影片
好肚饿，瞓到2点几好肚饿就去到附近天一，上嚟见到食评话呢间唔错就入左去食，点左个4𩠌嘅车仔面，猪肠、猪润、生菜同猪红配河粉，真心难食，河粉系雪完冇煮过咗硬，真系唔使食落口夹落去就知无煮过大佬呀咁硬点食呀！到食𩠌猪润腥又硬、猪红超咸，食左一啖就唔食啦，个汤底都系偏咸，成碗野净系食左生菜同猪肠就埋单。顶唔顺咁难食点食，好似hea客人咁，讲真咁鬼肚饿真系乜都食得落，但碗野一嚟到就冇食欲真系身一次，又唔平，本来想叫多一个小食，好彩见到贵冇叫，4𩠌车仔面要$52，真心冇下次。
继续阅读
🌹2 December 2021应该有一年当无系呢间食了夜晚揾野食时经过老细好友善地叫我地入去试下 过抵食所以最后晚餐拣左呢间1）粟米斑腩饭 $45虽然望落卖相普普通通但系食落系正嫁首先落单佢先会去炸个斑腩 唔系预先整定 再求其摆落去就算所以食既时候仲系脆的仲有就系一般出去食既斑腩炸果旧皮都好厚 需无咩肉仲呢间个炸斑腩入面系有肉嫁😍除此之外佢个汁都好出色粟米味重之余 又唔会太咸岩晒食开淡口味既我😛2) 两𩠌车仔面 $30我地叫左鱼皮饺同牛帕叶佢同出面食既车仔面唔同既地方系佢个汤底系清汤底 淡口味😜我估味精都无落 因为食完完全唔觉得口渴所以真好岩我地口味估唔到出街食都可以咁健康☺️鱼皮饺有三粒 牛帕叶都有5-6旧鱼皮饺正常口味但牛帕叶就麻麻因为整得唔够淋！好似食紧永远都咬唔开既根😹Overall 而言有想食淡口味既一日就一定会去呢间食🤤
继续阅读
平时好少落呢个新商场食饭，今日咁岩放假行远少少食，行到呢间餐厅，本身谂住入去食碗车仔面，点知见到人地食紧个椒盐猪扒饭，好香，所以都叫番碟，一食就觉得好正，首先系啲猪扒好新鲜，都有成5块，正常size，最紧要调味一流，非常惹味，碟饭超级大碟，可能见我男仔俾多啲饭我，送杯热奶茶，奶茶有啲同平时饮开既唔同，好好饮不过奶略多左少少，不过我本身都饮开多奶，所以都ok，价钱合理，38蚊有呢个质素，不错！最紧要系即叫即炒，有镬气
继续阅读
依家好多新开餐厅都唔肯接单叫一个餐既外卖，绝对系欺负单身族同小家庭，系香港叫外卖真系唔多方便，选择唔多。明潮同呢间一样，上两次打去话叫一个餐，都准备会叫多d𩠌同小食够指定外卖费有突，加上只系隔离村都唔送其实有点儿过分，如果一个餐就唔送应该写明，而唔系写几多钱就送，咁样真系做到街坊生意？今次屋企有人唔舒服，唔想食粥又想清清地，全家一齐order三个餐终于肯送，好彩都唔洗等好耐就送到。叫左一个沙爹牛肉饭45蚊，中规中矩，港式沙爹，微辣，份量够男士食。另外两个车仔面，25蚊两𩠌算系咁，𩠌就麻麻，个汤可以，粗面几好食，河粉就痴埋一旧Not good，份量较少，女仔或者食量中等既都够食。最后仲加左秘制鸡翼尖25蚊，少少辣仲唔知配左咩香料整既，味道几特别、几野味，个个都争住食好快清左。整体可圈可点，不过下一次帮衬就又要等佢唔知几时乐意送外卖，或者要自己行去食。
继续阅读
星洲炒米没有多余的油 , 比较少有可惜除左少少辣就无味假日要加两蚊 , 餐牌同成间铺都无标明 , 绝对聊交拗明明是几个月既新铺 , 好似几年既老铺既残旧 , 但卫生就 ok
继续阅读