越港正宗越南湯粉

营业中

休息中

正宗，全部湯底都係用牛骨熬，食完唔會口渴，清清地，食完粉麵，連湯底都清埋，火車頭超足料，牛丸彈牙，牛腩夠淋又入味，軟殼蟹卷賣相夠吸引，味道都唔錯，整體全部食物都較淡，付合香港人口味

今日經過春園街，食肆間間都排隊，見到呢間舖頭唔使排隊，趕時間關係就坐低食，見到餐牌有個大手指公介紹，手撕雞牛丸河，下午茶價錢是$52，就落單，點知當碗河粉端上枱面，就原來已經解答咗點解剛才間間舖頭都要排隊呢間大把位的原因，一碗50幾蚊嘅河粉，雖然說是下午茶，但都冇理由食水咁深，點解我咁講？因為碗雙拼河粉，只有幾條好幼雞絲，和用一粒牛丸切開兩半邊，用匙羹搞兩搞，得返兩個半粒牛丸浮湯面，賺錢唔緊要，都要攞得出嚟俾人哋食客食得開心，我想沒有幾個客人見到兩個半粒嘅牛丸和差唔多搵唔到雞絲的湯河，會再次幫祥襯

下午茶時間，來到春園街找點吃的，剛巧見到這家餐廳位子多，於是便進來了。印象中開業一年左右，這是我第一次光顧。一踏進店，聽到背景音樂是陳奕迅的歌，已感受到濃濃的香港情懷，之後播的還有古巨基等老牌歌手。比較一下，下午茶套餐比午餐便宜近20元，於是我點了下午茶餐牌上印了大拇指的T05香茅豬扒河。食物很快就來到了，河粉熱騰騰。豬扒有四件，帶骨的有兩件，所以這個豬扒餐尤其適合不想多吃肉的人～飲品我點了熱奶茶少奶，份量還蠻大的。期間，我聽到有個師奶很忘我地跟著唱古巨基的歌，又聽到很多人點菜時會追加18元兩件香茅雞翼，很可能這才是招牌菜色？！

一碟咁嘅嘢，$70 極度垃圾質素極度垃圾份量上大陸食飯絕對有原因環境都無謂講。春園街一向都好迫。坐就一定辛苦環境唔掂，食物唔掂收錢就最掂。咁就收你70蚊Margin 唔知有冇九成 ?!?!?!

生牛肉湯河（西檸同辣椒另上）：上枱時啲牛肉仲有少少紅色未完全熟哂，浸一浸食就啱啱好！湯底唔咸唔淡、適中，唔會越食越口渴，唔同出面好多已經係味精湯。略嫌芽菜同荽茜比例唔夠多

幫襯過呢間餐廳嘅灣仔舊舖好多次，見到新舖評論咁少，決定要寫返篇食評支持吓呢間小店！星期六去咗食個下午茶，豬扒一樣保持水準！最欣賞佢哋嘅豬扒唔係「豬薄片」，而係大大方方咁俾啲客一塊好厚肉嘅豬扒🐖🥹啱晒近期想食多啲蛋白質嘅我，啖啖肉，肉質又唔「鞋」，好滿足 。雖然一般越南餐廳應該介紹吓啲河粉，但我私心推豬扒，覺得嚟呢間一定要試 。另外當日都食咗平時食開嘅生牛肉湯檬，個湯好好味但係天氣太熱，啲湯又好熱🔥，食兩啖已經出晒汗，大熱天時建議食撈檬😂牛肉唔錯，當然比唔上好貴嘅越南餐廳用嘅靚牛，但勝在性價比高，所以成日都嚟幫襯 。

友人忽然要吃越南濱海，拉同小人到此餐廳。小食拼盤包括春卷、蝦餅、粉包及扎肉。米網紙春卷脆是脆的，奈何餡料很糊口，粉絲是一坨的；蝦餅煎得不夠，偏腍不爽；扎肉調味不到位，肉質硬；粉包又黏又濕，不堪指數升級。現今的越南餐廳少見濱海，故此我們叫了一客雞串濱海。首先，雞肉燒得過頭，乾身無汁，濱海的檬粉不爽，上面的炸蒜和蔥俱欠香氣。最大的問題是餐廳的魚露味道不足，落多少都無味，給的青檸辣椒亦少，失望。鮮蝦蕃茄檬粉是個湯檬，湯底確實很蕃茄，但就真的只是蕃茄，毫無蝦味。蝦還算爽，惟蝦味已被蕃茄完全掩沒；其他的豆卜、扎肉以及檬粉沒一樣好吃。至於香茅豬扒飯的豬扒當然欠缺香茅味，更利害的是豬扒是靭的，唯有放棄。西洋菜蜜不過不失，之不過是不夠熱罷了。為了吃久未吃過的濱海而來，結果失望而回。

這越南牛河只可說普通，越南河粉和湯頭要燈蕊火摱煮8小時，然後才會變得清湯味濃甜。可惜這裡是濃湯味亦不濃也不甜，所以這裡的食物只可說是不過不失。雖這裡的厨師聽到是說越南話，但厨師厨藝也有高低，還有就是態度，跟著就是老闆肯放多少本錢落食材到。雞肉串燒濱海，有其型冇其味。春卷則不錯，可惜越南菜來到香港就變得小家，只得三幾塊生菜，香葉一概欠奉，失色了，雖知香葉在越南菜是很重要的食材。這店只可說不求味道但求填包肚的店子。

今日試下灣園街的-越港-越式食店，點了午餐牌上的香茅豬扒湯河。員工禮貌地端上一碗熱騰騰的湯港，香氣撲鼻。據說店家是用鮮牛骨熬湯，咀嚼前當然先嚐幾口湯底。濃而不鹹，很對胃口，而且毫無油膩口渴的感覺。河粉也很滑身爽口，good!不一會便擺上一碟香茅豬扒，外賣協成員應該都好收貨，因為視覺很享受，光是看也覺得用心製作。豬扒香茅味平衡，而且外皮香脆，而裡面的肉很鬆軟，很好的味道和口感。一個胃，牛與豬扒不可兼得，唯有下次再來嚐嚐牛肉河！

午市時間，散叫了一客$75咖哩牛腩飯(不包飲品），大約有4舊較大但佔大半肥膏及2粒較細的肉。樓主要求換一客不要主肥膏的牛腩，員工回覆：呢手牛腩係咁肥，一係你換過第2樣。結果換了咖哩牛脷飯，多問一句牛脷是否冇咁肥？員工再回覆：牛脷咪就係牛脷咁。（其實牛腩有肥的部分本人十分明白，但一般太大部分應該切走，不可能全肥上碟吧！）

OT完八點幾想搵嘢醫肚，誤打誤撞入咗呢間越式粉麵店，同事嗌咗火車頭湯金邊粉，本來食越南野無理由唔食生牛河，但我太肚餓，就叫咗豬扒撈檬。豬扒撈檬塊豬扒好鬆化好Juicy 好入味，個檬粉配埋越式酸辣汁味道恰到好處，檬粉既質地軟硬適中，連埋啲生菜、醃青瓜、紅蘿蔔絲，口感好清爽，唔似我食過另一間越式撈檬好油膩。同事就話個火車頭湯底好濃味，食得出好足料，佢最後仲飲晒啲湯。後來有四個韓國遊客入嚟食嘢，好彩有位熟客幫老闆翻譯同佢哋落單，見到佢哋食春卷食到舉晒手指公咁，睇嚟都好有水準，下次再試。

最鍾意食呢間嘅鮮蝦蕃茄湯檬，之前舊舖要行入內街，有少少唔方便，而家搬咗出嚟呢個位，方便好多，以後有口福了！鮮蝦蕃茄湯檬嘅蝦好新鮮，爽甜，湯底冇得彈！我好鍾意食金不換，只要開聲問就可以加幾多都得。公司附近好味嘅飯堂好多都執咗，希望呢間可以keep住啦😃

我係好鐘意食越南牛肉河，由其是北美嗰種。見佢新開張，諗住試吓，結果令人失望。我叫左個火車頭，個湯底超級鹹同味道唔似越南湯河嘅湯，而係似清湯牛腩嘅湯味。好少金不換同完全冇俾芽菜。唯一好嘅就係D牛腩幾好食。總之好似食緊清湯牛腩河多過越南河，完全唔對辦我已經嘗試落多啲士拉差希望令佢可以變返似啲越南湯河，奈何嗰個湯真係鹹到點都飲唔落。下次有機會可能要試佢哋D無湯嘅食品，例如撈檬或者飯類，如果再有下次機會的話。