赤山日本料理 (已結業)

谂住全家去食日式放题，定赤山有蚝食，点知一去到发现比之前少人食，一坐低见到点餐纸菜式吾同晒，中伏，中晒伏！顶一心谂住食日本野，点知系鸡煲，鸡，全部都系鸡~~~食鸡煲我洗咩帮衬依间呀。最后，只点了唯一的日本野刺身几只蚝。同一煲鸡煲。好失望，超失望，一定冇下次。…Read More

店细位迫．但出品(胜过好多间)．鱼生，生蚝新鲜分量足．牛脷．羊架．串烧都好食．炸虾各样天妇罗 都好食．临尾上的鸡㷛味道几好，服务员有礼貌招呼．值得赞．可赞平靓正．…Read More

见到杂志介绍过，这里食评不错，有生蚝任食，胆粗粗就黎试下。订左8点半，8点半前已经到了门口等左阵间，好多人食，full晒，仲有walk in问有无位，职员答唔订无位，最快9点半，心谂，好彩订左位啫。。够钟好尽时比我地入场，order纸未见过咁少的。首先讲个生蚝，size可以的，味道：会反胃的，无海水味，无鲜甜味，只有腥味，同有沙。出面雪柜自己拎前菜，真系唔好拎，拎左海哲同中华沙律，唔好食，无麻油味，只有好腥同雪藏味。天妇罗最正常系烧鸡翼，南瓜无南瓜味。火锅鸡煲唔系一般传统果d鸡煲味，配菜都系一般货识，芝士肠仲要怪怪地唔知点讲，唔系平时食开果只。摆菜用既盘，有生蚝味，好明显系摆完生蚝，无洗过又拎黎摆菜比客人食。总之完全唔知想点，伏店，不可一不可再，其实100蚊位都要考虑，点样收人地228一位仲要加一。…Read More

一行入商场已自行调节期望，到达店舖时就像十年前的平民日式料理店感觉，因为订咗位，一到就入得。食物方面可能到达时已调整心情，所以都无要求可言，冷盘小食、饮品及甜品放在饮品柜内自取，但小食已放到干晒和酱汁已凝固像浆糊，沙津的菜和粟米都干水。点菜纸选择不太多，但这放题卖点是生蚝任食，以任食来说生蚝算不错，但其他食物如刺身、天妇罗等都不要有期望。这店的最强可说是送你一个鸡煲，可能食完基本野已半放弃，所以最后的鸡煲都是无期望的结束。食完呢餐以可以引用东升金句『一试无妨，再试投降』。—完—…Read More

其实呢度都系上网睇倒，见价钱都几平，又有得任食生蚝，咁就冇抱太大嘅期望嚟喇。不过嚟到虽然人都几多，员工服务态度依然良好，食物都好快到，刺身仲好靓好大旧。虽然佢依家冇左寿司menu变左火锅，但系一路放题同打边炉又真系几满足！任食生蚝依然有，打边炉问员工拎芝麻酱佢仲俾左好大兜我！…Read More