越華快餐店 (已結業)

延續昨天的惡劣天氣，今日香港繼續狂風暴雨，地上佈滿水坑，我單是要在西貢市内食飯都已經弄得十分狼狽，何況之後要幫細佬買下午茶？幸好買下午茶的地點距離不遠，就在小巴站旁邊的越華快餐店。越華快餐店是街坊食店，開業多年，更是西貢職業司機眼中的食堂。越華店內裝修簡陋，而且佈滿歷史遺留下的痕跡，餐牌上的價目貼滿紙張，全是加價後修正價錢的象徵，店舖開得越久，貼紙的痕跡就越明顯。門口旁邊的水吧位是製造快餐小食的廚房位置，一塊燒紅了的鐵板，一個高溫炸鍋，就是廚師煎牛扒雞扒腸仔，炸雞脾雞翼薯條的工作場地。在這些地方司機食堂內，很難要求他們的廚房有多美觀，只要環境潔淨不讓人拉肚子就行。店舖經歷歷史變化，百物騰貴，加上我點的炸雞脾薯條下午茶不在他們下午茶指定餐牌內，結果全部都是散餐價錢，一點也不便宜，足足要三十八塊錢呢！我分了少許雞脾內試食，可能我攤放時間久了，雞脾肉凍了，不過還不算太鹹。薯條不是我很久未食過的粗薯條，是有點失望。不過既然下午茶又不是我付錢買，又何必諸多挑剔呢？

別以為西貢是一個清一色的遊客區，其實，區內有好多為打工仔而設的餐廳，而其中一個表表者，就是隱藏在小巴站頭的一家老字號《越華快餐店》了。是日早上，我特意地來食返個早餐才上班，簡簡單單，我點了我常吃的雞扒麵。這兒的雞扒，即叫即煎，而且是純正的雞骴扒，夠大片，工友來食，啱晒。而且味說算是入味，有豉香，也有肉香，同樣地，一片好的扒，可以彌補了麵同湯底的不足。奶茶，夠味夠濃，我飲得開心就可以叫好。簡單，份量夠，早上充滿好力量，就是最重要的一件事，而《越華快餐店》，也許已改名做《越華餐廳》，就的確做到可以令人人充滿力量的份量，同味道。

平日放假，自己找節目，決定去行山，選了西貢的麥理浩一段﹗勝在夠平坦易行，一條大直路，點都唔會有咩不測，自己行當然係小心點好﹗由北潭涌行到去浪茄，再行番回頭路，竟然原來要成六粒鐘，估計以外，雙腳累到不能自己﹗出番市中心搵野食，在小巴站是旦找一間，就是這間越華﹗下午茶餐22蚊，要了叉燒麵﹗老實說，叉燒明顯不知放了多久，又乾又硬，已打節扣﹗麵是普通的茶記即食麵，不予置評，總之有得揀你唔會揀佢來食﹗勝在方便，別無其他原因會再來﹗

每個夏天，西貢成為一眾好友的暢泳的好地方，在離開之前，一定會走入去整返個下午茶先走，好奇怪的係，明明個茶餐廳出品好有水準，價錢又唔太貴，在開飯的評價會那麼冷淡，是時候為好食店作一個小小的平反由於我們幫襯下午茶比較多，所以今次重點介紹下午茶的心水，就係炸雞比麵．炸雞比係即叫即炸，既香口又有壞舊感覺，個人認為拍得住紅磡時新快餐店水平，如果食出前一丁麵的話，就要加返＄３西多士其實都是另一個好的選擇，$18就有可樂跟餐，還有不得不提的牛扒麵，牛扒煎得很香，很滑，薄薄的二塊感到十分可口，加上麵，真係一個好的下午茶餐讚完都要講下不好的地方，就係個湯太清淡，要加返辣椒油入去，先會覺得係ｇｏｏｄ呢度的座位安排分吸煙（戶外）．非吸煙（室內）兩種，愛狗人士喜歡坐在戶外，可€以一邊吃東西，一邊和狗狗玩，真係幾好的設計黎下次大家黎到西貢玩，真係要試下西貢小巴總站對開的越華茶餐廳，睇下我有無介紹錯丫

回西貢家辦好應做既事, 3點鐘, 冒著大雨出返黎西貢墟. 回到西貢, 目的只是轉車, 橫風橫雨的, 都是係車站附近找食物好. 而是次一早已鎖定目標, 就是小巴站旁的老店. 越華快餐店.匆匆的從巴士站走到去小巴站, 店外已經坐滿疑似小巴司機的煙民. 以前坐出面, 周不時看見一個非常壯觀的事情. 就是小巴站頭埋數, 利用人海戰術, 十幾二十人齊齊數銀仔. 不過, 現時八違通盛行, 呢個場面已經不再. 店外看到的, 只有因落大雨, 掃哂興既遊客而形成的等小巴出九龍人龍.下雨啊, 當然坐入內廳. 呢一類型既餐廳, 通常都乜都有, 中式炒麵飯, 西式焗燴飯, 應有盡有. 看看有甚麼好食, 看了都係焗飯會比較好食. 就叫了一個焗雞扒飯. 焗飯, 是傳統的鮮茄焗飯, 不過茄味不太重, 而且沒有芝士, 比起期望的差了少許. 而雞扒, 比較入味, 而且是用黑椒醃過的, 茄醬雖不夠香, 但有少少黑椒, 帶黠辣辣地既惹味口感, 縱使我本人不太喜歡黑椒, 也覺得不錯. 另外飯底是傳統的炒飯飯底. 炒得夠散, 近邊的又乾乾地帶脆口. 小時食的焗飯, 不就是這個味道嗎?另外是奶茶, 呢一杯夠濃, 茶味重. 滑滑既

難得星期六相約兩個老友行山，晨咁早就於西貢碼頭集合，當然先醫肚餓。地點是最就近的越華，眼都未開的我是旦要了個腿蛋麵。腿蛋麵其實都無咩好評，不過想講的是佢地個湯底，一0的味都無，似係用水來淥一樣，難食程度有九級﹗友人試了佢地既沙爹牛，又係話0的沙爹完全無味，諗住叫0的最簡單架啦，點知都係中招，呢間野既出品真係油麻地﹗仲有就係間店雖然有冷氣，不過地方相當之混亂，入到來的感覺污煙瘴氣似的﹗很不舒服﹗無下次了吧﹗

2008年11月24日，13:00是日生日，我和太座放假一天，本打算和她到尖東酒店吃牛河；無奈太座中午有急事要回公司。便在她公司附近開餐，中、泰、西她都不喜歡；最終來份越式碟頭生日飯。快餐店靠近小巴站，環境一般，但客人算多。這店全部食品即炒，所以要有耐性。例湯：大芥菜燒骨湯，夠老火清熱、味濃。椒鹽豬扒：夠香酥，香茅味濃，有咬口未經化學處理。蝦醬海鮮炒飯：蝦醬味強勁。料足：大蝦仁爽、蜆肉鮮、魷魚口感好，還有那魚味足而不醒的炸斑片，套上蝦醬的飯粒算乾身。HK$27.-含例湯和熱飲絕對超值。題外話：午飯後陪太座買HK$10.-三個大橙，便送她坐車；再次孤獨，到鴨記遊蕩；晚上回家吃住家飯。大魔怪來電，問我到那裡慶祝，我祇好隔空苦笑。

一大早起來出發到廈門灣游水，為了令個Trip 更醒神，出發前先跟朋友到這裡食早餐，而筆者沒食早餐的興趣故只要涷杯鴛鴦小甜提神。其實間餐廳好不好，奶茶咖啡質數可略知一二；這杯鴛鴦奶茶咖啡味不夠濃，只有香香的淡奶味道，平平凡凡；而跟朋友聊起，早餐的麵食都是一段，地方窄窄及不太乾淨，而因要應付座船出海的到會外賣而令到人手非常緊張；下次想要個好一點的早餐可能要再外求！這個食評只是評杯鴛鴦、環境，到日後有機會可品嘗多一點。

去R 西洲打golf，99%的人都會響呢度開餐醫飽個肚先入去。係就係煩左D，泊完車行番轉頭到巴屎站先有得食。而且，只不過係一間老茶，餐蛋麵有生菜底。但你吹啊，獨市咁滯，除非你飲早茶lor，但飲完早茶只係會訓番教，仲邊有精神開波？