超達食堂

行过新蒲岗见到呢间叫超达食堂嘅餐厅，个名几得意，忍唔住就外卖试下～今次拣咗个特别啲嘅全日餐，入面有龙虾汤乌冬 + 吉列鱼柳 + 香草猪肉肠 + 3.6牛乳炒蛋，配搭真系够晒丰富！首先必赞系个龙虾汤乌冬，唔系间间茶餐厅都有龙虾汤选择，而且味道浓郁得嚟唔会死咸，饮落仲有啲海鲜嘅鲜甜味～乌冬挂汤力十足，每啖都好满足🍜。吉列鱼柳大大块，外层炸得香脆，咬落仲保持住juicy口感，就算外卖都冇因为焗太耐而变硬，呢点加分💯。香草猪肉肠有香气又唔会过肥，配埋滑溜溜嘅3.6牛乳炒蛋，精神满满～$49就可以食到咁多样嘢，份量够晒饱，味道又有惊喜，真心觉得物超所值。如果想揾个平靓正又有心思嘅全日餐，超达食堂可以bookmark！…查看更多

预早几日订咗个羊腩煲，第一次试，所以净系嗌咗个一至三人份量。早咗出新蒲岗，喺附近食咗碗面先，但系上到嚟都仲未有得攞，咁就索性食多个下午茶叫咗佢个鸡髀试吓。个size就真系细咗少少，不过食得出佢个鸡髀系有诚意嘅，因为个鸡髀个底味做得唔错。食完个鸡髀对个羊腩煲都几有信心。个羊腩煲用外卖保温袋外拎走，有保温袋载住相当贴心，返到屋企都系暖嘅。一至三人份量，都几足料。肉量够，唔会净系骨，个羊都炆得够腍。另外值得一赞系个糯米饭，劲多辣味。因为老板娘初头提供𠮶张相，以为佢一至三人餐羊同糯米饭各两盒。点知原来系各一盒，搞到食到到喉唔到肺。觉得下次三人可以嗌四至六人餐都唔过份。事次用餐位自费项目。…查看更多

之前食早餐试过ok,但遇到个男人D态度就不好但都再试下午餐食过几次都可以,但今次块猪扒又细又干又柴,见人第堂食都一样份量又小，好似食紧儿童餐，奶茶得3份2杯,难饮左👇👇👇…查看更多

今日专登行去试下佢食物质素，环境干净，送餐速度有效率，职员有礼。食物好食。墙上贴了新蒲岗的街名，巴士车站，很亲切。价钱合理。星期六早上食早餐人流较少，唔怕太逼。…查看更多

系公司附近，有时会去食lunch。只能够形容，佢系一位外貌不讨好内涵爆晒灯嘅人。呢篇食评只论食物，非关环境/卫生/服务/氛围等等。我食过嘅系咸蛋肉饼饭，令人回味。其他同事食过蒸鱼，都系极新鲜嫩口。佢嘅酱汁将𩠌菜带到另一个层次。果到嘅奶茶/柠茶完完全全嘅地道港式口味，茶胆唔错，系新蒲岗呢一带茶餐厅嘅上品。另外，老板亦会附送生菜一碟，对我黎讲，暂时系最好食嘅茶餐厅碌菜，没有之一。由老板对待我杯野饮嘅态度可见一斑--佢上错我杯冻柠茶做走甜 ，我叫佢帮我加啲甜，佢话啲柠檬已经督过唔好，直接倒左佢换过杯俾我。价钱超级平民。可惜位置不佳，装修古旧。以上。…查看更多