貢茶 (已結業)

寻日星期日,因为约左老爷奶奶饮茶,所以去左荔枝角,我自己平时劲少黎呢区,因为觉得冇乜野地方可以行街,饮完茶同老公行左阵准备塔地铁离开行到门口附近有间贡茶,平时自己系旺角都会饮,但旺角劲多人等劲耐,眼见面前呢间等既人唔算多就去左买饮,之前成日饮奶盖乌龙茶加珍珠,好钟意奶盖 既香味,但行到收银旁边贴左一张纸介绍奶盖系列...奶盖珍奶,可能呢排少饮,觉得系新野咪问下个店员,老公话有奶盖同珍珠咪试下啰,之后等左几分钟已经有,当然大约7-8个人等紧,我本来谂要等好耐,但比想像中快,饮落杯茶都几好,有茶味,珍珠又唔太硬,我之前饮过d贡茶冇茶味珍珠又硬好似未熟咁,好难饮,个奶盖又唔会好似水咁稀,不错不错!自问都饮过唔少唔同地区贡茶,但好多都好难饮,饮过一次之后就唔会再饮,但呢间如果下次再有机会黎呢区都会再帮衬下,希望佢地可以keep住个水准!!!…查看更多

基本上，依家周围都可以见到贡茶的店铺一般大众对连锁店，往往都有一定的期望希望佢同你响第二D地方食到/饮到的味道会一样早两日响荔枝角的贡茶分店买左杯招牌奶盖乌龙茶，希望响陌生的地方寻回熟悉的味道....但系, 实在太令人失望喇我本身几钟意贡茶的乌龙茶味，通常到手之后都会分开饮乌龙茶先但系.... 但系.... 佢 D 清香呢? 冇左! 我冇叫少甜，但系明显唔够甜...浓郁的奶味呢? ... 我觉得好似沟左水咁!到最后搅埋一齐饮，相当滑... 滑到有D似饮水... 总括而言... 淡!大概是冰块溶化了，有点水，调配员一股脑儿倒到茶里，冲淡了原来的香味...毁了原本的味道...其实，我去果时都冇其他人等紧，得我一个客人，都会整成咁，好难想像佢多客的时候会点...如果我第一次饮的奶盖乌龙茶是这样的味道，大概，很难会喜欢上它呢...…查看更多

店员说这饮品没糖，红豆自身甜度颇高。抹茶味不太浓，有点｢奶+抹茶｣的感觉浮面的金黄色玄米带点烘焦的味道，与奶茶一同饮下仍保持香脆，口感特别，极尽视(色)、听、(香)味之享受…查看更多

对于现时成行成市的珍珠奶荼水准极为参差，虽然同一品牌，但水准及服务态度就相差甚远，好似”贡茶”呢个名牌咁，就系一个好例子．星期日同女友行经宇晴轩商场宇晴汇，发现一间刚开张的贡茶，刚刚又行到口渴就谂住买番杯奶茶顶下，例牌排一条长龙先买到飞，但等茶时间比想像中快，我选香草奶冻正常甜度正常冰，我果个奶同茶味恰到好处，香草够滑好好饮，而女友就要格雷黑糖奶茶少糖少冰加奶盖，由于女友是奶茶超级粉丝，喝了一口就马上说呢杯好有茶味，她还说饮了咁多间贡茶，只有呢间同旺角登打士街果间有香浓茶味，她还说如果冇茶味就唔系饮奶茶，而系饮紧糖水，而且奶盖很厚，和宣传单张上的一样，最紧要是黑糖烟粒粒分明．点解我会咁讲，因为之前去铜锣湾谢菲道果间，果个黑糖奶盖得打横一只手指咁薄，之后马上问店员点解咁少奶盖，佢就即刻攞返俾冲茶果位员工，而冲茶果个又同另外一个挂住听 iPhone 员工互相推卸责任，一个挂住玩一个挂住听电话，试问又点会冲到一杯较为正常嘅荼，最后系咁儿加番多半只手指的奶盖，最重要是和佐敦道果间一样冇茶味，又试过去深水埗桂林街果间饮格雷黑糖奶茶，啲黑糖好似小童拳头咁大旧，用饮管根本是饮不到，到最后我要界开杯盖先食到旧大黑糖．所以品质真系参差很大，希望果几间有问题分店，唔该攞番个良心出嚟经营，唔好顾住揾钱，而忽略咗产品质素，唔好当啲人唔识饮，因为有比较，不要做衰个照牌．…查看更多