赤丸製麵所 (已結業)

Udon served cold is a bit too hard ,personally.如果吃過鹿兒島的流水麵就會覺得這種udon實在不太好吃udon 要的是彈牙, 太硬不等於彈牙其實小食偏貴, 而且唔值閒時一餐半餐是可以的近期的關東煮不錯, 可惜又是太貴, 直逼日本當地吃的價錢,可惜又沒有那樣好吃而且滿座時坐bar stalk 的話實在太逼, 有點像日本吃拉麵的情況, 吃完就好走了

星期六下午五時多到達，不用排隊，並安排坐於卡座。三人共點了一個湯烏冬、兩個冷烏冬及四個小食，結帳也不用一百元，真的價廉味美！最欣賞的是『 冷烏冬』，極彈牙！而醬油又不太濃，$12 一份小的，真的能吃得飽。至於餃子則較遜色，不夠香脆，連餃子汁亦欠奉！

相約友人去megabox睇戲 先約在德福赤丸lunch揀赤丸最主要原因:平!十二時七八來到 見長長人龍 幸等約廿分鐘就能入座不過要同人搭桌 各坐一邊卡座 好在卡座的桌較大故沒那麼尷尬..快有位時侍應給了一張點心紙及餐牌 基於兩位同行友人都說吃了早餐不太餓結果三個人就只叫了兩個細冷烏冬($12)及兩個日式煎餃子($14減至$8)餃子先來餃子本身的餡熱呼呼的 不錯皮也不算好厚 底也煎得算好不過餃子不包醮醬汁問侍應 侍應說就只有桌上的醬料"豉油" "吉烈汁" 兩者都不配餃子 應作改善!冷烏冬來啦 其實份量也不小第一次嚐赤丸的烏冬 果然如其他食評所言 好彈牙 太彈牙不過也算是好吃的浸一浸湯再吃 對我來說好好玩呀;D後來把wasabi都推進湯裡 又是另一番味道 好特別呢!埋單盛惠四十塊! 只是四十塊就成了三人的lunch!這樣便宜的價錢 食物水準是合理之上啦!ps.離去時還有COUPON送!@_@包括兩張十元coupon-0-

今日出咗去九龍灣買新衫 買衫前緊係要醫肚先啦係度諗食咩個陣 媽媽突然話不如食赤丸製麵所我就好奇怪 佢上次食明明話下次黎食唔洗預佢原來佢個鰻魚飯特價 想試下咁喎雖然冇耐前食過 但係冇所謂啦 反正我都鍾意食我今次唔再分開叫 而係叫咗個包野飲既親子雞撈烏冬$32攞到埋黎 第一時間 即刻撥走晒D蔥同埋比晒D洋蔥媽媽望落去好似好少雞肉 原來係比蔥遮住咗雞肉都幾滑 但係有少少雪味 都係上次食既吉列雞扒好食好多滑蛋真係好滑 個汁用黎撈烏冬都唔錯烏冬都係好滑兼帶煙韌 唔錯不過可能形住啦 始終覺得觀塘分店好食媽媽就唔洗諗 叫咗佢一早諗定叫既鰻魚飯$34原價$44 而家特價平$10 都幾抵 不過可惜我對鰻魚冇興趣拎到黎 賣相都唔錯 不過媽媽覺得鰻魚太少喎飯就同吉野家一樣 都係珍珠米 媽媽好鍾意重包勁鹹我勁憎既麵豉湯 媽媽話好鹹 但佢又幾鍾意飲睇黎 佢對赤丸製麵所開始改觀...........

一個人看完show~來了食不過冇佢開業時咁平了今次單點了冷烏冬同埋關東煮關東煮可以一件一件咁計~又可以一set咁計今次叫了魚餅估唔到~唔係求其wo~係真係幾好味嫁wo而且清清地~下次可以試一set有埋烏冬咁叫先得~

本身一心同女朋友都係諗住去食烏冬,但見佢個鰻魚飯特價wow,自問係一個鰻魚愛好者,佢又平左成十幾蚊,所以就走去試下,order 之後來個冷烏冬先,味道keep 到一直咁好~~~再等多5分鐘左右,黎到個鰻魚飯,賣相幾好,份量都ok 大碗,食落去第一啖感覺都唔錯,可惜......佢鰻魚入面有骨,仲要唔小骨.....應該話好多骨,區區2舊鰻魚可以有咁多骨,真係少見,d 骨仲要唔係全部細骨,有一條長骨,真係食到我媽媽聲,雖然佢無話一定無骨,但估唔到有咁多姐所以下次去都係食返烏冬算.......

之前在青衣城吃過, 好似冇咁多.鳥冬, 冷的烏冬, 彈到咬得牙齒也累了.相當的彈, 有點過份tim.味道就冇乜, 加d wasabi 加d汁 加d鹽 便可.雞翼都幾可口, 剛煎起咁, 香香的.天婦羅又不會太肥太油利.不過鳥冬其實真係唔實咁彈.

30/11 lunch 1行4人諗住叫d朋友霸定位喇,但原來要齊人先准入,1去到都明既,因為果度地方真係唔大,1眼望晒...order咗~3個豬肉烏冬+天婦羅飯, 1個牛肉旦烏冬(d烏冬幾'煙un'但又唔叫得好好味囉,係就係好過1般舖頭既,湯底無乜特別,d肉唔多又碎濕濕,no good. 反而個天婦羅飯幾好,夠脆口)食完唔覺得呢間野有乜特別囉...

由於友人喜愛吃烏冬, 在九龍灣德福沒太多選擇, 唯有去赤丸製麵所. 在餐牌看見滑蛋蟹肉湯烏冬好似幾正咪order. 當侍應奉上滑蛋蟹肉湯烏冬時, 我很嘩然!!! 為什麼 D蟹肉得咁小, 同餐牌的圖片差太遠吧!.最抵死時侍應不肯更換其他烏冬還理所當然告知餐牌已在下面列明圖片只供參考. 其實赤丸製麵所的滑蛋蟹肉烏冬都要成$36, 同麻布茶房的滑蛋蟹肉麵價錢也不是相差太多….但味道和賣相就相差太遠吧! 真叫人失望, 真懷疑赤丸製麵所是否真的日本人開嗎? 友人取笑這是 "將貨就價" ...唉

我同男朋友去到見到排晒長龍,可能因為是晚飯時間啦,但我地排左一陣都已經入到去啦, order的方法是自己寫的,我地叫了八爪魚丸($20), 牛肉湯烏冬($40), 泡菜雞排湯烏冬($42),兩個烏冬都好好味, 而且佢d湯好清ga, 我都飲左好多, 飲完都唔會好口渴, 最怕d湯好多油的noodle, 飲都唔敢飲, 清湯最適合我地d女仔啦~開頭以為個烏冬份量好似好少咁, 但其實都好飽ga, 最特別係佢有好多不同味道的調味粉俾你用, 有green tea sait, curry salt,好特別ga~而個八爪魚丸就無咩特別, 同外面的差不多

昨晚在去九展睇森小歌劇團前和友人到赤丸食晚飯。兩人點了兩個大冷烏冬($17一客)、炸魚餅($22)和煎餃子($14)。上菜速度很快，冷烏冬不是很彈牙。煎餃子四隻，有肉汁，略細隻，幾好味。炸魚餅，不是我想像中般煎炸，不是吉列的炸，是魚蛋的炸，都幾大塊，味道尚可。其實店裏還有細烏冬（＄１２），不過眼見大家都係食大烏冬，而且份量剛好，一個人食剛飽。

今晚同女朋友去九龍灣睇戲同食飯, 臨急臨忙見赤丸冇人等位, 於是就入去試佢地D新MENU 喇之前食來食去幾個款式, 但今次多左每月SPECIAL同一D新套餐, 所以我地就試左新菜式首先食芝麻冷凍麵, 清清淡淡, 好O岩講究健康O既香港人。之後食鰻魚天婦羅飯, 呢個就中上啦, 鰻魚煮得普通, 天婦羅又好難煮得難食, 所以都OK。之後食佢個薯仔牛肉餅同司華力腸都比想像中好, 唔算得係上上之選, 但以價錢黎講絕對係合理。今晚唯一比較差係佢D SERVICE慢, D小食好耐先上枱, 又未見太有禮貌, 不過會因為個價錢, 下個月再幫襯。

這集團式日本料理店每天排隊排長龍. 本人喜歡吃烏冬, 於是一試. 一個人吃也等了10分鐘才有位. 結果發現排長龍的原因是因為香港人的病習: 飯需吃完仍一直"霸住"桌子不肯走. Bar座位不太舒服. 座位與其他店(如元氣壽司)比起來較小. 桌上有一瓶水讓客人自己倒. 很失望的是沒有像平常日本店供應免費茶(如麥茶或綠茶). 一開始感覺已經不太好. 服務員經過幾次也看不到我的單子. 只董以一口破碎日本口音大聲說"Irashaimase"和"多謝", 但其實根本沒有注意客人的來去. 店舖看起來乾淨衛生.點了牛肉烏冬套餐. 套餐$48, 連一碗迷你天婦羅飯. 如只散點牛肉烏冬價錢$40. 套餐沒有咖啡茶送. 烏冬和飯非常一般, 聯鎖店的質數吧. 次品牛肉份量不多. 天婦羅炸得不好. 天婦羅飯上有奇怪的醋汁, 結果也沒吃完. 罷了, $50在香港果然吃不到任何水準的日本餐. 可惜, 連服務水準也欠佳.給了"喊"的評分, 因不會再光顧這店舖.

有時間嘆番個TEA 就最開心所以今日去左赤丸食反個TEA.. 等自己開心吓!! 我叫左個廿十幾蚊的咖喱炸薯餅飯+一杯橙汁咖喱是日式咖喱, 所以帶少少甜味.. GOOD 個炸薯餅就更好味, 因為內裡混入了少許蔬菜粒, 好味!! 整體而言, 價錢同埋質素都OK.. 有機會我都會再去食的....

** 此 食 肆 的 第 十 九 個 笑 **尋日(21-9-2008Sun)約o左男友人JC到淘大花園睇’我和尋回犬的10個約定’,佢話先食個tea,於是帶我o黎呢間.大約2:45pm,有6個人等位,不過好快我o地都有位,係同另外兩個顧客share一張卡位,冇問題,因卡位都好闊落.由於我唔係太肚餓,所以只揀南瓜天婦羅,其實都係JC揀:1.凍冷麵(大)其實唔係好大碟,不過算吧,反正大家都唔係好餓.食落,好煙韌,真係極煙韌,好有咬口,不過唔知落o左wasabi汁都唔夠味,於是JC落咖哩鹽,佢食得辣但我唔係,不過都加啲,咁就好味好多喇.2.今個月做promote $7.00o既南瓜天婦羅同樣唔會有好多,一碟三件,脆漿幾薄,幾好食.3.燒玉子日本o野我從來唔會食呢樣,不過JC好想食,微暖同微甜o既三件玉子令佢好滿足.我第一次食,覺得又幾OK.4.墨魚丸一碟有六粒,佢一食就話差,只係一團粉,我食o左一粒後佢就包或食埋.環境:卡位係坐得好舒服,可惜冇咩遮攔,被出面排隊等位o既顧客望到正一正,我望返出去時,因有’圍欄’欄住,感覺食o緊o野o既我o地,好似動物園裡面被觀賞o既動物咁.衛生同服務都好好