越男仔

营业中

休息中

💛 其實我都幾鍾意食越南菜😁 今次去到越男仔試吓先~💛 飯餐免費送牛骨湯或者雞湯，兩款都好飲！仲有啲生菜喺入面 💛 招牌 去骨海南雞配 黃薑飯 $76超鍾意食海南雞!! 雞肉嫩滑，配埋醬汁好好食😋 另外仲有超鍾意食嘅黃薑飯👍🏼💛 招牌越男仔蔥油三味 (豬頸肉, 豬扒, 燒扎肉) $79嗌呢個餐可以試到三款豬肉🐽 豬頸肉同豬扒都好惹味，連扎肉都燒過，唔係就咁煮熟👌🏼 都係配黃薑飯😍💛 法式芝心蝦多士 跟餐$49, 單點$65黎到餐廳必點啊‼️ 蝦多士淡淡蝦肉，多士表面沾滿芝麻，炸得香脆，中間仲有芝士！邪惡又好食😈

熟悉我既朋友都知道我特別鍾情於湯粉🥰😋，自從去過越南旅行之後，對越南菜更加係不能自拔。星期六既晚上要去睇演唱會🎤，所以早小小同朋友去食個early dinner 先。朋友帶左我去試位於旺角好景後方既越車仔。佢話呢間人氣餐廳有第2 d越南餐廳食唔到既野，而且價錢十分親民😆👍。餐廳格局不大，位置唔多，都頗為逼狹，但仍然無阻一眾食客前來覓食，我地未到6點就去，剛好有位，遲小小先到既話就要排隊了。法式芝心蝦多士 $45 🧀🍤一客4件，外皮炸得金黃香脆，蝦膠份量很多，食落爽口彈牙，中間充滿流心既芝士😈，配埋特製既酸辣汁，食落無咁油膩。雖然好邪惡，但仍然令人忍唔住一口接一口😚。唯獨蝦味唔夠濃，或者係因為芝士味太濃，所以食過有小小唔夠過癮。🧐🤔手撕雞檬紙卷 $39 一份都係有4件，卷皮十分煙韌唔會太厚，入面包住大量雞絲和生菜。雞絲預先已經調味，唔係普通白烚雞🤭，而且撕得夠幼細，淋上特式醬汁再一口食晒佢，好fresh 好開胃！唔錯。👍蒜香牛油雞翼 $29一份3隻，我覺得雞翼比較平平了一點😕。炸皮太厚而且索左好多油，蒜香味亦不足😞。不過價錢不貴，試下無所謂既。🤗椰汁酸湯生牛肉湯河 $69 🥥🥥🥥🐂🐂🐂🍜

路過油麻地突然想食下越式食物，就順路黎到呢間越南仔試試佢哋既lunch set，一個set除咗主食之外，同其他餐廳唔同既係可以揀兩款小食以及一款餐湯，咁啱好今次有人陪同，一於試晒4款小食sin！🤩🤩✨主食今次揀咗河內蔥油三味配黃姜飯，三味包括了扎肉、豬排以及豬頸肉，其中覺得最好食既係豬頸肉，餐廳喺豬頸肉上餐之前仲會用火槍輕輕燒一燒🔥，令到豬頸肉既香味更加突出，搭配埋蔥油以及濃味既黃姜飯，一口下去令人覺得幸福。🤤第二款主食選擇咗豬+牛PHO紅蕃茄湯檬粉，第一眼見到就覺得湯底點解可以咁濃，以至於每一條檬粉都掛著番茄的味道。食食下仲可以加埋店家提供既調味三寶 ，包括新鮮既指天椒🌶️、新鮮青檸以及蝦油蒜頭，呢度想特別推薦蝦油蒜頭，落咗之後成碗粉既味道更加突出，鍾意濃湯同埋番茄湯🍅既朋友一定要黎試試！絕對唔會後悔😍✨小食4款小食入面，最鍾意既係無骨鳳爪沙律以及手撕雞檬紙卷。前者既鳳爪唔似平時見開既泰式鳳爪咁係白色既，而係輕輕炸過，令到個皮微微脆，重口味的醬汁搭配新鮮的沙律啱啱好。而後者既紙卷十分煙韌，搭配酸酸甜甜的醬汁一口下去，口感豐富的難以想像！ 見到有法式芝心蝦多士，就忍唔住落埋單啦，多士炸得

喺旺角廣華街嗰邊有一間未到OK及價錢唔會好貴嘅越南餐廳🫶🏻🫶🏻🍜🍜我個人比較喜愛食沙嗲串燒，所以我就叫咗一個自家製沙嗲串燒加湯檬❤️成個餐一共有三串串燒，分別有豬肉牛肉雞肉，可惜佢嘅串燒係冇得另外上，一定要放喺碗湯上面，所以個湯底係會有少少沙嗲味，如果串燒有得分開上嘅話，咁就更加好啦！至於味道方面，我整體都幾好食嘅，入得口🍜🍜🍜串燒燒得啱啱好，又唔會太乾身，加上佢哋自家製嘅沙嗲汁，令到成個串燒都加咗唔少分✅ 而我朋友就叫咗一碗皇牌3+2撈檬，入面有好多唔同嘅材料，包括手撕雞、豬頸肉絲、扎肉絲、脆豬肉及烤牛肉，一碗麵滿足你五個願望😂⭐️皇牌3+2撈檬 💰$69⭐️自家製沙嗲串燒（牛豬雞）湯檬 💰$68

火炙薄燒牛拼脆雞＋撈檬🐮足料薄燒牛，燒得好香❤呢一間越南菜，當然最鍾意嘅係佢哋嘅清涼朦粉，而佢哋嘅配料選擇都好多😙今次試咗牛肉都非常之入味，而且更加有特色香料香味，配埋起身好夾！秘製香茅薑蜜🍯飲品甜蜜清涼，而且好養生！甜甜哋嘅蜜糖，配上香茅同薑香，超好入口😍龍眼花蜜茶🍵更有大大粒龍眼肉，少少蜜糖的甜味，非常吸引。dinner menu非常滋味，而且價錢親民抵食，性價比高，同friend嚟一試推薦！

星期日dinne time同朋友經過旺角shopping，🥰見到呢邊都有間人氣越南菜，夏天熱辣辣，想轉個口味，當然是個好選擇❤雙生蝦配滑雞，🥥配椰汁酸湯檬粉🦐蝦的造型都好用心，而且有幫手切開，蝦腸都洗埋乾淨，🤓所以食得更滋味。越式秘製豬頸肉🐷份量十足，非常抵食，而且燒得好嫩滑，面頭嘅焦糖色，😍真係非常吸引。蒜香牛油脆雞翼🐤香脆嘅雞翼，做小食就啱啱好，上邊都有好多蒜蓉，🧄配上炸雞翼好香。

一直都好想試呢間越南菜，見佢咁多好評，但次次都大排長龍，今次5點幾就去啦，唔洗排隊任揀位!豬頸肉手撕雞椰汁酸湯湯河($83)海南島為老家既我見到椰汁2隻字已經比佢吸引住，仲要係酸湯，呢D咁炎熱既天氣食就岩晒! 椰汁味夠重，食落有椰香味，但好酸既我同朋友就嫌唔夠酸，落左勁多粒青檸，夠晒開胃!蒜香牛油脆雞翼($29)雞翼就普普通通啦，炸粉過厚，入口覺得好油，我比佢既評分都係平平~手撕雞米紙卷($39)上面有大量既手撕雞，而且有別於一般手撕雞，佢係撕得好幼而且用調味粉調過味，加埋酸汁食好fresh，有heart!法式芝心蝦多士($45)外皮香脆，入面包住好厚既蝦膠同流心芝士，芝士味係勁重，所以蝦味就蓋過晒啦。

今日叫咗三樣嘢食：雞絲扎肉椰汁酸湯$69窩蛋火車頭$88蝦多士$45鹹檸七$15🦐多士係必食推介，除咗較特別之外，佢入面仲有邪惡嘅芝士，外面炸到金黃鬆脆，表面亦都鋪咗芝麻。我平時個胃食啲好油膩嘅嘢會好容易唔舒服，但係我食完蝦多士完全冇呢種感覺。佢完全唔油膩，反而非常之入味，而且上枱係有一種即刻炸完比你食嘅感覺。至於個窩蛋火車頭，有大大嘅一隻生蛋擺咗喺上面，再將佢連埋其他食材同湯一齊食，別有一番風味。材料亦都非常之充足，湯亦都清甜入味。雞絲扎肉椰汁酸湯酸湯一入口椰奶再加埋佢少少香茅香檸味呢就好似一個冇辣嘅冬陰功咁。湯底嘅味道已經好surprising。另外一樣令我好驚艷嘅係佢嘅雞絲，普通食嘢雞絲可能係好平淡嘅白灼雞絲，如喺呢度食嘅係一種有醃製過嘅鹹香雞絲，當然再加埋彈牙嘅扎肉，呢一碗粉一定係夏天必食首選。食物質素 🌟🌟🌟🌟價錢🌟 🌟 🌟 🌟 🌟環境🌟 🌟 🌟 🌟

同朋友係旺角行行下街，佢話想食越南野，就諗起呢間之前已bookmarked 的越男仔入面唔算大，眼望大概坐到20人左右👀Lunch set選擇有好多，差啲選擇困難症發作🤣上餐速度算快，大概5-10分鐘就有野食· 皇牌3+2撈檬 (手撕雞+豬頸肉絲+脆豬肉+札肉絲+烤牛肉）生菜蘿蔔絲係新鮮既，可能太多款料，豬頸肉絲，脆豬肉同烤牛肉唔係好食得多分別🤣都係脆脆地既肉咁😂手撕雞同札肉絲就易分啲，肉味道唔差，份量好多，好抵食· 越男仔生牛肉湯河粉湯底清透，夠熱熱熟啲生牛肉，牛肉好滑，一樣好足料，另有配埋越南三寶（辣椒，青檸，蒜），我地鐘意酸酸地所以落左好多青檸😆好多鋪頭都係比1粒仔，今次任拎好開心· 牛油雞翼牛油好香，皮唔厚，雞翼好多肉汁·春卷係素春卷黎，都幾大條，味道ok，抵食

肥C9覓食記《越男仔》今晚同朋友仔行行下旺角去到廣華街發現依間一直都好想食既《越男仔》吾洗排隊😆所以9秒9衝左入去攞位先啦，正正🤩一坐低就比佢地個menu嚇一嚇親🥶因為 太！多！選！擇！啦！我同朋友見到個menu都吾輸蝕，叫左兩個套餐（其實每個套餐已經有2款前菜、1款主食）之餘仲叫多左6件雞翼加一人一杯飲品🙈🙈枱面多野食到引起隔離左右枱既關注🤫🤫餐廳每款食物都好有特色，因為佢地做緊既係越南🇻🇳fusion菜，部分餐食都加入左港式元素😆好特別呀！我地一邊食，一邊回味返以前去越南🇻🇳旅行嘅開心回憶，我發現每去一個地方旅行，都係關注夥食既問題😆我係好典型既行到邊食到邊既隨心所欲型😂而朋友仔就係計劃+影相型🤣🤣所以同佢去旅行，我除左食之外咩都吾洗做吾洗諗🤪諗起都爽YY吾知你地又會係咩類型呢😆😆

係廣華街附近有間幾出名既越南菜，之前行過都見到要排長龍，bookmark左要搵日去試，今日行開附近見到唔洗排好耐就決定試下。佢個menu係有好多選擇，花多眼亂睇到眼闊肚窄，有套餐、小食同埋飲品。仲有推介小食，唔想睇咁多字就揀推介小食啦。叫左個火炙燒牛加脆雞撈檬粉，火炙燒牛都有嫩口，唔柴，但就有小小生，如果唔係好食生就唔好叫，脆雞幾香口，都幾好味，加小小酸汁好野味。另外叫左個小食，串燒，有三串，豬、牛同埋雞。每條都有沙嗲醬，牛有小小柴，雞就正常，最好食係豬，都值得一試。最後叫左杯香茅青檸梳打，夏天飲一流，好清新，梳打有氣好gur，不錯選擇。

旺角呢間越南餐廳真正平靚正價錢唔貴，好鍾意呢度嘅湯粉，好惹味「蒜香牛油脆炸雞扒檬粉」湯底揀咗椰汁酸湯，雪白嘅湯底好香椰汁味，同湯檬好夾，雞扒好厚肉，外皮脆卜卜「越南仔火車頭湯河粉」揀咗牛骨湯底，同火車頭嘅配料真係絕配，大大碗勁足料。"生牛肉．牛根．牛丸．牛柏葉．烤牛"，一次過滿足哂牛魔王嘅朋友。「串燒沙嗲拼盤」牛．雞．豬 樣樣都有，個沙嗲醬真係超好味，好香花生味，食唔停口「冰凍水果茶」水果茶，味道唔會太甜，夠哂健康，仲加入咗青瓜片．菠蘿粒同青檸，配上青瓜嘅味道更清新，好正

今日在旺角開會，要來一個quick lunch …在路經旺角廣華街時，同事話不如吃「越男仔」因為佢有個5 course Meal in Lunch 幾抵食🤪原隻軟殼蟹配黃薑飯…軟殼蟹香脆可口，再加上用咗蒜和辣椒去作調味，味道惹味..跟黃薑飯也很夾😝另外有生菜，和青瓜絲作配作，剛剛中和軟殼蟹的油膩感✌️小食無骨鳳爪沙律，無骨鳳爪是深啡色，有別一般的..味道甜甜地，不錯！椒鹽脆蛋魚柳..好香脆可口無骨雞配黃薑飯，雞件色澤很靚，肉質鮮嫩..值得一提的是黃薑飯沒有油飯的油膩感，感覺好健康🤪

係掛8號風球前夕，呢間店舖都人氣爆棚👯‍♀️食過先知點解大家冒住雨都要黎食☔️💛。🐒午市套餐A💰$85👉🏻招牌無骨雞配黃薑飯(+$5轉鴛鴦雞)👉🏻無骨鳳爪沙律+椒鹽脆蛋魚柳👉🏻紅蕃茄湯(+$5)👉🏻凍椰香漏漏啡(+$15)一睇個menu花多眼亂，但見到呢個套餐，又有小食又有飲品，岩哂我咩都想試🤣佢個海南雞好滑，鴛鴦雞原來係炸雞，本身以為係燒春雞，但原來炸雞都幾好食🐔海南雞飯其實最出色係個飯，我俾95分🤪個黃薑飯真係黃薑本人而小食鳳爪沙律都幾多料，唔係白色嗰啲鳳爪，個底係木瓜青瓜沙律🥗係偏甜，另外個椒鹽魚柳都唔錯🥫蕃茄湯好濃郁，但係如果要加$5我就寧願飲清雞湯☕️咖啡係滴漏咖啡，不過下次我會揀翻普通咖啡，因為椰汁配咖啡係食唔太到椰奶既味道。🐒火炙牛他他海膽卷💰$98我上openrice見到好多人都有嗌呢個，所以都想一試🥓佢係生牛肉加海膽係面，入面包住啲洋蔥蘿蔔🧅整體幾特別，不過唔太鍾意生牛肉既就要留意啦🥩。🐒串燒沙嗲拼盤💰$49一碟入面有哂豬，牛，雞🍢沙嗲醬味偏甜，味道正常，如果有得揀會想試其他特別啲即小食🤪。🐒招牌古法窩蛋烤牛肉生菜包💰$88落單既時間店員話呢個菜需時，店舖又多人可能要等仲耐

之前上網睇片介紹呢間已經覺得好正，今日去開旺角嗰邊就順便嚟試埋先😏兩點去到，已經有4個人等緊位了，舖頭入面唔算好大，不過我哋等咗15分鐘就入得唔算等好耐🤭入座冇耐店員放咗三樣調味料（青檸、辣椒、蠔油蒜蓉）我就試咗蠔油蒜蓉，有啲似食蒜泥白肉嘅感覺😂鍾意蒜蓉嘅朋友就唔可以錯過啦！🥢食物🥢1️⃣椰汁酸湯手撕雞檬粉：個湯飲落去好重椰汁香味，酸味都幾正✨椰汁同酸味兩者很平均👍🏻手撕雞比較碎，味道好香！2️⃣蕃茄湯牛柏葉豬頸肉河粉：湯底好有驚喜～蕃茄好鮮味，加埋有炸蒜及洋蔥令味道更有層次！豬頸肉好腍身，不過得兩塊，如果份量多少少會仲好啲😆3️⃣法式芝士蝦多士：脹卜卜嘅size好吸引，多士好鬆脆，蝦好彈牙！芝士有少少流心，記得要趁熱食比較好。