越北牛肉粉專門店 (已結業)

上星期六夜晚去咗呢間越南野，已經係第二次，總括嚟講，佢所有粉面都好大碗，如果兩個女三個女仔去食可以叫兩碗粉再加一個小食，同埋佢都比較平民價錢，所以長期都好多人排隊，我地叫咗佢嗰個番茄蟹膏蝦丸扎肉河粉+順化湯粉（入邊有牛腩扎肉扎蹄及牛丸），我已經叫咗小粉，但都係好多，味道OK，我最鍾意食佢嘅泰式鳳爪，好多洋蔥芹菜啲鳳爪酸酸甜甜，好好味，我見呢間餐廳係OpenRice好多人都係給予好評，真心覺得冇花冇假，同埋啲夥計好醒目，難得不錯的越南連鎖食店☺️唔知佢啲飯好唔好食下次有機會試吓佢嗰啲豬頸肉或者香茅豬扒飯

有晚9:30周圍搵嘢食，見到佢仲未散就入咗去試吓。叫咗個牛湯浸蘿蔔，同埋雞翼撈蒙粉！朋友叫咗個牛肉河粉。我個雞翼撈矇粉 係好食嘅，我鍾意有好多青瓜絲，香茅雞翼都係正常味道，另外蘿蔔好入味好林，試咗朋友嘅湯底都係好有牛嘅味道。整餐飯個感覺好好係因為所有侍應都非常有禮貌同埋友善。加上真係唔係好貴

近來西式、日式、韓式都食到好厭，仲有咩可以食呢~ 行過呢間越南野見有d人等位，所以試下啦~鋪面睇落唔大，但都放到幾多枱，同埋係需要搭枱，所以好快就有位喇！朋友叫左碗生牛肉沙湯粉，好大碗，有啲餐廳上到枱啲牛肉已經熟哂，但呢到有，真係見到未熟哂，可以慢慢浸熟先食！我就叫左碗香矛豬扒湯粉，豬扒另上，唔會浸冧哂，仲好大碟，可以同朋友share黎食~小食就揀左無骨鳳爪，好大碗鳳爪好爽口，但我覺得辣左啲，鍾意食辣既可以一試

喺沙田見呢間越南河下午茶時段都多人等位，就想試吓佢好唔好食，好彩叫號碼都叫得快，等咗5分鐘度就入得。叫咗兩個下午茶餐，再追加一碟半份嘅越式烤豬頸肉。-越式烤豬頸肉（$22）豬頸肉煎到脆邊，面頭仲有一堆炸蒜，非常香口，成碟轉眼就被消滅😂-蕃茄蟹膏蝦丸札肉湯檬（$48）個湯底蝦膏味濃，但搶晒啲蕃茄味。三塊扎肉都彈牙，但兩粒蝦丸就冧得濟，無口感。-生牛肉牛丸湯河（$46）啲肉丸比平時食開嘅細粒啲，味道都ok，河粉份量亦都好足。兩個下午茶餐都免費送嘢飲，最開心係除咗普通檸茶檸水嗰啲，醎桔水都係跟餐免費！🤩 杯熱醎桔水真係好夠味，杯底仲有好多桔仔肉㖭。凍飲就要加$3。如果想飲其他特飲，都可以加錢轉。餐廳提供多款醬料調味，除咗撈檬粉用嘅魚露甜酸汁，仲有腌製大豆醬、綠辣椒醬同紅辣椒醬，最啱用嚟點牛肉😄美味指數：3⃣/5抵食指數：4⃣/5再食機率：70%

晚上到沙田逛逛街，天氣關係想吃一點酸酸的味道，所以就來到越北！等位約等待了十分鐘～炸春卷 $42附有生菜～可以包裹著熱騰騰的春卷。春卷香脆可口，沾了少量酸醬更美味。👌🏻越北三寶飯 $62三寶飯是香茅豬扒，雞翼，蝦片。香茅豬扒很大份！超級香口勁好味😍雞翼不在話下，既香脆又大隻。滴漏咖啡 加配$12咖啡加練奶，味道和外貌尚可。這不是滴漏咖啡喔！滴漏裝置是做樣的，沒有加水進去，因為摸摸個底發現是乾的🤣(p5)💙mylittle評分：7價錢ok又抵食

次次行過都有好多人排隊，今日選擇早少少食飯。慶幸唔洗點排隊，不過都要等一陣才能入座，因為餐廳內根本座無虛席。兩個人嗌嘅野食唔多，叫左一個咖喱牛腩飯、一個生牛肉牛腩片湯粉、軟殼蟹紙米卷同兩杯飲品。咖喱牛腩飯都不錯，牛肉湯粉就清清地幾好食添，至於個紙米卷就淡左少少，內裡夾左極少嘅軟殼蟹，主要係檬粉同蔬菜，不過軟殼蟹係ok好食的，喜歡食軟殼蟹嘅可以直接order軟殼蟹會滿足d叫野食可以加配價$12叫野飲，最後二人埋單$200有找，仲要唔洗加一，抵食呀臨走時約晚上8點鐘，望望出面排隊等飛嘅人群，真係超多人呀

喺附近睇完醫生，想食得清淡少少。行行下見到呢間都幾多人排隊嘅餐廳，於是就入去試下喇。本身諗住叫個魚餅湯粉，不過唔知係咪落單嘅小姐見我咳，好細心咁提我啲魚餅係辣嘅，問我食唔得。我即刻如夢初醒轉左叫碗素扎肉湯河👇🏻雖然望落好清，不過唔會一啲味都無，調味啱啱好素扎肉夠入味，成碗份量都算大，對於我呢啲少少大食嘅女仔來講，絕對可以填飽個肚見到好多人都叫生牛肉湯河/檬，下次有機會要再試過！另外餐廳整體嘅裝備佈置都唔錯，不過可能我唔係好高，張櫈(非卡位)有啲矮，導致碗河粉同塊面嘅距離好近，食得有啲唔就手😂

🍜會安雞絲扎肉撈檬配檸茶$56🍜健康之選✌🏻次次食撈檬都會倒勁多酸汁落去😂成碗粉份量好多，雞肉扎肉又多，配料舖滿成個碗🤤開頭會驚啲雞肉會有怪味/雪味，但食落無，幾好食😍檬粉清爽彈牙，酸汁好開胃~.💃🏻酸辣鳳爪$26💃🏻同朋友share~鳳爪無骨，肉質爽口，整得好入味，好好食呀😍酸酸辣辣唔油膩，下次都會encore呢款小食🤪.食物質素: 🌕🌕🌕🌕🌘食物顏值: 🌕🌕🌕🌕🌘性價比: 🌕🌕🌕🌕🌘回頭率: 🌕🌕🌕🌕🌘

今日嚟到「越北牛肉粉」吃下午茶，咁當然要食佢哋嘅主打生牛肉湯檬粉$42，餐飲是加$8的椰汁三星冰，三星冰的三星有：去皮綠豆、紅豆和綠色條狀粉絲，請問有冇食客可以告訴我，它的正確名稱呢？！此外，三星份量頗少。 呢個生牛肉湯檬粉有三大片生牛肉，正確係好熟嘅牛肉， 配埋一些洋蔥、芽菜仔好爽脆，仲有一個大白蘿蔔，唔錯！而家人食嘅係咖哩牛腩飯$48，餐飲：咸柑桔水。咖哩牛腩飯係冇薯仔嘅，可能是越式掛？！咖哩汁少少辣味道都唔錯，牛腩份量就唔多，可能是下午茶關係。下午茶時間係去到六點，我哋差唔多接近六點先至到，一於下午茶當晚飯都冇問題，當然如果唔係雀仔餵嘅客人，就可以好似我咁啦慳儉！

今日同友人黎食服務不錯 大多數是候生仔女態度很好 值得一讚食物方面份量也多 味道亦算中上會再來吃湯底味道其實同出面越南餐廳差不多牛肉唔會好鞋 又唔會好肥而順化湯檬也okay 酸酸地辣辣地 但又不算很辣 味道夠 份量多

有誠意有水準嘅湯河，湯頭極濃郁，唔味精， 清甜鮮美，飲得出係有誠意，有功架，花時間嘅湯底，係連鎖餐廳速食文化氾濫嘅香港來講值得稱讚。非常越式地道嘅餐點，所有嘅香料，包括九層塔，炸蒜，青檸，辣椒等等都齊全， 尤其是加上青檸同辣椒， 整個河粉香口又惹味。生牛肉更加唔洗講，唔夠新鮮嘅牛肉絕對冇一間餐廳敢全生擺落餐點到出街， 可能係因為其他配料太出色，牛丸反而顯得有啲不高不低，不過不失。成個河粉份量有啲少，可能因為係下午茶，不過對女孩子黎啱啱好😊

沙田好運中心 新開左間越南菜入邊裝修簡潔舒服菜色方面 主要係食 越南粉為主我就叫左個越南三寶（扎肉香茅豬扒雞翼）簡左我最愛嘅撈檬上菜又快青瓜 新鮮香茅豬扒腌得唔錯食落去 加埋啲汁 簡值一流 $62有杯野飲 有咁多野食 都值得去試吓

假期同老公去沙田行街，又到下午茶，兩個行到沙田好運中心商場有間越北越南菜，老公好鍾意食越南菜，諗都唔諗就入去坐，海防魚餅撈檬、越北三寶有香茅雞翼、香茅豬扒、扎肉檬湯粉、最欣賞鹹桔水，鹹桔好出味，非一般味道。

見佢開左咁多連鎖店，我諗唔會差得去邊既係出面等位已經聞到香噴噴但原來係假像叫左個生牛肉湯檬，個碗好大碗呀！但入面啲檬粉份糧，我以為自己食緊下午茶😣得幾條，好似食空氣咁！伏！另外仲有叫左個飯同撈檬，朋友都話正常既 ！但仲有個蝦餅，一啖咬落去，梅既仲有仲有叫左碟馬拉盞通菜，無味的，成碟野水旺旺@@ 難食到一個點！連最無難度既牛油雞翼都係淡而無味你話伏唔伏最好飲既都係杯咸寧7

今天公眾假期，晚餐在沙田好運中心的越北就餐。排隊人數一如以往的多，大概半個鐘後才有位。餐單清楚簡單，很吸引。我們選的幾款牛肉粉全部都非常好味。材料新鮮，湯底美味。價格也比較合理。晚餐非常滿意。