貓喵堡 (已結業)

昨日去呢間貓cafe，雖然是比較隱蔽難找，要上二樓又盛，不過真係好值得去。首先，去貓cafe的話，貓當然是重點之一啦。呢間貓cafe唔單止有大貓，我去的今次還有年輕的貓。無論大貓定細貓都好可愛，各自有自己性格。而且，店內環境採光充足，雖然係細店，但睇落唔覺太逼，似乎對於人或貓來說都係舒適的環境。另外，店內會提供逗貓棒，讓客人可以與貓貓玩。我昨日去的時候，有年輕人聚會坐一檯，也有大人帶小朋友來，甚至還會有熟客專誠自帶貓美食給貓貓食。而自己與貓互動有些阻礙時，店員還會提醒哪一隻貓叫甚麼名字，性格如何，會唔會接受摸佢等，店員的服務態度超好。除此之外，店內食物也別出心裁，有著溏心蛋的滷肉飯還會設計成貓臉的形狀，用的碟也有貓貓圖案，可見有店家小心思。總體而言，無論環境氣氛，食物，貓，服務態度等都屬高分。而且，店內都有貼出鼓勵領養的告示，很有愛心。當然要支持。

支持左呢一間小店好耐，睇住佢哋由舊鋪搬咗過嚟，環境大左又舒服左，貓貓都活潑左🥰每次嚟到都會有期間限定嘅蛋糕🍰一定會叫一款來試。今次試吓藍莓芝士餅，無得輸！喺呢度除咗食之餘，人情味係最濃嘅！老闆們好有愛心💗，經常會帶一啲無家可歸嘅小貓嚟暫住，所以我同朋友間唔中都會嚟探望一下啲小貓架🐈介紹一下喜歡望街街的春卷🐱

今日就黎左呢間貓貓cafe。想講佢個位置都幾隱蔽，而入口個鐵閘我係完全吾識㩒。都係亂咁㩒，然後個鐵閘就開左啦。😂再上到去2樓，老闆娘（應該係，除非吾係）一開門，就有4、5隻貓同時望住我，嚇親寶寶了。🙈然後我傻左咁企左個門口前，搞到老闆娘叫我快D入去，廢事走貓。😂所以寫左呢個食評支持下貓貓同類。😹兩樣野係無因果關係既。入左店門，老闆娘會首先幫你度左體溫，然後主動唧搓手液落你手。都欣賞佢地對衛生把關做得吾錯。👍🏻同埋因為我提出話自己有腳臭，所以老闆娘好貼心咁比左對拖鞋我着。😂而且老闆娘比我着之前，都有立即幫對拖鞋消毒既。同埋都會主動提供Wi-Fi 密碼比我，非常之好客。講番食物，我覺得個貓喵堡滷肉飯（$78）吾差既。個飯入面有落到紅米同燕麥，都幾健康。而且仲會砌到成個貓貓既形狀，見到有貓耳呀！非常用心！而碗底都會有貓貓既圖案。🙈個溏心蛋我最like，最入面果層有流心，食落嫩滑到不得了。而且滷肉幾特別，個滷味會偏甜D既，不過就吾係用碎肉既。蔬菜就普通水煮蔬菜，但就吾會係淋既菜。我覺得個價錢有少貴，同埋我食完未算話好飽。另外，我見D cheese cake望落都吾差，所以大家可以叫下小食同甜品

貓喵堡搬咗新舖，同樣喺尖沙咀，依家喺海防道，更方便行完街街上嚟hea吓同4大堡長玩吓。海防道新舖一樣咁舒適，更出色嘅係有大大嘅窗，望住對面嘅九龍公園，有綠色嘅樹，對喺cafe住嘅貓貓嚟講，係非常開心的。食物方面，貓喵堡一向都keep到水準，本人最愛玉子燒，tea time過嚟食不二之選。其他食物都好好味，午市套餐每個星期都會換口味，試過「咖哩薯仔牛尾飯」，牛尾入味又夠淋，咖哩辣味啱啱好；仲有「家鄉臘味飯」，煙煙韌韌，仲有好多臘腸，純對適合近排凍凍地嘅天氣。貓喵堡依家不定期都會有蛋糕呀！仲要係Cheesecake呀！不過由於係homemade，所以每次上嚟都可能有驚喜，今次試咗New York Cheesecake ，creamy又唔太甜，聽老闆娘講，偶爾會有生酮蛋糕或者用稀少糖整嘅蛋糕添！數量有限，要睇吓閣下同蛋糕嘅緣份啦。四大堡長真係好得意呀！有時仲有啲待領養嘅貓B，等有緣人嚟收編。一邊食嘢一邊玩貓一邊吹水，夫復何求。

話說哩間貓cafe我一直都支持，除咗佢支持領養不棄養，同相關機構合作，不定時有流浪貓及棄貓寄養係cafe等人領養外，佢食物水準係令我一直支持嘅原因，咁佢地食物水準係去到我帶啲對貓無乜好感嘅朋友去都唔驚俾人鬧嘅，無味精又做得好味直頭俾朋友讚啦。咁佢搬咗當然睇下環境同食物有無變啦，說實話環境的確無舊店咁方便走動，啲位密集咗可以坐多啲客，地台個位會係我最愛，可以自成一角咁揀其中一邊，所以你想坐得private啲就計算一下時間爭位坐啦～食物方面我一向推薦其中有芝土蟹棒玉子燒（嗰日就無叫到）要求唔好全熟嗰種口感soft啲味道好rich，另外煙三文魚牛油果吐司，三文魚同牛油果唔使錢咁，而且佢地好識揀牛油果，次次食都係靚牛油果，另外必食嘅係慢煮磨菇汁牛柳意粉，慢煮啲牛肉質一定ok唔使講，磨菇汁係佢地自己煮意粉又有口感，哩幾樣嘢真係去到未睇餐牌就叫得。不過今次特別講下兩樣甜品，每逢秋冬會有嘅圓肉杞子燉雪梨，我同朋友第一次食，估唔到嗰種甜唔會感覺好混濁，清清甜甜好滋潤嘅感覺，第一次就有咁好嘅感受。另外，佢地終於有返多嗰甜品，而且仲要係蛋糕呀！我嗰日試咗咸蛋芝士蛋糕，唔會過甜又保存到咸香味。佢地嘅蛋糕係無