貳號冰室 (怡東商場)

营业中

休息中

呢個品牌越開越多間真係唔知他們有咩大計上環嗰間分店食過幾好食尤其是咖喱豬扒嗰日經過呢度諗住試吓唔同嘅嘢點知發現真係麻麻哋不過我覺得呢度唔係好貴嗰日叫咗個麵餐焗飯，炸髀飯冇樣嘢得個麵上枱賣相好食落發現裏面完全唔得焗飯合格炸髀冇乜特別好在冇油益味我估呢度穩陣啲，應該食咖喱服務方面：伙記選擇性招呼其他冇乜特別嘢好講為着吃飯來吃飯嘅朋友應該唔會覺得有問題😅

服務態度差爆，只是買個麵包，叫左十幾聲唔咳都冇回應，當有回應就是叫你等等，我話等左好耐，回應是都未夠5分鐘點數耐。跟住啲語氣態度勁差，以後都不會幫襯這些鋪頭。。

和同事一起去吃午餐，因為素食原因，只好order 茄蓉什菜炒意粉，上次食羅漢齋炒麵都算一般，今次試吓另一款＇點知出到嚟，好似餵豬食嘅嘢出嚟，除咗商品說明條例之外，見到都食唔落，唔知似炆意粉定係湯意粉，仲要收$62單點，不包飲品，味道只有鹽味，喊到要飲水，廚房簡直幫老闆倒米，隔離落單又整錯嘢🤪除非食指定午餐餐牌上嘅食物，就好快出餐，否則就食到谷氣，以後都唔會再去銅鑼灣最差嘅茶餐廳，其他都唔會係咁，太離譜😡

食左兩次，尋日去到一肚火！！！落單掛住吹水，我要重覆講左4 次先落到單，叫個常餐A ,黎到變左B ,完全唔同既野，另一個唔男唔女既伙記問都無問直接將我跌左落檯既面包放上我切開晒既豬扒上面，想直接收走，個碟仲有一半豬扒未食！我問佢做咩，佢話以為我唔要，咩料，咁大塊未食，都可以問都唔問，我連嘈都廢事同佢嘈，成班同事成檯呆左….以後都唔會再去，好嚇人既customer service!!! 又唔係特好食，或者揸食😡

特登開ac嚟寫呢個評語！本身見有新餐廳諗住試吓，當時推住bb車，而本人大住肚，職員叫我哋上樓上坐，我哋話可唔可以等樓下嘅枱，然後職員語氣極差話「收車行上去咪得囉！」我哋表示樓下會比較方便，然後職員比剛才語氣更差話「無呀無呀！下次先嚟啦！」Sorry，以後都唔會嚟！

未試過寫茶記食評嘅我 今日真係被驚訝到 ！！！喺茶記食餐蛋治食得多 驚艷到我嘅真係第一次哦 🕵🏻‍♀️🕵🏻‍♀️ 一攞到上手---先講個外表 個蛋煎得好靚 有玉子燒嘅視覺 而且餐肉都厚身比起一般嘅茶記⭕⭕ 打開外賣盒已經香噴噴 夠熱 食咗一啖之後 wow！ 個蛋煎得好滑唔係鞋十十的 有種介乎玉子燒銅蒸蛋嘅口感？ 揸上手會有好滿足手感 唔似出面其他茶記嗰啲薄英英好似食a4紙咁 有冇人明😂😂總括嚟講 讚 絕對會encore！！！

銅鑼灣係邊食lunch 都係貴，閒閒地都5-60蚊，呢間都唔例外，平均$6x一個餐，包餐湯包野飲，今日嗌阻個鮮茄焗豬扒意粉，茄汁底唔會好酸，豬扒大塊厚身，面頭好多芝士，不過冇乜芝士味，呢個份量不過不失啦～

銅鑼灣四處都係茶記，今次行完SOGO就決定去貳號冰室坐坐食個午餐。入到去地下一層無晒位，估唔到原來餐廳仲有上一層，上層雖然位置唔多，裝修佈置都幾舒服，特別係牆身嘅設計。午餐有5款選擇，價錢分別由$57-$62，包餐湯及餐飲。我叫咗鰻魚雞扒意粉跟羅宋湯。意粉份量好少，食完都唔夠飽。雞扒好juicy，肉質新鮮，size颇大。鰻魚size細過小朋友手掌，味道可以，如大塊少少會更好。羅宋湯味道好啖，不推介。

今日下午，銅鑼灣世貿廣場做facial ，由於時間緊迫，於是選擇了附近的港式茶餐廳🍴，貪佢快丶靚、正😄簡簡單單點了鮮茄炒蛋牛肉飯套餐$58，出餐快，鮮牛大大片，份量非常多，味道酸酸甜甜，非常開胃。配上一杯熱杏霜暖笠笠！最適合凍冰冰嘅天氣。以這個價錢，食物質數和份量，實在抵食。

收工是但搵間餐廳食飯見呢間好似新開就入去試吓嗌咗個晚市套餐，老乾媽回鍋肉夠辣到惹味！啲回鍋肉肥瘦分明，夠爽口！！！！跟餐送嘅中湯就茶餐廳水準啦不過不失杯凍奶茶就唔錯茶味夠香可以做長期食堂

其實我都好少會畀差評， 明明美好的一天，被餐廳員工，破壞的心情🙈真係好差💔， 因為知道今日工作會特別忙， 喺呢啲時候更加想食一個早餐， 希望有一個好嘅開始， 點知。。。早餐B想轉米粉配熱檸蜜, 姐姐如常落單, 但收到單時發覺早餐B冇轉米粉， 細問之下原來早餐不能轉其粉麵 (一般餐廳都可以， 餐牌及員工沒有說明)， 其實冇得轉,唔係問題只要講聲就可以， 因為唔想食麵嘅關係所以直接轉A餐，都係配熱🍋檸蜜, 姐姐送餐後才說， 熱檸蜜要加十蚊， 這一點令我非常不滿， 餐牌列明送熱飲 ， 如有其他不包括在餐牌內應寫明或下單時告知， 而不是送餐後才告知， 由一入餐廳開始事事不順， 希望餐廳能夠有改善, 只希望簡簡單單食野, 姐姐唔會令客人心情不佳就好好， 其實少少事做好啲就得😑

每朝經過都見到好多人排隊買早餐🍞今朝時間比較充裕，所以就同朋友入去食一個早餐先返工。冰室設計新穎，採用明亮色調，光光猛猛。卡位闊落，坐得舒服。🐮沙嗲牛肉麵配炒蛋，牛油餐包及熱奶茶（$39）每次去到一間未食過嘅茶餐廳，我都必定會點沙嗲牛肉公仔麵嚟試吓。沙嗲牛肉麵嘅好好與壞，就會斷定我下次會唔會再返轉頭幫襯。貳號冰室嘅沙嗲味濃，兼有少許花生粒感，牛肉無筋，公仔麵爽口，三樣重要原素有齊，合晒我心意😋 奶茶奶味足夠，略嫌茶味比較淡。🍜雪菜肉絲米粉配煎雙蛋，牛油餐包及凍奶茶（$39，凍飲+$3）朋友將煎雙蛋改成炒蛋，炒蛋嘅蛋味濃郁，而且嫩滑。雪菜唔會過咸，肉絲亦柔軟，米粉稍為腍身。

呢度其實經常見到好多人排隊！應該都裏面有好多特色嘢食， 杯冰鎮奶茶真係唔錯！仲有雪糕西多士呀！超級好食😋小朋友至愛～樣貌好靚！即叫即整，熱騰騰！夠晒新鮮！無得頂呀

行開銅鑼灣開完會，同事想食下午茶～其中一個推薦貳號話下午茶ok~見到下午茶款式同一般冰室差不多～最吸引的是雪糕西多士，流曬口水，不過因為唔可以食凍野無叫到。最後我叫左豬扒包，上檯時有少少失望，圖片是薯角，上檯只有零星的薯條，還要是炸過頭的😅😅😅😅要注意豬扒是帶骨的，食時小心，唔好咬到牙🥲🥲🥲味道就不過不失，生菜大大塊，中和左食包的滯感🤣🤣🤣同檯叫左炸雞腿，也是一般冰室水準，無特別驚喜，$44的雞脾餐可以有更多選擇。最後推薦去食貳號的同事是食菠蘿油，可能係貳號冰室茶餐最好的選擇，哈哈！！同等價值的茶餐，在銅鑼灣有很多選擇，唯一可取的是，不用等位😂😂😂

銅鑼灣又有新茶餐廳插旗「貳號冰室」這間冰室早已落戶在其他區，但我還是首次幫襯。而佢最吸睛絕對是包餅櫃，包餅種類不少，當然系大路野，菠蘿包、鷄尾包、蛋撻之類，但對我而言已經絕對夠吸引力。冰室面積不大，卡位排得密密麻麻，光猛又乾淨、伙記都係快手快腳型。熱央$20 茶味較為單薄，茶香不足，幸好也平衡到咖啡味，不過苦，奶香也略有不足，口感未算滑。菠蘿紅豆包$10堂食比外賣貴$2但仍然算扺食，麵包比九龍冰室細1/4。菠蘿皮夠脆但欠酥香，紅豆餡乾到一個點，水準較低，價錢比其他茶餐廳平但唔太好味。