越發地道河內料理

营业中

休息中

朋友介紹我來吃這裏的Bun Cha, 也就是碳燒豬肉伴檬粉, 但想來想去還是想吃她的越式牛河, 因為我還是掛念Bun Cha 145的Bun Cha, 不想將思念變作失望. 這裏的越式牛河, 就是用上半生熟的牛柳條和他們獨家的黑椒牛丸作主調. 湯頭的味道很清, 以牛骨加上大量的鵝蒂及芫茜煮成, 比香港很多的越南餐廳更有香味. 牛柳口感十足, 沒有多餘脂肪也令其湯頭更清澈, 半生熟的做法更能在牛味和質感取得平衡. 至於黑椒牛丸的黑椒味剛好提升牛肉的鮮味, 又不會因為太濃辣而嗆去本身的味道. 河粉粗幼又適中, 不會煮到化成糊狀. 牛肉, 牛湯和河粉三者這裡也處理得宜, 在香港可算是上乘. 記得在最後將附送油炸鬼浸入湯中, 完成整個很越式的吃法.

晚上才晚飯吃，特然想起越發的越南粉，便去。到餐廳是已經滿坐，要在外面邊等了大約半小時。到點菜時，原想點平時食的越南粉，但此時見隔離枱的豬扒飯好像好好食，便改變點了一份香茅豬扒飯。飯來時豬扒還是熱的，當放入口時，發覺豬扒非常鬆軟多汁，完全在香港未試過這種豬扒的質感，真的在心裏叫出來：「喎好好味呀。」一定要再食！

一向都好喜歡呢間小店，啲越南粉勁好食。不過因為鋪位太細，次次都要排隊，今次都唔例外，排咗成9個字而入到去，老闆話最好食嘅奧巴馬粉賣晒，又非常傷心。好彩，叫咗香茅豬扒撈蒙，都非常好食另外牛肉撈蒙又係好好，呢度嘅牛肉係出色最後當然一定一定要叫牛油雞翼，廚房即叫即製，一炒已經充滿牛油香，食落去甜甜地又香牛油味，超正

這間餐廳看起來平平無奇但已經有數名朋友極力推薦桃子一定要試！初次朝聖，桃子點了必點的炭燒豬肉拌越南檬粉，這個檬粉有個別名叫奧巴馬粉，聽說奧巴馬也喜歡吃🤣 食法是將檬粉沾些湯 就像撈麵或日式沾麵一樣 🍜 雖然賣相不怎麼樣但味道果然令人驚喜💕 湯底有濃濃的東南亞香料味 酸酸辣辣的 十分容易入口 炭燒豬肉也十分香口 值得一試～ 雖然那天下午三點才去但只見店外仍然有數人排隊 果然十分人氣 建議大家可以早點去排隊一試吧

上次來的不巧，它剛好去了採購食材休業幾天。這次，女朋友做完運動，過來終於吃得到這個要排隊的越南餐廳。由於我的個人原因暫時不能吃牛肉，所以我們都點了豬扒，所以店員落單的時候就戲稱我們是愛吃豬扒的情侶🤣🤣女朋友點了個豬扒撈濛，她比較喜歡吃這個，她說味道不錯。而我的就是蛋角配吉列豬扒飯，上菜的時候，店員推薦了吃法：輾碎蛋角、豬扒切粒，與飯攪拌起來一起吃，特別好味！🤤飲品點了個青檸熱情果梳打，味道一般。小食則選擇了鮮蝦米紙卷和牛油雞翼。米紙卷有兩款，店員看見我們點的都是炸物，所以就介紹了鮮蝦這個，不過我覺得有點淡。而牛油雞翼非常香，愛吃雞翼的我也讚不絕口👏🏻👏🏻👍🏻👍🏻順帶一提，店內的油畫很漂亮，色彩斑斕，層次分明，吃的時候更賞心悅目。

天放學後，同學帶我吃好東西！去到新張不久的「越發正宗河內料理」吃午餐要排隊，幸好我們排冇第一位，不到10分鐘已經可以為入座。小店舖只有18個座位，椅桌擺設比較擠迫，桌子面積真的很迷你，上店內部佈置簡單又不失雅緻。牛丸牛柳粉，價錢媲美日式拉麵，進入我第一口是牛丸，咀嚼之下，鮮甜肉汁四溢，鮮牛肉味濃郁，果然物有所值，還有半生熟牛柳，大量的蔥花、蔥粒、金不換，小碟子配料：辣椒、青檸和 油條，湯味充斥越南風味！炭燒豬頸肉伴越南檬粉，有豬頸肉切片 ，仲有一件肉質鬆軟且外形肥厚的，像漢堡扒的炭燒豬頸肉，檬粉是切小段，讓我們一口、一口的湯粉浸在酸湯吃，我喜歡酸湯味道不太酸。朋友的飲料是凍咸檸七，我的飲料是薄荷檸檬，大量的薄荷很清新感覺，我卻喜歡它味道清淡微甜！

Good food, but poor management. Started waiting at 6:10pm, 20 mins before it opens.There were a group of 10 ppls came at 6:24 and a lady by herself not in line, just standing in front of the restaurant, deviating from the lineup.The waiter came out to greet them by their names as if they know each other. He decided to take their numbers and asked by their number of people. When it came to our turn, we inquired and was replied with restaurant allows reservation. Skeptical the fact that the lady b

係旺角見完個客，唔知晏晝食乜好，經過這間鋪俾佢门口個告示吸引左😂老闆準備休息几日因為要去越南入貨，所以就決定入去試下入面坐位唔多，基本上都經常滿客了，好在一個人就比較容易有位。餐牌上面寫的價錢都唔算平，索性叫個貴點，$92個大洋的 。份量都ok的，老闆都有介紹d油條可以就咁浸下就食得。好食的就在於之後老闆發現放少左一粒牛丸俾我，之後變左補兩粒俾我😂😂😂味道就真係唔錯的，但價錢就真係比較貴，但有時間都會去食的，起碼叫好味

做完運動為左補充能量又唔想太heavy，來到呢間小店試一試佢個地道碳燒豬肉伴越南檬粉12:00開門，12:30已經開始有人排隊，可能因為鋪頭唔算大。不過成間店係出面望落勁似日式料理餐廳。天氣焗熱，叫左杯招牌凍咖啡，超冰爽，唔同意式咖啡，好有越南味道啊大愛跟住我嘅地道檬粉上來啦呢個檬粉係類似日式沾麵嘅食法，將薄荷葉加落湯度會令湯更加清香睇下幾大個豬肉波波咬落去肉質鬆軟多汁，好香啊碳燒嘅豬肉肉肉喔哎呀，一試難忘，難怪咁多人排隊食呢間野整體黎講，越發俾我嘅印象真係好

早幾日同事話食咗一間好好食ga越南菜，叫我一定要試下。當時第一個反應係越南菜可以有幾好食呀🤔？？？咪又似一個汁加一個懞粉，間間都一樣ga la，會有咩特別呀？？？👆🏻碳燒豬肉伴越南懞粉第一次食懞粉係好似食日本沾麵甘，一小撮一小撮懞粉浸入個湯到食，最好味係佢個肉丸，豬肉fix埋洋蔥粒，但可惜只得一粒🤤👆🏻招版越南脆春卷即叫即炸，上台時重熱辣辣，出哂煙；食落口，脆卜卜。個春卷其實唔使點佢個sauce ,已經好夠味道，但加埋佢sauce ，絕對係錦上添花👏🏻👏🏻👏🏻總括黎講，今餐越南菜絕對係喜出望外，價錢合理，絕對係一間值得支持ga越南菜小店‼️

招牌牛柳牛丸粉（pho bo vien)好好味，堅係牛柳，牛丸實而彈，河粉爽身，湯底清而濃，跟幾舊油條用嚟輕輕浸湯食。越發牛油雞翼（canh ga chien bo)超級好味，焦糖牛油蒜蓉集於一身，擺明即叫即炸，堅牛油香又有少少甜同埋蒜味，唔係炸到好脆果隻，但，呢個牛油雞翼係我食過最好味既。不得不提，就連細微既一杯免費水，都好有心思，一飲已經知道係斑斕味👍🏻舖仔細細，坐得好逼😆之前專登嚟食，可惜第一浸人剛坐滿，咁無謂等，今晚再次專程嚟食，排隊等佢開門（其實2-3分鐘就入得啦😂）

我同老公本來諗住去食平時食開個間飯堂越南野跟住老公突然間話想試吓對面嗰間越南野我話咪又係一樣越南野🧐佢話對面果間成日都有人排長龍，應該好好食咁好啦就陪老公去睇下我哋去到依然都係要排隊，不過前面只得兩台，可以排下嘅然後差唔多15分鐘後我哋就可以入座原來入邊係好細，淨係可以容納到14個座位唔怪得之成日要排隊老公話事嗌咗三樣嘢加一杯青檸梳打首先嚟個沙律，佢入邊好多配料，唔識點樣形容，但係所有味道夾埋一齊好正👍🏻👍🏻👍🏻👍🏻法飽有好特別嘅醬汁係入邊，真係覺得與別不同，而且熱辣辣最後到我濛粉，我見個樣平平無奇點知食落誇啦啦佢叫我地”搣開啲葉再落去嗰種香料，好香好出吖，我覺得佢地將個濛粉剪開一份份好細心不過唯獨食完果陣氣味吸哂係身上🙊而且應該超重味精，返到屋企口渴到爆

夜晚唔想煮飯，決定同男朋友岀街食越南菜越發店舖面積唔大，門外裝修似拉麵店而且唔起眼，如果唔係專程黎食嘅話，分分鐘行過都會見佢唔到🙈😂😂全間舖只有十幾個位，枱好細而且坐得好逼狹，如果想坐得舒服d或者想有空間感多d嘅話越發就未必岩你喇😎我地2個大約7點45到，等左15分鐘左右就入到去，喺排隊嗰陣已經諗到食咩所以一坐底就即刻可以嗌野食基本上落單，執枱，岀菜，收銀都係得男老闆一個 (始終小店經營，加上空間好細根本容納唔到2個樓面🤣)我地叫左牙車快(走花生)，招牌牛柳牛丸粉，法式三文治牙車快等左半個鐘終於到...我基本上岀街食飯都一定要叫菜或者沙律🥗牙車快其實就係雞絲沙律，有雞絲洋蔥青瓜蘿蔔等等雖然材料豐富，但由於我唔鐘意食麻油所以唔係咁岩我。。而男朋友都唔太合口味，最後我地只係食左d蔬菜就算招牌牛柳牛丸粉呢碗粉等左40分鐘先上枱...湯底幾清甜，牛丸好味道，牛柳亦好食唔洗擔心分量好多，其實只係隻碗大🍜感覺上分量同雲吞河差不多，如果大食嘅就要叫埋小食先滿足喇😆越南法式三文治點都估唔到個法包係需時咁耐...等左差不多45分鐘.......個包外脆內軟，餡料豐富，肉都好大塊，味道唔差但亦都無乜特別。

其實一直好想食這家店，只是每次都見到長長人龍在店外排隊，就已經調頭走😔今晚早肚餓，駁一駁。1845左右，居然只剩返四個位😱好彩。今回試招牌牛肉牛丸河、碳燒豬肉伴奧巴馬粉、牛油雞翼、熱情果梳打、甘桔青檸梳打。「好好食～」牛肉河：牛肉好好食、牛丸感覺彈口、個湯底又好清（我只係食左兩啖，所以用最僅有記憶描述）奧巴馬粉：其實係類似檬粉咁食法，小弟超好檬粉，所以好有期望，結果不得了。雖然個湯汁一上枱係暖，跟一般檬粉全凍好唔同，那知第一啖就被湯汁深深吸引，都係酸甜架😋恕我誇張，但真係停唔到口。加上豬肉係炭燒，好野味，跟湯汁好夾。雞翼熱辣辣，要放置五分鐘先放得入口👍🏼甘桔青檸梳打唔錯熱情果梳打就喜出望外，好得意就連水都加入班蘭葉，不禁飲多杯。整體而言，食物味道與質素好高。而且店員服務一流，男店員（估係老闆）好建談，好親切；女店員（估係老闆娘兼大廚）縱然對住個火爐，但都好樂意跟客人聊，又對八掛四圍望既我關心了解👍🏼中好細心地講解個奧巴馬粉點食😁😁有讚有彈，得兩個人煮，所以等左十五分鐘以上先有得食。好彩我唔洗在店外排隊，否則外面等完入到店要再等了。不竟店不大，位不多，要食好野係要等既，明白的🤪下次我會訂

想試呢間好耐，但每次都被門口那長長的人龍嚇怕而過其門而不入。今次六點零經過，見到門口只有兩個人排，於是咪諗住今次應該唔使等好耐，點知因為店太細，啲人又啱啱入座，卒之都等咗半個鐘先入座。侍應首先奉上一杯水，杯水飲落好清甜，問侍應原來入面加咗越南運來的斑蘭葉，唔怪得咁好飲。友人叫咗奧巴馬濛粉，即係燒豬肉濛粉，上菜時侍應會教你點食，由於啲粉同湯係分開，首先先落香葉，然後再將啲粉好似沾麵咁一注一次咁浸落個湯度食。呢個湯係令人震驚咁好食，有魚露味，又有少少辣，每食一口都感覺到有好多種味覺係口腔翻騰，越食越滋味，加上啲肉都非常入味，又有口感，呢個粉，我畀滿分。我就試咗個札肉雞絲澇濛，可能之前個奧巴馬濛粉太驚艷，令到佢就稍為失色，但係其實佢都唔差，首先雞絲都札肉都係先煎香，呢點已經贏晒，煎完啲雞絲非常香，口感香脆，配埋撈濛，真係一流！我地食得好開心，明白點解成日有人排隊，下次經過，如果好彩冇乜人排，一定會入去試多次！