影片
我平时好少会食连锁餐厅，土瓜湾地胆推介呢间话好好食，跟佢试，的确几惊艳生牛肉河个河粉好滑，牛肉味都几出，汤底唔咸得黎都有肉味，算清清地得黎又几浓郁春卷炸得几脆，摆左一阵先食都仲脆卜卜猪颈肉几弹牙同保持到肉汁
继续阅读
中午去依间食，环境几好，装修精致，不过好似人手唔够。服务员态度几好。叫左生牛肉汤河粉，牛肉好食，唔会太生，汤底清甜，成份河粉都几大份。上菜快，对放饭赶时间既人非常友好
继续阅读
冇去过越南，但系越南嘢真系可以又清新又重口味不过今次食嘅越北总体系有少少失望.. 两个人叫左一个香茅猪排饭，一个牛腩咖喱，一个无骨凤爪，一个札肉，一杯咸桔水，一杯越南奶咖啡🤣猪排味道还好，但煎得有点过火，油比较重⋯⋯牛腩…嗯，咖喱味好淡，感觉整顿饭都没了灵魂幸好无骨凤爪味道几好，系清新又够味的，但餐set只有几块，札肉普普通通，咸桔水都OK，越南咖啡就，作为香港人唔系好惯呢种咁fusion的口味😂越北以前不嬲味道唔错，一定系我今次点餐方式错左，都系食捞檬好d..
继续阅读
其实本身都对连锁店嘅嘢食唔会有好大嘅期望，抵食夹大件就最好🤣食咗个生牛河觉得都几大碗，上枱嘅时候啲牛肉仲有少少生，所以食落去嘅时候啲牛肉都会变到好老，加上份量都唔少，所以都几饱。
继续阅读
今日过左土瓜湾，朋友话想食生牛肉河，甘我哋就揾左一间越南菜 — 越北。舖头装修好雅致同干净，卡位同四人方枱比例大概五十五十，我哋比较早到，所以好彩有超舒服卡位！见到餐牌嘅一人combo大概$86至$92，包一款面食、一款小食同一杯饮品，都算几抵又啱食就叫咗两个餐。越北生牛肉牛腩片汤粉（$90套餐）有生牛肉片同牛腩片两款肉，生牛肉喺热汤入面轻轻灼熟，入口好软嫩，蘸是拉差辣酱食就更加惹味！香浓汤底配上青辣椒同青柠，感觉更清新！岘港虾头膏酸辣海鲜汤檬（$92 套餐）配料有青口、蚬、墨鱼仔同肠仔，酸辣汤底入口几鲜甜，比我想像中辣，但啱晒重口味同钟意刺激辣味嘅朋友。会安莲藕虾饼（2件）莲藕切粒再混合虾肉再煎香，爽口又弹牙，系好好味嘅小食！越南海蜇沙律，凉拌芝麻海蜇加上红萝卜丝、青瓜丝、紫洋葱、唐芹，酱汁感觉似捞檬嘅香辣汁，几啱夏天食！三色咸柠七，有青柠、柠檬同咸柠檬加冰底，仲要系用原罐七喜汽水，甜中带咸，开胃生津，喺香港好特别嘅饮品之一！越南奶咖啡，有时都几钟意饮越南嘅咖啡，用炼奶配上斋啡，感觉更滑同香！
继续阅读