廳，見佢有啲幾特別嘅越南地道菜式，所以就去試下🌟蕃茄蟹肉香葉燒肉湯Banh Da粉呢個係我喺香港第一次見有越南餐廳賣嘅湯麵，我喺越南都冇食過，因為呢款係越南海防市嘅美食呢個湯底蕃茄味好濃，入面有蝦、蟹腳、香葉燒肉、扎肉、豆卜，好豐富，而香葉燒肉整得好正宗，啲肉仲好熱，隻Banh Da粉幾特別，鞋鞋地，未食過呢款口感，同埋份量好多，女仔未必食得哂🌟越風味珍寶火車頭湯河呢個去親越南餐廳都必點，一試佢嘅湯，清甜得黎帶有幾濃嘅胡椒味，而after taste會飲到牛骨味，幾真材實料，而湯河入面有生牛肉、牛腩、牛展、牛筋、牛丸、札肉，河粉更比平時食到嘅滑，耐咗亦都冇令佢變淋🌟越風味自製春卷起初以為係米紙春卷，原來係炸春卷，炸得好脆，入面好多餡🌟越式黑糯米乳酪沙冰估唔到呢個係打碎埋黑糯米，混入酸酸地嘅乳酪黎飲，幾香🌟越風味咖啡沙冰呢個係越南煉奶咖啡嘅沙冰版，飲開港式咖啡嘅人可能會覺得好甜，但我就覺得咁先正宗餐廳老闆會同食客傾計問下佢地對啲食物嘅意見，幾有心去改善呢間值得我再去幫襯

越風味地道越南料理，位於旺角砵蘭街地鋪，餐廳位置非常方便，佈置簡單，座位舒適。餐廳以地道越南料理為名，一定要試最傳統生牛肉湯檬粉，湯底清甜，牛肉味香濃，薄切生牛肉份量多，檬粉份量亦多，配合青檸辣椒粒一流。鮮蝦米紙卷，傳統越南風味美食，新鮮大蝦配檬粉生菜，再加傳統越南風味醬汁，一碟四件秒殺。下龍灣墨魚餅，熱辣辣脆卜卜上菜，墨魚餅外脆內彈牙好食。飲品推介芒果沙冰，即叫即榨，芒果味道極濃，不會太甜，夏天一流。

平時有時都會去旺角返工 今日經過見到一間新開嘅越南餐廳 抱住一試嘅心態入去試吓入到去見到其實價錢唔算貴 普通午餐飯，河粉都係$60左右 仲跟飲品香茅豬頸肉牛骨湯 $68黎到見到賣相已經知道唔錯 豬頸肉表面燒得香脆 每舊都令立立 又唔算太油 食落去幾香口 配埋佢哋嘅越南河粉 啱啱好中和豬頸肉嘅油香小食方面仲叫咗一個 越南風味豪華大拼盤$208入邊有嘅小食包括墨魚餅蝦餅等等常見嘅小食亦都有一啲越南🇻🇳嘅地道小食 包括豬肉腸 豬肉春卷鯪魚餅等等 平時喺其他連鎖越南餐廳都好少見總括嚟講呢間越南餐廳性價比唔錯 而且食物方面食得出有擺心機同特色 算係一個平時食晏幾好嘅選擇

朋友介紹我嚟呢間性價比高嘅越式餐廳🍴 佢話呢度嘅老闆好Nice 果然冇介紹錯啊🙊 佢好用心聆聽意見 又會推介餐廳出名嘅食物俾客人 服務真係抵俾5分佢👍🏻香茅豬頸肉太陽蛋飯一嚟就俾佢嘅賣相吸引咗 豬頸肉排列得好整齊🐷 外面煎得好乾身 入面又好juicy 好推介呢碟 香茅味道啱啱好☺️ 如果嫌個飯太乾 每檯都有樽甜豉油加㗎 配埋太陽蛋嘅蛋汁就夾啦😮咖喱牛腩煲店員有提醒我地個煲好熱 因為係明火煲出嚟 所以咖喱都係熱辣辣既👅 好正呀 薯仔炆得好腍🥔 牛腩份量都唔少🐮 餸飯食一流越式蒜蓉包加配嘅蒜蓉包份量唔會得好少 有4塊幾厚身嘅法包🥖 焗到好脆再搽上牛油加落蒜蓉 我自己就幾鍾意咁重蒜味喇🥰 點咖喱食都好有風味自家煲椰汁芒果西米露見到隔離枱嗌就好想試吓 西米露味道唔會太甜 而且唔似坊間咁杰身🥭 唔會杰到飲唔到 鮮搾青檸梳打呢個好fresh🍋 好啱夏天飲☀️總括嚟講 呢間餐廳性價比都幾高 係油麻地呢啲旺區真係算幾好😻

之前去開旺角食嘢都係去嘉樂坊附近，呢排去多咗砵蘭街呢一邊，原來呢條街成條街都係食街，仲要有啲係長期有條對嘅。今日就試吓呢間新開嘅越南嘢，貪佢裝修夠靚夠新淨。夜晚七點幾去到已經七成幾滿座，睇過個價錢牌，選擇頗多而且價錢都唔算貴，喺旺角算係咁，仲要成條街數下都有三四間越南嘢，競爭都真係幾大。香茅豬頸肉撈檬($68): 豬頸肉燒得外皮脆身，食落去仲食到燒烤嘅味道。檬粉份量多而且配菜都唔吝嗇。河內生牛肉湯河($56): 用呢個價錢食到咁嘅份量絕對係物超所值。生牛肉份量都有九塊，而且有芽菜墊底，河粉都好滑。不過配菜會有生洋蔥，蔥絲同埋蔥花，如果唔好嘅記住要同佢講令上或者直接走蔥。蒜蓉牛油雞翼($68): 一碟有四隻，牛油雞翼唔係周圍都見到，都係新鮮炸起，一上菜都聞到牛油味，但係食落牛油味唔算太突出。炸漿較口不過鬆脆，勝在雞翼本身醃得夠味，而且食落啲肉汁係會燙口。珍多冰($32): 椰奶打到有少少🤏好似沙冰咁，飲落去冰爽清涼，不過椰汁味較淡口。新鮮椰青($38): 正常，清甜。總結：喺旺角用咁嘅價錢有咁嘅份量，絕對係抵食，而且見佢新裝修，都坐得舒服。

今日好開心同屋企人去咗旺角附近嘅一間越南餐廳，食午餐，呢一間越南餐廳一試難忘，一定要推介呀，首先呢一間餐廳嘅位置，在油麻地站出口行2分鐘，即到越南餐廳，非常之易搵，可達到高，如果朋友要搵餐廳嘅話一定要嚟呢間試吓，至於食物方面，都係超級一流呀，我哋叫咗一個肥牛湯河粉，仲有最有賣點的乾果玄學蟹，呢一個芒果軟殼蟹好加分，因為佢芒果配合軟殼蟹個味道係好夾，有芒果的甜味，仲有配合玄學蟹的鹹味，超級好食，唔係間間餐廳都有㗎，而且我哋仲叫個豬肉卷，呢一個餸，都係好特別，只有呢一間餐廳有，佢係用紫菜包住豬肉，味道好夾，超級好食，而且呢度嘅餐廳老闆好和藹可親，好有耐性咁解答問題，推介食物，服務一流，侍應都好好服務，超級有笑容，所以下次一定會再嚟呢一間越南餐廳食嘢！

黎到旺角想食d清爽啲嘅野，第一時間諗到越南菜，就揀左呢間新開嘅越風味試下。食物方面，我地揀左香茅豬扒撈檬、火車頭湯河、軟殼蟹米紙卷同豬肉紫菜卷。豬扒撈檬，真係非常推介。豬扒份量好多，而且都厚身，唔會好乾好韌。如果想一次過食到唔同配料，就可以揀火車頭湯河，入面有牛丸、札肉、牛肉等等。湯底清甜，唔會好咸好多味精。軟殼蟹米紙卷、豬肉紫菜卷，賣相好精美😍軟殼蟹好香脆，米紙卷入面嘅生菜非常爽脆，所以一啖咬落去係可以咬斷晒！口感好好👍🏻紫菜卷都係好香脆可口。飲品方面，叫左個紫糯米乳酪沙冰，非常推介！我第一次飲紫糯米加乳酪呢個配搭，估唔到咁夾。個乳酪飲落好滑，呢度個老闆話個乳酪係越南嘅乳酪嚟㗎🥰 絕對值得為左呢杯飲品下次再黎幫襯😍

旺角真係好多嘢食，呢間越南菜經濟實惠，而且裝修新坐得舒服，服務仲唔錯！香茅豬扒牛骨湯湯檬牛骨湯底有牛骨清湯香，湯檬份量夠，另外有辣椒及青檸可以自己調味，加咗個辣椒相當香。香茅豬扒肉質腍身，香茅味香濃，調味剛剛好。蕃茄蟹肉香葉燒肉湯Banh 蕃茄湯底酸酸地，配料相當豐富。有成隻蟹腳、蝦丸、豆卜、扎肉、香葉燒肉、蝦等等。呢個粉係粗身，好飽肚，煙煙韌韌嘅口感幾特別。越風味小食拼盤有魚餅、蝦餅、墨魚餅、豬頸肉、扎肉。魚餅煎得香、蝦餅口感唔錯。墨魚餅夠彈牙。豬頸肉點埋辣汁好惹味。扎肉面上有蒜蔥。熱香茅檸檬薑茶香茅夠多，而且檸檬酸酸地，薑茶秋天飲就夠暖身。椰汁紅豆冰椰汁味超級香濃，店員話椰汁係自己整所以特別香。而且紅豆夠多，好飲！