賀小月 (已結業)

呢間餐廳嘅前身（好似叫杏花X）曾經係我哋一家嘅指定上海菜食堂，皆因佢嘅酸辣湯好得。其實呢間賀小月開咗之後都嚟過一次，感覺都係一般；今次相隔N個月後再試之後，只覺己經徹底失去再幫襯嘅理由。（事先聲明，小弟對酸辣湯有十分高嘅要求，而今次嘅評分亦主要取決於酸辣湯嘅質素，故對酸辣湯冇興趣嘅朋友可能有另一番體會）晏晝一點幾入到嚟，除咗我哋就只有三四圍枱。坐低之後老闆一號如常揸fit，點嘅亦係啲typical嘅上海菜（醉豬手、酸辣湯、鍋貼、銀絲卷同高力豆沙）。最先上嘅係：然後就係萬眾期待嘅酸辣湯。然而第一口就覺得唔對路——太酸。我同老闆一號試過香港唔少上海舖嘅酸辣湯，所以第一口己經知道出事。不過更令人失望嘅係……正所謂有圖有真相，都係自己睇啦之後上嘅菜：雖然最後三道菜都唔錯，但由於佢哋相對難度比較低（因好多餐廳都整到咁嘅水準），所以對整體分數冇大幫助。服務方面算係唔錯，不過價錢就一啲都唔平，性價比頗低。…查看更多

下午茶時間來吃午飯。以前有很久一段時間這裡也是上海菜館, 轉了手一兩年也未來過,今次倒是順路而已。下午茶時間人也不少, 阿姐卻把我安排到柱位後面坐, 雖然樂得自閉但很難讓阿姐注意到。桌上有個下午茶餐牌, 賣上海菜的店有些什麼吃都心中有數, 都是些蒸餃麵點之類的東西, 想吃得飽一點, 結果點了嫩雞燴麵。黏糊糊的麵湯跟往常吃的燴麵差不多的, 之後卻覺得有點口渴; 麵也是黏答答腍腍的, 雞肉就有小小的幾顆, 反而是菜粒比較多。埋單$33, 不算便宜, 也沒有什麼再來的動機。…查看更多

同bf經過英皇道, 唔想食茶餐廳, 見呢間上海菜館冇咩人, 就入去試一試.同平時一樣, 都係叫d standard菜, 一共點左４樣野：小籠飽 (4件) - 皮好簿, 熱辣辣, 好好食, 同翡翠果D有得FLIGHT:)鍋貼(4件) - OK喇:)　砂鍋雲吞雞(例牌) – 味道唔差啖啖面 - 太過辣, 冇左面既味道:(埋單$186兩個人, $200以上先碌得CREDIT CARD.…查看更多

呢間野前身成日拍烏蠅..最近見到幾多人去食..諗住去試下加慶祝父親節啦一去到..企係度等..見到個收銀好似唔知自己做緊咩咁已經有D睇唔過眼...等左10分鐘終於有位..好想食小籠包...粗炒同炒年糕..點知叫菜時..個呀姐話乜炒野都冇WOR!甜品要夜D先有..有冇搞錯!明知大時大節..迫人食小菜?!得返D3鮮炒粗/年糕...聽到都火起啦....!!我黎食都係為左食呢D架姐...個呀姐態度仲要勁差..好似做唔做你生意都得..最後叫左小籠包.煎餃,蔥油餅同砂鍋雲吞雞係就係幾好食既....小籠包 :: 皮薄OK多汁煎餃 :: 好燶個底蔥油餅 ::好香口.雲吞雞 :: 個湯入味..雞都幾嫩但一肚氣咁食幾好食都係假囉..仲要俾茶芥同加一受夠!!好食都唔會再黎!!…查看更多

今日等埋細佬收工就一齊去食晚飯, 細佬話食上海菜, 無問題呀, 我哋去咗北角英皇道的賀小月, 呢間係新開的, 食評一般, 不過都想去試吓. 門面細細一入去有兩層, 我哋上咗樓上坐看餐牌有套餐, 但唔係好啱我哋食, 我哋五個人叫咗八個菜一個甜品都係$478, 仲平過套餐, 又可以選自己喜愛的, 所以放棄了叫餐.晚上係無客飯的.雪菜肉絲炒年糕上枱時覺得白色好清, 諗住都唔多好食, 點知食茖至覺得一流, 味道好, 年糕質地仲好正蝦子豆腐好滑, 蝦子係邊??????????係個汁度囉, 個汁都做得好味架. 不過呢個菜五十幾貴咗d啦小蘢包好多湯汁架, good醉雞超勁酒味, 食唔到雞味架酸辣湯係例牌, 都好夠我哋飲, 味道夠濃, 唔錯:)賀小月炒飯炒得幾乾身, 我就覺得味道剛好, 但細佬就覺得淡咗d啦, 要加豉油:)細佬愛炸物, 我哋叫咗兩條銀絲卷, 我就試咗一件仔炸銀絲卷生煎包都唔錯, 好味:)豆沙鍋餅, 又係炸嘢, 我都係試一口, 都ok架總結都唔錯, 價錢唔係好抵食, 但好味可以再試…查看更多

同女友落街搵食，經過見到開左間新嘅上海菜。眼見門口大大張貼左某雜誌嘅報導，寫住「北角卧虎藏龍上海菜」！膽粗粗入去試下…點知一試就出事…兩個人，點左４樣野醉雞（例）　—　完全唔入味，酒還酒，雞還雞…當然雞都係冇雞味…酸辣湯（例）　—　用料一般，酸味唔覺有，辣味…飲得出係白胡椒粉嘅味…香味更加唔好講小籠包（４隻）　—　賣相一睇就知唔係皮薄，未食之前仲有少少希望佢係餡靚…點知…一入口…我嘅味蕾話我知呢種味好熟悉…係同喺超市買返黎蒸幾分鐘有得食嗰種小籠包係一樣味！！！津白肉絲炒年糕　－　今次個味終於岩！可惜係年糕冇咬口…兩個人連加一茶芥＄２２１總括黎講係唔抵食、唔好食、唔會再去…真想反問那雜誌編輯…這裡卧的是甚麼虎…藏的又是甚麼龍……查看更多

記得早幾年當我和家人仍在灣仔居住的時候，最常光顧的兩間上海菜館，其中一間是「上海三六九」，而另一間就是「上海一品香」，老公更對那裡相宜的客飯，情有獨鍾，不過自從舉家遷離故居後，已有好一段時間沒上過上海館子。今天中午，與幾個同事相約一起午膳，醒起北角琴行街轉角位置，原本有間老牌上海菜館叫「桂花村」，但近日已被另一間滬菜飯店叫「賀小月」取代了，反正大家還沒來過，倒也不介意試試這兒的出品。我們約於中午十二點半到達，可能由於時間尚早，內裡客人並不算多。先環顧一吓四周，發現原來店裡曾被徹底翻身過，雖然館子仍保留著「桂花村」原有的間格，但椅桌擺設得較為時尚，內裡更設有多張 2 至 4 人卡座，在華麗吊燈的掩影下，令裝潢看來更顯鮮明。聽店員講，原來店內的廚師班底大部份均為上手菜館的點心師傅，無怪乎菜牌內的菜式大多以傳統上海點心和小菜為主打。這裡客飯類的款式甚多，每份都包白飯兩碗，另奉送例湯。侍者先放下的青紅蘿蔔煲豬骨湯，喝得出是花過工夫去熬煮的，青蘿蔔的微澀、紅蘿蔔的甘甜，豬骨的濃味全都溶進湯水裡，喝來清中帶甜，更絲毫不覺有味精成份。以客飯中的兩碗白飯換成菜飯，原來只得一碗，而且還要另加 $6，索價略貴，不過份量也著實不少，飯粒入口乾身分明，只稍嫌味道過淡，白菜份量偏少，更欠了點點油香。至於我們揀的兩款客飯餸菜，其中銀芽三絲 ($32)，除芽菜外，材料還包括有火腿絲、蛋絲和冬菇絲。其實上海菜一向予人的印象是油份極多，不過這碟銀芽三絲吃來甚為清淡，油量下得極為克制，雪白的銀芽，食落夠曬爽口，毫無油膩感，唯一可惜是三絲味道略淡，炒得唔夠香口惹味。另一款回鍋肉客飯 ($30) 以切片五花腩和椰菜為主，碟底油量勁豐厚，菜面油光四射，入口汁醬味道頗為濃郁，無論肉、菜和汁吃來都帶著點點辣味，充份表現出那種滬式菜餚的濃油赤醬，用來下飯確實不錯，味道一流。不過唔知點解，碟裡好像完全找不到筍片，記得學生時代曾到黃山旅遊，那兒吃到的回鍋肉，內裡燴入了爽脆的鮮筍片，口感簡值一流。同事想吃點濕麵條，點了碗上海湯幼麵 ($30)，碗麵份量非常之大，湯底顏色頗深，內裡材料包括有椰菜、小白菜、肉絲和冬菇絲。不過廚子在烹煮麵條的時間上，相信拿揑的不太準繩，麵身吃來柔韌性很低，入口還有點過淋，加上以醬油湯底配上有輕微鹼水味的麵條，整體味道實屬一般。聞說上海南翔鎮的小籠包，形態小巧玲瓏，外皮呈半透明狀，而且內裡肉餡味道鮮美，因而享負盛名。至於這裡一客 4 隻的南翔小籠包 ($24) 個子不大，外皮入口有點過厚，內裡肉餡過少，肉質吃來雖然仍算鬆軟，但湯汁鮮甜度不高，當然吃不出皮薄、汁鮮、肉嫩、餡豐的效果。 這裡的生煎鍋貼 ($24)，同樣一客 4 隻，鍋貼的外皮看來比起小籠包還要厚，賣相毫不精緻，而且外形相當堅挺，平實得來又有點老土。不過由於底部煎得十分香脆，所以入口脆中帶韌，口感頗為特別。至於內裡肉餡，份量雖然亦不算多，但伴著脆卜卜的外皮和較豐富的湯汁同吃，味道也算鹹香鮮甜。聽聞上海人很重視用餐的完整性，每餐均以甜品作終結，方算圓滿，所以我們亦有樣學樣，點了份豆沙鍋餅 ($32) 作飯後甜點。這裡的豆沙鍋餅，賣相不俗，外皮酥香鬆脆，內裡熱辣辣的豆沙餡料，味道香甜軟糯，綿密得來又有層次，入口更沒有死甜，吃來不油不膩，表現很棒。這裡午市免收加一服務費，不過茶芥每位 $3，而外賣盒錢，則要另加 $1。至於晚市，除茶芥每位 $4 外，泡菜亦另收取 $3。想起老公也很久沒有吃過客飯，下班後再來給他買了一份菜心獅子頭客飯 ($34 + $1)。據說獅子頭是中國江蘇省淮揚菜系中的一道傳統菜，以六成肥肉和四成瘦肉加上蔥、薑、雞蛋等配料做成肉丸，入口肥而不膩，清蒸或紅燒皆宜。至於這裡的獅子頭，賣相睇落似模似樣，大小彷如一顆小拳頭般飽滿，不過可能肉球混入的瘦肉比例較多，所以咬落肉質偏嚡，肉汁欠奉，幸好汁料味道還算調校得宜，整體也算不過不失。…查看更多

是日人日，適逢放假，見小伙子還未放完春節假期，約他上館子，附近的食肆我們大都吃過，未吃過而又想吃的，祇有這間吃上海菜的「賀小月」。「賀小月」祇開了數月，原址的前身叫「桂花村」，同樣是吃上海菜的，上次光顧時，小妮子還在牙牙學語，現在她已上大學了。現今這館子，不知是易手，還是趁裝修改名換姓，不得而知，吃個午餐倒不用去想太多。為了避開午市人潮，選在十二時入座，有卡座數張，侍應招呼我們去卡座，也許我太胖，感覺卡座很迫夾。這裏沒有甚麼大餐牌，食物的種類統統都印在一張紙上，另有二人套餐，賣二百餘元，兩仔爺吃個午餐，點兩個客飯便算。價目方面，客飯收三、四十，共有三十二款，我點了炒鱔糊 $42 和紅燒黃魚客飯 $35，奉送例湯和白飯兩碗，加六元白飯可轉菜飯，先送來一碗例湯，約兩人份量，紅蘿蔔粟米煲豬骨，清甜兼有些陳皮味，湯中還有些南北杏，相當足料。炒鱔糊切得頗粗，連銀芽同炒，濃油赤醬，盡顯滬派本色，唯個人每次吃這菜皆牛趙牡丹，吃不出黃鱔之鮮味。紅燒黃魚，約有半條份量，炸過的小黃魚，與蒜子粒，雜菰，薑蔥等同煮，醬汁濃，魚肉一般，不及以前在別家吃過的椒鹽小黃魚般美味，而且古月粉味太重。臨近繁忙午市，客人也愈來愈多，我們也趕快讓出座位給其他客人，午市無加一，茶錢三元一位。收費不算貴，在這區應有競爭力，我們也會再來。…查看更多