赤柱露台餐廳 (已結業)

間餐廳除左d野食之外都ok既…原本我地果日係去bbq…又搞錯左…咁誤打誤撞…咪入左去囉…咁果道d牛柳個底係苦家…好似燶咁…咁我食果個春雞…都ok…冇乜味…但係我都要讚一讚果度d staff對d guest幾好…原本諗住間咁好feel既餐廳d野食會幾好啦…點知…

同男朋友去赤柱兜圈同搵野食，最後揀左赤柱露台餐廳，因為佢有一個特色燒烤＆意大利精選半自助式晚餐，價錢由$98-$298~ 個set有light appetizer & salad buffet (選擇唔太多，味道都okay)、BBQ or Italian main course、dessert buffet (選擇都幾多，係無cheesecake...)、coffee or tea~ buffet內容都差唔多啦，我反而想講講個main：BBQ 魷魚筒＆黑松露菌蛋麵配烤大蘑菇，因為好熱、好新鮮、好好味~!! 加上佢環境幾靚，人又唔多，真係食得好自在、舒服，抵~!! 睇相：http://community.webshots.com/album/256764809xRWVhs?568

某個星期日, 幾個人行完山, 響赤柱打算食個tea. 海邊果d酒吧飲杯野還可以, 美利樓果d又間間都做tea buffet, 終於行到呢間. 見d野都岩食, 環境又開揚, 坐室外有陽光同微風「送飯」, 就幫趁佢啦.牛仔肉腸同燒春雞兩款都係$38, 份量大(跟薯條), 味道都ok. Apple & banana crumble同芝士火腿意大利包就貴少少, 前者即叫即焗, 不過略嫌質地太稀; 後者賣相同味道都唔錯.唔知點解埋單有9折, 佢無講我地又唔記得問添(懷疑係張credit card有折). 響果區黎講, 呢間都不失為下午tea一tea既好選擇.

情人節諗住同愛人食餐好野見到好多人都有講過呢一間又咁o岩入左赤柱所以就決定去食呢度去到門口都見到好多人排隊等入但入到去食埋野就真係感覺失望首先因為今日係情人節所以得返set dinner 揀頭盤係""法國煙鴨胸釀鵝肝伴黑醋汁""講真係得d 鴨胸有咸味, 其他野都係冇味之後湯就係""香草海鮮清湯""完全冇改錯名, 真係清湯清到可以係話水咁樣, 再加小小鹽加幾塊香草同蝦碎主菜有4 樣, 每樣都唔同價錢""香煎鮮鱸魚扒及瑞士風乾煙肉露筍卷配紅,黃波椒汁"" $358""焗鵝肝釀澳洲頂級牛柳伴燒薯菜"" $418""香燒法國春雞釀虎蝦配炒蘑菇及蜜餞栗子"" $398""波士頓龍蝦配網油包意瓜牛仔扒伴忌廉薯蓉""$488原本係諗住食龍蝦同埋牛柳, 點知叫個時又話龍蝦賣晒, 頂~~個時只係9 點ja , 搞到勁無癮最後唯有叫左個雞牛柳講真就冇得講, 度度差唔多, 好普通隻雞就淨係得隻脾, 就去左上面條骨, 再插左隻蝦入去, 都幾怪, 味道一般牛柳同埋雞脾level 同大家樂差唔多甜品叫""甜蜜蜜"" , 只係雪糕再加d 生果同埋糖餐飲就係普通野la最後重有個叫""濃情蜜意"" , 跟甜品一齊

同男朋友tea過一次, 因為係星期日, 好多人等位. 不過都唔駛等好耐. 入到去, 乜唔係坐露台咩? 侍應姐姐話吸煙區至坐露台, 佢問我地介唔介意. 梗係唔介意啦, 都係為左個露台. 坐露台好好多, 空氣清新d, 又可以睇風景. 2個人叫左tea set. 公私三文治, 都幾料, 唔錯. 炸蟹餅, 好多蟹肉, 係見得到架. 不過油左d. 都幾好味. 埋單一百多d, ok啦.

一間港式西餐廳, 有好大個露台, 望海景, 唔錯~ Set lunch由$48-$118~ 試o左兩個set, 火腿忌廉蝴蝶粉同茄汁龍利柳~ 蕃茄清雞湯唔錯, d包仲好好味~ main dish就一般~ 個waiter聲稱係即磨咖啡, 但飲過, 得個苦字, 唔香....以環境同價格計, OK o架~