財記粥麵

营业中

休息中

朝早起身想食返碗暖胃嘅車仔麵，「財記粥麵」隱藏喺柴灣吉勝街熟食市場入面，真係有種被電影埋甕咁低調。但一入去，就已經聞到嗰種充滿料嘅車仔撈麵香氣撲面而來——食過一次就會記得。佢哋嘅**「什麵」**幾乎係招牌必試，一碗通常有九款餸，今次有魷魚、豬皮、蘿蔔、豬血、螺肉、魚蛋、齋卜同藥心，嗰啲份量驚人，絕對係「大碗滿足」代表。湯底偏向藥膳味，相當特別，唔係死辣但辣得夠醒胃，辣汁係靈魂，波子味同辣度恰到好處。據講，佢哋過去仲有人出九位數字買嗰秘製辣汁配方都唔肯賣，到底幾有自信！師父只做少量配料，但每款都質素穩定，例如冬菇同齋卜入味又軟腍、魷魚爽彈，勝在誠意十足。老闆娘人又親切，有時忘記帶銀包佢都笑住叫你下次先俾，街坊 feel 滿晒分。唯一要提醒你嘅係開舖時間常常只做早市——唔係早啲過去，可能要同店鋪結緣先會食到。所以記住要早起、早到，先有機會享受到一碗滿載九餸嘅心靈雞湯。總括嚟講，「財記粥麵」係柴灣經典車仔撈麵代表：大碗、料多、辣汁正、份量實在，配上親切老闆娘同懷舊氣氛，絕對食得又暖胃又暖心！

搭的士 俾司機聽到我哋唔知食咩好佢話 熟食市場 魷魚麵🦑心諗 魷魚 醉愛 麵 無限愛 ok let’s go!▫️什麵 [$46]點解可以咁大碟 有成9個餸 豬皮 魷魚 蘿蔔 豬血 螺肉 魚蛋 齋卜 藥心嗰日咁啱無晒豬腸無得試 但係真係勁足料！個汁幾重藥膳味 幾特別 好少有得嗌螺肉 呢個組合真心抵deal

車仔麵大家食得多車仔撈麵又多唔多食呢？柴灣呢間車仔麵老字號開業幾十年，街坊生意，由一對兩夫婦營運，他的辣汁是靈魂，居民有投資者想用六位數字買斷他的辣汁配方他也不賣、辣汁分為大中小，香、啱啱好，不會咽喉，去到吳家辣汁可能會等於冇去過，所以不太食得辣嘅朋友可能要三思他的做法不似坊間車仔麵一樣有幾十款配料任君選擇、反而他會專注他自己做的10多款、我夠膽講他的冬菇真的是葉問電影對白上中下路絕無破綻，老闆娘親切可人、儘管你忘記帶錢包他也會跟你說下次啦，而且他的新界菜尤其出色，每日新鮮從新界運過來，我每次去例牌食兩碟

柴灣財記粥麵食評鍾意佢嘅冬菇、齋卜，米粉熱辣辣，呢三樣值得一試。去到亦可以睇下有乜餸揀選，然後一手接嘢食一手交錢就ok。我自己本身唔係好食得辣嘅人嚟自己揀咗少辣，食得幾爽。地點非常隱蔽，時常行過，不會特登走入去，有啲似電影入面有錢女唔會接觸到嘅隱閉小食時間方面，其實我自己去咗呢間舖兩次，第一次五六點去，搵嚟搵去都搵唔到，原來已經閂咗門，唔做晚市，淨係做午市，所以同呢間舖頭真係要有啲緣份又或者住附近柴灣嘅人先可以食得到

早前睇ViuTV節目是滴是友介紹左呢間熟食中心既車仔撈麵，專程去食的話真係要留意營業時間，好早就收舖。行到嚟熟食中心，門口有兩個通道，走入近樓梯果個入口，好快就會見到財記個招牌，先排隊叫餸再搵位坐，上左碗麵先比錢。魷魚、豬皮、蘿蔔、菜心+粗麵如果我個胃夠大，一定會每樣餸都叫嚟試下😂 咖喱魷魚必試，爽口彈牙；豬皮都幾淋幾入味；蘿蔔好軟腍，食到中間仲好清甜，菜心偏軟身，份量都幾多。至於湯汁就相對濃味，食完會有啲口乾既感覺。

之前喺柴灣住左10幾年都唔知有呢間麵店，有一日朋友介紹就嚟咗呢度食啦，五餸撈麵只係$38。因為我食得比較清淡，所以我覺得有啲濃味，下次食要叫佢少汁。五個餸裏面我覺得齋卜最好味，淋得嚟又入味，必叫。豬皮我覺得有啲薄同埋唔夠淋，口感爭啲。星期日12點幾已經冇螺肉，聽到阿姐話白粥11點已經賣晒，而且星期日收1:30所以嚟食嘅話要早啲。平日佢哋收2:30。買外賣嘅話就排隊，糖食嘅話坐低叫阿姐落單就得㗎啦。由於人經常多要俾啲耐性，我叫粗麵仲要等耐啲因為要烚耐啲。阿姐好搞笑，比我之前話「粗麵等咗好耐啦」。

同事推介柴灣名物財記粥麵，特別是魷魚蘿蔔齋卜因為多人推介。店舖距離柴灣鐵站大約5分鐘路程，位於小巷之內，平日絡繹不絕，當日去到不用排隊，也有空桌，不過也不斷有人前來買外賣，可見其人氣不錯。叫了豬紅柚皮蘿蔔齋卜魷魚粗麵。柚皮是一個需要時間處理的菜色，坊間已不算常見，當然要試一試。入口鬆化，也婆為入味。蘿蔔清甜，魷魚爽身，豬紅正常。撈麵面汁也很足夠。美中不足之處是吃完之後感覺有點口渴。另外一提，也友人叫了白粥，一碗七蚊，清淡之選。

財記粥麵，一間經營超過60年既食店，對區內人來說，財記粥麵或魷魚麵，差不多可以說是無人不識。財記位於吉勝街熟食市場內，對區外慕名而来的人，財記的位置會比較難找，簡單定位可以附近的羅屋民俗館對面的熟食市場地下。幾十年的熟食市場，衛生環境冷氣空調等等均不是重點。一碟看似簡單的魷魚麵，賣了好幾十年，只因上較獨特的方法而做--撈麵。財記的魷魚麵，配上雙份清甜蘿蔔，齋，魷魚鬚，正正是銷售員A的最愛。銷售員A吃了幾十年財記，如今已經是財記家族第三代接手，希望將來財記亦可以傳承下去，令香港柴灣區獨特的魷魚麵可以保留。銷售員回頭指數: 5分

每天也排長龍的地道車仔麵，區外食客也不少聞名而來，今日上午非常幸運，不用等位，叫了招牌鱿魚麵，鱿魚弹牙，蘿蔔又甜又冧，麵質夠爽👍，白粥夠綿，有白果香味😋，保持一贯水準😋

🇭🇰#香港捐窿捐罅記 Instagram : foodkiller_dk車仔麵一直都係比較低價既食物 但近年就愈賣愈貴😂 餸都愈來愈高級 開始有花膠等食材🤤🤤🤤 但其實一開始車仔麵係用內臟當食材 用牛或豬既內臟 所以就可以比較低價🙂今日就去食一間係柴灣好出名既車仔麵 不過佢係主賣撈麵 並且一到中午就大排長龍🦖 -麵煮得啱啱好 唯一唔好係因為佢直接係個碗度撈 所以d醬汁直接係晒個碗底下面 會愈食愈咸☹️ 餸方面 樣樣都合格 特別好係魷魚 好爽口 唔會好似平時食到果d 咁硬 係佢地既皇牌 而且係必叫🙂豬腸都洗得好乾淨 唔會太多肥 但又唔會全部洗走🙂 有咬囗🤙🏻🤙🏻最重要係佢價格低 五個餸先係$35 住係附近既朋友可以試一試-🎈柴灣吉勝街熟食市場7號舖-平均傷害：$35好味值：5.5/10#foodkillers #hkfoodie #hkfood #hkig#sharefood #foodiehk #foodinstagram #macaufoodie #foodlover #相機食先#美食#吃貨#foodphotography #手機食先#foodpics #車仔麵 #foodbudd

吉勝街馳名車仔麵，慕名而來，門外很多顧客排隊，咖哩魷魚最出名，不可不試招牌麵，麵線尚可，但梘水味略嫌較重，咖哩鱿魚好味，鳳爪夠冧，但吃過後有口乾感覺，性價比一般，喜歡吃車仔麵的不妨一試

從來沒有想過，寫食評會有什麼回報，記得從第一篇食評開始，我的初衷是希望分享我吃過的美食，又或者，看多點別人寫食，你自己的眼光廣闊一點，這大約是我的原本意思。 沒有說要做什麼出名的博客(儘管你在香港說你是飲食博客會像過街老鼠一樣的糟糕)，也沒有說要贏什麼，也不是要與一些人所說要爭取是吃什麼酒店名菜爭名奪利，我只希望寫食評的時候增加一點生活樂趣。 或者我寫食評沒有想到寫到有一天有這樣的結果。 今天來到財記粥麵，是因為我在柴灣的工作時候認識了一位朋友，這位朋友叫做P先生，我相信，他離開香港超過二十多年的時間，上次他回來，是1997。 當年他離鄉別井，說是為了出人頭地，大展拳腳，你會覺得他是為了避過1997，無論原因點，遊子二十年後回來，是人面全非，再不是自己認識的香港。 當他問在柴灣工作的我，柴灣的前世今生我談不了多少，本地的飲食文化還可以吹兩嘴，然後他說到，他小時候在柴灣工廠區吃過車仔麵的魔力，那種味道怎麼樣也找不到兒時味道，有白粥，有撈麵，有螺肉，有咖哩魷，說著說著，在我記得之前在柴灣區食店看過的文章，我說：是不是財記呀？ 他說太細個，忘記了。於是我們一於去財記，食下就知道那個味是否那個

中午時段去左依間面檔，位置頗為隔涉，而且環境欠奉，舖位細細，有要求環境的唔好嚟依度聽朋友介紹食車仔面，但佢嘅車仔面唔係好似人地的湯車仔面而係豉油撈車仔面，好多人會食什錦，因為配料足足有9款都只係$38，睇落都好大份，自己就食4餸: 魚蛋，鹵蛋，蘿蔔同冬菇，盛惠$30咁嘅價錢，咁嘅份量，喺邊搵？!

今日同同事一齊出去做野講開去柴灣食個Lunch大家不約而同諗既就係財記同事又5歲開始已經食財記而我都係呢幾年先識食入到黎都係10年如1日呀姐問你叫咩餸叫聲靚女可能會比多啲餸既我今日叫既餸有滷水蛋、咖哩齋、蘿蔔其他人中意黎食魷魚不過我對魷魚麻麻蘿蔔炆得好淋而且煮到好甜得3舊真係唔太夠滷水蛋睇色水都知道煮左一段時間味道一流不過環境未必適合所有人

每年清明祭祖之時，便是小弟與這裡一年一度之相遇.... 在侷促又熱的排檔中，掛著只一幅只寫著"財"字的不完整招牌，驟眼睇落當然不知這舖是甚麼來著的.... 但當看到姐哥們在開放式廚房內執碼及淥麵，以及眼前這碟精彩的車仔撈米，便知今天小弟又來到吉勝街熟食市場內的"財記"開餐了..... 醬汁依舊是調得濃稠有勁；魚蛋雖不很有魚味但蠃在彈牙；翼尖滷得香又入味，喜歡啃骨的固之然萬勿錯過；蘿蔔一點渣也沒有，難吃極也有個譜.... 撈米是這裡的特色之一。相對起普通撈麵，是別有一番滋味.... 另有一功，於我來講是更出色的，之前也有提過，是這裡的米王.... 呈真正米白的粥底不稀不稠充滿米香；碗內滿佈紅棗粒以及白果。單以此陣勢就巳經嬴到開巷了.... 這可是小弟在坊間粥麵店嚐過最好的白粥.....