貢茶 (已結業)

今日經過銅鑼灣就去咗掃街啊，今晚食完呢個魚蛋燒賣之後就頸渴喇，於是乎就過對面飲貢茶啦，噉我就叫咗珍珠奶茶大杯裝啦，價錢21元。但係唔知點解我覺得佢啲珍珠，冇以前咁好食啊，噉同埋啲奶茶都唔係話特別香啊。

同事請客，買了一杯草莓奶茶（標準甜度及冰量）底部有草莓蓉，混合奶茶後，帶點酸甜的味道，感覺有點像喝草莓奶般；可是標準甜度對本人來說真的是太甜了，喝到1/3而已，已經甜得再喝不下去了，下次點這杯時一定要微糖少冰再加珍珠才行。

巨伏，之前係IG俾大家投票，竟然有差唔多一半嘅人覺得呢杯野好飲，大錯特錯喇～佢！好！難！飲！呢杯芋香奶茶加珍珠用奶粉沖咗扮芋頭，成浸味好假，似飲緊奶精🥵珍珠算係咁上下，細細粒彈牙，拉返高過水準。不過成杯野真心超級難飲，我同寶寶完全唔想飲落去🥵我都唔明，而家鋪頭越開越多，舊店應該好好增值自己㗎，點解啲水準仲係咁㗎，真心勸喻大家唔好好似我地咁中伏，生命無take two😷-芋香奶茶加珍珠 | $24-

當珍珠奶茶 奶蓋系列嘅飲品不斷充斥住大家開到當街當巷 不斷擴張嘅時候 我反而想返璞歸真飲番啲真正消暑 相對地比較健康嘅飲料🥤😂-🔸冬瓜茶叫咗少冰 冬瓜茶嘅甜度無得自己調節🤷🏻‍♀️飲落唔會太甜 小清新嘅感覺 好適合春夏天飲👍🏼聽講冬瓜茶可以去水消腫？！😂 個人覺得係清熱解暑 止渴生津嘅選擇😜

最近迷上奶蓋茶，所以今日去銅鑼灣，都忍唔住叫左杯奶蓋綠茶。我叫了少甜少冰。一入口，奶蓋好滑呀唔會係唔夠挺身所以立即溶晒落綠茶度。而綠茶底我覺得可以叫半甜，半甜會令奶蓋味更加突出

天氣超熱，剛好在銅鑼灣就去買杯家鄉味冰沙來喝，之前買過sharetea的冰沙看到店員倒了一大堆奶精粉就再也不去買了。我很喜歡貢茶，有仔細觀察店員製作冰沙，真的有加入牛奶和紅豆蓉，而不是紅豆香精和奶精粉的假冰沙，而且甜度可以調整所以經常光顧。這家貢茶的員工很親切有禮，給我冰沙還跟我說怕杯子太冰幫我多套了一層紙套，貼心舉動好感動！（圖中那位短髮的店員，謝謝你❤️）

係度返工，每日都會經過。每日都咁多人，因為呢間貢茶已經成為我下午茶既伙伴。每次都叫珍珠奶茶少糖少冰。吸引之處：1. 奶茶滑，飲完香味停留係口度。2. 珍珠份量豪爽，每一啖都有珍珠，直到飲完為止。3. 茶香夠濃，奶同茶比例好。有時太忙，等待時間會耐少少。客人催，但服務員都依然態度好好。服務態度唔錯。環境正常，地方細但都好有效率沖到杯好飲既奶茶，值得讚賞。價錢方面覺得合理。奶茶都係咁既價錢，而且比起新開既奶茶店平少少，又好飲。

仲記得接近十年前，臺式連鎖飲品店全力攻港，但隨著熱潮減退下淨低可以存活嘅臺式飲品店不多。其中一間倖存叫〈貢茶〉。能夠倖存下來的必定有原因，平靚正應該就是原因。今天和老婆來到銅鑼灣掃街之餘當然少不了買杯臺式飲品歎下。老婆點了〈仙草奶凍〉。濃淡得宜又有茶味的香滑奶茶配上啫哩狀的仙草。我就點了〈起司奶蓋紅茶〉。濃厚綿密的芝士奶蓋充滿了芝士的味道，香濃芝味！！配合無糖的香濃紅茶真係超正。兩杯飲品大大杯又好飲都只係各$20，真正的平靚正！！