越旺美食 (已搬遷) 新店位置

由 界 限 街 搬 過 來 幾 個 月 ， 當 然 四 處 覓 食 ， 越 旺 非 常 地 近 ， 所 以 最 先 去 光 顧 。 吃 了 幾 個 月 才 敢 寫 ， 因 為 這 裡 菜 式 出 奇 地 多 ， 要 多 點 時 間 嘗 味 。簡 單 的 對 大 家 說 : 我 覺 得 相 當 好 吃 ， 但 請 勿 要 求 甚 麼 服 務 。 店 不 大 ， 員 工 不 少 ， 但 相 當 忙 碌 ， 食 物 款 式 多 ， 新 來 的 員 工 經 常 會 弄 錯 ， 不 能 太 怪 他 們 。 大 部 份 的 食 物 都 在 水 準 以 上 ， 當 然 印 度 薄 餅 不 能 要 求 有 『 Osmania 』 的 水 平 ， 但 已 經 不 錯 ， 越 式 凍 朦 也 算 好 ， 那 一 瓶 酸 汁 只 是 差 了 那 些 名 店 小 許 。不 知 別 人 口 味 ， 但 我 覺 得 喝 一 次 就 下 評 ， 對 店 舖 很 是 不 公 ， 喝 過 不 少 越 式 店 的 紅 豆 冰 ， 這 裡 也 算 很 好 ， 只 是 年 齡 不 小 ， 覺 得 甜 了 些 。要 記 得

自從上次黎過越旺之後,有幾都想番黎試其他食物,但係好多時都係堆滿晒人,坐到出街,一個位都無,難得星期六比較早黎到,仲有位,幾大都幫襯下啦!兩個人,點左一客越式咖喱魚柳(辣度:0)配白飯、印式咖喱什菜(辣度:0)配薄餅、熟牛肉湯檬、紅豆冰。越式咖喱魚柳勁好味,係咁多叫左既食品中最好味既! 魚肉多,皮薄,唔腥,無骨,咬落啖啖肉,同咖喱配合得好好,仲有薯仔都好味。原來咖喱配白飯係一個奇佳組合,好味到令人食下食下就愈食愈多,飯既份量係多到你唔信,用碟裝,仲質得好實,都有成兩大碗呢!我地最後都係食唔晒!印式咖喱什菜就真係麻麻地,原來越式咖喱比印式咖喱好, 印式雖然都叫0左辣,但係食落都有少少辣,而且好油,比越式咖喱油好多,反而越式咖喱比較溫和,而且好香。什菜又係唔係咁好,求求其其好多青椒,好多洋,同埋薯仔呀,幾條生菜呀咁,十分之唔抵!個薄餅就好味,而且新鮮,熱辣辣,不過我地最後都係用咖喱魚柳既汁點黎食。熟牛肉湯檬同上次食過既差唔多,都係嫌佢既牛肉唔夠越式,但係湯底就真係好濃,檬粉都多,叫做ok咁啦!唔知點呢度好多人叫紅豆冰,為有咩特別,所以試下,但係其實都係好普通,反而係餐牌見到益力多梳打,好似

跟朋友一起駕車搵食之際, 無意之中駛到奧運站附近, 看見在晚上11時有多的越旺美食仍然有很多食客光顧, 於是抱著肚餓搵食心態, 即管一試。叫了喇沙海鮮粉絲煲、咖喱雞跟拍手餅、粉卷、香茅豬扒河粉、炒蜆、春卷+蝦餅併盤等等美食。粉卷熱辣辣, 可惜略嫌粉皮唔夠薄, 味道OK; 春卷+蝦餅水準亦平均; 炒蜆就水準一般; 最值得一提的是洋咖喱雞和喇沙海鮮粉絲煲, 好味道兼且有水準, 尤其是喇沙, 真是好得! 配以拍手餅的口感, 真的非常滿足!

近期幫襯咗兩次都係食咖哩，第一次食"印度洋蔥咖哩青口"(2級辣)跟印度餅，驚喜!味道比美咖哩店，辣度比一般咖哩店2級要辣，刺激!洋蔥多，甜甜地又辣辣地，好食，加上少有地配上青口，口感新鮮，印度餅上枱前已剪開多份，細心。但女友食"怪味雞"就普普通通，唔係好掂。加上飲品又非常失色，叫咗杯"咸檸梳打"同"椰汁綠豆冰"都非常唔好飲，綠豆冰唔甜，咸檸夠咸但味道怪怪，可能都係咸檸7好飲D。第二次醒目，兩個都食咖哩同埋飲罐裝汽水，"印度咖哩雞"跟飯、"越南咖哩蝦餅"跟印度餅。印度咖哩保持水準，但裡面D雞好奇怪，雞皮有豉油色，似係用豉油雞黎做，雞骨又黑，似係切開再炸過，隔離又有間燒味店，令人聯想用咗隔離舖D隔夜豉油雞整，好可疑?越南咖哩味道較甜，加上蝦餅又偏甜，唔夾>_<，下次再試其他配搭先。

雖然住左係大角咀好耐,但係都係第一次幫越旺,唔好睇佢個樣咁街坊,原來食物好好味,尤其咖喱!兩個人點左三樣野,包括越式椰汁咖喱魚柳(另有印式蒜香咖喱)配印度薄餅(亦可配白飯),炸蝦餅凍檬,同埋熟牛肉湯檬。越式椰汁咖喱魚柳配印度薄餅($32):呢味係三樣之中最正架!咖喱汁絕對有驚喜,係估唔到咁好味!咖喱有0至5度辣揀,我地揀0,即係唔辣,原來真係做得到,真係好香好有咖喱味但係一點都唔辣,汁好多,我地好後悔無叫白飯,用咖喱汁撈白飯一定係一流!印度薄餅食都好,但係比較普通,同坊間既差唔多!魚柳雖然唔厚肉,但易入口,而且無厚皮,所以幾好!炸蝦餅凍檬($28): 炸蝦外層只係一層薄薄整得脆脆地既一層,唔係粉炸皮,所以唔係話十分脆口果隻,但係脆脆地,又唔油,都好好味,不過蝦味似乎少左d,我地見有咁多咖踝汁,令次比較搞笑,用咖喱汁撈檬,所以無試佢d魚露,估唔到咁都幾特,味道都ok喎!熟牛肉湯檬($22):最無咁好係呢碗粉…牛肉方面,其實唔得,唔係越式一片片果隻,而係茶餐廳feel一舊舊果種,仲有少少,個湯底幾濃,都幾大牛味,粉一般,但係越式檬粉用呢種牛肉,真係敗筆!順帶一提,我地食飯既同時,竟然有幾個

上星期六晚同老公食飯, 想飲咸檸梳打就決定去越旺。六點幾無咩人, 可以坐得舒服D。我地點左幾樣野:1. 生牛肉河粉- OK2. 怪味醬汁雞- 超難食, D雞唔係自己整, 係燒爉檔送黎, 然後自己加番D汁上面。嘩! 攪錯, 咁樣一碟例牌收$32。3. 越式蝦餅- 呃人! 根本是魚片, 完全無蝦味, 口感同魚片無分別, 仲要超多油。4. 蒜蓉炒芥蘭-- 應該叫做油浸芥蘭, 份量ok, 但係d油多到可以倒番出黎, 未試過咁難食。5. 咸檸七-- 埋單先知唔係加四蚊, 要加八蚊, 金毛老闆仲話落單時無講到! 以前黎食午餐, 檬粉雞、豬扒都算幾好, 無諗過點餸食晚餐差咁遠!非常失望

今日lunch外賣左香茅雞扒撈檬份量充足撈檬汁帶酸又帶辣味道幾有層次雞扒皮煎得香脆肉唔韌幾好而且default切件上食得好方便不過至正係跟餐唔駛加錢可以有紅豆冰紅豆淋又唔會太奶太甜o岩我口味

標榜東南亞咖哩的茶餐廳. 我們點左:-越式咖哩雞，咖哩汁很稀，非常沒有誠意。印度咖哩羊腩-有點點帶甜，酥餅有點實，不夠鬆。鼓椒炒蜆-很濕,完全沒有WOK氣,也不夠熱.好像恰熟了,用鼓椒汁浸一浸就上臺.跟餐送紅豆冰，只喝了一口就沒再喝了，味道很奇怪。

中午訓醒叫外賣天氣開始熱熱地想食開胃d既野叫左香茅牛肉撈檬跟粉送紅豆冰由order到送到大約15分鐘尚算合理香茅牛肉唔算好多但幾淋唔韌應該落左唔少鬆肉粉檬粉滿滿既一盒撈埋酸酸地既汁都可以但講真個汁只係勝在有d酸酸咪咪無乜特色可言紅豆冰唔太甜又夠凍都幾好紅豆夠淋

上次來過吃印度咖哩，對這裡印象不錯，是晚一行四人去睇筆記，D要早歸，卻又有A的加入，加上S及K，來這裡吃點東西。坐在闊銀幕電視的下面，大家正好一邊傾計，一邊吃東西，仲間唔中玩下15/16。要了咖哩牛尾、燒羊排及生牛窩，A‧S‧K三位食友都要酥餅，我卻想吃飯，要了一碟小的。咖哩仍然味美，香料落足，丁香、小茴香籽都很多。得K一言驚醒，甜味是來自大量的洋蔥，實在是一個真才實料又味美的咖啡，用來下酥餅及下飯也一流。牛尾三大件，一樣炆得軟腍又入味，三件牛尾四個人分，當然不太夠喉；K指上羊排水準有點飄忽，有時幾韌，有時又較軟腍，可幸是晚的羊排也不韌。雖然是雪藏貨色，落足香料去醃再煎，味道不錯。尤其是連骨帶肥膏的部份，更是滋味，28蚊三件，經濟抵食；生牛窩幾大陣仗，有一燒著牛肉湯底的火窩爐，一碟生牛肉片加大量的芽菜，索價48蚊，已是這裡比較貴價的菜色。牛肉質地麻麻，不過價錢便宜，也不能苛求。牛肉湯甜美，用來淥芽菜就最好，所以A還追加了一碟芽菜。酥餅有點實，不夠鬆，比上次遜色了一點。那碟小份量的飯，對於我來說已相當足夠。加一杯鴛鴦蜜、兩杯鹹檸疏打及一杯鹹檸七，埋單一百七十一蚊，每人五十蚊也有找，都算是

係大角咀食野食左差唔多4年, 我都係最like 越旺!! 由佢以前唔起眼既小舖子做到而家大大間, 就知佢有實力啦! 由其是阿哥哥仔, 真係好有心機煮野! 無論湯麵, 抑或咖哩都各有特色! 不過我都係鍾意食咖哩配薄餅多!佢地有2隻咖哩既, 如果唔食得太辣, 最好叫有椰汁果隻!不過.. 唔知係唔係心理作用, 都係覺得佢小舖子果陣好食d! =p

食物質素中等啦。不過價錢咁便，整體來說已經是中上喇。其實如果說全港最好味的咖喱，當然唔會係越旺，但係都唔錯啦。而d 湯粉都好好味。d 雞排飯都好好味。拼盤幾好。而一個味道不錯，size 不細的湯粉連飲品，都係$20，真係唔錯架喇。

不過不失... 不過門口貼張相出黎, 有兩個(食送) + 薄餅+ drink... 問佢係咪兩個(食送) 任揀... 佢話其實個set 得一個(食送) only... 佢仲話"門口張相呃人o既, 俾你地睇下架喳"~_~不過野食係唔差o既, 但我覺得專心整咖喱會好d 囉. 唔好搞d 越南野

在水晶晶吃完泰式下午茶，行過兩條剩見到這間越南食店，意尤未盡，又見有個印度薄餅加咖哩汁的下午茶餐，雖說在越南食肆吃印度薄餅是有點「運吉」，但我卻幾有興趣，就叫這味。這裡雖然是街坊食肆，但地方也算光猛整潔，亦有LCD大電視一部，環境算幾好。吃一口薄餅，屬油酥餅的類型，是意想不到的幾夠鬆軟，用來醮咖哩汁就最適合。咖哩汁要了最辣的，都不算很辣，味道還有點點帶甜，感覺不錯。咖哩汁材料也豐富，有不少的洋蔥、蒜頭、丁香等。吃罷薄餅，滿足，廿塊錢有找，吃的是有本有利的了。臨走時，見年青的本地廚師在搓薄餅，估不到年青的他能搓出這個水準不錯又似樣的油酥餅，繼續努力。這些街坊小店，平平的，幾時都食得過。

其實想吃隔離街的橋泰，點知鬼咁早閂門見呢間仲開咪入黎試下lor...點左咖哩牛腩檬跟青檸soda,男友點了沙爹牛肉麵(食茶餐呀?)跟咸檸soda，小食拼盤嘩!!!不得了!!!個咖哩牛腩檬d牛腩全都是肥膏，很倒胃口，另外仲有一塊塊既牛肉夾雜著中間來冒充牛腩...我諗只有1/3是可以食落口的，味道當然是難食啦!!!而沙爹牛肉麵的牛肉是黑色的，很嚇人!!!小食拼盤是比較正常，但依然不是太好吃青檸soda還可以，咸檸soda男友說很難喝...依家諗番d"牛腩"實在咩胃口都無晒...god!!!