走過十萬八千里找到你

营业中

休息中

去杏花邨買完運動用品又到晚餐時間搵野食見到一間裝修好精緻嘅西餐廳餐廳名幾特別叫走過十萬八千里找到你👍🏻睇過menu 又啱食就入去試吓啦✨忌廉南瓜湯🎃🍵湯嘅隔離有塊蒜蓉包🥣香脆可口，仲有濃濃蒜味同埋牛油香🧈點一下個湯食，兩者好夾🤟🏻飲落會食到南瓜嘅粿粒同埋椰奶香🥥證明係真南瓜整成👍🏻誠意滿分💯✨軟殼蟹蟹膏醬意粉🦀🍝上菜時意粉好大碟而意粉上真係有原隻軟殼蟹🦀🦀跟menu 嘅描述一樣，好均真👍🏻👍🏻蟹膏醬完全跟意粉混合每啖都會感受到蟹膏加海鮮味喺個口度開緊party 🎊🎉意粉煮得剛剛好軟殼蟹炸得好脆口🔥食落仲到濃濃嘅蟹膏同埋海鮮味🤟🏻鐘意食海鮮個種味道嘅人真係要試下👍🏻✨凍咖啡咖啡好香，又唔多冰☕️🧊飲完都一肚水又可以沖淡一下殘留口裡嘅海鮮味餐廳內部唔算大但都坐得舒服👍🏻餐廳枱面上會長點住一枝蠟燭🕯️儀式感滿分，又有feel🥳枱面亦有消毒濕紙巾俾食客使用🧻亦有各式各樣調味料餐廳仲會keep 住播我個年代嘅廣東話歌用餐時會因為咁樣產生共鳴有機會都想試埋佢個午餐同埋下午茶😋

環境好chill 好有氣氛食物以西式Fushion 菜為主食物同飲品選擇都好多呀！🦀忌廉龍蝦汁甲羅燒貓耳朵賣相非常吸引！忌廉龍蝦汁底味道好濃配埋貓耳朵會令人唔覺唔覺就食晒成碟去 🤣最好食嘅係個甲羅燒上面舖上芝士去焗入面嘅蟹膏好滿好邪惡呀！但好香好好食 🥰🦀軟殼蟹海膽汁意粉原來個意粉底用海膽汁煮個味道係咁複雜架！食到忌廉嘅香濃又食到海膽嘅鮮仲有隻炸軟殼蟹好好肉唔會係空殼飲品就分別叫咗凍朱古力🥤同洋甘菊花茶☕️最愛朱古力上面嘅Cream + 朱古力醬🍫溝埋一齊飲就夠晒滑 🤩呢餐近近地嚟講算唔錯！

之前喺旺角食過 走過十萬八千里找到你 嗰時都覺得好好食，今次決定試吓杏花邨呢間，結果都非常滿意☺️🍝 三文魚籽炙燒蟹棒明太子貓耳朵貓耳朵個名得意，食落仲得意！ 意粉超煙靭😍 面頭啲三文魚籽卜卜脆，明太子醬夠晒邪惡😈🍚 鰻魚滑蛋燉飯滑蛋真係滑到冇朋友🤤 原條鰻魚賣相已經先贏，而且燒到微微焦香，飯粒吸飽醬汁🍟 炸薯條（黑松露醬）黑松露香氣攻鼻✨ 薯條炸得金黃脆身，點醬食簡直停唔到口，如果個醬可以再多啲就好🍗 小食拼盤一次過試齊四款小食最過癮！蜜糖單骨雞翼，下次要單點☺️，單骨易食，而且煎到仲有肉汁✨炸蠔，炸魷魚圈個炸粉輕手返少少就更滿足🥊🍹 荔枝梳打飲落清甜冇假甜味🌺 氣泡夠足，解膩一流！ 📍地點：走過十萬八千里找到你 (杏花邨)杏花邨盛泰道100號杏花新城地下G41A號舖

第一次嬲到要寫食評lunch hour見都多人食，應該無伏啦一坐低餐具油淋淋，仲痴住野食，換左新既消毒完就算三個餐，頭兩份半個鐘先出，最後一個45分鐘都未出到，催兩次叫佢無就取消，完全唔理人芝士薯條黎到係熱既，但淋到爛，用水浸咁頭兩份意粉都正常既，最後一個比目魚扒餐，拎到黎同我講因為太細份，問收我半價好唔好？等左40分鐘，企硬話取消，又係唔理人照掉低好悔氣咁話請我食咖啡機沖既咖啡，可以無啡味無奶味，仲要四十幾蚊一杯野食差 餐具差 態度差 無一可取之處

1:00 來到排隊，然後1:18 分落order, 結果我等到1:45 分咩都未有，連杯水都無比客人(given that 我要比service charge 的）想問一杯英式奶茶會唔會係沖半個鐘？痴線餐廳⋯個waitress 完全不在狀態，係咁漏單。唔會再幫襯！！！另外，碟等左超過45 分鐘的煙燻三文魚菠菜意粉淡而無味，我自己煮得好食過佢。 完全無誠意！！仲有份量離奇地少，我5分鐘食完⋯(講緊平時我係個slow eater)$88 加一的價錢大把選擇（仲要熱飲加$4）唔使揀呢間！最後我埋單係$101 including service charge。真係超級失望！

在附近工作，自從這間餐廳開業以來，我也一直有光顧，無論是午餐、下午茶還是晚餐。我認為這裡的食物水準和性價比都相當不錯。飲品既好喝又精緻，十分有心。雖然有時服務員未必能即時處理訂單，但我注意到有一位服務員在忙碌中仍然願意伸出援手。即使有他正在用餐，看到也立即幫忙，過來支援。相信他們的確面對人手不足的挑戰，但他們的用心經營是顯而易見的。我非常希望大家能夠支持這間唯一的香港西餐品牌餐廳。這裡不僅適合坐下來聊天，環境也非常舒適，而食物的質素同樣令人

平日lunch去食，已經唔算多客。叫杯熱咖啡，到我食完碟意粉都未黎。仲要杯咖啡去錯人地張枱先拎返過黎上杯咖啡又唔俾糖同匙羹，要問先有仲好意思收加一。D waiter一點餐飲skills都無唔會再有第2次食物就不過不失。不過我認為以食物質素黎講，唔值佢list既價錢環境方面，初頭我坐喺餐廳右邊位，右上方有個大喇叭佢播d音樂大聲到我以為自己落左Disco不過同staff講都有安排我地坐另一邊。重要野要講多次，都係去完唔會再有第2次。

因為附近有文具佬所以去食 十一點半等開門 完全冇服務 想要杯水見到出面有自助斟水就去斟跟住個waiter出嚟話我幫你斟 斟得過兩滴我心諗飲杯水啫次次都叫你不如自己出去斟啦幫襯一個多謝都冇跟住舖頭百冇 叫雞翼冇雞翼要奶昔就無奶昔全程有烏蠅伴食好唔衛生食完好受氣

在杏花新城添置了新的運動裝後，就來到一間花海主題的餐廳，餐廳在每一枱的位置都擺放了自家製的香薰，除了令用餐時更有氣氛外，還多了一份氛香樸鼻的味道。💐🌷🌹🌺✨鮮奶焙茶($42)，焙茶的香氣濃郁，搭配鮮奶後更加順滑，茶味與奶香平衡得恰到好處，喝起來多了一份溫暖。🍵🥛💛✨ 玫瑰鮮奶咖啡 ($44) ，這杯咖啡不僅賣相優雅，玫瑰的香氣與咖啡的濃郁完美融合，入口順滑，帶有淡淡的甜味。🌹☕️🥛✨ 三文魚籽炙燒蟹棒明太子貓耳朵 ($128)，貓耳朵似是貝殼型的麵食，口感Q彈帶有嚼勁，與滑順的忌廉味濃郁的醬汁融合，每一口都很細膩。蟹棒帶著炙燒的焦香味，搭配鹹香的三文魚籽，味道層次豐富。🍝🦀✨ 鰻魚滑蛋燉飯 ($128)，這道燉飯柔滑的滑蛋覆蓋在米飯上，飯更晶瑩帶來濕潤的口感，舖在飯上鰻魚厚身肥美，甜甜的醬汁很開胃，散發出濃厚的香氣與甜鹹滋味。🐟🍳🍲

近日係杏花邨搵野食搵到呢間西餐廳餐廳舖面唔算大 但一路播住啲舊廣東話點住蠟燭咁都好有feel~-🥢牛油果蟹肉燉飯牛油果同個飯好完美咁融合左，完全唔會覺得奇怪，飯入面仲有啲魷魚同洋蔥絲增加口感😋 面頭既蟹肉都比得好足，蟹味又濃又鮮甜🦀🥢蒜香白酒蜆肉意粉意粉硬度係偏硬身，白酒同蒜加埋橄欖油既味道都好香，蜆肉都起碼有成10隻！每隻都厚肉又鮮甜😍 🥢白桃紅茶上枱既時候旁邊仲有一細束花，儀式感點滿❣️ 白桃味都幾岀唔會死甜又唔假🥢蜂蜜鮮檸茶同普通熱檸茶分別不大，但甜味就由糖漿轉為蜂蜜，冬天飲就好啱🍯

今日同朋友出旺角行街，聽過朋友介紹呢間樓上餐廳，決定黎試吓~ .一入餐廳就見到最iconic嘅花海，我哋夜晚去食飯所以室內較暗，相信日頭有陽光照入餐廳應該幾靚💞💐.Food & Drink Ordered:酥炸軟殼蟹黑松露扁意粉 ($148)忌廉龍蝦汁甲羅燒貓耳朵 ($158)柚香菠蘿檸檬梳打蜂蜜柚子梳打(+$55 跟餐湯、包、飲品).Kuku食評:兩個main都幾唔錯，甲羅嘅蟹膏配搭貓耳朵好食！軟殼蟹炸得好酥脆，黑松露sauce可以再濃味啲 兩款梳打中規中矩~#hungrykuuu_hongkong #hungrykuuu_mongkok #香港好去處 #香港美食 #旺角美食 #hkfood #hkgoodwest #相機食先 #食好西 #hkfoodie #hkeats #香港打卡 #香港探店

杏花新城嘅《走過十萬八千里找到你》店面大、坐得舒適，啱哂約埋三五知已嚟傾吓計、食下野。今次來食晚餐。✨️《美國安格斯肉眼扒伴薯菜配燒汁》肉眼扒大過隻手掌，外層煎到焦香，入面肉質粉嫩多汁。扒下有超滑薯蓉 和 香口嘅燒翠瓜，非常滋味。✨️《單骨蜜糖雞翼》雞翼切開至單骨，食用容易。蜜糖甘甜順喉，塗在雞翼上，使其光澤，觀感十分好。✨️《草莓醬梳打》草莓味香濃、梳打予人清新感，整体不太甜。有束小花在杯旁，打咭一流。📍杏花村 杏花新城西翼地下

二訪走過十萬八千里找到你Cafe鐘意Cafe環境闊落開陽，食物水準高，飲品有特色，價錢相宜，性價比高今日趁着假期，做完運動又來到Cafe食晚餐。時間尚早，人流唔算多，到我晚飯完後，開始多人餐湯香濃南瓜湯，味道濃郁，口感綿密，附上一片香脆多士添主食大啡菇黑松露燉飯推介呢款大啡菇黑松露燉飯，大大的大啡菇，配上黑松露燉飯，飯內仲有啖啖蘑菇及洋蔥，味道豐富，個人很喜歡餐飲凍泡沫咖啡泡沫咖啡咖啡味濃，口感幼滑

午餐時間又嚟到杏花邨商場搵食，見呢間cafe個名—走過十萬八千里找到你，幾得意就入嚟試吓。食物類型係西餐，價錢唔算太貴，午餐食到三點，跟餐飲品就凍熱都一樣要加錢。加咗一杯熱奶茶，飲品先到。 係英式嘅奶茶，要自己加奶同加糖，味道淡淡地，不過可以接受。海鮮龍蝦汁燉飯，熱辣辣上枱。份量都算幾多，裝到個大碟滿滿。整體質地都比較濕，但係龍蝦汁好香，鹹淡適中，而且海鮮份量都唔少㗎。比較晏入嚟，冇咩人，所以食飽仲可以慢慢坐多陣。

食品《三文魚子炙燒蟹棒明太子猫耳朵》一上枱就Wow! Wow! Wow! 你冇睇錯，三文魚子真係有一大堆放上炙燒蟹棒上。蟹棒軟腍。仲有很多明太子混在猫耳朵中。猫耳朵味道類似通粉，掛汁能力高。飲品飲品方面除了有主打嘅咖啡外，還有多款嘅花茶、特式茶 和 Smoothie。我就選左smoothie，而smoothie, 都 有三款不同嘅口味，分別有香蕉朱古力、什莓 和 菠蘿芒果。今次我就選左一杯《菠蘿芒果》Smoothie，內有d芒果蓉、菠蘿碎粒和冰粒。飲落酸酸甜甜好好味！旁邊有朵花放係杯盤上做裝飾，十分美觀。