影片
呢间一早知，反工都响果头，但次次都无无入去试，难得今次同事都话想去试下，加上经过中午又唔多人，所以就同同事入左去试，等就唔系等左好耐，坐底无耐就开始点野，举手点野，待应面口好吾太友善，态度差劲地帮我地落单，咁都无谂咁多啦，我叫左个口水鸡面，由佢从厨房拎出黎果下，已经觉得伏伏地，条菜可以"拿西"到跌左1/3出黎贴住个碗边，放响台面见到卖相已经好唔得，好"拿渣"，试落口仲大获，真系好一般，汤就得个油同咸字，冰鲜鸡味真系一放落口都已经试得出，好唔新鲜，又唔滑，都吾知食到咩味…期望越大失望就越大，无服务可言都算，食物水准好小小都仲有得讲…所以一定无下次了
继续阅读
早几日经过，见到个门面几吸引，自已本身又钟意食川味野，所以就入左去食啦，一入去感觉都已经唔系咁好，对住个水吧位乱到好似搬紧屋咁，之后就叫野食啦，员工就得一个，我去果时又已经无其他客，佢又真系爱理不理咁，叫左几次先帮我落单，之后就入左去煮面啦…无一阵就已经拎左碗野出黎，我叫左个肥肠面，成碗都系油，D肠肥到好似无洗过咁，咬一啖已经唔想食，个汤以为好浓啦，点知淡到唔知点讲…总之完完全全系唔知自已食紧咩…都唔会再去了…
继续阅读
次次经过呢间野都见到有位，又系食我最中意既川味野，趁呢日中午入去试试佢。我地12点入到去包场入座小妹叫左个口水鸡配酸辣粉。鸡既份量都几多，但系D鸡好似系翻热过咁，感觉唔太新鲜同唔够滑。有D似系屋企隔夜叮返热D鸡再加D辣汁咁既质感。好在个辣汁系合格既，淋落鸡度帮D鸡加返唔少分。酸辣粉份量都多，汤底酸辣适中，不过不失。加分既系附带几条生菜，索晒D辣汤，惹味~总括黎讲，$51蚊唔包野饮鸡又唔够滑，有D失望，个鸡可以再好D..
继续阅读
本身唔系好钟意食辣既人，四川麻辣就直头怕怕，但有内地朋友带过我黎食一次之后，上左瘾大部分帮衬既都系内地人，佢楼面讲野口音都听落系内地人（我唔知系咪四川ＸＤ），但咁受内地人欢迎，似乎都应该好正宗佢既热干面($38)其实有D似捞面，可以再加配鱼蛋、鸡翼、菜等 ($6-8)。其实有Ｄ似捞面，佢既芝麻、花生、芝麻酱、花生酱、香草等，全部都好香口，我食过唔辣同小辣，由于佢Ｄ配料好够味，唔辣都好野味，我次次食完都lam lam 脷 不过黎食要有心理准备，佢地铺好细，坐得唔系好舒服，而且唔算太干净，台凳筷子都油油地．．．地下都成日有水，但你抱住食大排档既心态黎食系绝对ｏｋ既！
继续阅读
之前系经过呢间店咁啱想食酸辣粉所以第一次试，自个次之后都食过好几次，每次都食到好饱好满足 ^^ 但因为店入面人手唔够，所以上餐速度有时会比较慢，赶时间嘅人就可以再考虑下会唔会下次得闲d再试~无咩影到好多佢嘅食物相因为从来无谂过写过食评，但呢个酸辣粉加猪红系我每次黎都会叫嘅！个汤好过瘾因为好香，我食唔到太辣所以会叫微辣或者小辣！一齐黎嘅朋友叫过皇牌大赢面、四川小面同埋其他小菜，都几几钟意只味~呢间店都可以叫外卖！我都会食完买外卖比屋企人试试呢间上环嘅酸辣粉嘅滋味
继续阅读