影片
食记 (38)
次次黎亲葵芳广场都一定会帮衬呢间小小既寿司店，虽然呢间系外卖专门店，但经过都一定会买一旧手卷食。原因得一个，因为佢d手卷真系好平好抵食👍🏾👍🏾。呢个三文鱼手卷都只系$9蚊，咁多年黎都无乜点加过价，如果买2件既话都只系$18蚊，简直系穷人恩物呀！。不过其实质数系一般，只系好抵食。好似呢个三文鱼手卷佢面头望落好大旧三文鱼，但中间系乜都无，所以如果食哂面头旧三文鱼之后。中间就系食豉油捞饭🤢🤢。
继续阅读
黎得葵涌广场既人，相信都会识得呢间寿司铺。虽然物质昂贵，年年通账，但呢间算系良心小店，咁多年黎价钱都系差唔多。次次经过都总会有人帮衬紧，我谂其中一个原因就系平，平，平！😱😱😱手卷都系8蚊一旧左右，而其他寿司都系20几蚊就有一盒。今次我叫左个三文鱼沙律手卷，都系$8蚊一旧炸！ 就咁望落去d咸好似已经多到爆哂边咁。咬落去每一啖都系充满住三文鱼沙律🤤🤤🤤🤤。虽然葵广而家开多左好多间寿司外带铺，质数都一定比佢高，但我始终都系中意支持小店🎈🎈
继续阅读
不经不觉喺葵广呢间小小嘅寿司店已经开咗十几年喇,由我读书过嚟行街买衫开始帮衬,直到而家番工过嚟行街买衫亦都继续支持。唔系因为佢特别好食,只系因为太耐感情,同埋自从带埋阿肥嚟帮衬过之后,阿肥都好钟意食佢哋嘅出品,尤其系今日买嘅呢份双拼沙律。
呢份双拼沙律盛惠$18蚊,系白汁碎蛋拼吞拿鱼碎,面头有少少蟹子衬托下,而下面就有粟米粒沟沙律酱。每一次嚟,都好似当咗佢系餐前嘅醒胃小食咁,两个人一齐share,分甘同味噜
继续阅读
呢间寿司铺真系每次嚟葵广都一定会去食，不过通常我都会买返屋企慢慢食，因为食一盒就饱哂扫唔到街，haha。今次我就买左软壳蟹寿司，因为成日都系食手卷同加州卷，所以想试下其他。佢d软壳蟹寿司大大件都只系二十几蚊，真系好抵食。而且佢每一件都超大，d配料同饭又多，不过如果面头d沙律酱可以多d就好la, 因为我唔中意落豉油，我中意加多d沙律酱调味，当d沙律酱配埋炸到好脆既软壳蟹，食落去真系好满足。其实呢间辅头d野都几抵，而且味道又ok，如果大家嚟到葵广都可以试下。
继续阅读
以家已经无自选寿司，系一早pat好哂，有时系姐姐好人会帮客人调转下啲款式，今日买了6件樱花鱿鱼番到去一睇几乎得番啲饭咁样，如果要加钱先会正常份量我都唔介意比，问个姐姐点解得番啲饭我加钱可唔可以加番啲料又话无，知道系小本经营，但咁样过份左少少，已帮衬8年以上，但我真心讲无下次了
继续阅读