賞茶 (希爾頓中心)

营业中

休息中

呢度既職員一向都尊登拖長整既時間營造一個總係有好多人等野飲既情況🤦🏻‍♀️立心不良！前天晚上9:05我到沙田分店，該名年輕女職員，態度十分惡劣，我只是輕輕地走近收銀，該名女職員已經態度極度惡劣地「收咗啦」，我回答「噢 收左」，女職員眼神凌厲怒視客人 「係！呀！收！左！」我覺得收舖冇問題，我亦冇同女職員糾纏亦都明白阻人收工如同殺人父母自己非常明白職員態度應改善如果職員唔耐煩嘅話建議舖頭可以拉半閘或者擺一個小牌子係收銀，無需咁樣對待客人本來只想放工飲一杯珍珠奶茶放鬆下無啦啦俾人鬧🥲唉公司需要注重一下員工質素否則只會一直流失客人

香港嘅手搖飲品真係愈開愈多間 有著創新想法既佢地 都會諗到好多唔同既新產品比喜歡新事物既香港人💛今日禁岩起沙田經過依間 賞茶💛 諗起都好耐冇飲過佢嘅波霸奶茶🧋 所以就叫咗一杯最基本最簡單嘅波霸奶茶$20 依家嘅手搖$20仲可以有禁大杯嘅真係好少可啦🥲 好多都去到三四十蚊 有時仲要係細杯🥲雖然好耐冇飲過賞茶 但今日飲返個味道依然係同以前一樣㗎👍🏻 今次叫左走甜少冰 走甜之後加埋珍珠既甜味 咁個味就係啱啱好🤤🤤

老實講呢間嘢其實喺咪以店員服務態度差出名定咩，點解可以做得咁鬼差。首先，嗌杯嘢飲可以等左勁耐都未有，同你講就等5至10分鐘，叫你等等，但非繁忙時間一杯普通嘅珍珠奶茶都要整成半個鐘，問題係果時唔係多人幫襯架喎。第二，同店員落單時佢D態度勁差，不斷話聽唔到(借咗聾耳陳隻耳)，見我就咁叫咗一杯珍珠奶茶，佢應我果下真喺衰到好似我去同佢乞咁。勁冇禮貌都算，做嘢仲要好懶散，叫咗少冰都係冇少，反而變咗少甜，令到杯野十分之難飲。第三，整好咗飲品唔識叫號叫人黎拎嘢飲架，問前台收銀啦又冇反應(又借咗聾耳陳隻耳)，仲竟然走咗入去後面幫手(其實入去吹水，吹水時隻耳突然好返)，後面整野飲果班人出得又慢，成間鋪咁大冇人可以問吓㗎。結果就係你有你呆等，我有我繼續吹水，咁不如你哋唔好打開門口做生意啦，放部自動販賣機喺到好過啦！

上個禮拜去完車公廟求籤之後，就同往年一樣漫步到沙田新城市，中途喺希爾頓寶寶表示非常頸渴，忍唔住要買返杯嘢飲過下口癮先🧋#極品波霸賞奶茶 $24 7/10———————————舖頭有好多款珍奶，問店員 #波霸奶茶 同 #極品波霸賞奶茶 有何分別，店員就話兩者奶底唔同，後者茶味更濃。雖則我一定飲唔出分別，但爭$2就試後者啦😚嗱，$24嚟講真係幾平，而且勁多人排隊🙊珍珠份量都幾多，不過略嫌唔夠軟糯，但未至於硬到接受唔到。茶底比普通嘅濃味我就真係飲唔出，不過叫咗少甜嘅情況下甜度剛好。但有少許麻煩係啲冰打得太碎，好多時都會連埋啲冰飲落口，影響咬珍珠嘅樂趣😣

👍🏻👍🏻👍🏻👍🏻/5分💛賞茶A Nice Gift沙田沙田正街3-9號希爾頓中心3樓37R號舖-蜂蜜703茶🐝雖然呢間飲過好多次但係都唔覺有呢個茶底🤣🤣最鍾意試新嘢🤣ummmm 走左甜所以得蜂蜜都幾match個茶🤣蜂蜜份量啱啱好😁但係個茶底偏淡個蜂蜜搶曬風頭🤣🤣🤣🤣🤣下次都係叫返珍珠奶茶或者芋圓食🤤一日飲一茶😄飲到笑哈哈🤣🤣🤣🤣頓時發現我都post幾多珍珠奶茶既飲品☺️☺️☺️-🚽(5🌟滿分)依家夜晚無堂食所以介紹多d甜品🤣所以沒有🚽喔

由住家住沙田，所以成日都嚟幫襯買嘢飲，平時飲開佢哋嘅珍珠鮮奶茶，大杯抵飲又好飲。▫️最近至發現佢哋原來有賣芋圓仙草凍，所以要試下！我叫左紅豆芋圓仙草凍（$25）加粉粿（$6）。外賣返屋企慢慢嘆。▫️打開都幾大兜，有10粒左右嘅芋圓，底有大量紅豆。仙草滑滑，粉粿幾Q食落似蒟蒻，芋圓幾彈牙食到芋頭味，紅豆好飽滿，煮得好夠綿好粉，整體真係好食，不過我覺得甜左啲，走左花奶但甜度都幾高，如果可以少甜會好好多！▫️哩個價錢哩個質素真係好唔錯，平時糖水舖買一碗都要接近或超過40蚊，但哩度廿幾蚊已有一碗。

賞茶開左好耐都幫襯飲左好耐 加上最近要支持黃色經濟圈就更多時會幫襯不嬲都覺得賞茶嘅野飲ok21-28蚊左右一杯 得一個size大大杯 吾似其他飲品店又再分中同大杯 大杯又賺多係幾蚊 所以通常賞茶飲品一杯飲到好飽茶味夠 最中意飲柚子烏龍茶 無糖 因柚子有甜味配合烏龍茶就啱啱好另外lemon賞紅茶加波霸 微糖都吾錯波霸好好食 今次仲試左波霸芋圓仙草凍 只係$25咋好足料 仙草好滑 而家以$25想食碗芋圓甜品真係吾易 本身以為會得好少芋圓 但食落吾孤寒所以感覺有驚喜

小孩經過賞茶，不約而同地叫買珍珠奶茶系列飲品，眼見人龍長長已經有點不好兆頭，相信要等好耐。但小孩們嚷著媽媽一定要喝，唯有奉承排隊下單。我們從下午2：25開始排隊下單，當時前面只有三至四人，排隊下單不算太耐，但也用了13分鐘。不久，裏面傳出倒瀉奶的聲音，看到廚房地面周圍都是奶，有欠衛生。店員趕忙着清潔又再延誤製作時間，四名店員都是慢條斯理地工作，結果最後等到2：55才製成奶茶！服務實在需要大大改善。離開前，人龍比剛才更加更加之長！！奶酪黑糖奶茶🥤(少冰)：奶酪🧀️味道濃郁，配合奶茶算是配搭得宜，建議冰塊在少量一點便能品嚐奶酪和奶茶之香味。

之前某電信公司個到搶到星期5優惠係賞茶的買一送一 正呀! 我最鐘意飲賞茶~抵呀!!呢間都唔少人~要等5 6個客人先有~~~BTW, 店員都好有禮貌~~~買一送一竟然仲可以簡唔同味道唔似天仁咁樣逼人買同款 又多人到爆次次都要排成半個鐘 好浪費時間太好啦叫左一杯波霸奶茶 一杯波霸奶綠 都係少糖少冰一如以往味道好好 飲得出茶味珍珠無煮得太林 剛剛好!!我都係最愛珍殊奶茶~~同埋$2X 都好大杯  飲得滿足~~

今天經過這間 雖然平日已經很常喝賞茶 但未試過在這間買+想飲 忍唔住買了1杯...飲料容量頗大 沒有分大杯/小杯 $22一杯 在HK算是便宜奶茶很甜 需要少糖珍珠有黑糖甜味 頗大粒 嚼勁70%店舖裝修用心 是不錯的打卡地點...是我喜歡的TW手搖店♡經常回購

食完午餐不忘去飲番杯珍珠奶茶，經過賞茶見到有新款奶茶飲品叫做奶酪波霸黑糖奶茶🥤絕落去奶酪同珍珠一齊入口感覺幾得意，不過好似蓋過黑糖味道，若果你係愛奶之人應該會喜歡的，推介一試＄30

飲珍珠奶茶，唔多唔少都成為許多香港人的日常。因為一個熱潮過了之後，不需要兩、三年，又可以 hit 返。又不斷地出現一些珍珠奶茶的新名字。在沙田希爾頓中心的《賞茶》雖不算新名字，但當日來，總算是該商場的新店吧。要飲，當然是一人一杯珍珠奶茶。他們跟足台灣叫，稱為波霸奶茶。這兒的粉圓夠煙韌，奶茶有香味，而且香得黎不太濃。奶就是一般的有奶味沒有奶香的那一種。總之，這不是差的一杯珍珠奶茶，茶味、奶味同好幾間大型連鎖店的出品差不多。這是一個我同太太都欣賞的品牌之一。

賞茶 (沙田) — 手工芋頭奶綠 （微糖）熱 +波霸 $29剛開始時只有數家分店的賞茶，現在到處也有它的蹤影。開始入冬，早晚天氣也變得很涼，這時便想喝一杯暖烘烘的飲品。•很長情的我每次也只會點同一樣的飲品。-👍 芋頭味與奶茶完全融合，茶香、奶滑、芋香。-😞 明明點了微糖，但仍是很甜，下次要試試點走甜😦。-👎🏼 珍珠數量很多，但煮得太稀爛（太淋）。• 回頭指數：8/10 （如果想喝芋頭奶綠，這是不二之選，但實在甜得有點過份😩）

之前喺鑽石山個間賞茶飲過黑糖奶茶，記得佢仲有一杯黑糖鮮奶，今次起沙田一於試埋佢。早幾日黑糖呢兩杯飲品都寫住因為材料唔夠而停售，白行一趟 今次終於有啦！哩排黑糖真係好hit，越開越多飲品店仲要排勁耐！雖然我都好鍾意黑糖，但係真係唔會想排咁耐。賞茶嘅黑糖飲品就可以過吓癮啦！奶蓋黑糖波霸鮮奶 ($28)佢比我嗰陣幫我搖均勻咗，所以影唔到一開始漸層嘅效果。同黑糖奶茶一樣，黑糖味勁重！因為冇得選擇甜度同埋冰，所以有d甜。珍珠好入味，熟身，幾好食！而且都好多。不過唔知點解覺得黑糖鮮奶同之前飲過杯黑頭奶茶好似差唔多味😂本身expect哩杯奶味勁d~不過作為黑糖飲品，呢個都算好飲，唔似其他好出名嘅店有啲其實係好水或者冇乜黑糖味，而且價錢合理，唔洗排隊。不過哩間仲有好多其他飲品，可以一試：

話說叫咗一杯芝士奶蓋烏龍茶，等左30分鐘都不在話下,飲到落肚第一啖芝士一粒粒未溶晒超級難飲。劣評！從未飲過一杯咁難飲嘅烏龍茶！咁啱講起朋友早兩日有幫襯左佢哋喺奧海城嗰間都係要等25分鐘以上，又係飲咗一啖就掉咗超級垃圾！