越鋒味越式餐廳

营业中

休息中

呢間個時係新開，而家都幾個月了，冇再返去食，唔係話唔好食，但當時太迫啦，加上佢比較新，唔太熟手XD佢既野食係正正常常既，無特別~ 豬頸肉亦唔算特別香，但唔難食既，只係無咩特別囉~越鋒味招牌牛三河粉 $58西貢烤豬頸肉撈檬 $52越式蝦餅 $15

價錢親民而且生牛肉湯河好好味，會再幫襯！同埋個牛油雞翼， 唔叫唔知原來咁好味，簡直係色香味俱全。聽老闆同老闆娘講原來木瓜沙律入面嘅木瓜係自家種植，價錢咁平可以食到啲有機嘅嘢真係好開心！

餐廳好細，但食物種類尚算多，味道也好啱食，價錢非常合理，服務大致上好滿意，性價比高，牛肉湯河湯底偏甜，個人很喜歡，米紙卷一般但尚算係正常味道，牙車快好好食，好開胃，但可惜餐廳裡油煙味太重，個人接受不到，所以下次會選擇外賣，請保持水準，謝謝。

今日打電話order外賣自取，去到餐廳，樓面得一個女服務員，有3枱客，我同個女仔講我打咗嚟order，佢冇同我對單，就同我講未有喎，你俾咗錢我先啦，98蚊。我已經計咗啱數，所以俾咗$100佢，找咗錢，佢就話你出去等啦！全程冇尾音、唔該、多謝都無聲！最後去到俾外賣我時，都係就咁叫個號碼，亦都冇講多謝！講返嘢食，味道同賣相都ok，希望佢哋再培訓一下樓面嘅服務態度，如果唔係D嘢幾好食都好，都唔會有回頭客！

試業中，見新開就試下啦算抵食既，六十蚊左右有個晚餐，但好唔好食呢？試過先知飲品叫左咸檸檬梳打，我就叫左熱檸水，因為熱檸水浸得耐會苦，所以我將幾片檸檬送左比咸檸梳打，飲品正常~ 順帶一提，枱上配料都似係越南入口，幾正宗可以岩岩試業，要等十五至二十分鐘先有得食。我叫左個有蝦頭膏海鮮湯河粉，湯底ok既，但又唔算蝦膏味好出，而海鮮就食得出係雪藏，呢個價都預左係雪藏，但可以溶左雪之後比幾粒鹽醃下，因為食落完全無味，我見店主都算入中 size既蝦丫，如果完全無味就浪費左呢個size蝦既口感。而其他海鮮都一樣，無謂講。係個河粉算靚溜滑身，所以不如叫個淨河好過友人就食香茅豬扒，呢個反而有驚喜，非常juice, 亦香口，可以再食，但隻蛋老身左，脆邊係好，但依家個底變左叫老身。中規中距啦，平都要好味先有點頭客嫁！

特登同朋友去東大街試呢間新開越南菜，叫左：牛三河，湯底正，牛肉好好味！三寶撈，正米紙卷，好味兩杯野飲盛惠$152食物好味，服務態度好！聽到有越南咖啡，下次再試！抵！