越男仔

营业中

休息中

上次食過番茄鑊，念念不忘，今次試新菜色。順化番茄紅酒豬扒番茄豬扒一個鑊仔送上，搭配住金黃酥脆嘅大脆包，賣相吸引。豬扒煎至焦香口感嫩滑。加入滿滿蕃茄，帶點酸甜同微微酒香，呢個醬汁絕對值得大讚！食的出新鮮蕃茄嘅酸甜味，非常濃郁。加$38升級大脆包，外皮烤得金黃，輕輕一切就脆裂，外皮脆口但內裡非常鬆軟有彈性。撕下一塊用嚟沾番茄醬，醬汁滲入麵包裡，非常好味。呢個番茄濃醬除左送飯得，送包都勁好食！金菠蘿蕃茄海鮮焗黃薑飯以半個新鮮菠蘿盛裝而焗飯，上枱已聞到陣陣菠蘿香氣。飯面係大大隻新鮮大蝦，肉質鮮甜爽口。新鮮熱辣嘅黃薑飯，濃郁香料味同椰香味，味道濃郁。菠蘿汁嘅清新果香滲透飯中，非常開胃。三色雞翼拼盤 賣相靚，三款雞翼都大大隻，炸到金黃酥脆，裏面雞肉仍然多汁嫩滑。三種特色雞翼各有特色，個人幾鍾意蒜香牛油雞翼。龍眼梳打冰今次似呢款龍眼蜜加上梳打水。龍眼蜜自然甜香，粒粒龍眼肉甜甜蜜蜜，加入梳打水，冰涼透心，非常清爽。

越男仔沙田店食評 🇻🇳 抵食越南菜大滿足！今次同朋友去咗沙田嘅「越男仔」，試咗幾款招牌菜，真心抵食又好味！餐廳環境乾淨企理，服務都幾快手，啱晒同朋友吹下水、食吓嘢～ 🍗 海南雞黃飯雞肉超滑溜！皮薄肉嫩，仲要冇骨，啖啖肉好滿足～黃飯香噴噴，加埋啲甜豉油同薑蓉，完美配搭！ 🥩 鐵板法式牛柳粒白飯一上枱「咋咋聲」，鐵板熱辣辣！牛柳粒夠晒嫩，仲有啲黑椒汁，撈飯一流！份量都幾多，男仔食都夠飽～ 🍹 龍眼蜜（凍)清甜解渴！龍眼味好出，唔會太甜，飲完成個人涼爽晒～ 🧋 椰汁奶茶紅豆冰呢個組合好特別！椰香同奶茶出奇地夾，紅豆煮得淋甜，飲落好有層次，推薦試吓！ 🍤 至尊拼盤芝心蝦多士 脆口唔油膩，芝士流心超邪惡！ 龍蝦蝦餅 彈牙又鮮味，龍蝦味濃～ 煙三文魚檬子卷 清新之選！三文魚鹹香配檬粉好開胃～ 蒜香牛油雞翼 蒜味超香！雞翼炸得脆卜卜，必食！ 越男仔 (沙田) 沙田沙田圍路1-7號勵城花園地下1號舖 #越男仔 #沙田美食 #越南菜 #海南雞 #鐵板牛柳 #紅豆冰 #抵食 #今餐真係食到捧住個肚走！每樣嘢都高質，價錢又合理，絕對會encore～ 如果鍾意越南菜，呢間真係值得試吓！

🟨週日行完山返屋企附近食下嘢晚上選擇呢一間 fusion越南菜 <越男仔> 食物好食 又創新 勁多款選擇 而且裝修都好鬼馬 放咗好多越南風味嘅嘢 坐得舒服 🟨海南雞雞湯河 🍜勁多雞肉 好滑 鋪滿成個碗 湯河嘅湯底好清甜 大大碗好滿足 🟨鐵板魚露茄汁煎蝦 🦐超好食 蝦頭有好多蝦膏 煎到好香 淡淡蝦肉 好開胃 仲有好多好啱冬天暖暖嘅熱飲 ☕️椰香咖啡 係我嘅favorite 越南香味嘅咖啡加上煉奶同埋椰奶🥥 味道好夾 新鮮滴滴嘅咖啡 特別香濃 🍯茅薑蜜係自家製 好香嘅香茅味 加上少少辣嘅薑🫚同埋蜜糖 好暖身 飲完覺得好舒服 呢度晚市坐得好舒服 食物 嘅質素好高 我一定會再到回訪 試其他湯粉💗#devietson #越男仔 #越南美食 #越男仔旺角店 #旺角美食 #香港越南餐廳 #香港越南菜 #香港越南美食 #香港越南粉 #香港越南粉旺角

今日放工後，好友約我去位於沙田沙田圍路1-7號勵城花園地下1號舖的《越男仔》食晚餐，環境舒適，有許多特色裝飾。我地點左：河內三鮮(生蠔+生蝦+滑雞) 椰汁酸湯煲送白飯 $168：河內三鮮係連住火爐上檯的，可以熱住來食，生蠔大大隻，鮮甜好味；生蝦的蝦肉鮮美好食；滑雞嫩滑，配料豐富好味。無骨海南雞例牌 $88：海南雞的雞味濃都，雞肉嫩滑，送餸一流。秘製沙嗲串燒大拼盤（菠蘿+雞+豬+牛）各兩串 $139：雞豬牛和菠蘿都燒得外脆內嫩，菠蘿好鮮甜。秘製香茅薑蜜熱飲 $30：餐廳自家製的，薑味濃，潤喉好飲。

呢間餐廳標榜得自己成個米芝蓮咁款、食物味道普通、賣相普通、服務更加差到冇得頂，個廚師兼經理當正自己呢間係名人富豪餐廳咁、態度又臭寸、又惡頂、整個餐廳服務員態度高高在上、似你食咁免費餐咁、真係使錢買難受，永遠不會有下次

週末同親愛的打完哥爾夫球 晚上喺沙田行下街順便搵餐廳食飯 好鍾意呢度嘅內部裝修 好幽默風趣 嗌咗幾碟小菜 ⭐鐵板魚露茄汁煎蝦 味道好似家庭菜 大蝦頭好多膏 煎到好香 好開胃⭐鐵板法式牛粒白飯 亦係我食越南菜嘅至愛 牛肉一粒粒好彈牙 又易入口 醬汁好開胃 酸酸味味 另外我都好鍾意食啲湯粉⭐蒜蓉牛油海南雞髀椰汁酸湯檬粉 雞肉份量好多 雞肉好滑 酸湯好特別 真係好滿足飲品都好特別 試咗佢自家製嘅⭐熱龍眼蜜暖笠笠又好滋潤 ⭐香茅薑蜜 亦都好出色 唔算好甜不過 好有風味🥥椰香咖啡☕️係用越南嘅滴漏咖啡 加上煉奶 咖啡咪好香 好有特色呢度嘢食我不嬲都滿意 仲有好多嘢未試 真係好想再去#devietson #越男仔 #越南美食 #越男仔旺角店 #旺角美食 #香港越南餐廳 #香港越南菜 #香港越南美食 #香港越南粉 #香港越南粉旺角

同朋友今日專程入沙田圍試呢間餐廳，失望而回。地理位置不算優越，但價錢和旺區一樣貴，白飯都收$15。上菜後更發現份量極少，個碟蒜蓉牛油蝦得4隻完全唔夠飽，更離譜的是店家把蝦頭亦放入餸菜來想濫竽充數扮蝦肉，最後賣單$316。#越男仔 #越南美食 #越南菜 #越男仔旺角店 #越男仔九龍灣店 #越南

今日去咗沙田拜年，同朋友嚟咗「越男仔」食飯。之前食過旺角分店好好味，所以對呢間新派越南菜好有信心。菜式精緻與創新，更巧妙地融合了咗多種元素，好值得encore我哋order咗紅蕃茄火車頭煲，配料有牛丸、生牛肉、牛筋&牛栢葉，再配埋烤牛肉，湯底濃郁滋味十足。追加多份蒜茸包，蒜香味十足令人回味無窮仲有招牌去骨海南雞配上黃薑飯，雞肉鮮嫩多汁，黃薑飯香氣撲鼻，兩者相得益彰，完美呈現出典雅越南風味。特別推介秘制沙嗲串燒大拼盤，雞肉、豬肉、牛肉各有特色，搭配燒菠蘿更加增添咗清新口感飲品有新鮮自家制雙檸香茅薑蜜、龍眼花蜜茶，清新解膩朋友都話好食，以後晚餐又多個地方選擇

沙田新城市啲餐廳我地食得多，但今次行行下去到河畔，無意中發現咗一間專賣越南菜嘅餐廳😮於是決定入嚟試下😋呢間餐廳係街坊越南菜，環境親切又舒服，裝修帶有港式元素，背景音樂播放住越南文pop song，令整個用餐氣氛愉快而輕鬆🎶上菜速度夠快☺️🍗原隻燒雞 $188 (😸😸😸😸😺)呢道菜即場有開火儀式，感覺好有氣氛🔥原隻雞賣相澎湃，外皮烤得金黃，口感外脆內嫩，真係好正👍雞肉嫩滑，每一舊都保留肉汁，食落去好滿足🤤味道簡單鹽醃，唔會太重，搭配泰式酸辣豆瓣醬，更有另一種風味😋🍲紅蕃茄火車頭煲 $163 (😸😸😸😸)呢個煲嘅番茄湯味濃郁，完全唔係只係茄膏嘅甜味🍅反而有啲酸感，好開胃🤤滑牛夠嫩夠香，醃得入味☺️其他牛件(牛丸+生牛肉+牛筋+牛柏葉+烤牛肉）份量充足，食落去夠晒滿足🥹粉絲配上甜美嘅番茄湯，明火加熱，暖心又暖胃，食落每啖都好入味🔥🍍鮮菠蘿梳打 $35 (😸😸😸😸)入面有好多菠蘿粒，夠晒清甜，仲比咗成支梳打水我自己refill咗好幾次🤫真係好抵飲！🥤飲落仲好refreshing，可以解渴又可以提神！🍵雙領香茅薑蜜（熱） $35 (😸😸😸😸)姐姐話呢款係新鮮自家煲㗎，聽到就即刻叫返杯試下😆天氣

最近天氣凍冰冰，最岩就係食熱辣辣既粉絲煲！係港鐵沙田圍站 C 出口, 步行約9分鐘, 就黎到呢間別具特色既越南fusion菜！河內三鮮(生蠔+生蝦＋滑雞) 椰汁酸湯煲生蠔非常大粒，生蝦也非常大隻，仲有超級多雞肉！招牌椰汁酸湯，湯頭清新酸爽，椰汁的香甜與酸味相輔相成，令人耳目一新。每一口都帶著海鮮的鮮美，生蠔的滑嫩與蝦的彈牙相得益彰，讓人忍不住再來一口。至尊拼盤入面有4件芝心蝦多士4件煙三文魚檬紙卷 4件龍蝦餅 同2件 蒜香牛油雞翼 ！芝心蝦多士入面既流心芝士好好味，煙三文魚都可以整做檬紙卷，實在創意十足！蒜香牛油雞翼非常脆口！龍蝦餅十分彈牙！秘製香茅薑蜜非常重薑味，軀散哂身體既寒意！

最近無論同屋企人或朋友食飯都是食港式、西式、日式菜，食到悶都想轉吓口味。上星期同老公食過〈越男仔〉— 在沙田圍站附近的越南菜，覺得都唔錯，以後食飯又多個好選擇了😋.我哋當晚叫了〈河內三鮮椰汁酸湯檬配白飯〉、〈至尊拼盤〉及飲品〈龍眼花蜜茶〉，好飽好滿足。.河內三鮮(生蠔+生蝦＋滑雞) 椰汁酸湯檬鍋配白飯 —湯底係椰汁酸湯，用雞骨熬製，加入椰汁、酸子和醋等配料，不會太酸，愈食愈開胃，飲湯或送飯都好味。呢個鍋份量超多！共超過10件雞肉、雞髀！每件都大大舊；生蝦有2大隻，蝦膏好味，蝦肉新鮮有甜味、肉質彈牙；蠔都有2隻，大隻厚肉；配料仲有芽菜、茄子，真係好豐富好抵食👍🏻.至尊拼盤 —〈芝心蝦多士〉 有4件，外表炸過好鬆脆，蝦肉好厚、爽口，配埋流心芝士一齊食好邪惡🤤〈三壘煙三文魚檬紙卷〉 有4件，米紙卷包著濛粉、生菜，煙三文魚好大片，沾魚露甜酸汁一齊食好好味，口感豐富；〈下龍灣蝦餅〉有4件，炸得好香，肉質爽口；〈蒜香牛油雞翼〉有2大隻，外表牛油炸漿好脆好香，雞肉好嫩滑入味。.龍眼花蜜茶 —我哋叫了一杯凍、一杯熱。龍眼花蜜茶係餐廳新鮮自家煲，不會太甜，好滋潤，好飲。

**冬陰功湯配生蝦（三隻）$165** 這道湯品以精巧的小鐵鍋上桌，湯底由香茅、檸檬葉和辣椒熬煮而成，酸辣的風味令人陶醉。搭配的新鮮生蝦，蝦頭裡充滿濃郁的蝦膏，每一口都散發著海鮮的鮮美與湯的香氣，價位為$165，特別適合喜愛刺激口味的食客。**原隻太平燒雞 $188** 接下來是原隻太平燒雞，這道菜以整隻雞為主角，經特製醬料醃製，然後由餐廳員工現場點火燒烤，外皮酥脆、肉質鮮嫩，滋味濃郁，令人垂涎。售價$188，燒烤後可以選擇手撕或由廚房斬件，非常適合家庭聚餐。**雙蝦扎肉撈金邊粉 $108** 最後，雙蝦扎肉撈金邊粉是一道絕佳的分享菜品，結合了蝦的豐富口感與扎肉的香氣，搭配滑順的金邊粉，再加上酸酸甜甜的醬汁，味道十分美味，份量也非常足，售價為$108。這三道菜不僅色香味俱全，還能讓你體驗到濃厚的東南亞風味，絕對值得一試！

沙田圍呢度其實都好多餐廳，今日食呢間超多好評嘅越南仔，餐廳裝修充滿着好多玩味嘅佈置。紅蕃茄火車頭煲天氣凍叫咗個火車頭煲，一上枱已經見到非常豪華。濃郁嘅蕃茄湯基底，酸酸甜甜，用料十足，食得出好多新鮮蕃茄肉，豆角，洋蔥等。火鍋材料非常豐富，包括牛肉片、牛筋、牛丸等。牛肉片嫩滑多汁，牛筋膠質滿滿，牛丸非常彈牙又爆汁。加$8加配黃薑飯絕對值得。黃薑味香濃，仲食得出好香嘅香茅同埋椰奶味。淋上濃郁嘅番茄湯汁，小朋友都胃口大開。天氣涼涼哋，食呢個熱辣辣嘅湯鍋實在非常正斗。蒜蓉牛油海南雞脾撈金邊粉主角海南雞脾非常嫩滑，皮肉均稱，上面淋上蒜蓉牛油汁，濃郁而不過膩。金邊粉非常爽口彈牙，米味香濃，仲加咗好多新鮮蔬菜，好清爽。撈金邊粉嘅靈魂醬汁魚露，酸酸甜甜帶微辣，咸香味濃，清爽解膩，可算係食過最高質嘅撈金邊粉。三色檬紙卷拼盤賣相一流，色彩繽紛。拼盤有三款特色檬紙卷，每款嘅基本元素係檬紙加滿滿嘅蔬菜同檬粉，蔬菜的確好新鮮。牛炸醬帶著燒烤香氣，牛肉軟嫩帶微辣。煙三文魚咸鮮味十足。手撕雞一絲絲肉質細嫩多汁，感覺健康又清爽。整道菜色彩鮮豔，好睇又好食。椰汁拉茶紅豆冰以香濃嘅椰汁為基底，口感濃郁順滑，加上濃郁嘅拉茶。

今日無煮飯，就在屋企附近食晚飯。呢度有間越男仔，又未食過，咁老公就話不如食吓。餐廳燈光淡黃，播放住越南歌，環境乾淨整齊，坐得舒服。餐牌選擇都幾多，老公發辦叫左佢鐘意食嘅燒雞，另外串燒拼盤同撈金邊粉。原隻太平燒雞：燒雞先原隻上枱，職員先倒酒，然後再點火。火燒得都幾勁，其他客人都有望，都幾吸引。燒左一陣熄左後，職員問我哋切唔切，唔切可比手套撕黎食，我哋揀切會方便D。燒雞熱辣辣，皮夠薄，咬落脆，肉嫩帶肉汁，醃得入味，隻雞又唔算多脂肪，好好味。秘製沙嗲串燒大拼盤：除左豬牛雞各兩串，另外仲有菠蘿。肉類燒得好香口，入口juicy，點埋秘製沙嗲醬就更加好食。而燒過菠蘿亦夠甜，好多汁，幾好。蒜蓉牛油雙蝦扎肉撈金邊粉：蝦大隻，食落帶鮮味，面層鋪滿牛油蒜蓉，兩款味道又夾又突出，另外蝦頭炸過，都幾多蝦膏喎，好夠味。扎肉亦有煎過，有香味。金邊粉較煙韌，米味香，裡面仲有生菜，爽口。整體撈埋甜酸汁一齊食，酸酸甜甜，又幾開胃。

🍅紅蕃茄火車頭煲 $193🥖大脆包 +$38 濃濃蕃茄湯🥘包括牛🐮既唔同部位，牛肉牛筋等等！十分足料👍🏻配搭埋大脆包，脆既包沾上蕃茄湯，一流！🐥海南雞黃飯 $79海南雞嫩滑到不得了，黃薑飯好香，唔怪得係招牌菜式，不能錯過🤣🍗串燒大拼盤 $139串燒有牛🐮有豬🐷雞🐥又有菠蘿🍍，大大件，肉質彈牙爽口🍹冰凍水果茶 $33水果好多🤣甜度岩岩好，最怕太甜，食完泰國野飲杯野好清新🤗🥃香茅青檸梳打 $35香茅令到成杯野唔同晒，配合埋青檸同梳打水有氣，飲杯真係好爽☺️