越棧越式湯粉專門店 (已結業)

經常經過這間越南食店, 每次都有陣陣香氣吸引食客. 今晚決定一試。晚上八點不算多人加上坐位都十分充足，坐下來後看看餐牌選擇十分多真是不能決擇。其實只是牛什河$50大元, 真是比想像中少啊~~而家牛肚有幾薄得幾薄, 但有款是黑椒扎肉我覺得很好味, 只是份量不足.估不到撈的份量會那麼多, 當然豬扒一樣薄薄的, 牛肚仍然是一絲絲的薄, 但其他配料十足, 有花生碎、紅蘿白絲、蕃茄片等等, 檬粉多得差點吃不下去, 配上撈粉汁酸酸辣辣很適合夏天進食。本想叫小食拼盤但沒有半份所以只點了半份炸蝦餅，新鮮熱辣辣即叫即炸，蝦肉很彈牙真的不錯啊~~但這樣已經要$40大元了整體說尚算可以, 加上在元朗實在是沒有越式小店所以吃越南野只能到這些連鎖店, 以連鎖店來說已算不錯了。…查看更多

上星期係元朗同朋友行完街，好肚餓所以係附近隨便搵左間餐廳食飯，最尾揀左越棧。因為唔係繁忙時段，所以唔洗等就入左去。坐低左就叫左個兩個單人套餐，一個香茅豬頸肉湯濛同雞翼湯濛，再加杯青檸梳打。豬頸肉外面脆扑扑，食落都幾好咬口，雞翼食落外脆內嫩，非常之好味！再加埋馬拉盞醬料調味，有少少辣，所有野加埋一齊簡直一流！不過碗面份量就少左Ｄ，芽菜同洋蔥就多左Ｄ，食完都唔夠飽。不過湯底就唔錯，幾香幾濃。價錢就５０蚊左右一位，可接受。另外，員工服務態度好，幾NICE。上菜速度都好快，坐落都幾舒服！…查看更多

元朗真係好多野食，但總會心思思想起這間套餐，好豐富，好多野食，可是今次人少，只可以食碗麵，不要小看這四合一牛肉麵，超大碗，超多餸：生牛肉，牛腩，牛肚仲有牛扎肉，正。生牛肉上枱是生的但大熱湯一浸剛好熟，鮮甜👍牛腩大大舊，絕對入味又soft👍牛肚細切係就係幼瘦點，但有咬口，爽口👍至於平日中意札肉，但牛扎肉第一次試，有點似片裝牛丸，特別口感👍整體好味又抵食，再來一個炸藕餅，超豐富，正正正👍👍👍…查看更多

今日12:30同家人3人去食午餐,竟然好小人唔洗等位,叫左雞翼湯檬+豬頸湯檬+生牛湯河+冬齊啡+熱菜蜜+冬奶茶,落單時侍應態凍度差,上菜快,飲品味淡,奶茶冇茶味,但未去到奶水(可能重點係乜冰乜冰,或者係食物),菜蜜都係淡,我爸叫左杯冬齊啡(走奶),結果泥左冬咖啡小甜,同侍應講想換返,丫姐竟然罵我爸:XYZ,呢個咪齊啡LO,咖啡小甜嘛,冇錯丫!!!!!!爸:齊啡=走奶丫,姐:XYZ唔滿意,話自己冇錯唔想換,經理聽到(原來佢一直坐係我地後面)說:人地都話齊啡LO,快D換返俾人丫,(心諗唔識就問LA,做咩要罵客人?以後一定唔會再泥........)都食物啦,麻麻唔太好食,雞翼冬,生牛泥到變左全熟,冇之前甘好食!!想提提....所有服務行業態度+食物質素好重要,之前我都做過餐廳,唔可能全日都好好笑客,忙起上泥唔可能好好招呯每個客人,但一定唔可以罵客LO,飲品方面連最多人在餐廳叫既飲品都做得麻麻,每杯好似加8蚊,食物方面,粉面麻麻,未去到難食既,但味道吸引唔到我每月泥幾次,最多一年一次,1碗50蚊連飲品好失望,早知食茶記/m記好過,雖然間中會失手,起碼態度好好多…查看更多

難得到元朗吃飯，卻下雨。就來到越棧，一來近巴士站，二來不用等位。很快侍應就送上餐牌，我和爸爸也很快下單。等了十分鐘左右，就來了 椰汁紅荳冰奈何紅荳味不夠，只好椰汁味補上。又再等了十至十五分鐘左右，送上爸爸點的 生牛肉河爸爸吃完後不斷說 退步很多。又再等了十至十五分鐘，才到我下單的 豬頸肉河粉爸爸都已經吃完了。可是，越棧的河粉總是有點太厚個人認為河粉薄比較好另外，豬頸肉的顏色偏粉紅是正常嗎？最後的是雜錦拼盤除了扎肉蟹餅較咸外，其他都不錯。可是豬扒的顏色與豬頸肉有同樣問題。除了雜錦拼盤較貴外，河粉連特飲＄50 單叫食物則只需＄38…查看更多

啲服務態度吾係幾好囉我揮左成吾分鐘手先有人應我同埋紅豆未煲焾椰汁同紅豆比例5啱上菜太慢又5係好食香料味太重未必啱大眾口味地方吾乾淨地下好油希望有待改善（；￣ェ￣）ˊ_>ˋ…查看更多

果日諗住食完野去踩單車, 就是旦入左間越式野其實我麻麻地越式, 但食落估唔到幾好味!我叫左個香茅豬扒湯濛, 豬扒肉味重, 又有香茅味,風味十足, 推介!濛粉煮得岩岩好, 個湯又唔會重味精, 好易入口:)我個fd叫左個豬頸肉湯濛, 舊豬頸肉肥瘦適中, 份量算足, 有6塊咁多, 都唔錯午市$45一個餐連野飲, $37單叫個粉, 比起同區有d貴, 但特色野黎講算係咁, 果日重幾多人幫湊杯熱檸蜜都幾好飲xd 去開可以試下btw 食到一半先記得影相, 影得好差...所以唔post喇:)…查看更多

去開元朗，唔知食咩好~求其入左間越棧，估唔到都OK WO!~同朋友每人叫左一個粉~都有幾多野食~我就叫左一個豬頸肉湯河，份量足! 有六塊肉，夠厚夠入味~朋友就叫左豬扒檬，豬扒正AR!!!價錢都OK，37蚊一個粉，加8蚊有野飲~值得一提GE係佢個XO醬，唔係好辣但味道十足，好味!!…查看更多

好耐冇食越南嘢喇！難得今日lunch約到幾個老友出來聚聚，一於諗都唔洗諗，柴娃娃去元朗廣場＜越棧＞試試吧！我地飯聚約喺十二點幾，剛好在學生們放飯之前，所以一去到就有位！yeah~~~我仲霸咗個窗口坐，位置剛好對住輕鐵站，大家談談天說說地街上人來人往的情境，好不寫意！=＞話得係老友，大家叫嘅囗味都幾一致！我同另一位牛魔王姊妹都對招牌生牛肉湯河情有獨鍾，湯底濃郁牛肉入囗即溶，食完成碗湯飲埋都唔口渴！至於我另外兩位唔食牛嘅朋友就叫咗豬頸肉湯檬，一見到d餸多到遮住碗粉咁滯，就令我即刻想打佢主意！見個friend 滔滔不絶品評緊街外企喺度等人嘅長腿短裙女，連我地兩個牛魔王夾咗佢兩舊肉都唔發現！所謂隔離飯香，d豬頸肉唔止賣相靚，大大塊啖啖肉囗感原來都唔錯喎！下次我要叫返碗先，呵呵~~~就係噤，我地幾個嘻嘻哈哈又過咗一個下晝!驚喜嘅係原來全日免加一，碗粉連野飮$50 都唔洗！期待下次來時叫第二d野試~~~…查看更多

趕完project， 一team人去越棧輕鬆一下先 ， 因為太掛住個生牛肉湯河 ， 真係有時食兩碗都唔夠 。一點lunch ， 同行三人 ， 早到未有人 ， 一人叫一個午市套餐包野飲 ， 係呢個物價高漲既年代 ，$45元都夠經濟既 。 1.生牛肉湯河牛肉半生熟 ， 正 ！ 水準一流 ！2. 豬頸肉濛粉湯味夠濃 ，豬頸肉份量夠多 。3. 牛脷湯河口感一流 ！ 牛脷夠厚夠彈牙 ！最後再加多杯特飲 ，柚子口味 ， 一個豐富既下午 。…查看更多

很久沒有吃過越南生牛肉，心血來潮就走進去這店。餐牌也不看，就點了生牛肉金邊粉不消一會，服務員就送上了大大的一碗粉。先飲一啖湯，跟從前的沒兩樣，仍能保持水準，湯味仍然是很濃郁的。至於牛肉，可能真的是百物騰貴吧，好像少了一點。此外，我亦略嫌它比較熟呢。:(金邊粉是不錯的，夠幼夠滑，而且份量很多!!我最後也吃剩三分之一呢~~…查看更多

公眾假期起身搵地方填肚，喺人山人海嘅元朗廣場，搵到唔洗等位嘅越棧一般連鎖食市質數，唔難食但一定唔算好，叫咗個雞絲湯河$35、半份扎肉$26，個河粉度啲雞絲唔夠我攝牙罅，叫阿姨問下咁份量係咪正常，佢話足兩安士(我心諗你知唔知兩安士有幾多)，本人冇視力問題，但真係睇唔到有幾條喺碗不過要讚下師傅刀功，份扎肉一碟六片，每塊keep住size同薯片差不多，雖然我知物價高脹，但係都唔好咁物非所值。仲不斷有烏蠅起飛黎飛去.....唔怪之得lunch hour都仲有咁多位剩啦！…查看更多

今日放lunch同fd黎呢道食,一入黎有杯茶飲下,環境都好似ok咁,$30一個學生餐係一個餸的面,叫左個牛腩片湯矇,見到果下我以為佢比錯=_=真係肉片lor,薄到傻,仲要點睇都係肥牛...衰仲要衰在成舊都係白色,一d肉都冇lor,得果幾片,矇粉一撮仔,一路傾歇一路食10min都食完...個凍橙梳打混得好假,幾乎飲到d飲品的粉d服務又係嘛嘛,個服務員拎碗野過黎,我朋友想伸手拎,個服務員叫佢縮手,又細細聲講左句:_!多手腳!朋友又叫左紅毛丹飲品,我試飲左啖,好似藥水咁,好難飲,另一個fd個芒果特飲又"啦"喉d野飲都好難飲:(我食左碗粉都唔飽lor;(一路上堂一路餓完全覺得呢間餐廳唔掂!!…查看更多

越棧次次行過都話去試下，次次都冇去到，係朋友再次推介之下，星期三放工終於去試．．個日成８點先到，所以都唔係好ｆｕｌｌ，唔洗等位！我地叫左３碗粉..招牌生牛肉湯檬－湯底好濃，好好味！推介　(食開淡口味的可能會覺得較咸)牛榐撈檬－這店撈檬不錯，材料十足！牛榐好入味，但較韌．．炸蝦餅撈檬－炸蝦餅好好味！！半份越式豬頸肉－出奇地好味，叫半份真係唔夠！！２杯飲品，分別係珍多冰／青檸梳打飲品較遜色，珍多冰味道淡如水；青檸梳打，得一片青檸總結黎講，今餐也不錯！有機會會再去．．另外值得一提的，依間餐廳有Babe seat提供!! …查看更多

朋友想吃越南菜，一行三人去試吓。食物（首七款是二人餐，之後兩款是下午茶餐，最後一款是散叫）：－札肉湯河：普通，無特別豬扒撈檬：豬扒普通，檬和配料都幾多豬項肉：有很多片，爽口，不韌，不油雞翼：仍然有肉汁蘿蔔：五件，十分大件。很入味，又多水青檸梳打：我叫的，普通，無特別珍多冰：朋友叫的，不知道味道豬肉鬆蝦片：普通，無特別熱果粒藍莓：朋友叫的，但我見到已經唔想飲，只是望一眼已經知道此杯飲品是平時塗麵包的果醬加水。當朋友飲後，便告訴我正確，及很難飲:(春卷兩條：即叫即炸，十分香口服務：－我們入座時仲有十五分鐘才是下午茶時段，我們落單時，首先叫了二人餐，之後店員話叫下午茶餐仲抵，他話會計下午茶餐價錢。（服務不錯，主動提供優惠，深明做生意之道。我試過去一些食肆，差幾分鐘便是下午茶都唔俾叫）環境：－我們坐於門口位，只要踏出一步便是商場，感覺似food court…查看更多