超記美食館

营业中

休息中

炸特大鸡髀🍗$18最近成日都响𠮶度开工😝又走咗去红磡广场觅食☺️呢间小店近门口😆见到唔少人排队🤭结果我走咗去试吓🤡原来仲可以即时食😁旁边有座位，同店员讲声就ok🤣佢哋会转返碟装☺️店员仲会问要唔要落淮盐😇落咗的确系好食啲☺️而且食落的确几脆口😎只系可惜冻咗少少🤣味道算系唔错😉价钱亦都合理🥸作为下午茶嚟讲都唔错😌如果可以再返炸一阵，热辣辣食🤭效果应该更加好😆超记美食馆 (红磡)红磡马头围道37-39号红磡广场地面13号舖 继续阅读

超伯又错字喇 ﹗都话唔系鸡脾咯，不是发脾气、不是脾脏 ﹗系鸡髀从骨部架，捍衞繁体字、捍卫广东话﹗上水恶魔之桥无牌小贩就算唔洗交租、唔洗交税，鸡髀都要成廿几蚊只，食水劲深 ﹗红磡商场舖伯伯卖 $16 蚊巨髀，$10 蚊 5 件煎酿三宝，抵到烂㖞﹗会唔会卖得太平呢？简直跳楼价益街坊，感激不尽，祝生意兴隆。台面餐具油淋淋好可怕，而且筷子满布酱油渍，不是每张台都有杯有茶，我唯有徒手将筷子捽干净，心理上都会好过一点。面对住餐具真的有点压力，最好自备湿纸巾清洁一下，会食得更安心。伯伯真的好招呼又落力，加油呀 ﹗谅解人手不足，伯伯婶婶已跑来跑去又有点混乱，出货系慢少少既。可否揾个较识广东话返工呢？我完全听唔明阿婶讲什么，估死我咩 ﹗想同我玩超级无敌估歌仔吗？阿婶有无叮当既翻译年糕比我食呢？我依然都系完全听唔明您讲咩啊。咖哩鱼蛋，一深一浅，咖喱够香够辣又够浓不水汪汪，鸳鸯色就是卖点？深色鱼蛋劲咸㖞，浸到黏黏粉粉半溶状态。浅色鱼蛋好鬼腥，就算再淋上大量辣椒酱都帮助不大，质地弹弹不假不会索索声。炸鱿鱼须，琴日食您唔到，今日仲唔比我食到您！即叫即做，发胀大大条，炸浆香脆松化热辣辣，鱿鱼须劲爽劲弹有海水味︳腌味十分浓郁，有点略咸，不过好香口好味道。有喼汁就更开心啦，我唔要沙律酱呀﹗定价 $20蚊份，份量比较少左一点㖞。炸斯华力肠，炸得太㶶带苦涩，硬要刮嘴，不喜欢，还入到口，唔难食既。炸猪大肠，即叫即炸超肥美新鲜，非常好﹗好过翻炸百倍。外香脆肉嫩弹，肠皮松化甘甜，肠肉劲弹膻香。不幸地腌味太重，极咸免强下咽，再淋埋豉油就更加咸㖞，不过口感一流呢。我以为系甜豉油，何解会用咸豉油架？而且味道极浊极咸，廉价货！还以为因为豉油，原来净食一样好咸呢。鱼肉烧卖，跟肠粉质地差不多的干硬，面粉味重，格硬求其吞落肚，难食。斋肠粉，大陆阿婶问要否豉油？真的有人食白肠粉的吗？我梗系要混酱，全部都要﹗居然可以难食到依个境界，无奈地放弃！肠粉只食到少少，已尽晒力，剩下全数掉去垃圾桶。虽然肠粉热腾腾，但面粉味强烈而霸道，质地干硬，粉粉的讨厌口感，不滑不弹，极度难食﹗豉油很少，只有辣酱、甜酱提供，无花生酱无芝麻。索价 $10 蚊 5 条就非常平喇，最敝质素太差呢﹗民裕快餐及开心美食比较好食。另外，我真系极讨厌发泡胶盒架，焗到食物腍劈劈，又有倒汗水搞到食物湿淋淋。用油纸最好，又平又轻便，索走多余水份、多余油脂、多余蒸气，十分好用﹗包住煎炸、蒸饭、点心、炒粉面米、串烧、上海包饺，样样佳能﹗煎酿三宝，全部一律冻冰冰的。鱼蓉失手，何解那么的粉呢？食不到半点鱼肉，硬实的粉团。生生的尖椒只是略略的走油，硬硬脆脆油淋淋似沙律。煎酿红肠本身熟就正常不过，炸到香口脆身不干不硬不油便可。煎酿茄子偏生唔够熟，质地外棉内爽硬充满水份，再腍一点就更开心。煎酿豆腐，冻冻的，一咬喷水，食落似腐皮，唔难食。炸蟹柳外内腍劈劈，一咬爆油，油益味强烈，完全失望。炸鱼蛋，皮香肉黏，结实有少少咸。炸鸡全翼，缩埋一旧真系唔多好睇，卖相强差人意，用竹签吉住拉长会美观得多又更易熟呢。死气沉沉似乎都系放左段时间，还以为婶婶会帮我翻炸加加热，竟然直接交比我，照出货啦﹗冷盘冻冰冰地入口，鸡皮腍劈劈完全不脆，皮香肉嫩味道不错，浓浓腌味，已放凉有点油。炸鸡髀，不食不食都还需食，实在太吸引呢 ﹗惊喜万分，还以为卖剩蔗最后一只，竟然外冷内热，还是暖笠笠的呢。薄薄鸡皮少少脆少少油，甘香美味，虽然鸡皮只是微脆，不过食味非常满意香口。鸡肉雪白弹滑有鸡汁，肉嫩香喷喷，腌味可口吸引。大啖大啖咬咬扯扯，脆皮撕裂的声音劲悦取啊，非常满足 ﹗连皮带肉咬才是皇道，好味道呀﹗豉油鸡髀，伯伯问要不翻热啊？好好好，试下翻热会如何。肥婶婶帮我翻热一下，其实连少少暖意也没有，浸浸都好既，表面会水润一点，闪令令颜值都提升不少。咬啖先讲，质素味道合格可以接受。呎码满意啖啖肉，鸡肉较干有点硬，煮得太熟喇。颜色富光泽蛮吸引，鸡皮滑溜溜充满弹性，鸡油豉油芳香，豉油味重而略咸，跟重味鸡皮同吃又刚刚好㖞，味道蛮吸引的。格仔饼，夹饼？锅夫？松饼？都不知道正确的名字了 ﹗第一次食脆口冻冰冰的格仔饼，唔知放左几耐，干干硬硬，当食饼干咩？要用多一点牙力撕开嘴嚼，不软塾使人生厌起火﹗冻冰冰使到花生酱、练奶及砂糖都黏到实一实、一旧旧，没有流动的感觉。鸡蛋仔，见刚刚出炉就买您啦，$10 蚊一底好鬼平㖞，都唔知几多年无食过咯。热辣辣非常脆口，小部份里面有蛋够棉够咽韧，最衰大部份空心得个壳，味道甜甜的还可以。卤肉卤蛋嗅豆腐东坡肉饭，旧豆腐都唔嗅既？仲要好滑溜啰！由细到大都对卤肉饭不感兴趣，都唔好食既。居然在此地发现高质台食，伯伯您好野﹗真系又几好食架㖞。东坡肉外皮胶胶弹弹的，不是入口即溶，不是炖到啫喱状那样，似足炆五花腩再切片罢了。完全不油不腻好通爽，瘦肉位松化未算鞋硬，腌味恰到好处，淡淡甜美卤香，食得过﹗卤肉松香甜可口，味道清爽带菜甜又有肉香，不咸不浊，捞饭好好味，就连饭都煮得不错。虽然我喜欢食干爽咽韧有咬口的饭粒，但依碗饭不烂不黏不湿淋淋，刚刚好，合格过关。搭载卤蛋、搭载五香腩、搭载滑豆腐，跟任何一个合体都同样美味心心眼，意料之外的味道，意料之外的水准啊﹗菜芯就略为逊色，无菜甜味，幸好无渣无涩味。牛三宝汤米线，走葱唔该，但婶婶话无葱加㖞，我见 menu 张相有麻。居然小食店有如此质素，寡人实在惊喜万分！米线咽韧白滑充满弹性，不会腍劈劈。挂上咸版桂林辣椒油夹著腩汁上汤品尝，真的心满意足呢。松化牛腩高质不干不鞋，比一般车仔面档质素还要高，粒粒完整无缺，不会头头尾尾碎湿湿。泛著强而霸道的五香汁味道，略为咸少少，用米线卷著享用就刚刚好喇。牛筋同样重口味，腌味强劲，软棉胶滑，食到我心都软埋。牛丸亦不甘示弱，味道香浓，牛味特浓，粗糙质地有嚼劲。再来几皮菜芯作结尾，清新又带爽，多谢款待。鸡三宝汤米线，刚发现原来可以免费转米粉、公仔面架，加 $3 蚊仲可以转乌冬或出前一丁添。霎眼望落卖相外观非常吸引啊﹗排得井井有条骨子靓仔，再望真一点，肉眼都睇得出米线烚到腍劈劈喇﹗心头一阵酸溜溜好伤心，赞坏左喇﹗碎湿湿、散筲筲，想用筷子都感到非常困难，唯有用匙羮食啦。汤汁香甜浓郁，跟米线一齐扫入口都依旧美味，好好食，但面质真系好差。鸡扒炸到干争争，炸到过晒龙咯，腌味跟炸鸡髀一模一样，好似系鸡髀撕落黎一样，味道就认真不错。外层炸到干鞋刮嘴但十分香口，里面保持弹弹的质地。卤水鸡中翼迷你版，程深黑色极咸，咸到苦﹗浸到肉霉不好食。鸡翼尖？连住鸡中翼架㖞，都系好咸，皮滑肉霉。猪三宝汤乌冬，转转口味唔食米线食乌冬，平价即食乌冬似当当㖞。粉口硬净无弹性，应该烚多几十秒。米线就唔好烚太耐，过腍架喇﹗猪肉丸外暖内冷，个心仍是冰冻的，少少爽但极咸。猪大肠有著浓烈卤水味道，还食到有八角味，同样略咸但可接受。南乳猪手够稳阵，咸度刚刚好，皮爽不油腻，有点肉食下。菜芯爽嫩带甜，汤底香浓依旧。鱼三宝出前一丁，汤底甜美够热够浓，十足住家 feel 呢，无话水汪汪淡荗荗，仲散发菜芯味道。面条浓厚滚水味，煮好面才落汤粉捞出来的，白烚面跟高汤面系有非常大分别的，一食便知道龙定虫，幸好面质都合格，不粉口亦不过腍。条菜芯老到不得了，又硬又韧，不过无渣无草青味。墨鱼丸超粉口黏牙，鱼蛋偏咸而且外层鞋韧，心有点冻，未能热透，外皮包住既鱼肉算弹滑，免免强强啦。鱼皮饺滑潺潺的表皮包著猪肉，不腥不嗅、咽咽韧韧，平凡中的唔难食啦，不过 $35 蚊似乎物非所值喇。卤肉卤蛋嗅豆腐香酥猪扒饭，即炸香酥猪扒外脆肉嫩又有肉汁又松化，其实真系烹调得不错，谁知系咪都洒上椒盐，太过咸喇﹗画蛇添足，浪费左块靓靓猪扒啊。卤肉捞卤蛋捞豆腐躺在白饭大大啖塞入嘴仔，不停翻滚打拼，拍案叫绝无得顶，好好食呀﹗何解嗅豆腐唔嗅的呢？仲要劲嫩劲滑，浓浓豆香，Good ﹗卤肉卤蛋嗅豆腐香酥鸡扒饭，已叮嘱婶婶香酥鸡扒千奇不要加椒盐啊 ﹗自称人气第一位，不过我觉得猪扒比鸡扒更好食㖞。鸡扒压得太薄，有豪大大鸡排影子，炸到无左鸡肉滑弹肥美感觉，虽然快熟但易干易鞋，而且鸡味被炸粉完全掩盖欠肉香喇。卤肉卤蛋嗅豆腐瑞士鸡髀饭，瑞士鸡髀？无瑞士既？平时只普通油髀黎架㖞，有翻热暖暖地，不过比以往散叫时更韧更咸呢，出多点牙力咬吧﹗好多爽甜菜芯呀，铺到满满，多谢多谢。卤肉卤蛋嗅豆腐炸鸡髀饭，婶婶忌记落卤肉酱呢，我还以为系净髀饭那么奇怪，吓得我 ﹗炸髀保持高水准，皮香肉嫩大大只，薄薄鸡皮十分香脆，一咬一扯，裂裂声非常悦耳，炸得香口干爽不肥腻，白肉弹弹又滑滑，微暖够满足。豆腐捞卤肉饭连卤蛋白撞得出色好味道，虽然系冰冻菜芯，当沙律食也不错，够清甜又爆水，无渣无草青味。卤肉卤蛋嗅豆腐牛筋腩饭，牛筋超级入味，入味到过咸添，咸中又散发出雪蔵味道，质地黏胶不硬可加分。牛腩泛著膻味，入口干鞋，而且同样太咸重口味呢。碗仔翅，伯伯问我要否自家制辣菜甫？要什么调味料？当然什么都要啦 ﹗不过无落到辣椒油㖞，我无辣不欢。温柔地搅拌一下，不要吓亲碗仔翅，所有材料已均匀，准备就绪，我唔客气喇﹗大大啖倒入嘴仔，好烫啊 ﹗不过越热越过瘾、越热越好食。汤底浓郁可口，肉甜突出，蛋花幼滑，还有清爽菇味，真材实料亳不啬吝，味道不错不错，心满意足。反而粉丝只得几条乍㖞，可能放少一点，质地会薄一点挂。真的要趁热食，发觉开始冻就越来越咸喇，辣菜甫咸味重而辣味微弱，麻麻地。碗仔翅只需 $6 蚊，味道不错仲有大量肉丝菇丝辣菜甫加蛋花，抵食大大碗﹗谂起上水火车站天桥无牌小贩 $10 蚊碗生粉豉油水就把鬼火，无良小贩！生菜鱼肉汤，汤底清淡，但落得太多麻油㖞，生菜油淋淋反晒光。原始质感及味道的鱼滑，滑嘟嘟不硬实够天然非常好。生菜爽爽充满水份，整体普通平凡。鱼肉翅，两沟加辣椒油，伯伯话识货一定要加自家制辣油，好香架 ﹗好好好，无问题。捞均一试，味浓香口，不太辣，蛮不错㖞。鱼肉天然滑有咸香有微鱼味，满意。碗仔翅有大量冬菇丝及肉丝，真材实料无孤寒。翅底甜美，虽然食到后期有点偏咸，都好好食。 继续阅读

揾到间堂食扫街店,,猪大肠,煎三宝,烧卖鱼蛋…可以坐定定食,,仲有面同饭都系约三十几蚊左右中午肚饿试试佢既饭同面先,,每个饭都配有 卤肉+卤蛋+卤豆腐 再简唔同𩠌唔同价钱,,面都好特别每款都叫三宝,即系有三个𩠌咁解,,猪,牛,鸡,鱼今日试下个鸡三宝$32(鸡扒+鸡翼+鸡翼尖)可选米粉,河粉,米线鸡扒煎到金黄,,咬落去脆卜卜,,鸡翼+鸡翼尖卤得好入味;虽然个汤底无咩特别,但起码食完唔会好口渴招牌卤肉饭$33(仲有条菜+卤蛋+卤豆腐)热饮加$5;唔要其他𩠌其实都好大碗,好够饱;胜在卤肉够多,,唔太咸送饭一流 继续阅读

住红磡关系 ，偶然都会行下红磡广场打发一下时间，点知发现左一间小食店，声称系荃湾老字号叫超记美食馆， 位于广场地下近门口位置是日卖左$20煎酿三宝有6件另加一个炸油池$8附近多工业大厦既关系 店内亦有卖台式大碗饭同少量面食当然仲有其他炸鸡脾、鱼蛋 、鸡蛋仔、炸大肠等小食三宝无翻炸过俾我 ，但炸粉无好厚，鱼肉味道都唔错，唔算太大件，一口一啖，个人最中意红肠炸油池翻炸时炸㶶左 ，口感又硬、又干身败笔 继续阅读