影片
放左半日假，同朋友去左行街之后就黎左呢度食Dinner，上网睇评价唔错，价钱又OK，虽然行远左少少，但又有时间不妨黎试下！小店的位置都几隐蔽下，角落头黎，六点几无乜人，唔洗等即入，铺仔细细，装修就唔系豪华装修，所以我相信佢系focus sell食物而唔系环境，墙上面贴晒食物相，仲要几吸引呢！寿司六蚊起一件，我觉得系几抵食，仲有左口鱼同油甘鱼！而友人大爱鳗鱼寿司，所以必点！黎到我又觉得系几好食，好新鲜！鱼鲜味好正！左口鱼入口即溶，而鳗鱼油鲜味好好！饭细细旧咁，唔会因为食太大旧饭而滞左！筑地刺身做紧限定优惠，而池鱼未食过又想试下，果然不负众望，呢个刺身拼盘食得过，池鱼用酸汁、姜、葱做成的酱汁加埋，个鲜味系完全保留到！仲有d香味！而虾好鲜甜，海胆包埋紫菜好好食！仲有生蚝同三文鱼腩肥美，真系好正！清酒煮蚬系只只蚬都有肉，唔系得壳，仲有酒香，食左冻野食返热野会舒服！To be honest, 我都几钟意食日式牛肉煮法，甜甜地，有埋汤就正！今次呢个仲加埋滑蛋同金菇，可惜无白饭，唔系送饭一流！羊架都几好食，有黑椒香味，多汁！同埋好淋！友人唔够饱叫左个叉烧拉面，我食左块叉烧觉系有惊喜！厚切仲有油香，有少少炭火味咁，但友人话面底唔太得！总括黎讲系值得encore!抵食、好食！
继续阅读
同朋友在荷里活广场睇完戏，谂住食晚餐，但假期前夕，间间餐厅都好多人等位，又无咩特色餐厅，朋友就问我介唔介意行远d入去新蒲岗揾野食，我话无所谓，上网揾下有咩「正斗」野试先，见到这间餐厅评价唔错，我地又钟意食日本野，一于去试下，由地铁行入新蒲岗广场有d远，15分钟路程，但好值得行，去到见到个商场比较旧，餐厅装潢好一般，但食物水准好高，带比我地惊喜。这餐厅食物款式几多，我地叫左4样野1）叉烧乌冬—-呢个原本无咩期待，只是有一个朋友不太食生野，就叫来比佢食，但又出乎意料甘好味，叉烧有点似广东叉烧，好厚好腍，乌冬弹牙，汤底够味。2）杂菜天妇罗—杂菜包括冬菇、茄子、蕃薯、南瓜、青椒，个天妇罗粉唔太厚，炸得卜卜脆，南瓜同蕃薯好甜3）剑鱼三文丼—我好钟意食剑鱼，这个一定要试，鱼生好新鲜，饭有落醋，酱汁份量刚刚好，我好少食丼会食晒d饭，今次一粒无净。4） 寿司—我地一共叫左10款不同寿司，有三文鱼🍣、象拔蚌、赤贝、粟米沙律、蟹籽沙律、鳗鱼、带子、蓝鳍吞拿鱼、剑鱼腩同赤龙，寿司最平6蚊一件，款式唔算多，但我钟意食的都有齐✌🏻👍🏻仲好好味好新鲜。有时揾野食真系要行远d揾d细舖食先有惊喜，大商场好多时都系连锁店，食得多都闷。
继续阅读
今次是第二次食，lunch time食好多学生食，等左一阵位今次叫左牛肉柳川锅定食、北海道三文鱼丼、吉列猪扒拉面、炸豆腐首先，牛肉柳川锅定食好普通，是肥牛片和金菇加落寿喜烧汤，肥牛片得好少，又好散，质素差其次是，北海道三文鱼丼一般，不过不失，$65然后，吉列猪扒拉面很差，拉面汤底没有味道，猪扒是硬的！最后炸豆腐是滑，但没有味道！
继续阅读
第一次在晚市的时间到来这家店子。先点了黄瓜手卷，新鲜制的，料亦足，酸酸甜甜，作为前菜很不错。另外点了蒜蓉焗双菇。牛油跟蒜泥的味道都很重，这道菜略为偏咸。亦点了杂锦天妇罗，很香脆呢，配上酱汁就更加滋味，价位也相宜
继续阅读
今天去来到位于新蒲岗的赤山风味料理吃晚饭.店内环境阔落舒适,十分适合多人一起到来饭聚.员工服务十分良好.先试了炸虾手卷,手卷饭粒软硬适中,炸虾炸得十分香脆,香口但不油腻,十分开胃,值得一试.之后叫了三文鱼鱼生丼,十分足料的三文鱼,同时十分新鲜.十分具水准,喜欢三文鱼的朋友绝对要一试,整体表现十分好,价钱经济,推荐一试.
继续阅读