越發地道河內料理

营业中

休息中

好開心又有得食🤣宜家晚市延長返 六點左右去左等位都未開門呢～幸運地前面只有一兩位等緊上次食左麵今次試下個蛋角飯🥲🥲點解可以咁好食第一次食 佢哋教話要先整碎個蛋撈落飯食未試過食咁樣成塊要切的札肉幾有味道因為札肉會較重味 逐啲切好 再點汁撈個飯食👍🏻覺得加埋個魚露係更加正！個飯真係好得 同男朋友share住咁食老闆都忍唔住話通常見人一人一份好少見我哋咁兩個擺係中間一齊食😂熱辣辣春卷個皮超脆用生菜包左都係咬落冒煙個餡好足料 脆度滿分蕃茄蟹檬～呢個相對其他主食係無乜餸不過見係周末先有都想試下叫多左個雞翼食叼個檬精華係個湯底！蟹味濃郁 啲豆卜吸收晒啲湯汁都好正幾中意食越發的檬粉 同出面食到的感覺不同食到後面真係有啲飽都無飲晒個湯越發真係香港暫時食過最正嘅越式餐廳又唔會好似外面食嚟食去都係火車頭無乜特別款式每樣菜都唔會令人失望🥹不過想唔使排咁耐就要早食啦！

💛招牌牛柳牛丸河💛油麻地人氣越南牛肉河，湯底唔算好濃，但肉味好出，配埋跟湯九層塔同葱真係好好飲，佢哋仲有跟幾片油炸鬼，可以浸湯食，又係好好食，喜歡可以加少少青檸汁同辣椒一齊飲仲惹味，河粉比坊間一般好食好多，越南直接返貨，爽滑有咬口唔會浸耐左就淋晒，牛肉選用較好嘅牛柳部分，經師傅處理後完全無根位，肉質嫩滑有咬口，肉味濃郁，自家制牛丸，爽口彈牙有肉味，溫馨提示：小店每日大約4點半左右落場，夜晚6點3開門。

越發已經收藏佐好耐想食，只係要排隊唔想排就一直未有黎試，之前經旺角打佐2次都冇位，今次醒起就再試下打電話問，可能又係閑日，話有位，即刻就行過去。入到鋪真仰好細，得幾張枱，牆上掛住幅畫好靚。老闆（應該係），態度幾好。叫佐個牛柳粉同蒸粉卷。牛柳粉上枱先知咁多蔥😂，我係唔食蔥，整佐好耐先清曬啲蔥。我仲意飲啖湯再攪勻啲牛，平時係牛肉另上，不過老闆話唔好。個湯好清甜又有牛骨味，忍唔住忍多两啖。平時我都仲意加魚露，今次冇加到，因為個湯太好味了😋，當然飲曬成碗湯。蒸粉卷皮薄又滑，熱辣辣好好味。

晚市18:00開始營業，因為知道店面不大，擔心晚了要等位，便預早了點17:50已站在門口，想不到也有其他人跟我們一樣提早等候呢~甫進入店內，牛肉湯的味道已撲鼻而來，店主非常親切有禮，兩位選擇困難的人士掙扎過後，決定各自點一碗河內牛柳粉，及一客鮮蝦米紙卷。上桌時牛肉是半生熟的，面頭有大量青蔥粒﹑芫茜及像香葉的香料，相信對於日常走青的人會很痛苦，但對於愛蔥的我來說就是天堂!!😍配料附上油炸鬼﹑辣椒及青檸，建議先喝原料的牛骨湯，配搭著香料的味道非常清新🤩但又不會過淡，令人上癮的味道! 配料則建議可吃到一半味蕾開始疲累時，便可陸續加入辣椒及青檸刺激一下味覺，調味後令湯底口味更豐富呢!河粉口感比起港式粉麵的河粉不同，是有咬口的河粉，有點像我兒時最愛吃的福字牌貴刁即食麵都口感，那種絕版的口感竟然這裡吃到🤤牛肉亦不是隨便放下去的肥牛，而是瘦的牛肉，咀嚼起來有牛味。整碗牛柳河也沒有要挑剔的地方呢🥹

今次嚟到旺角都幾出名嘅越發，可能早排疫情嘅關係，等咗十幾分鐘就有得入去😆小店鋪面唔大，大概都係得十零個座位🙈牛丸牛柳河粉 $96食越南菜梗係要食返個pho，呢度嘅pho比較特別🍲係用上半生熟嘅牛柳絲，再靠個湯嘅熱力去整熟佢，咁就可以令牛柳絲保持嫩滑，唔怕煮得過熟👍🏻而牛丸就係兩粒切開一半，食得出係有質素嘅牛丸，咬開有肉汁，而且牛味香濃，河粉質地爽滑，湯底都有牛骨香味🐮另外亦都可以加啲青檸汁入去令湯底更加清新，仲有蔥絲、蔥粒同埋香葉碎🌿令碗粉更加有層次。比較特別嘅係佢仲有附上油條，可以索埋啲湯一齊食🤓奧巴馬粉 $80第一次喺香港見到呢個奧巴馬粉，梗係要嗌嚟試吓🧐原來即係碳燒豬肉伴檬粉。佢嘅賣相亦都非常特別，啲檬粉已經分開左一著著，以一個筲箕裝住🧺仲有一啲香葉可以自己摵落去個湯入面。佢嘅食法有啲似沾面咁，將啲檬粉浸入去個湯度食，湯汁味道酸甜，都幾開胃😋就咁飲就會覺得甜咗少少，入邊仲有一塊塊嘅烤豬肉同埋肉丸，烤豬肉以香茅同黑椒調味，帶有炭燒香味，而豬肉丸係自家製，都幾特別🐷

為左能夠令小編重拾返當年飛往越南的感覺，小編穿梭於旺角的鬧市當中，尋找出隱世正宗越南味的小店！終於搵到呢間位於旺角砵蘭街的…🍽越發地道河內料理🇻🇳越南野係香港真係食唔少，但講到正宗越南風味既非呢間莫屬😋每次無論下午/夜晚經過都一定大排長龍，未食都知道佢既味道有保證啦👍🏻如果唔係又點會吸引到咁多客人慕名而來朝聖呢 ! ？而且聽講餐廳的材料大多都由越南河內黎既，感覺好地道阿🤭🐖碳燒豬肉伴越南檬粉-奧巴馬粉 ($80)店員貼心講解食法：首先可以將香葉、薄荷葉撕碎放入湯中，之後再將一小團檬粉蘸上旁邊嘅湯汁進食，食法就好似日本沾麵一樣咁。當然廚師一早將檬粉分成一團團，方便客人食用，小編覺得好貼心🥰材料方面十分豐富，有勁多炭燒豬肉及炭燒豬肉丸，炭燒味香之餘，肉丸焦香而且juicy，配埋湯汁酸酸甜甜，非常開胃，推介試下！💡小知識：點解叫奧巴馬粉?因為2016年奧巴馬拜訪越南嘅時候和已故的著名旅遊美食家安東尼·波登Anthony Bourdain在河內碰面時，安東尼·波登安排他去吃的便是bún chả。而bún chả基本上是乾的河粉，吃的時候加上烤豬肉，其它生菜，和魚露醬汁，混在一起食。烤豬肉入面除

一餐飯往往係一個好好嘅方式，俾我搵好似好耐冇見嘅人出嚟見吓面、傾吓偈。好耐冇食過越南嘢，有啲掛住，咁我就提議咗呢度。•河內牛柳粉🐂同一般嘅生牛肉湯河唔同，佢係用牛柳，而唔係牛肉片。口感已經好唔同。啲肉有厚度之餘，微生嘅鮮嫩肉質，再加埋越式嘅牛肉清湯，真心唔錯～•炭燒豬肉伴越南檬粉(奧巴馬粉）🐖就唔關前美國總統事嘅～🤣🇺🇸其實佢就類似日本嘅沾麵🇯🇵，明嘅話就知道食法嘞！好想讚下佢嘅炭燒豬肉～ 雖然佢放咗落湯浸，但炭燒嘅惹味依然喺度，仲要減少咗啲熱氣。加上越式地道甜大於酸嘅湯底，係有我去咗越南嘅感覺。用埋自己手滅薄荷葉放湯食，效果又幾唔錯～😎😎•鮮蝦米紙卷🦐想知一間越式餐館掂唔掂，叫呢樣就知。返璞歸真，呢度菜最緊要係蝦夠新鮮彈牙，菜夠新鮮爽口咁，就已經好好。不過我覺得加分嘅係⋯佢個汁，因為我食得出係廚師自己調出嚟，而唔係現成。落咗少少類似金不換同薄荷葉加檸檬嘅甜酸魚露，再加啲自己切嘅細細塊野菜，係你平時去越南旅行食飯先會見到嘅小心思～～🙊·食完覺得好滿足，好耐冇試過咁樣，環境仲好越南，希望遲吓可以返越南食⋯🇻🇳

大家都應該知道舖頭地方唔大，座位有限剛好同母親大人坐埋最後嗰兩個位之後嘅食客就要排隊隊啦越南凍啡少冰好味啱我口味，我應該要叫少甜想講佢個水都好有誠意，你唔好以為係普通水我飲都係有少少椰味嘅水本身唔係好食牛但係知道佢用牛柳片嚟當牛肉我覺得好有誠意出邊一般嘅牛粉多數都係就咁放片生牛肉落去但係佢嘅牛柳片好淋，係有少少調味唔會太鹹我覺得好好味呀！牛丸雖然係開半扮一粒但係我都夠飽，男士都絕對夠食啲粉食極都仲有，個湯好味唔口渴絕對絕對會encore個油炸鬼就食唔食都吧啦我又試係咁😞差唔多食完先記得影個春卷都好好味皮薄餡料多最期待嘅畫面出現啦⋯⋯牛油雞翼佢唔係一般食到嘅牛油雞翼，好重牛油香面頭脆卜卜，而佢牛油味係有但唔算濃，係用蜜糖封返個面，面頭再加啲乾蒜我就鍾意食嘅不過同我預期嘅牛油雞翼有落差都係鍾意食返平時出面嗰啲嘅越南牛油雞翼多啲

越發地道河內料理（油麻地）呢間絕對係我最最最最最鍾意食嘅越南粉店面唔大座位唔多所以去親通常都要排半個鐘左右先至食到最鍾意食佢個招牌牛柳牛丸粉湯底超香濃河粉比較薄身而且超滑又唔易斷用咗牛柳代替坊間常用嘅薄肥牛肉片咬落好重牛味同更有口感而牛丸係超多汁超彈牙絕對值得排隊去食佢仲會附上少少油炸鬼俾你點湯嚟食不過油炸鬼就唔係好脆嘅而係好淋身嘅所以我就唔係咁鍾意食呢個油炸鬼除此之外佢嘅牛油雞翼同春卷都係即叫即做熱辣辣脆卜卜都係超惹味超好食架😋

評分：🌕🌕🌕🌕（4/5)總評：老闆好熱情菜式選擇唔多但明顯有擺心機落去印象唔錯～——————————————細評：《河內牛柳粉》湯底睇落好清但飲得牛香好濃明顯唔係求其搵啲味精溝出黎河粉亦好滑、唔易斷唔似坊間大部分越南菜係用肥牛似係用質素比較好既瘦牛肉除左食落無咁肥之外，牛肉味亦比肥牛濃亦唔會食到有梳打粉醃過既味最後成碗湯都飲哂😋😋😋😋跟機仲有啲油炸鬼比你浸湯食但因為本身已經淋哂，油益味出哂黎，不吃也罷《奧巴馬粉》話就話係撈檬粉我覺得似沾檬粉多啲湯面浮起好厚層油，有啲誇張試左一啖係比較酸甜、油膩豬肉醃料都係比較甜，唔太岩我口味《牛油雞翼》唔記得影相，外層炸皮比較厚蜜糖多到結左少少硬塊係面，好痴牙～但內裡好juicy，配埋蒜末都好香係圍番一隻近$20有啲少貴

朋友聲稱呢間係佢香港食過最出色的越南嘢特登來試試到底有幾神平曰8:00 都要排隊等下位叫咗一個招牌嘅牛柳牛丸河粉的而且確比我想像中好食真係好有越南風味個湯底同出面其他越南餐廳食得出有分別唔係好勁香料味冚晒其他嘢然後佢隻辣椒勁到⋯由於我怕啦啦我只係不咗其中一粒出嚟擺落個碗仔度諗住調一調味點知佢擺喺個碗細嘅湯入面一陣佢個辣已經滲晒出嚟第一次食辣得咁快但又咁過癮嘅辣椒仲配咗幾舊油炸鬼俾你沾個湯嚟食第一次咁樣食法 都幾特別！佢隻河粉亦都係非常薄身好似你喺越南當地會食到嗰種咁碗麵唔算好大碗 我諗一個人其實都食得晒梗係唔少得嗌下小食呢個雞翼真係必食邊有人炸雞炸得咁靚⋯嗰陣蒜香同埋蜜糖加埋一齊仲要佢個皮好脆！啲肉又好滑如果唔係怕食得太多炸嘢好想再食多碟由於我哋都未係好飽就再叫多咗一個豬頸肉嘅米線球見佢個樣都幾特別佢係好似沾麵咁老闆上菜嘅時候都有特別介紹返米線球全部都已經造成左一口嘅size每啖只要夾起一舊沾湯就可以食個豬頸肉湯都好有越南風味佢係酸酸甜甜 兩樣嘢配搭一齊個感覺好得意但講到味道我自己個人都係鍾意傳統嗰隻河粉多啲呢一道菜就相對係食趣味我哋都叫咗兩杯嘢飲相當滿意呀兩杯都好唔錯一個係熱情果冰茶

今次要介紹下哩間位於旺角嘅人龍越南河. 鋪頭細細幾隱世, 不過出面長期都有人排隊, 就知幾受歡迎啦~ 店舖入面認真係小店格局, 加埋都無廿個位, 難怪要排隊啦! 餐廳主打地道河料理, 招牌嘅有河内牛柳粉同奧巴馬訪越嗰陣時食嘅碳燒豬肉伴越南檬粉. 小食方面米紙卷呀, 牛油雞翼等大路嘅野都有. 飲品方面就比較特別, 老闆話佢哋嘅柑桔同熱情果每星期都會由河內新鮮空運到港, 所以佢哋嘅柑桔梳打同熱情果梳打特別新鮮. 今次我一支公黎, 所以試唔哂咁多樣野, 淨係食左:1. 招牌牛柳牛丸粉 Pho Bo Vien $96 - 賣相已經好吸引, 份量好足, 牛丸切半有七至八粒, 牛肉用上薄切牛柳, 走肥, 非常正宗, 好有喺河內食嘅感覺, 配埋個油條, 直情好似去左河內咁! 食pho第一時間當然要試下個湯, 望落去好清, 無乜油, 可放心飲用. 一飲落去同望落感覺好唔同, 牛味好香, 應該用左牛骨煲左好耐, 咸度適中, 而且無味精, 完全真材實料, 好飲! 河粉係用幼河, 煮到好稔身, 一啖粉加一啖湯啱啱好. 之後我加埋辣椒同青檸落去, 更能帶出陣陣牛味, 更加好飲. 牛柳同牛丸都值得一讚, 牛柳雖

今日經過好難得淨係見到得兩個人排緊隊諗住好快會位 即叫男朋友過黎食點知一等都唔經唔覺等左四十分鐘因為台面比較細,似台灣小店FEEL所以座位唔多,大家食完好快D走唔好坐係到太耐因為都真係多人排隊Pho Bo 河內牛柳粉$80價格偏高,湯好飲 可以一試,下次都會想再食只係佢同平時既Pho唔一樣係d香料已經擺曬落去平時一般會係我地自己放牛柳有點碎好散 跟河粉有埋個油炸鬼Bun Cha Hanoi 碳燒豬肉伴越南檬粉$80個人唔太鍾意呢款首先唔太喜歡檬粉口感呢味似沾麵咁個湯係甜甜地口味唔太岩我另外碳燒豬肉係放埋入個湯度兩個人一人叫樣野食大概$200內埋單

很久之前就已經bookmark左呢間餐廳，但一直被店外排隊的長龍而卻步。今日路過見人龍較少，就毅然決定要試一下。 店裡只有大概20個座位，很cozy。店主自家打理， 雖然每日都吸引大條人龍， 但卻沒有自滿， 很有禮貌很有心。餐牌兩大頁，但已經應有則有。我今次點了果然香露牛柳撈檬及越南脆春卷， 越南柑桔梳打。其實一個人吃有點多， 不過管他呢， 最多晚餐不吃了。香露牛柳檬粉， 配了碗秘制酸汁。上桌時店主會耐心仲紹食物的特點和吃法。牛肉切得很碎但牛味甚濃。應該是他們店的特色， 因為我見河內牛柳粉的牛肉也是相同狀況。脆春卷現炸非常香脆，用生菜及香葉包著吃，再沾上酸汁，口感豐富，好吃。吃飽飲杯柑桔梳打， 解膩兼透心涼。以後可以常來。

一直都好想試呢間餐廳好耐，無奈成日見到好多人排隊，今次經過難得冇人排，就決定一試。結果入座冇耐出面又排長龍，心諗真係太好彩。一日舖頭店主已經好熱情咁招呼，嗰種服務基本上同去酒店冇分別。雖然店舖細細，但係招呼真係好周到。叫咗牛柳牛肉粉，越南菜來講佢都算中上價錢，接近$100一碗，就試吓佢有咩符弗。同出面啲越南粉比，佢啲牛明顯係唔同啲，係好食啲。湯底我覺得普通，可以俾多啲芽菜就好(雖然我冇問佢）另外我仲叫咗杯咖啡，不過不失。如果用返越南啲咖啡沖會開心啲😘😘