越北牛肉粉專門店

营业中

休息中

I travel to Hung Hom once a month for work and I always stop by to have a quick meal. Food is always good, reasonably priced and the waiting staff are very accommodating and always tried their best with explaining food on the menu (I don't read/speak Cantonese). I ate there tonight with my local friends and the restaurant seems quiet. While we were enjoying our meal, there was a lady yelling very loudly from the kitchen which gave me a fright. In fact, I think the whole restaurant could hear he

紅磡間越北牛肉粉專門店舖，D炸豬排唔錯好正又好味，里面炸都全熟唔會見有血，另外個牛肉配肉丸湯河都幾好味，牛肉切得夠薄而肉丸幾彈牙，還有杯椰汁冰飲品幾好飲下。各位食家食客有時經過越北專門店舖就入來品嘗一下這店的美食

本人住喺附近，又特別鍾意食越南的牛肉粉，自從越北紅磡店開張以來都保持1-2個星期食一次。佢啲生牛河粉嘅湯底熬得好香好正宗，肥牛片的份量及洋蔥、蔥花、油蔥酥、金不換、辣椒仔、青檸等配料都比得非常豐富！下午茶時段$38一大碗生牛河仲有杯熱飲送，非常抵食，物超所值！幫襯咗咁多次，班侍應對我都非常友善，服務態度一流。如果在紅磡區想食越南菜的話，一定係去越北！唔會揀錯！

黎到紅磡，見到呢一間裝修得很光亮的越南店舖，入去叫咗個二人餐，火車頭熱檬粉，上菜速度很快，而且很大碗，就算係兩個人食都絕對足夠，配菜都有好多，全部都係牛嘅系列，有牛栢葉，牛丸，牛根等。檬粉係我自己中意食嗰一種，有爽口，好彈牙，湯底都夠熱，夠濃，價錢都合理，比較平民，普普通通一碗檬粉冇咩好挑剔，算係好不錯！飲品就加＄20有兩杯，都係越式嗰啲系列，叫左椰汁冰，三色冰，味道中規中矩。侍應態度都良好，絕對會再幫襯。

越南同泰國菜喺香港都係唔少人嘅小小選擇，越北喺香港有唔少分店，但越式菜始終唔係主流所以都唔會超級受歡迎，越南菜主要有扎肉、菠蘿炒飯、各款炸小食、同埋特別啲既特飲如三色冰、椰汁冰等飲品，有唔少人會將越南菜同泰國菜撈埋一齊，因為兩者好類似。越北有不少的分店，今次幫襯系紅磡呢間，平時都好少去紅磡，其實戈邊都幾多好野食，但一開始都估吾到去到戈邊都系幫襯番連鎖店。食物種類算多，除了湯河，飯類都系分開的，亦有特別既「越式煲仔」同埋各款海鮮，不過當然海鮮定價會較高。由於自己本身系越南菜黎講都系中意食小食同埋扎肉湯粉多啲，今次就吾想扎肉湯粉，有番啲新鮮感。食湯河應該會比較開胃，於是叫左個香茅豬肉金邊粉 p.s. 餐牌本身冇講明可以轉金邊粉，但我食過越南菜知道可以轉，同埋職員落order戈陣都有問轉吾轉。值得一提既系，我發現越南餐廳所用黎裝湯粉既碗總系會用吾對稱既碗，可能呢個系保留越南菜既特色。香茅豬肉金邊粉既香茅豬肉幾軟稔，香茅味重，其實香茅味即系戈種重香葉既味，同豬肉都幾match。不過亦犯左一個好常見既錯誤，就系個湯好鹹，令分數下降。由於叫既系套餐，好多時套餐加某既金額就可以配特飲，加左$12就要

依間叫越北既越式湯河店係鏈鎖式經營，之前都見過佢身影，今次黎度紅磡咁岩又見到佢，就試一試佢個四人餐係包每人一款湯河粉，我就叫左生牛肉金邊粉我地有人叫咗牛腩湯河粉，整體上啲牛肉都幾靚個餐仲包生菜一碟另外，個餐仲包越式米紙卷12件，印像中有三隻味，都幾大舊同埋味道都算不錯此外，個餐仲包一盤類似蒸粉包既越式小食，配埋啲肉碎一齊食味道更佳至於餐飲方面，由於我哋只係叫咗啲普通野所以冇影相。整體黎講，除番開每人大概120蚊，包既嘢食都算多，食得好飽，味道可以，所以性價比算係合理水平啦

小編係假日紅磡寶石戲院睇完戲之後，就順便同友人撐枱腳，今次走到附近的「越北」試試！因為自己未試過生牛肉，所以就點左生牛肉牛丸河粉！第一次試生牛肉，上菜時見牛肉仲係鮮紅色，都好緊張，估唔到一浸入湯，牛肉已經好快熟左兼變埋色，而且口感係意外地好嫩滑浸入湯中令湯底散發出香味！而牛丸係剪開一半上，無咁彈牙，味道尚可。再加埋配料（辣椒、青檸）食，辣辣地好野味，青檸汁好開胃，可見食店老闆都有細心花過心思！而友人就點左豬扒湯河，豬扒都比較脆身，食落都有咬口，唔會話太林，兩碗河粉嘅湯底都比較入味，可以話係精髓黎！飲料方面我同友人都點左椰汁冰，椰汁冰以沙冰形式上，略嫌冰塊有點大，如果再磨得碎小小會更加好。最後店內座位都算舒適，枱上有是差拉醬同一支好似蠔油咁既醬，雖然試左一試味道無咩特別，但都幾有特色！加分！

今晚同屋企人食完河粉埋單嘅時候個黑衫waitress（全店得一個黑衫），大懵找錯錢，食362蚊野，比$500 蚊佢，找$38都算啦，我一出門口發現唔對數掉轉頭問佢攞攞返＄100，本來諗住如果有就有有得攞返同冇得攞返都冇所謂嘅。但係佢竟然夠膽將個波完全缷我度話唔關佢事仲暗示我呃佢同喺度玩嘢，我唔想搞事但係又唔想蝕比佢，同佢僵持左好耐，佢望一望收銀機同啲單，跟住終於肯俾返個＄100我。我唔想搞事所以最後都冇同佢計較，但係佢咁嘅做法令我對「越北」完全失去信心。各位如果去「越北」食河粉嘅時候埋單時如果見到依個waitress請小心找續。

偶爾與同事放lunch出外吃飯，同事經過越北門口時大力推薦越北的撈檬，原來下午茶時間會比晚市便宜很多。二人均點了香茅豬扒撈檬，撈檬汁放在桌上可任意使用。落單後10分鐘左右，撈檬已經上菜，豬排應該是剛炸起，還有一些餘溫。撈檬的味道不過不失酸酸甜甜，與一般外食的越式餐廳味道一致，但炸豬扒的味道令人驚艷，豬扒的外皮又鬆又脆被香料包裹過的豬扒香味四溢，配上酸酸甜甜的撈檬汁，的確令人感到意外午餐繁忙時間輪候的人較多，與同事急急忙忙吃過後便匆匆離開。沒想到連鎖餐廳的豬扒撈檬有超水準發揮，以後放飯又有多一個選擇了。

紅磡一向都好多好嘢食，見新開咗間越北，食牛肉粉既！有friend食過話推介生牛肉湯河！可惜我麻麻地生牛河，特別鍾意香茅雞翼同豬扒，同埋好耐都無食撈檬，於是點香茅豬扒撈檬，飲椰汁紅豆冰。香茅豬扒撈檬上枱望落都幾大碟，豬扒份量都唔小杯椰汁紅豆冰，椰汁沙冰既口感，再加埋粒粒紅豆，幾特別，但似甜品多啲埋單$46，還可以吧。

開在紅磡後街的這家”越北”是這年頭新開出來的, 一開始時差不多到開餐時間就會見人龍, 現在已經過了差不多半年, 人龍再見不到了不過生意還算得上是不錯, 來過幾次下午茶, 這是其中一次的經驗, 普遍的下午茶價位屬於中間偏上,咁事實店內環境又真的比茶餐廳好嘅, 這天選咗其中一個比較貴嘅:三寶湯河$52湯河同三寶分開上, 係比較有心嘅做法, 三寶係豬扒 / 雞翼 / 扎肉, 兩種炸物都係新鮮炸起, 醃料的香氣同肉香同時跟隨熱氣隨隨上升, 扎肉就比較平實咁放在上面, 這裡的牛湯底是做得不錯的, 一啖會呷到牛骨的香氣, 味道屬於清淡之中有那份濃厚的牛味, 香料的氣味稍稍遲一點出來, 明顯分得出莊閒, 另一個是蕃茄牛腩湯河$40 由於牛湯底功力深厚加上茄膏同新鮮蕃茄配合自然亦是無得輸, 牛腩口感係剛剛好有咬口, 亦有牛芳筋在內, 跟面頭嘅香料同吃美味極了, 

今日來到紅磡探望朋友，順道聚餐，一行三人。眾所周知紅磡多美食，經過越北，看似不錯，於是試一試。餐廳外有電子發票機，我們只需等10分鐘，便能就坐。餐廳內環境舒適、寬躺，感覺乾淨。一打開Menu，就給越北鍋片套餐所吸引！像火鍋一樣，可以選擇湯底！牛肉樣子鮮嫩，肥瘦均等，厚薄適中，牛肉熟透度由自己控制，能滿足各人所好。套餐小食則選了越北扎肉蒸粉包和越式香茅雞亦。此外，還點了鮮茄牛腩配蒜蓉包，牛腩鬆軟可口，蒜蓉包外脆內軟。份量適中，價錢合理，會在再光顧。

叫左沙嗲牛肉飯，軟殻蟹米紙卷，香茅牛肉撈檬。沙嗲汁好甜，唔香，好稀。軟殻蟹米紙卷切得好大舊...係成條卷既2/3咁上下...食得勁唔方便米紙卷本身味道極淡，軟殻蟹好細件，食落完全感覺唔到佢既存在😅 撈檬先係重點😅食食下有隻啡色既細蟲係碟中間爬出黎🖕🏻🖕🏻嚇到我無哂胃口...（爬得太快我影唔切)佢個檬汁又係得個甜字，酸味辣味欠奉加幾多都係得個甜字P.S 真係第一次見撈檬係用碟上😅呢間真係幾難食下，話佢茶記水準都比多佢😅😅

令我寫第一次這食評，竟然是因為有不愉快的經歷。上星期日的晚上，在家人的提議下又再一次踏入這店，遭遇到又係不禮貌的招待😤我們一行3人，被門口的職員安排坐在5人的卡位，一坐落位，店內一位職員已經與另一位職員在竊竊私語話，3個人坐咁大張枱，(其實同樣的事情第一次光顧時已經經歷過)，不到5分鐘已有5位客人入內，所以又再被調位。點菜之後，因附近是餐桌用品的櫃，剛好員工在整理用餐餐具時，放置回櫃時的聲浪非常大，好滋擾。好像要做出一些小動作要令你快點完成快點離開。其實於剛開店的時候，亦是吃晚餐，已有同樣的經歷，只不過當時的冷氣再開大d🤧，令你更想快些離開。第2次就是光顧下午茶，食物只是將價就貨。至於食物，有試過生牛肉湯河，3寶湯河，酸辣鳳爪，蒸粉包，炸蝦餅，䉀蝦，又不見得有什麼特別，粉麵湯底亦偏咸，所以，真。的。沒。下。次。免。得。受。氣

突然想食湯麵，捉左男朋友過黎食越南野，平日午餐價錢都算還好，大約$50-60（加一後）連餐飲，好彩野食既水準都值呢個價。揀黎揀去又想食雞翼，又想食豬扒，叫越北三寶撈檬最抵。有香茅豬扒，香茅雞翼仲有扎肉，正常味道，少少鹹但配上檬粉就剛好。醬汁酸酸甜甜，特別開胃。檬粉條條分明，唔會痴埋一束。最中意係撒係面頭既乾蒜同埋花生碎粒等，好香口，又脆。相反，男朋友點既生牛肉金邊粉就還好，對我黎講湯底都係略鹹，但牛肉好嫩，都幾新鮮。可以自己落青檸汁同埋辣椒。Lunch黎講係呢區食茶餐廳都要四五十蚊既時候，有咁多另類選擇都幾好。