貢茶 (已結業)

見D人係咁話貢茶D野飲好飲,我見今日唔係太多人排隊,所以買左杯香芋奶茶同BF SHARE加多左珍珠要$2要半糖覺得岩岩好,因為要左少冰,所以一開始飲第一啖係熱熱地既後尾就好D LA,都夠凍杯野好大杯,我地BF2個都飲唔曬,飲左7成已經勁飽$14好抵飲,如果細杯D就好LA

唔知點解朋友們喜歡挑戰 唔嗌出名的...一個嗌左梅子綠茶話因為有皇牌點知我一飲.. 嘩!! 好奇怪!!!!!!!!!!!!!!我頂唔順 因為好怪 唔識形容太勁喇陣梅子味好唔夾 另一朋友嗌了葡萄柚綠茶反而更加好淡淡的葡萄柚味再加上茶味好match 恰到好處!!

第一次喝就選了招牌的奶蓋綠茶試試總店人太多就去新之城對面的分店那裡在櫃檯放有一盒紙巾給顧客很貼心咸咸的奶蓋加上清新的綠茶的確不錯攪拌後再喝也能喝到茶的味道冰的份量也剛剛好喝完的時候沒有冰還沒溶化我有時候喝奶茶會感到胃部不適但這杯整杯喝下去都沒事只是喝得太急的話有點膩下次會叫珍珠奶茶和同區主要對手比較一下

近來都聽到佢個大名知道佢出名奶蓋飲品但結果我都係揀左珍珠奶茶去完台灣之後好鍾意飲哈但係香港的珍珠奶茶真係冇台灣既好飲!依度既珍珠奶茶好大杯 d茶我覺得可以濃味d珍珠好多 但珍珠本身冇味 冇台灣果d咁講究有甜味/"\飲到我好飽.........

等左成20分鐘先買到野飲, 係舊舖都唔駛等咁耐. 都係叫番珍珠奶茶, 台灣人同我講, 其實每間珍珠奶茶店既好壞分別只在於d珍珠夠唔夠Q. 因為奶茶既品質基本上間間都差唔多. 但係我今日就飲到低品質既奶茶. 入口既時候只有奶味, 飲唔到茶味. 同總店嗰間差好遠~~~下次都係去番總店到先好買!

見人少少，又買杯奶蓋烏龍荼加珍珠試下奶蓋咸咸的確很特別，加上不太甜的烏龍茶，一絕！不過飲到最後真的很漏珍珠煙煙un un ，加$2有成三份一杯十分抵$14一大杯，飲完後飽到上心口，應是盛夏的消暑佳品！

自從貢茶出現後, W和我再無幫趁過輕鬆飲了, 與其飲輕鬆飲毫無茶味的珍珠奶茶, 不如轉投貢茶吧! 星期日飲完茶後想飲珍珠奶茶, W說想和我SHARE一杯半糖($12), 遠道而來的亞姨要了杯柑橘檸檬/少甜($12), 家姐要了熱桂圓紅棗奶茶/微糖($15), 買了飛等了十分鐘左右, 飲品到手了~比起家樂分店初開張的時候效率快了不少~我試一下半糖的珍珠奶茶, 半糖更能突出茶香, 我還是喜愛多茶少奶~ 正想走時家姐發現了她的熱桂圓紅棗奶茶沒有落奶變成了桂圓紅棗茶, 杯上的貼紙明明寫住"奶茶", 我拎返去換時發現桂圓紅棗奶茶要比桂圓紅棗茶貴三蚊, 奶還真的不便宜, 只是換了奶茶後那杯自稱微糖的奶茶竟比我和W那杯半糖奶茶甜上很多倍, 家姐說味道還OK, 只是太甜了, 亞姨的少糖柑橘檸檬也是太甜了, 只有我和W的半糖珍珠奶茶維持水準, 難道水吧位的姐姐返工在發夢嗎? 頻頻出錯! 下次再來還是再幫趁珍珠奶茶吧, 最熱門的飲品應該是最有保證的!

聽聞要排好耐先有得飲.....可能落雨既關係...無咩人排隊...order 完無耐就有得拎...叫o左好評如潮ge奶蓋綠茶...........奶蓋好特別...咸咸的........滑滑的........好似cream 咁....綠茶好有茶味....唔會死甜無茶味..good!!!!!mix 埋都唔錯.......飲完好飽.....好抵

首先，你會被街上一個個拿著一支支大杯茶所吸引；接著，你會被店前人群所吸引，一個個手握白票，急不及待地取杯而去；跟著，你會被價錢牌嚇一跳，掏錢包，試一試；最後，你會明白為何大家都願意在悶熱下久等，因為－－奶滑．多珠．清涼．大杯．超值！一杯珍珠奶茶可以令我肚飽，下次還是要少甜版的珍珠烏龍茶"保險"一點～～台灣飲品橫掃香港並不是甚麼稀奇事，近年價格亦保持十幾大元的較低水平（vs 樓上咖啡廳／各式茶餐廳）．貢茶以份量大．用料足．價錢低打入香港市場，便捷報捷～即使往後升至十五二十水平，依然會有不少棒場客吧...？

知道貢茶近排好受歡迎, 琴日行街難得一遇, 就去試下啦!眼見都好多人排隊, 但人龍都唔及油ma地個間, 所以都願意去排下既!呢間好快手呀! 唔洗5分鍾就可以等到啦!如果等得耐, 個到都幾辛苦呀, 人又多車又多!我地叫左杯最傳統既珍珠奶茶($12), 大大杯, 好抵飲!d 珍珠超多, 我諗有大半杯呀! 最鍾意食珍珠既我,更係勁鍾意啦!!d 奶茶唔太甜, 好岩我!! 不過再凍d 會仲好!下次會想去買下佢地出名既"奶蓋"飲~~~

買了奶蓋紅茶加珍珠 ($12 + $2)。珍珠多到不得了，佔了全杯的1/3。雖然係加錢要啫，都唔洗俾咁多掛！真係多到每啜一啖都有五、六粒珍珠同時湧入口中。多到後尾似齋食珍珠多過飲茶。以後都不會再加珍珠了，只係多到怕怕！茶只佔了全杯的1/3，而另外的1/3就是奶蓋。依說明先喝一口。奶泡幼滑細密，茶味亦很香濃。隨後將管插入。飲到一啖茶中夾雜了茶味同奶泡的咸味，幾特別。只可惜茶的份量真是太少，好快就飲晒，之後飲的就是杰杰的奶泡，好漏！

夏日炎炎,當然要飲番杯冰涷解渴飲品所以一連三日中午時份,吃飽飯也要走到"貢茶"幫襯,首兩天分別是台農奶茶,仙草奶涷,味道真係好好飲,有茶味,有奶味,超好味. 但昨天再encore,叫了一杯仙草奶涷,但可惜味道一反常態,水準未能保持,好似奶水一樣. 心情當然.雖然價錢真是很平,但水準一定要保持得好. 先至清得上平、靚、正.

見到招牌貨, 本來覺得綠茶加奶好似怪怪地, 但都諗住一試無訪, 杯野飲好大杯, 而且成杯包裝都唔錯, 個杯比一般外賣杯硬淨, 又有時間標籤, 飲管又係獨立包裝, 飲得十分放心, 先講杯野, 面頭一層奶忌廉, 下面是綠茶, 首先淨飲下啲奶, 好香奶味, 再飲一下綠茶, 幾過隱, 但切記要即買即飲, 否則, 啲奶同綠茶會混成一杯, 飲唔到佢嘅特色, 會變為一杯普通奶茶, 我現在也經常買黎飲, 唔飲一陣, 個心梗係囉囉攣,而家啲天氣咁熱, 多得呢啲飲品店幫我解暑, 真係唔該晒, 唔係中暑都有份

見貢茶係旺中附近開左分店,唔駛行到落登打士街,專程去試下呢間人氣爆哂燈既飲品店此行叫左招牌奶蓋烏龍茶,等左幾分鐘就有,效率都幾高按指示,先飲奶蓋,頗為香濃,似似地泡沫咖啡既奶泡再飲烏龍茶,飲落口,茶香但較甜,因為諗住係唔甜,少甜會比較好最後拌勻飲,飲飲下覺得有d"漏",2個人share 一杯都覺得"漏"$12大大杯都幾抵,下次唔會叫奶蓋烏龍茶因為好"漏"茶始於係解渴其中一樣最好既飲料,係行街行到口乾既好選擇,唔駛次次都珍珠奶茶,相信此乃貢茶成功之處

上個sunday行過旺中見無咩人等所以買左奶蓋烏龍茶奶奶蓋一樣好味, 烏龍茶易入口, 男友話好味過綠茶keep到水準今日再飲奶蓋烏龍茶,食左奶蓋開始飲烏龍茶,今次唔知做咩d烏龍茶好澀呀, 要勁搞先飲到水準唔夠平均而且d奶蓋好似少過上次