影片
以上资料只供参考，请与餐厅确认详情
食家推介
落雨湿湿，有啲冻，想食啲热辣辣嘅汤面；咁就食越南汤檬粉啦，外卖自取，今日Order咗鱼露鸡翼汤檬。拎到返公司仲系热辣辣嘅，有两只细细嘅鸡全翼；鸡翼比较干身同硬硬哋，味道都几够，辣辣哋好重鱼露味；汤底都几清，味道也可以，份量唔系几多，熊猫外卖自取折完都要 $48 性价比一般，耐唔耐食一次都可以。
继续阅读
假日期间其实在九龙湾常悦道附近好多餐厅都没有开🤷🏻♀️， 见到越南牛肉粉专门店， 有非常肚饿，所以就入去一试。下午茶🥢 ～ 香茅猪颈肉饭$43、 生牛肉汤河$45、转金边粉$2、 水晶香茅牛肉米纸卷$10、咸柠檬七喜$8、港式咖啡。 ▫️香茅猪颈肉饭 ～ 轻食， 细细份， 猪颈肉味道普通，口感好硬。 ▫️生牛肉汤金边粉 ～ 反而金边粉份量正常， 生牛肉有几块， 口感一般。 ▫️水晶香茅牛肉米纸卷 ～ 味道一般。 ▫️咸柠檬七喜 ～ 正常味道。 ▫️港式咖啡 ～ 太多茶渣。 是我预期般的质素😅， 未必会再嚟。🏷️温馨提示～ 整个用餐体验均属个人分享意见， 只作参考😊。
继续阅读
落order时系14:39，枱面只系放左午餐餐牌，落单之前已经问咗侍应有冇小食餐，佢同我讲冇，想食小食加饮品唔食面食只可以散嗌， 因为食饱咗带住小朋友只系想饮下野所以就嗌咗个细嘅小食拼盘（$58）同青柠梳打($36)，点知啲嘢食嚟齐食咗两旧嘅时候，个侍应突然间摆低咗个下午茶牌 (当时系14:56)，上面写住两点半开始有下午茶供应， 唔系贵但既然佢咁唔老实，做咩要畀钱帮衬佢，又唔系特别好食，可一不可再。
继续阅读
一过咗12:30，周围都要等位，好彩今日有嘢做，赶住一个人快食，呢类餐厅好处，一有位就叫你入去同人搭枱，所以好快有位！为咗快，叫左双拼捞檬（有猪扒、香茅鸡翼、煎蛋🍳），蛋系太阳蛋，所以好易拮穿，有蛋汁捞埋一齐，鸡翼有3只，不过猪扒就一大旧骨，冇咩肉食，但见佢有3只鸡翼就打和啦～味道方面，捞檬汁佢系比一碗你自己倒，个量自算多，倒完浸到去7-8成左右，正常酸酸地，冇特别；猪扒虽然量少，不过胜在唔韧，出面有好多食到用牙扯开；鸡翼系煎，出面有啲系炸，就比较热气，我钟意佢煎呢款多啲，就算汤檬都唔怕浸稔。饮品加$6叫咗薏米水，薏米多就多，但太甜，甜到返公司要饮好多水先冇咗阵味，下次试咖啡。
继续阅读
越南牛肉粉专门店 (九龙湾)好食度： 😋😋😋/5性价比： 😌😌😌😌/5回头率： 🚶🏻🚶🏽🚶🏿🚶🏼/5价钱：HKD57，生牛肉河连可乐午餐食乜好？今次港男就拣咗食越南嘢啦。去到就拣最大路嘅生牛肉河，而嘢饮方面汽水同热饮系唔洗加钱嘅，其他就睇吓饮乜，按不同嘅选择而加钱啦，所以港男系拣咗可乐嘅，餐厅方面已经用紧纸纸管，睇嚟都开始紧准备日后嘅走塑政策㖞。生牛河嚟到当然首先要浸返熟啲牛肉先啦，汤算够热嘅，味道都还可，不过可能因为辛香料落得够多都唔定啊吓。份量感觉唔太多，好似唔洗几耐港男已经清晒啲河粉咁，但味道系okay嘅。由于附近唔多越南嘢食，所以想食嘅话，呢间都系一个不错选择。———-//////————地址：九龙湾常悦道19号福康工业中心地下3B号舖电话：23850060～～～～～～～～～#堂食 #kongerguy #kongercouple #揾食 #情侣 #港侣 #couple #foodie #food #美食 #九龙湾美食 #九龙湾 #kowloonbay #kowloonbayfood #午餐 #lunch #lunchtime #越南菜 #越南牛肉粉专门店 #生牛肉汤河 #生牛肉河粉
继续阅读