賢記甜品世家 (爹核士街)

营业中

休息中

🌟餐廳：賢記甜品世家📍地址：西環堅尼地城爹核士街11號地下4號舖💰價位：～$50⏰營業時間：星期一至日 15:00 - 00:00📱電話：6971 1128同朋友仔食完飯，黎到西環散下步，歎埋甜品先返屋企~黎到呢一間「賢記甜品世家」，裝修企理燈光鮮明，一於入去試下先~———————————————————🔹日本小山園抹茶燉蛋白鮮奶上層既抹茶醬青bb賣相搶眼~抹茶醬入口甘香濃郁，下層搭配鮮奶燉蛋都幾夾，唔算太甜~———————————————————🔹蛋白杏仁茶蛋白杏仁茶做法夠傳統~味道清香啖啖充滿杏仁香，入口食到一塊塊蛋白 ~———————————————————🔹桑寄生紅棗蛋茶材料豐富~桑寄生紅棗茶味道甘甘地，夠哂健康養生~雞蛋熬煮至深紅色，滲出啖啖紅棗味。———————————————————🔹美顏牛奶浴包含多款材料，有齊雪燕、桃膠、芋圓及蛋白燉鮮奶，清甜得黎層次感十足~———————————————————🔹水晶宮甜品名夠創意~下層係香芋椰汁西米露，冰凍消暑一流~上層加入雪燕、愛玉、水晶及椰果，清爽得黎又夠口感~———————————————————😋味道：4/5🏢環境：4/5💁

真心無論服務態度或者出品都係垃圾，態度極之差。同上手相比係極之差，我食完晚飯，諗住咁耐冇去！我同小朋友、姐姐去食個甜品！入到去一位女士應該係老闆，好似唔憂做咁。一入到去已經黑面。好似全世界欠咗佢咁！狗眼看人低，特別係睇小工人姐姐。言語上極之不合適！我覺得做人唔好咁，入嚟食嘢個個都係客！唔好咁寸！我覺得飲食出品差唔緊要，只要態度良好。始終會有捧場客！但真心第一次見，一間食店服務態度如此惡劣😅簡直係垃圾。我好少食嘢，食到咁激氣！

位於西環堅尼地城的港式甜品店，鄰近地鐵站，很容易找到。小店主打傳統經典的中式糖水，還有一些近年大熱的台式甜品，如芋圓、桃膠、仙草等，配搭不同的糖水配料，蠻有新意。每碗份量十足。賢記精選：芒芒天空楊枝甘露的糖水底，配料有愛玉、芒果、水晶、小丸子，芒果果肉不多，蠻鮮甜的；柚子則微酸，整體糖水味道酸酸甜甜，愛玉大大塊，滑不溜口，還有其他丸子及水晶粒粒，口感相當豐富。賢記精選：小山園抹茶牛乳浴配料蠻多，有紅豆、小丸子、芋圓、燉蛋白鮮奶，上面鋪上曲奇碎，增添口感。牛乳汁奶香，燉蛋白順滑，帶淡淡的蛋白香，甜甜的；抹茶帶回甘苦澀，中和了甜膩感。小丸子及芋圓煙煙韌韌，很有嚼勁。

入到舖頭之後無人招呼無人帶位，見無人喺廚房/櫃檯，以為職員去左洗手間。咁我就自己搵位坐低啦，舖頭當時得一張未執拾嘅枱，照坐低先睇住餐牌等職員。坐左5分鐘左右，原來中間有一枱食緊外賣晚餐嘅兩位女士係職員（可能係老闆啦見佢唔休做），突然起身過嚟執枱順便落單然後入去整糖水。我哋係兩位嘅，當時嗌左一份，比較老嘅女士話「我地有最低消費一人嗌一份」，咁我哋都表示轉頭會嗌多個外賣。過程中兩位對話粗口橫飛，又大聲呼喝其他食客。堂食感受極差，兩位職員/老闆無禮貌之餘直情比到一個「我唔想做」嘅感覺我。食完堂食嗰份，嗌埋個外賣。坐多10分鐘左右，呀女士又喺廚房嗌出黎「芋圓煲緊呀坐多陣呀」。等唔係問題，唔行過嚟講都唔緊要，但可唔可以比少少基本禮貌，個感覺就係我嗌多碗糖水好似累到你做多左嘢辛苦咗你咁。極不建議堂食，唔想做不如轉做外賣舖啦！

這間糖水店除了有超過30款傳統中式糖水，如芝麻糊、薏米糖水、燉鮮奶等，還結合傳統與新派做法，製作出不少招牌台式竽圓糖水😋外賣與堂食份量同樣足料，拎到番屋企接近滿瀉芒芒天空｜$48內有楊枝甘露、愛玉、芒果、水晶、小丸子，只看配料已經感受到足料感，楊枝甘露酸酸甜甜，芒果果肉不算多，但很鮮甜，愛玉好大件，食完都幾飽肚腐竹雪燕水晶芋圓｜$38主角是腐竹薏米糖水，再加了雪燕、水晶、芋圓，額外$6加配了桃膠，腐竹味濃軟滑，煲成碎碎，桃膠份量慷慨，嚐起來有淡淡的甜味，唯芋圓略為失色，口感偏硬

There shouldn't even be a one star. Only gave one star because obviously there weren't such option as no starDo yourself a favour and read the reviews before you even think about stepping foot in this horrendous placeAbsolutely no one to take your order upon sitting down for a few mins. I went to the kitchen to check if someone was in there, yes, making food obviously so I went back to the table and wait. We looked around again hoping to find someone for our order, lady next to our table suddenl

今晚同朋友食完晚餐，見呢間糖水鋪評語唔錯，就入左去食。坐低左之後想叫野食，叫左十分鐘都無人應我地，等待途中仲見到有個姐姐拎住個唔太乾淨既不銹鋼盤refill 楊枝金露我地叫左美顏牛奶浴，其實只係燉奶上面加左少少芋圓 （又硬又難食，鮮芋仙好味10倍），桃膠同椰汁（少得可憐），黃糖另上（比我個壺入面幾乎無曬黃糖），我明明記得餐牌係寫$44 但收錢個陣收左$45？！不過算啦 無下次成間鋪頭D人態度都好差，衛生情況一般，真係唔會再去

二刷賢記養顏糖水🤩去個時佢啱啱開鋪無耐，好多嘢都準備緊，店員同我哋講要等10-15分鐘左右，但其實得一個人嚟講算好快！今次我同友人都係叫咗美顏牛奶浴 ($44)加咗唔少價，但份量明顯少咗😵‍💫一碗入面全部都係養顏聖物，包括蛋白燉鮮奶、桃膠、雪燕，仲有芋圓同椰汁，真係超級豐富😋桃膠又稱為「平民燕窩」，飽腹感高，高纖維，低熱量，又養顏，啱晒女士💖食落好有彈性，不過稍微覺得唔夠甜，雪燕都係，可能因為今次椰汁少咗🤔芋圓亦有改善到，煙韌咗，冇上次咁粉狀，而蛋白燉鮮奶依然係最好食個樣！香濃嫩滑，奶味十足，甜度都啱啱好🤤—————————整體嚟講，糖水唔錯，不過份量明顯少咗，雖然知道生意難做，但一加加$7真係好多😵服務仍可改善，希望下次嚟食唔好又退步🥲

有時要去港大一趟，先去附近買糖水。呢間餐廳主打傳統甜品，亦有唔少新款嘅口味。今次先試三款傳統，價錢唔貴，質素都唔錯。💕香草海帶綠豆沙 $27綠豆沙的甜度恰到好處。海帶的口感爽滑，與綠豆沙的綿密完美搭配。💕薑湯番薯糖水 $28番薯的口感軟糯，與薑湯的濃郁香氣相互融合。適合冬季享用，具有驅寒暖胃的功效。💕喳咋 $31以椰漿加上多款雜豆。雜豆經過長時間燉煮，口感變得軟滑。椰漿香氣濃郁。📍賢記甜品世家 (爹核士街) (西環)西環堅尼地城爹核士街11號地下4號舖

糖水選擇唔算特別多，睇餐牌應該係主打燉奶、芋圓。我以為人流唔多，其實有唔少街坊買外賣，仲有啲大學生嚟食添。*A12 美顔牛奶浴 $44最底係蛋白燉鮮奶，未算特別香滑，而且唔夠熱，但好大碗。配料有桃膠、雪燕、芋圓，再淋咗椰汁。桃膠、雪燕質感一流，無甜味，可以加黃糖/配燉奶。芋圓煙韌有咬口、食到蕃薯、芋頭味。A13 養顏驅寒黑桃 $45唔係蛋白，而係薑汁燉鮮奶。薑味重，同樣唔夠滑溜。配料有桃膠、珍珠、芋圓，配黑糖，但珍珠很一般。

返工成日路過呢間糖水店!今日終於得閑約朋友一起傾計飲糖水👏店內裝修簡潔明亮，座位闊落舒適！整體環境唔錯我哋叫佐四款唔同嘅糖水🤩美顏牛奶浴 $44聼呢个名就覺得特別適合女生🤭配料非常吸引🤩有蛋白炖鮮奶/桃膠/雪燕/芋圓/椰子/黃糖!真材實料👍 大碗料足！芋圓糯糯的口感非常棒👍又唔會太甜，非常適合年輕人口味！合桃糊加自家制核桃碎$35濃濃嘅奶香合桃糊，香甜、細膩！口感順滑醇厚！加上核桃碎特別香😋紅豆炖鮮奶$36鮮奶上面鋪滿紅豆，香香甜甜，營養又美味👏薑汁炖鮮奶$34入口即溶！很絲滑，薑汁有驅風寒作用！作為飯後甜品，滿足

《😋晴晴港飲港食 #misshcfoodie 》工作苦悶食返個甜品可以苦中一點甜放工喺西環食完個晚飯就去咗附近食糖水呢度唔止有中式糖水仲有西式一人叫咗碗 份量十足大大磅好滿足🥰🥭芒芒天空 $48楊枝甘露| 愛玉｜芒果｜水晶｜小丸子評分（5分滿分）❤️❤️❤️❤️❤️我好鍾意芒果🤤 比滿分芒果好甜又多汁除咗有楊枝甘露入面嘅西米仲加咗小丸子同水晶啫喱口感非常豐富🥰美顔牛奶浴 $44蛋白燉鮮奶｜桃膠｜雪燕｜芋圓｜椰汁｜黃糖評分（5分滿分）❤️❤️❤️❤️原本想叫普通燉鮮奶但見到呢個即刻轉呔🤭蛋白燉鮮奶好滑溜燉鮮奶上面浸滿椰汁仲落咗好多桃膠、芋圓同雪燕人均價錢: $50 味道: 8.5/10環境: 7.5/10服務: 8/10回頭率: 8/10📍 賢記甜品世家 (爹核士街)地址: 西環堅尼地城爹核士街11號地下4號舖電話: 69711128

🥹寧願不吃糖水也不會再來🥹專程過海吃雞煲，之後去吃中式糖水，看到這間0負評，心想應該穩穩陣陣⋯殊不知是我今天最大的失望😫服務方面：坐下來很久也沒有人來招呼腐竹薏米糖水（$27）味道可以接受，但一匙薏米都沒有，整碗都好像粥水，走鬼檔的更好吃。芒芒天空內有楊枝甘露、愛玉、芒果、水晶、小丸子（$48）芒果非常酸，柚子帶苦，份量非常少，愛玉也不像真正的愛玉～雖然店名是糖水世家，但傳統糖水不OK，新派糖水更不OK。港式甜品是這樣的嗎？總結，不推薦。

A18.小山園抹茶牛乳浴 49燉蛋白加入香濃可口嘅🇯🇵日本小山園抹茶，味道好香，🍵而且仲有茶味獨特的甘香。加埋滑溜嘅鮮奶同埋綿密嘅紅豆，👍小丸子同芋圓嘅配合。令口感更加煙韌。🍪香脆嘅曲奇碎，加上自家調製牛乳汁非常濃郁，好有心思，❤而且夠特別，最啱冬天嘅時候食。A12.美顏牛奶浴 40香滑美白燉鮮奶，哦呼我最鍾意有養顏嘅桃膠同埋雪燕，😍配料都好足，而且更加有滑溜嘅椰汁，整體好香。#kennedytown

賢記甜品世家 堅尼地城星期一辛苦咗全日，係公司附近買咗兩個甜品返屋企，同屋企人一齊食🥰🥰芒果芋香波波仙草 $45一啖食落去好重椰汁香味😍😍人面材料好豐富，有西米露、仙草凍、芒果、芋圓、珍珠、小丸子，啖啖都唔同好感🤤美顏牛奶浴 $40養顏100分，有蛋白燉鮮奶、桃膠、雪燕、芋圓、椰汁、黃糖，滑脫脫嘅蛋白燉鮮奶配上其他材料，簡直係養𩓙顏又有益，女士們必叫！😎地點好近地鐵站，下次放工一定帶埋同事一齊去食！